យុវជនខ្មែរគួរស្វែងយល់ពីសម្លៀកបំពាក់ប្រពៃណីរបស់ខ្លួន ជៀសវាងការផ្សព្វផ្សាយវប្បធម៌គេ ដោយមិនដឹងខ្លួន

ភ្នំពេញ ៖ ជាការពិត ឱកាសពិធីបុណ្យប្រពៃណីជាតិ ជាពេលវេលាដែលប្រជាពលរដ្ឋកម្ពុជាទូទៅអាចប្រតិបត្តិតាមទំនៀមទំលាប់ពីដូនតាមក។ ក្នុងឱកាសនេះដែរ ពលរដ្ឋស្ទើរតែគ្រប់រូប ជាពិសេស យុវជន និងយុវនារីគ្រងសម្លៀកបំពាក់ប្រពៃណីយ៉ាងសមសួន ដែលនេះជាការចូលរួមរក្សានូវអត្តសញ្ញាណ និងវប្បធម៌របស់ជាតិកម្ពុជា។ ប៉ុន្តែយ៉ាងណាក៏ដោយ ចលនានៃការគ្រងឈុតប្រពៃណីទៅវត្តបច្ចុប្បន្ននេះនៅមិនទាន់គ្រប់ជ្រុងជ្រោយនោះទេ។ មិនទាន់គ្រប់ជ្រុងជ្រោយ ព្រោះប្រជាជនកម្ពុជានៅមិនទាន់បែងចែកភាពខុសគ្នារវាងអត្តសញ្ញាណរបស់កម្ពុជា ជាមួយនឹងប្រទេសជិតខាងបានដាច់ស្រេចនៅឡើយ។

ការណ៍ដែលមិនទាន់អាចបែងចែកដាច់ស្រេចរវាងសម្លៀកបំពាក់ប្រពៃណីខ្មែរជាមួយនឹងសម្លៀកបំពាក់របស់ជាតិសាសន៍ផ្សេងនេះ ក៏មានចំណែកចេញពីការមិនទាន់ស្គាល់របស់ខ្លួនច្បាស់។ ម្យ៉ាងទៀត លំហូរនៃវប្បធម៍ជិតខាង ក៏ជាចំណែកដែលនាំឱ្យប្រជាជនមានការយល់ច្រឡំផងដែរ។

កន្លងមក នៅរាល់ឱកាសពិធីបុណ្យប្រពៃណីម្ដងៗ ដូចជា ពិធីបុណ្យចូលឆ្នាំ និងភ្ជុំបិណ្ឌជាដើម យុវជន យុវនារីច្រើនតែទិញសម្លៀកបំពាក់ប្រពៃណី ដែលពួកគេយល់ថាអាចប្រើប្រាស់សម្រាប់ទៅវត្តបាន ប៉ុន្តែមួយចំនួនធំពួកគេមិនបានចាប់អារម្មណ៍ទៅលើប្រភពដើមនៃម៉ូតសម្លៀកបំពាក់ទាំងនោះឡើយ។ ការយល់ច្រឡំទាំងនេះហើយ ដែលនាំឱ្យយុវជនខ្មែរជួយផ្សព្វផ្សាយពីទម្រង់នៃម៉ូត សម្លៀកបំពាក់របស់បរទេសដោយមិនដឹងខ្លួន។

ទាក់ទិននឹងចំណុចនេះ លោកស្រី តិច ស៊ីមហ៊ាង ម្ចាស់ហាងកីមាស ដែលជាហាងលក់សម្លៀកបំពាក់ធ្វើពីសូត្រខ្មែរបានឱ្យដឹងថា លោកស្រីបានកត់សម្គាល់ឃើញថា ប្រជាពលរដ្ឋខ្មែរនៅមានការយល់ច្រឡំ លើម៉ូតសម្លៀកបំពាក់របស់ខ្មែរជាមួយថៃ និងឡាវ។

ដើម្បីជាការចូលរួម លោកស្រីបានចែករំលែកពីភាពខុសគ្នានៃសម្លៀកបំពាក់ទាំងនេះថា ៖

«ដោយសារយើងស្លៀកពាក់ស្រដៀងគ្នា អីចឹងទៅវាងាយនឹងច្រឡំ ប៉ុន្តែខ្ញុំសូមលើកយកភាពខុសគ្នា​នៃសំពត់បត់។ សំពត់របស់ថៃមានសម្រុងវែងជាងខ្មែរ  (នៅក្រោមភ្នែកគោរ) ចំណែកឯរបស់ឡាវគឺ ក្រោមជង្គង់បន្តិច»។

លោកស្រីបន្តរៀបរាប់ទៀតថា សម្រាប់សំពត់របស់ខ្មែរគឺមានសម្រុងមិនវែងពេក ក៏មិនខ្លីពេក (ត្រឹមភ្នែកគោរ) រីឯការរចនាម៉ូតទៀតសោតក៏មើលទៅមានភាពថ្លៃថ្នូរ និងសុភាពរាបសារ។

យ៉ាងណាមិញ លោកស្រីទទួលស្គាល់ថា មូលហេតុមួយដែលមិនសូវមានការគាំទ្រ ឬប្រើប្រាស់សម្លៀកបំពាក់ខ្មែរ ព្រោះថាវាមានតម្លៃថ្លៃ។ ប៉ុន្តែតម្លៃថ្លៃនេះក៏ដោយសារតែ សម្លៀកបំពាក់នីមួយៗ សុទ្ធតែចេញពីការត្បាញដោយដៃ មានរការអត់ធ្មត់ យកចិត្តទុកដាក់ និងមានភាពលម្អិត។

លោកស្រីបន្តគូសបញ្ជាក់ថា ការស្លៀកពាក់សម្លៀកបំពាក់ខ្មែរដែលត្រឹមត្រូវគឺអាចជាចលនាបំផុសបំផុលមួយ ធ្វើឱ្យប្រជាជនស្គាល់ខ្លួនឯងកាន់តែច្បាស់ ហើយអាចបែងចែកដាច់ស្រេចរវាង ភាពខុសគ្នានៃម៉ូតសម្លៀកបំពាក់ប្រពៃណី។

ជាមួយគ្នានេះ លោកស្រីបានលើកជាឧទាហរណ៍ជាក់ស្ដែង ដែលលោកស្រីតែងសង្កេតឃើញជនជាតិឡាវគ្រងនូវសំពត់បត់របស់ខ្លួន រាល់ពេលដែលពួកគេចូលរួមក្នុងវេទិកាអន្តរជាតិនីមួយៗ។ សកម្មភាពតូចៗទាំងនេះ ជាឱកាសដែលប្រជាជនអាចបណ្ដុះនូវគំនិតជាតិនិយមឱ្យកាន់តែរីកធំឡើង។

ជាចុងក្រោយ លោកស្រីបន្តលើកទឹកចិត្តដល់យុវជន យុវនារីខ្មែរថា ៖

«ចង់ឱ្យគេស្គាល់យើង យើងត្រូវស្គាល់សិនថាខ្លួនឯងជានរណា និងមកពីណា?»


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាសព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី ជំរុញទំនាក់ទំនងពាណិជ្ជកម្ម និងការអភិវឌ្ឍសេដ្ឋកិច្ច

ព្រឹត្តិការណ៍, សេដ្ឋកិច្ច

• 19/06/2024

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី នឹងចុះ MOU ជំរុញទំនាក់ទំនងពាណិជ្ជកម្ម និង ការអភិវឌ្ឍសេដ្ឋកិច្ចរវាងប្រទេសទាំងពីរ

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា