ពិធីបុណ្យភ្ជុំបិណ្ឌជិតមកដល់ហើយ! អ្នកជំនាញណែនាំឱ្យមានការរៀបចំផែនការថវិកាច្បាស់លាស់ ដើម្បីចៀសវាងចំណាយលើសខ្ទង់

ភ្នំពេញ៖ ពិធីបុណ្យភ្ជុំបិណ្ឌ គឺជាពិធីបុណ្យប្រពៃណីដ៏ធំមួយនៅក្នុងប្រទេសកម្ពុជា ដែលប្រារព្ធធ្វើឡើងរវាង រៀងរាល់ខែកញ្ញា ឬខែតុលា ដែលថ្ងៃបុណ្យធំមានរយៈពេល ៣ថ្ងៃ ខណៈក្នុងឆ្នាំនេះ នៅទូទាំងប្រទេសកម្ពុជា នឹងប្រារព្ធថ្ងៃបុណ្យធំពីថ្ងៃទី១៣ ដល់ថ្ងៃទី១៥ ខែតុលា ឆ្នាំ២០២៣។ ជាទូទៅ នៅក្នុងអំឡុងពេលថ្ងៃបុណ្យធំ គេមើលឃើញថា ប្រជាពលរដ្ឋកម្ពុជាតែងតែធ្វើដំណើរទៅកាន់ស្រុកកំណើតដើម្បីប្រារព្ធ ឬក៏ទៅស្រុកកំណើតជួបជុំគ្រួសារ ដើម្បីធ្វើបុណ្យឧទ្ទិសកុសលសាច់ញាតិ ដែលបានចែកឋាន ក៏ដូចជាជូនជាថវិកា ចំណអាហារ និងសម្លៀកបំពាក់ដល់សាច់ញាតិផងដែរ។

អំឡុងពេលពិធីបុណ្យភ្ជុំបិណ្ឌនេះដែរ ប្រជាពលរដ្ឋត្រូវការចំណាយប្រាក់ជាច្រើន ដើម្បីទៅជួបជុំគ្រួសារ ធ្វើបុណ្យឧទ្ទិសកុសលជូនជីដូនជីតា និងសាច់ញាតិដែលបានចែកឋាន ក៏ដូចជាជូនលុយកាក់ជូនចាស់ទុំសម្រាប់ពួកគាត់ធ្វើបុណ្យ។ ដូច្នេះ ដើម្បីចៀសវាងការចំណាយខុសខ្ទង់ ឬលើសពីផែនការចំណាយថវិការបស់អ្នក អ្នកជំនាញផ្នែកហិរញ្ញវត្ថុបានលើកថា  ដើម្បីកុំឱ្យប៉ះពាល់ដល់ការចំណាយ ក្រោយត្រឡប់បីពិធីបុណ្យជាតិមួយនេះ ប្រជាពលរដ្ឋត្រូវរៀបចំផែនការថវិកាឱ្យច្បាស់លាស់។

លោក ទិត្យ កំរង អ្នកជំនាញចំណេះដឹងហិរញ្ញវត្ថុ និងជាស្ថាបនិកក្រុមហ៊ុន ឫទ្ធិពល និង អេបកត់លុយ បានថ្លែងប្រាប់ថា មិនថាមាន ឬគ្មានពិធីបុណ្យទានធំៗនោះទេ មនុស្សម្នាក់ៗត្រូវមានផែនការថវិកាប្រចាំខែ និងប្រចាំឆ្នាំ ដើម្បីបែងចែកលើចំណាយ ចំណូល ឬសន្សំឱ្យបានច្បាស់លាស់ និងដើម្បីចៀសវាងការចំណាយលើសខ្ទង់។

លោក ទិត្យ កំរង បានថ្លែងបន្តថា តាមពិតទៅ មិនមែនទាល់តែជិតភ្ជុំបិណ្ឌ ឬពិធីបុណ្យជាតិនានា ជិតមកដល់ បានរៀបចំផែនការថវិកានោះទេ ពោលគឺត្រូវរៀបចំផែនការថវិការៀងរាល់ឆ្នាំសម្រាប់ចំណាយ នៅពេលមានព្រឹត្តិការណ៍បុណ្យជាតិធំៗ ដូចជា បុណ្យបិណ្ឌ និងពីធីបុណ្យចូលឆ្នាំថ្មីជាដើម។

លោកបានលើកឡើងថា អំឡុងពិធីបុណ្យជាតិធំៗ សម្រាប់អ្នកមានធនធានគ្រប់គ្រាន់លើការចំណាយ នោះវាមិនអីនោះទេ។ តែសម្រាប់អ្នកមានចំណូលនៅមានកម្រិត ទាមទារឱ្យមានការគិតគូរច្បាស់លាស់លើចំណាយ និងគួររៀបចំផែនការថវិកាសម្រាប់ចំណាយ ព្រោះអំឡុងពិធីបុណ្យជាតិធំៗនេះ មនុស្សគ្រប់គ្នាតែងតែចំណាយច្រើន លើការជូនថវិកាទៅឪពុកម្តាយ ធើដំណើរ ជួបជុំបងប្អូនញាត្តិមិត្ត និងម្ហូបអាហារជាដើម។

លោក ទិត្យ កំរង បានឱ្យដឹងថា

“អំឡុងពេលខែបុណ្ឌភ្ជុំបិណ្ឌ ប្រជាជនម្នាក់ៗនឹងចំណាយច្រើន ខុសពីខែធម្មតា ដែលគ្មានពិធីបុណ្យ ដូច្នេះហើយទាមទារឱ្យមុនស្សៗ និងក្រុមគ្រួសារនីមួយៗគិតគូរលើការរៀបចំផែនការថវិកាតាំងដើមឆ្នាំ ដូចជាបង្កើតកញ្ចប់សន្សំមួយសម្រាប់ចំណាយ នៅពេលមានពិធីបុណ្យជាតិធំៗ ដើម្បីកុំឱ្យប៉ះពាល់ដល់ការចំណាយផ្សេងៗប្រចាំខែ ឬប៉ះពាល់ដល់ការចំណាយ នៅពេលត្រឡប់មកពីស្រុកកំណើតវិញ”។

លោកបានគូសបញ្ជាក់ថា ការរៀបចំផែនការថវិកាគឺជារឿងចាំបាច់ណាស់សម្រាប់មនុស្សម្នាក់ៗ និងក្រុមគ្រួសារនិមួយៗ ព្រោះមិនមានការរៀបចំផែនការថវិកាឱ្យបានច្បាស់លាស់នោះទេ វាអាចប៉ះពាល់ដល់ផែនការហិរញ្ញវត្ថុនាពេលអនាគត។ ក្នុងន័យនេះ លោកសំដៅថា ឧទាហរណ៍ មនុស្សម្នាក់មានក្តីស្រមៃចង់បានលំនៅដ្ឋានសមរម្យមួយ នាពេល ៥ ឆ្នាំខាងមុខ តែបើមិនបានអនុវត្តតាមផែនការថវិកាច្បាស់លាស់ត្រឹមត្រូវនោះទេ នោះវាអាចប៉ះពាល់ដល់ការផែនការហិរញ្ញវត្ថុរបស់គាត់ក្នុងការទិញលំនៅដ្ឋាននោះ។

លោកបានឱ្យដឹងទៀតថា ប្រជាពលរដ្ឋត្រូវមានគម្រោងថវិកាឱ្យច្បាស់លាស់ ដូច្នេះការចាយវាយនឹងមិនប៉ះពាល់ដល់ខ្ទង់ចំណាយជីវភាព ឬតម្រូវការនោះទេ។ ពេលមានផែនការ និងគម្រោងថវិកា នោះនឹងអាចដឹងថា តើត្រូវចាយវាយនៅពេលណា  ដូច្នេះ គម្រោងនៃការសន្សំប្រាក់ទុកដើម្បីចំណាយពេលណាគឺត្រូវតែមាន

សូមបញ្ជាក់ផងដែរថា បុណ្យភ្ជុំបិណ្ឌ ( Pchum Ben Day) គឺជាពិធីបុណ្យ​នឹករលឹកសាច់ញាតិដែលបានស្លាប់របស់ជនជាតិខ្មែរ ដែលកំណត់តាម ប្រតិទិនពុទ្ធសាសនា (Buddhist calendar) តាមដំណើរគោលចររបស់ ព្រះចន្ទ ដែលរាប់តាមរង្វាស់នៃឆ្នាំ ចន្ទគតិ (Lunar calendar) នៅក្នុងប្រពៃណីរបស់កម្ពុជា ពិធីបុណ្យនេះត្រូវបានគេហៅថា “ពិធីសែនដូនតា” (Ancestor Ceremony) ដែលមានប្រវត្តិតាំងពី សម័យមុនអង្គរមកម៉្លេះ។

ពិធីបុណ្យភ្ជុំបិណ្ឌ ដែលប្រារព្ធ​ឡើងរៀងរាល់ថ្ងៃ ១រោច ដល់ថ្ងៃ ១៥រោច ខែភទ្របទ ចន្លោះ ខែកញ្ញា និងខែតុលា ដែលជាពិធីបុណ្យដែលមានរយៈពេលវែងជាងគេរហូតដល់ ១៥ថ្ងៃ ជារៀងរាល់ឆ្នាំ ប្រជាពលរដ្ឋ​កម្ពុជា​គ្រប់រូប និងត្រូវបានឈប់សំរាកពីការងាររយៈពេល ៣ថ្ងៃ ដើម្បីចូលរួមពិធីបុណ្យភ្ជុំបិណ្ឌនេះនាថ្ងៃចុងក្រោយ ដើម្បីឱ្យពួកគេអាចរៀបចំម្ហូបអាហារ ដើម្បីសែនដូនតា ជូនសាច់ញាតិរបស់ពួកគេដោយសេចក្ដីនឹករលឹក រៀងរាល់មួយឆ្នាំម្ដង៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ