សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ គ្លីនិកឱសថបុរាណចិនដែលស្ថិតនៅក្នុងបរិវេណមន្ទីរពេទ្យព្រះកុសមៈ ឬមន្ទីរពេទ្យមិត្តភាពកម្ពុជា-ចិន បានទទួលការគាំទ្រយ៉ាងច្រើនពីប្រជាពលរដ្ឋកម្ពុជា និងចិន ។
នៅក្នុងបទសម្ភាសជាមួយអ្នកសារព័ត៌មានចិនមកពី People’s Daily និងអ្នកសារព័ត៌មានកម្ពុជា AMS កាលពីថ្ងៃទី៤ ខែមេសា ឆ្នាំ២០២៥ លោកវេជ្ជបណ្ឌិត ឈិន ហុងលីន ( Chen Honglin ) ប្រធានក្រុមជំនួយវេជ្ជសាស្រ្តបុរាណចិនទី៣ ប្រចាំនៅកម្ពុជា បានឱ្យដឹងថា៖ ដោយផ្អែកលើក្រុមគ្រូពេទ្យឱសថបុរាណចិន វគ្គទី១ និងទី២ បានផ្សព្វផ្សាយជាបន្តបន្ទាប់នូវបច្ចេកទេសវេជ្ជសាស្ត្របុរាណចិននៃការម៉ាស្សា និងការចាក់ម្ជុលវិទ្យាសាស្ត្រ។
លោកវេជ្ជបណ្ឌិត បានប្រាប់បណ្តញសារព័ត៌មានថា ៖ វិធីសាស្រ្តព្យាបាលបែបបុរាណ ត្រូវបានអនុវត្ត ហើយប្រជាជនមានជំនឿជាយូរលង់ណាស់មកហើយ ហើយរហូតមកដល់សម័យកាលវេជ្ជសាស្ត្រជំនាន់ថ្មីនេះក៏នៅតែមានជំនឿ និងមានប្រសិទ្ធភាព
លោកវេជ្ជបណ្ឌិតបន្ដថា ៖
«ពលរដ្ឋកម្ពុជាជាច្រើនបានស្គាល់ ហើយចូលមកទទួលយកសេវាព្យាបាលជាមួយតម្លៃទាបដែលស័ក្តិសមនឹងពលរដ្ឋដែលមានជីវភាពមធ្យម និងក្រោមមធ្យម ហើយការព្យាបាលនេះទៀតសោត ក៏មានផ្នែកចាក់ម្ជុលវិទ្យាសាស្រ្ត ផ្នែកប្រព័ន្ធរំលាយអាហារ ផ្នែកជំងឺទូទៅ ផ្នែកប្រព័ន្ធសរសៃឈាមបេះដូង ផ្នែកឆ្អឹង សន្លាក់ ជំងឺលៀនឌីស ជំងឺទឹកនោមផ្អែមជាដើម»។
លោកវេជ្ជបណ្ឌិត កឿង រស្មី មកពីនាយកដ្ឋានឱសថបុរាណចិន បានឱ្យដឹងថា ចាប់តាំងពីបង្កើតឡើងកាលពី៣ឆ្នាំមុន គ្លីនិកវេជ្ជសាស្ត្របុរាណចិនបានព្យាបាលមនុស្សប្រមាណ ៣០ ម៉ឺននាក់ ជាពិសេសប្រជាជនកម្ពុជា និងជនជាតិចិន។
គួរឱ្យដឹងថា មន្ទីរពេទ្យមិត្តភាពកម្ពុជា-ចិន ព្រះកុសុមៈ បានដំណើរការសាងសង់ដោយក្រុមហ៊ុន China State Construction Engineering Corporation Ltd.ជាជំនួយឥតសំណងពីរដ្ឋាភិបាលចិនក្នុងឆ្នាំ២០២២ ។ មន្ទីរពេទ្យ ១១ ជាន់នេះ មានដំបូលសម្រាប់ឧទ្ធម្ភាគចក្រ មានគ្រែចំនួន ៤០០ និងសម្ភារបរិក្ខារពេទ្យទំនើបទាន់សម័យ និងមាននាយកដ្ឋានផ្សេងៗ រួមទាំងការវះកាត់ សេវាអ្នកជំងឺក្រៅ ការថែទាំសង្គ្រោះបន្ទាន់ បច្ចេកវិទ្យាវេជ្ជសាស្ត្រ បន្ទប់អ្នកជំងឺក្នុង និងភស្តុភារ ខេត្ត។
គួរជម្រាបថា៖ សារព័ត៌មាន People’s Daily របស់ចិន និងអ្នកសារព័ត៌មានកម្ពុជាចំនួន៤ស្ថាប័ន រួមមាន AMS ,Thmey Thmey, Khmer Time និង AKP ចាប់តាំងពីថ្ងៃទី៤ ដល់ថ្ងៃទី៧ ខែមេសា បានធ្វើដំណើររួមគ្នា ដើម្បីទស្សនកិច្ចនៅក្នុងរាជធានីភ្នំពេញ ខេត្តព្រះសីហនុ ខេត្តស្ទឹងត្រែង និងខេត្ដសៀមរាប ដើម្បីស្វែងយល់ពីការវិនិយោគ និងការអភិវឌ្ឍ ព្រមទាំងសមិទ្ធផលនានាជាជំនួយរបស់ប្រទេសចិន ដែលបានចូលរួមអភិវឌ្ឍប្រទេសកម្ពុជានាពេលកន្លងមក៕
Account
Security
Favourite Content