សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បើមិនមានអ្វីប្រែប្រួលនោះទេ ពហុកីឡដ្ឋានជាតិ មរតកតេជោ ដែលមានតម្លៃជិត១៦០លានដុល្លារ នឹងសម្ពោធដាក់ឲ្យដំណើរការជាផ្លូវការនៅត្រឹមថ្ងៃទី១៨ ខែធ្នូ ឆ្នាំ២០២១ នាចុងសប្តាហ៍ក្រោយនេះក្រោមអធិបតីដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដោយមានអ្នកចូលរួមអបអរសាទរមិនតិជាង ១៥ ០០០នាក់នោះទេ ខណៈដែលវិសាលភាពទាំងមូលអាចស្វាគមន៍មនុស្សបានរហូតដល់ទៅ ៦៥ ០០០នាក់។
សម្ដេចតេជោ ហ៊ុន សែន បានប្រកាសនៅក្នុងឱកាសសម្ពោធដាក់ឲ្យប្រើប្រាស់ជាផ្លូវការនូវផ្លូវជាតិលេខ១១ និងផ្លូវមួយចំនួនទៀតក្នុងក្រុងព្រៃវែង នៅព្រឹកថ្ងៃទី៦ ខែធ្នូ ឆ្នាំ២០២១នេះថា ពហុកីឡដ្ឋាន មរតកតេជោ នឹងបើកសម្ពោធដាក់ឲ្យប្រើប្រាស់ជាផ្លូវការនៅចុងសប្ដាហ៍ក្រោយនេះ ដើម្បីអនុញ្ញាតឲ្យកីឡាករ កីឡាការិនី ក៏ដូចជាសាធារណជនទូទៅអាចចូលហ្វឹកហាត់បានជារៀងរាល់ថ្ងៃ ជាពិសេស ត្រៀមធ្វើជាម្ចាស់ផ្ទះនៃការប្រកួតកីឡាស៊ីហ្គេមនៅឆ្នាំ២០២៣ខាងមុខនេះ ។
នៅក្នុងឱកាសនេះផងដែរ សម្ដេចតេជោ ហ៊ុន សែន ក៏បានថ្លែងអំណរគុណចំពោះអំណោយសម្បុរសរបស់ថ្នាក់ដឹកនាំកំពូលរបស់សាធារណរដ្ឋប្រជាមានិតចិន ឯកឧត្តម ស៊ី ជីងពីង ដើម្បីអាចឲ្យកម្ពុជារៀបចំធ្វើជាម្ចាស់ផ្ទះក្នុងការប្រកួតកីឡាស៊ីហ្គេមនៅឆ្នាំ២០២៣ខាងមុខ ដែលជាប្រវត្តិសាស្ត្ររបស់កម្ពុជា។
គួរបញ្ជាក់ផងដែរថា ពហុកីឡដ្ឋានជាតិមរតកតេជោ មានទីតាំងស្ថិតនៅសង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ បានសាងសង់នៅលើផ្ទៃដីជាង៨៥ហិកតា ។ ពហុកីឡដ្ឋានមួយនេះ មានរចនាសម្ព័ន្ធកីឡាសំខាន់ៗដូចជា មណ្ឌលកីឡាក្នុងសាល មណ្ឌលកីឡាហែលទឹក សាលហាត់កីឡាប្រយុទ្ធ អគារស្នាក់នៅ អាហារដ្ឋាន ទីលានហ្វឹកហាត់ក្រៅអគារ សាលវេជ្ជសាស្ត្រវិទ្យាសាស្ត្រកីឡា សាលកាយសម្ព័ន្ធ សាលកីឡាបាញ់កាំភ្លើង មជ្ឈមណ្ឌលកីឡាហុកគី និងសាលកីឡាប្រពៃណីផងដែរ ហើយអាចអាចផ្ទុកមនុស្សបានជាង ៦៥ ០០០នាក់ ។ ដោយឡែក នៅក្នុងបរិវេណពហុកីឡាដ្ឋាននេះ មានកន្លែងស្នាក់នៅរបស់កីឡាករ មានទីលានបាល់ទាត់, ទីលានអត្តពលកម្ម ,សាលបាល់បោះ ,សាលបាល់ទះ ,សាលហាត់សាច់ដុំ មណ្ឌលកីឡាហែលទឹក កន្លែងបាញ់កាំភ្លើង និងបាញ់ធ្នូជាដើម ខណៈកម្ពុជានឹងប្រើប្រាស់ធ្វើជាម្ចាស់ផ្ទះសម្រាប់ការបើកព្រឹត្តិការណ៍កីឡាស៊ីហ្គេមនៅឆ្នាំ២០២៣៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content