សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ផ្លូវជាតិលេខ៥ ពីព្រែកក្ដាម ទៅខេត្តបាត់ដំបង ត្រូវបានសម្ពោធដាក់ឱ្យប្រើប្រាស់ជាផ្លូវការហើយនៅព្រឹកថ្ងៃទី២២ ខែវិច្ឆិកា ឆ្នាំ២០២៣ ក្រោមអធិបតីភាពសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ខណៈដែលផ្លូវមួយនេះមានសារសំខាន់ក្នុងការតភ្ជាប់តំបន់ដាច់ស្រយាលទៅតំបន់ទីក្រុង និងជួយលើកកម្ពស់ជីវភាពប្រជាពលរដ្ឋនៅតាមបណ្ដោយផ្លូវមួយនេះឱ្យកាន់តែប្រសើរ ។
ថ្លែងនៅក្នុងពិធីសម្ពោធដាក់ឱ្យប្រើប្រាស់ជាផ្លូវការកំណាត់ផ្លូវជាតិលេខ៥ ពីព្រែកក្ដាមទៅដល់ខេត្តបាត់ដំបងនៅព្រឹកថ្ងៃទី ២២ វិច្ឆិកា ២០២៣ សម្ដេចធិបតី ហ៊ុន ម៉ាណែត បានមានប្រសាសន៍ថា ផ្លូវជាតិលេខ៥មិនមែនត្រឹមតែផ្ដល់ភាពងាយស្រួលសម្រាប់ពលរដ្ឋធ្វើដំណើរឡើងចុះរាជធានីភ្នំពេញនោះទេ ប៉ុន្តែវាបានជួយតភ្ជាប់រវាងពលរដ្ឋរស់នៅតាមបណ្ដោយផ្លូវនេះទៅនឹងតំបន់ផ្សេងៗទៀត និងតំបន់ដាច់ស្រយាលមកកាន់តំបន់ទីប្រជុំជន ។ បន្ថែមពីលើនេះ ផ្លូវមួយនេះដែរនឹងជួយជំរុញសកម្មភាពសេដ្ឋកិច្ច និងលើកកម្ពស់ជីវភាពប្រជាពលរដ្ឋដែលអាស្រ័យលើផ្លូវជាតិលេខ៥ និងលែងឱ្យប្រជាពលរដ្ឋដែលធ្លាប់រស់នៅតំបន់ដាច់ស្រយាលឯកោទៀតហើយ ។
សម្ដេចបន្តថា ផ្លូវនេះរដ្ឋាភិបាលបានប្រើប្រាស់កម្ចីឥណទាន ពីបរទេសដើម្បីសាងសង់ ប៉ុន្តែទោះបីជាផ្លូវនេះ ត្រូវបានប្រើប្រាស់ថវិកាច្រើនប៉ុនណាក៏ដោយ ក៏រដ្ឋាភិបាលចំណាយថវិកាក្នុងការសាងសង់ដើម្បីជួយសម្រួលដល់ការដឹកជញ្ជូនរបស់ប្រជាពលរដ្ឋ ជំរុញកំណើនសេដ្ឋកិច្ចតាមរយៈពន្លឿនការដឹកជញ្ជូនទំនិញចេញចូលប្រទេស ជួយជំរុញឱ្យមានការវិនិយោគលើឧស្សាហកម្ម រោងចក្រ ទៅដល់ជិតផ្ទះបងប្អូនប្រជាពលរដ្ឋឱ្យពួកគាត់មានការងារធ្វើ មានប្រាក់ចំណូលសម្រាប់ផ្គត់ផ្គង់ជីវភាព ។
សម្ដេចបន្ថែមថា គោលដៅរបស់រាជរដ្ឋាភិបាលអាណត្តិទី៧នេះ គឺទី១ជំរុញកំណើនសេដ្ឋកិច្ច ទី២ បង្កើតការងារឱ្យច្រើនជូនប្រជាពលរដ្ឋ ហើយការងារនោះទៀតសោត គឺជាការងារដែលមានគុណភាព ការងារដែលមានបៀវត្សរ៍ខ្ពស់ និងមានជំនាញផ្សេងៗ និងការងារដែលផ្ដល់នូវការគាំពារសិទ្ធិនិងសុខុមាលភាពសង្គម ទី៣ សមធម៌ គឺចែករំលែកផលទាំងអស់ទូទាំងប្រទេស ដោយមិនឱ្យប្រមូលផ្ដុំនៅក្រុមណាមួយ ឬនៅកន្លែងណាមួយ គឺ ត្រូវពង្រាយទៅកាន់គ្រប់ទីកន្លែងទូទាំងប្រទេស ទី៤ .បង្កើនប្រសិទ្ធភាព បម្រើសេវាជូនប្រជាពលរដ្ឋ និងលើកទឹកចិត្តឱ្យមានការវិនិយោគនៅគ្រប់រាជធានី ខេត្ត និង ទី៥.ចីរភាព ដែលសំដៅដល់រាល់កិច្ចការ ត្រូវមាននិរន្តរភាពនិងចីរភាព ។
អ្នកស្រី អាន សុធីតា នាយិកាប្រតិបត្តិក្រុមហ៊ុន PropNex Cambodia បានបង្ហាញពីសុទិដ្ឋិនិយមចំពោះសក្ដានុពលតំបន់តាមបណ្ដោយផ្លូវជាតិលេខ៥ ដោយអ្នកស្រីបានលើកឡើងថា ផ្លូវជាតិលេខ៥ ជាផ្លូវដ៏សំខាន់ និងមានភាពទាក់ទាញនៅពេលខាងមុខនេះ ។
អ្នកស្រីបន្តថា ផ្លូវនេះនឹងទាក់ទាញការវិនិយោគលើវិស័យឧស្សាហកម្ម រោងចក្រ សហគ្រាស កាន់តែច្រើន ពីព្រោះថាទីតាំងភូមិសាស្ត្រនៅតាមបណ្ដោយផ្លូវជាតិលេខ៥ មានភាពងាយស្រួលក្នុងការដឹកជញ្ជូនទំនិញទៅកាន់ច្រកព្រំដែនអន្តរជាតិ៕
Account
Security
Favourite Content