ការព្យាករណ៍ ៖ អត្រាអតិផរណានៅកម្ពុជាក្នុងឆ្នាំ២០២៤ អាចមានកម្រិតខ្ពស់ជាងឆ្នាំមុនបន្តិច

ភ្នំពេញ ៖ អត្រាអតិផរណានៅកម្ពុជាក្នុងឆ្នាំ២០២៤ នេះ ត្រូវបានព្យាករថាអាចមានកម្រិតខ្ពស់ជាងឆ្នាំ២០២៣បន្តិច ដោយសារតម្លៃប្រេងឆៅពិភពលោកត្រូវបានរំពឹងថានឹងកើនឡើង ខណៈកំណើនសេដ្ឋកិច្ចនៅឆ្នាំ២០២៤ រំពឹងថានឹងបន្តសម្រេចបានអត្រាល្អប្រសើរ បើទោះបីជាកម្រិតអតិផរណារំពឹងថានឹងកើនឡើងខ្ពស់ជាងឆ្នាំមុនបន្តិចក្តី។

យោងតាមរបាយការណ៍ប្រចាំឆ្នាំ២០២៣ និងទិសដៅការងារប្រចាំឆ្នាំ២០២៤ របស់ធនាគារជាតិនៃកម្ពុជាបានឱ្យដឹងថា អតិផរណានៅឆ្នាំ២០២៤ ត្រូវបានព្យាករថាមានកម្រិត ២,៥% ខ្ពស់ជាងឆ្នាំ២០២៣ (២,១%) ដោយសារថ្លៃប្រេងឆៅពិភពលោកត្រូវបានរំពឹងថានឹងកើនឡើង។

ការព្យាករនេះស្ថិតក្រោមការសន្មត់ ៖ ១/-ថ្លៃទំនិញនិងសេវាពាក់ព័ន្ធនឹងប្រេងឥន្ធនៈកើនជាមធ្យម ១,២% (នៅឆ្នាំ២០២៣ មានអត្រា -២,៧%) ដោយសារការរំពឹងថាប្រទេសសមាជិក OPEC+ នឹងកាត់បន្ថយការផ្គត់ផ្គង់ប្រមាណ ៣៤០ ពាន់បារ៉ែលក្នុងមួយថ្ងៃ នៅឆ្នាំ២០២៤ ធៀបនឹងឆ្នាំ២០២៣ ២/-អតិផរណាម្ហូបអាហារមានកម្រិត ៣,៣% ប្រហាក់ប្រហែលនឹងឆ្នាំ២០២៣ (៣,២%) ដោយសារថ្លៃដើមផលិតកើនឡើង បើទោះជាវិស័យកសិកម្មរំពឹងថាមានកំណើនខ្ពស់ជាងឆ្នាំ២០២៣ និងអតិផរណាម្ហូបអាហារពីប្រទេសនាំចូលសំខាន់ៗ រំពឹងថានឹងថយចុះ និង ៣/-អតិផរណាស្នូលនឹងកើនដល់ ២,២% (នៅឆ្នាំ២០២៣ មានអត្រា ២%) ដោយសារកំណើនតម្រូវការក្នុងបរិការណ៍ដែលសេដ្ឋកិច្ចកម្ពុជារំពឹងថានឹងមានកំណើនខ្ពស់ជាងឆ្នាំ ២០២៣។

ចំពោះកម្ពុជា កំណើនសេដ្ឋកិច្ចនៅឆ្នាំ២០២៤ រំពឹងថានឹងសម្រេចបានក្នុងអត្រា ៦,៤% ដែលគាំទ្រជាចម្បងដោយការបន្តរក្សាបានកំណើនខ្ពស់នៃវិស័យទេសចរណ៍ កម្មន្តសាលមិនមែនកាត់ដេរ និងកសិកម្ម។ នេះបើយោងតាមការបញ្ជាក់របស់ធនាគារជាតិនៃកម្ពុជា។

វិស័យទេសចរណ៍ត្រូវបានរំពឹងថានឹងបន្តមានកំណើនខ្ពស់ ១៩,៥% ដោយសារការបន្តកើនឡើងនៃការតភ្ជាប់ជើងហោះហើរមកកម្ពុជាការងើបឡើងនៃវិស័យទេសចរណ៍ក្នុងតំបន់ និងការដាក់ចេញនូវគោលនយោបាយគាំទ្របន្ថែមរបស់រាជរដ្ឋាភិបាល ដូចជា កម្មវិធី “ទស្សនាសៀមរាបឆ្នាំ២០២៤” ជាដើម។ ការបន្តរក្សាបានកំណើនខ្ពស់នៃវិស័យទេសចរណ៍នឹងផ្ដល់ផលវិជ្ជមានដល់វិស័យសេវាគាំទ្រផ្សេងៗ ដែលបម្រើដល់ទេសចរណ៍ ដូចជាពាណិជ្ជកម្មលក់ដុំនិងរាយ និងការដឹកជញ្ជូនជាដើម ឱ្យមានវឌ្ឍនភាពល្អប្រសើរ។

ទន្ទឹមនេះ ការងើបឡើងនៃសេដ្ឋកិច្ចប្រទេសដៃគូពាណិជ្ជកម្មរបស់កម្ពុជា និងការផ្ដល់ការលើកទឹកចិត្តដល់ការវិនិយោគផ្នែកកម្មន្តសាល នឹងជំរុញឱ្យអនុវិស័យកម្មន្តសាលមិនមែនកាត់ដេរបន្តមានកំណើនរឹងមាំក្នុងអត្រា ១៤,២% និងអនុវិស័យកម្មន្តសាលកាត់ដេរ កើន ៧,៦%។ វិស័យកសិកម្មត្រូវបានព្យាករថានឹងមានកំណើនខ្ពស់ជាងមុនបន្តិចក្នុងអត្រា ១,៣% ក្រោមគោលនយោបាយជំរុញរបស់រដ្ឋាភិបាលដើម្បីលើកស្ទួយកសិផល រកទីផ្សារ និងរក្សាលំនឹង ថ្លៃផលកសិកម្ម និងការដាក់ពង្រាយមន្ត្រីកសិកម្មឱ្យបានគ្រប់ឃុំ ស្របពេលដែលកម្ពុជាទទួលអំណោយផលពីកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) និងកិច្ចព្រមព្រៀង ពាណិជ្ជកម្មសេរីទ្វេភាគី។

ដោយឡែក វិស័យសំណង់ និងអចលនទ្រព្យដែលបានទទួលរងឥទ្ធិពលពីវិបត្តិកន្លងមក ត្រូវបានព្យាករថានឹងបន្តមានកំណើនទាប ដែលគាំទ្រដោយការបន្តអភិវឌ្ឍហេដ្ឋារចនាសម្ព័ន្ធសាធារណៈ គួបផ្សំនឹងការងើបឡើងវិញសន្សឹមៗនៃតម្រូវការក្នុងស្រុក ដែលផ្តោតលើលំនៅឋានដែលមានតម្លៃសមរម្យ ក្នុងពេលដែលតម្រូវការសំណង់ប្រណីតដែលបម្រើដល់អនិវាសនជន ត្រូវបានរំពឹងថានឹងបន្តមានភាពទន់ខ្សោយ។ ជាមួយគ្នានេះ វិស័យធនាគាររំពឹងបន្តដើរតួនាទីយ៉ាងសំខាន់ក្នុងការចូលរួមគាំទ្រកំណើនសេដ្ឋកិច្ច ដោយកំណើនឥណទានរំពឹងថាមានអត្រា ១១%។

យោងតាមក្រសួងសេដ្ឋកិច្ច​ និងហិរញ្ញវត្ថុ ឆ្នាំ២០២៤ សេដ្ឋកិច្ចកម្ពុជាត្រូវបានព្យករណ៍ថា មានកំណើន ៦.៦ភាគរយ គាំទ្រដោយការងើបឡើងវិញ របស់វិស័យសំខាន់ៗមួយចំនួន។ ឯកឧត្តម ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានឱ្យដឹងថា កត្តាជួយជំរុញឱ្យសេដ្ឋកិច្ចកម្ពុជាកំណើនវិជ្ជមានល្អ នៅឆ្នាំ២០២៤ រួមមាន ភាពល្អប្រសើរនៃសេដ្ឋកិច្ច ប្រទេសដៃគូពាណិជ្ជកម្មសំខាន់ៗរបស់កម្ពុជា, វិស័យឧស្សាហកម្មមិនមែនកាត់ដេរ ក៏នៅតែរំពឹងថាមានកំណើនល្អ, វិស័យទេសចរណ៍ក៏រំពឹងថានឹងបន្តកើនឡើង ខណៈវិស័យកាត់ដេរបានបញ្ហាញសញ្ញាមានកំណើនឡើងវិញ នៅដើមឆ្នាំ២០២៤៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ