សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បច្ចុប្បន្ននេះ រុស្ស៊ី បាន និងកំពុងទទួលរងនូវទណ្ឌកម្មសេដ្ឋកិច្ចជាបន្តបន្ទាប់ពីសំណាក់បណ្តាប្រទេសក្នុងតំបន់អឺរ៉ុប និងអាមេរិក បន្ទាប់ពីសកម្មភាពវាយប្រហារទាំងកំរោលរបស់ខ្លួនទៅលើប្រទេសអ៊ុយក្រែន ខណៈដែលអឺរ៉ុបទើបតែបានសម្រេចចិត្តនៅព្រឹកថ្ងៃចន្ទនេះក្នុងការបិទដែនអាកាសទាំងអស់របស់ខ្លួនមិនឲ្យយន្តហោះទាំងឡាយរបស់រុស្ស៊ីធ្វើដំណើរឆ្លងកាត់បាននោះឡើយ។
រុស្សី បានចំណាយទ័ព និងលុយអស់ជាច្រើនមកហើយ រួមទាំងសព្វាវុធផងដែរ ខណៈដែលក្រុមហ៊ុនរស្ស៊ីជាច្រើនកំពុងទទួលរងនូវការខាតបង់ប្រាក់ចំណូលរាប់រយលានដុល្លារត្រឹមរយៈពេល៤ថ្ងៃចុងក្រោយនេះប៉ុណ្ណោះ ប៉ុន្តែគេបើក្រឡេកទៅមើលអាមេរិក និងចិនវិញ ដែលជាមហាអំណាចសេដ្ឋកិច្ចដូចគ្នានោះហាក់នៅមិនទាន់មានអ្វីដែលត្រូវបាត់បង់នៅឡើយទេ។
មហាអំណាចសេដ្ឋកិច្ចចិន នៅតែបន្តអាជីវកម្ម ពាណិជ្ជកម្មរបស់ខ្លួនជាធម្មតា រួមទាំងទីផ្សារអឺរ៉ុប អាហ្វ្រិក និងអាស៊ី ខណៈដែលអាមេរិកនៅមិនទាន់បានបាត់បង់អាយុជីវិតយោធារបស់ខ្លួន ឬចំណាយសព្វាវុធណាមួយរបស់ខ្លួននៅឡើយ ហើយជាក់ស្តែងមានតែការលក់អាវុធបានមួយចំនួនធំនាពេលកន្លងមកប៉ុណ្ណោះ។
អ្នកជំនាញសេដ្ឋកិច្ចអន្តរជាតិមួយចំនួនបានមើលឃើញថា ប្រសិនបើការវាយប្រហារទៅលើប្រទេសអ៊ុយក្រែននៅតែបន្តបែបនេះ តំណែងរបស់ប្រទេសរុស្ស៊ីទំនងជានឹងធ្លាក់ចេញពីបញ្ជីមហាអំណាចសេដ្ឋកិច្ចដោយទុកឲ្យតែចិន និងអាមេរិកប៉ុណ្ណោះ ដែលនឹងឈានជើងទៅឈរនៅកំពូលតារាងជាមិនខាន។
ជាក់ស្តែង នៅត្រឹមព្រឹកថ្ងៃចន្ទនេះ លុយ Rouble របស់រុស្សីបានដាំក្បាលចុះដល់ទៅ៤០ភាគរយធៀបទៅនឹងលុយ Dollar របស់អាមេរិក។ការធ្លាក់ចុះដ៏គំហុកនេះបានកើតឡើងនៅក្រោយពេលបន្តិចប៉ុណ្ណោះដែលទណ្ឌកម្មម្តងហើយម្តងទៀតពីអឺរ៉ុប និងចុងក្រោយនេះគឺការហាមប្រាមធនាគារទាំងឡាយរបស់រុស្ស៊ីក្នុងការចូលទៅដំណើរការប្រើប្រាស់ជាមួយនឹងប្រព័ន្ធទូទាត់ប្រាក់ជាប្រព័ន្ធជាមួយនឹងធនាគារអន្តរជាតិ SWIFT នោះផងដែរ។ ក្នុងរូបភាពបែបនេះមានន័យថា ប្រាក់តម្កល់របស់ធនាគាររុស្ស៊ីទាំងឡាយដែលមាននៅក្រៅប្រទេសនឹងត្រូវបង្កក ជាពិសេសនឹងមានការកំណត់យ៉ាងតឹងរឹងចំពោះប្រាក់ទុនបម្រុងរបស់រដ្ឋាភិបាលរុស្សី ដែលមាននៅក្រៅប្រទេសដូចគ្នាដែរ ទាំងដែលយើងបានដឹងហើយថា រុស្សី គឺពឹងផ្អែកទាំងស្រុងទៅលើការនាំចេញប្រេង និងហ្កាស ហើយការទូទាត់សំខាន់បំផុតរបស់ខ្លួនគឺប្រព័ន្ធទូទាត់របស់ធនាគារ SWIFT នេះឯង៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content