សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ គម្រោងសាងសង់សំណង់របស់អ្នកអភិវឌ្ឍន៍នៅក្នុងស្រុកដំណើការល្អទៅមុខ បានជំរុញឱ្យទំហំនៃចំណាយថវិការបស់កម្ពុជា លើការនាំចូលដែក និងដែកថែបពីក្រៅប្រទេសសម្រាប់ផ្គត់ផ្គង់នៅក្នុងវិស័យនេះមានការកើនឡើងគួរឱ្យកត់សម្គាល់។
យោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជាបានឱ្យដឹងថា តាមរយៈគម្រោងសាងសង់សំណង់របស់អ្នកអភិវឌ្ឍន៍នៅក្នុងស្រុក កម្ពុជាបានចំណាយថវិកាជាង ២៤ លានដុល្លារទៅលើការនាំចូលដែក និងដែកថែបក្នុងរយៈពេល ៨ខែ ឆ្នាំ២០២២ ពោល កើនឡើង ២០ ភាគរយបើធៀបរយៈពេលដូចគ្នាឆ្នាំ២០២១។
របាយការណ៍នេះ ត្រូវបានកត់ត្រា ពីខែមករា-ខែសីហា ឆ្នាំ ២០២២ ដោយបង្ហាញឱ្យឃើញថា ការនាំចូលដែក និងដែកថែបពីក្រៅប្រទេសមកកម្ពុជាមានតម្លៃសរុប ២៤៤,៧៥ លានដុល្លារ កើន ២០ ភាគរយបើធៀបរយៈពេលដូចគ្នានៃឆ្នាំ២០២១ ដែលមាន ២០៤,០២ លានដុល្លារ ដែលស្មើប្រមាណ ១,១ភាគរយនៃទឹកប្រាក់ដែលកម្ពុជាចំណាយលើការនាំចូលទំនិញពីក្រៅប្រទេសដែលមាន ២១ ៧៦៤,០២លានដុល្លារ។
របាយការណ៍នេះបន្តថា ដោយឡែក នៅក្នុង ក្នុងខែសីហា ឆ្នាំ២០២២ ទឹកប្រាក់នាំចូលដែក-ដែកថែប កើនជាង ១៨ ភាគរយធៀបខែសីហា កាលពីឆ្នាំ២០២១ ។ អ្នកជំនាញនៃសមាគមអ្នកសាងសង់កម្ពុជា លោក ជីវ ស៊ីវផេង បានឱ្យដឹងថា ចំនួនទឹកប្រាក់នាំចូលដែក និងដែកថែប ក្នុងរយៈពេល ៨ខែខាងលើកើនឡើងដោយសារមានគម្រោងវិនិយោគដែលមានម្ចាស់ជាអ្នកនៅក្នុងស្រុក ជាពិសេស សំណង់លំនៅឋាននៅក្នុងស្រុកបន្តរីកចម្រើន និងកំពុងវិវឌ្ឍទៅមុខល្អ ។
ទោះជាយ៉ាងនេះក្តី លោកបានមើលឃើញពីសកម្មភាពសាងសង់នៅតាមការដ្ឋានមួយចំនួនថយចុះនៅពេលនេះ ក៏ដោយសារតែរដ្ឋាភិបាលធ្វើការរឹតបន្តឹងលើការត្រួតពិនិត្យនិយាមបច្ចេកទេស និងគុណភាពនៅទីតាំងសំណង់ផ្ទាល់ ជាពិសេស គម្រោងសំណង់មួយចំនួនទៀតគ្រប់គ្រង់ដោយវិនិយោគិនបរទេស ។ គួររំលឹកដែរថា ក្នុងឆមាសទី ១ ឆ្នាំ២០២២ ក្រសួងបានផ្តល់ច្បាប់អនុញ្ញាត ឱ្យគម្រោងសាងសង់ចំនួន ២ ០០០ ស្មើនឹងផ្ទៃក្រឡាសំណង់ជិត ៣លានម៉ែត្រការ៉េ និងទុនវិនិយោគចំនួន ១ ២០៦ លានដុល្លារ។ នេះបើតាមរបាយការណ៍របស់ក្រសួងរៀបចំដែនដី នគរូបណីកម្ម និងសំណង់៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ពាណិជ្ជកម្មរបស់វៀតណាមត្រូវបានព្យាករណ៍ថាអាចឈានដល់ ៩២០ ពាន់លានដុល្លារ និងជាប់ចំណាត់ថ្នាក់នៅក្នុងចំណោមកំពូលពាណិជ្ជកម្មទាំង ១៥ របស់ពិភពលោក
ទំហំពាណិជ្ជកម្ម កម្ពុជា – អាម៉េរិក សម្រេចបានជាង ១១ពាន់លានដុល្លារ កើនជាង ២៧% ក្នុងរយៈពេល១១ខែ
Account
Security
Favourite Content