សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កង្វះបុគ្គលិកជំនាញ គឺជាបញ្ហាមួយដែលរាជរដ្ឋាភិបាលកម្ពុជាកំពុងស្វះស្វែងរកដំណោះស្រាយតាមរយៈរូបភាពផ្សេងៗគ្នាដូចជាការបង្កើតវិទ្យាស្ថានបណ្តុះបណ្តាលជំនាញវិជ្ជាជីវៈរយៈពេលខ្លី និងរយៈពេលវែង ប៉ុន្តែទោះជាយ៉ាងណា ចំនួននៃកម្លាំងជំនាញជាជនជាតិខ្មែរនៅតែមិនទាន់អាចបំពេញតម្រូវការឲ្យម្ចាស់គម្រោងសំណង់អគារដែលកំពុងរីកដុះដាលដូចផ្សិតនៅឡើយ រហូតមានក្រុមហ៊ុនម៉ៅការសាងសង់សំណង់នៅកម្ពុជាភាគមួយចំនួនបានបង្ខំចិត្តជួលបុគ្គលិកជំនាញជាជនបរទេសមកបម្រើការ។
បើទោះជាយ៉ាងនេះក្ដី អ្នកជំនាញផ្នែកសេដ្ឋកិច្ច ក៏ដូចជាម្ចាស់ក្រុមហ៊ុនអ្នកអភវឌ្ឍន៍ក្នុងស្រុកភាគច្រើនមានបំណងចង់បានបុគ្គលិកជំនាញដែលជាជនជាតិខ្មែរណាស់ ព្រោះការប្រើកម្លាំងជំនាញជាជនជាតិខ្មែរដែលជាអ្នករស់នៅក្នុងស្រុកអាចជួយកាត់បន្ថយប្រាក់ឈ្នួលបានមួយកម្រិត ហើយក៏អាចជួយបង្កើតការងារដល់ពលរដ្ឋក្នុងស្រុកផង។ ប៉ុន្តែអ្វីដែលជាបញ្ហាគឺនៅត្រង់ថា ក្នុងចំណោមប្រជាជនជាង១០លាននាក់នេះ មានបុគ្គលិកជំនាញតិចតួចស្តួចស្ដើងពេកដែលមិនអាចផ្គត់ផ្គង់ទីផ្សារនេះបាននៅឡើយ។
លោកឧកញ៉ា ម៉ាន់ ច័ន្ទឌី នាយកប្រតិបត្តិក្រុមហ៊ុនអចលនទ្រព្យអន្តរជាតិ Juwai IQI Cambodia និងជាអ្នកអភិវឌ្ឍន៍ក្នុងវិស័យសំណង់បានមានប្រសាសន៍ថា កម្ពុជានៅពេលបច្ចុប្បន្ននេះមានបុគ្គលិកជំនាញ ប៉ុន្តែនៅមានកម្រិត ហើយមានចំនួនតិចទើបធ្វើឲ្យក្រុមហ៊ុនអភិវឌ្ឍន៍ ឬក្រុមហ៊ុនម៉ៅការគម្រោងសាងសង់ធំៗបង្ខំចិត្តជួលកម្លាំងជំនាញដែលជាជនជាតិបរទេសមកកាន់គម្រោង និងបំពេញការងារជំនួសកម្លាំងជំនាញក្នុងស្រុក ។
លោកឧកញ៉ាបន្តថា ៖
“ខ្ញុំឃើញមានក្រុមហ៊ុនមួយចំនួនដែលអាចធ្វើរឿងនេះបាន ប៉ុន្តែចំនួនមានទំហំប៉ុណ្ណានោះ ខ្ញុំនៅមិនទាន់ដឹងគ្រប់គ្រាន់នោះទេ ដោយសារស្រុកយើងកំពុងអភិវឌ្ឍន៍ រីឯវិស័យសំណង់ក៏កំពុងតែរីកចម្រើនខ្លាំង! ប៉ុន្តែសម្រាប់ការជួលបុគ្គលិកជំនាញមកពីក្រៅប្រទេសគឺត្រូវចំណាយថវិការច្រើនណាស់! និយាយជារួមគឺគេចង់បានបុគ្គលិកជាខ្មែរដូចគ្នា ប៉ុន្តែសមត្ថភាពយើងនៅមានកម្រិត”
មិនខុសគ្នាប៉ុន្មាន លោកបណ្ឌិត គី សេរីវឌ្ឍន៍ ជាប្រធានវិទ្យាស្ថានសិក្សាចិននៃរាជបណ្ឌិត្យសភាកម្ពុជា មានប្រសាសន៍ថា ការបណ្ដុះបណ្ដាលផ្នែកវិជ្ជាជីវៈនៅកម្ពុជានៅមានកម្រិតនៅឡើយ ដោយសារតែកម្លាំងពលកម្មយើងមិនទាន់អាចចាប់យកវិស័យនេះ រីឯការផ្សព្វផ្សាយក៏នៅមានកម្រិត។ ម្យ៉ាងទៀតពាក់ព័ន្ធទៅនឹងទីកន្លែងនៃការបណ្ដុះបណ្ដាល ដូចជាសាលាវិជ្ជាជីវៈ មានការចំណាយអស់ច្រើន ហើយមិនទាន់ផ្ដល់នូវការបណ្ដុះបណ្ដាលគ្រប់ជ្រុងជ្រោយនៅឡើយ។
លោកបណ្ឌិតបន្តថា ៖
“ជារឿងល្អ បើកម្ពុជាអាចធ្វើការបណ្ដុះបណ្ដាលវិជ្ជាជីវៈទាំងអស់នេះបាន ពិសេសវិស័យកម្មន្ដសាល និងវិស័យសេវាកម្ម ដែលជាវិស័យដែលជួយទៅដល់វិស័យផលិតកម្មក្នុងស្រុក”
លោកបានបញ្ជាក់ផងដែរថា វិស័យកម្មន្ដសាលបានជួយទៅដល់សេដ្ឋកិច្ចកម្ពុជាប្រមាណជា ៤០% និងវិស័យទេសចរណ៍អាចជួយបានក្នុងកម្រិតប្រហាក់ប្រហែលគ្នា ដូច្នេះបើសិនកម្ពុជាអាចធ្វើបាន គឺអាចជួយទ្រទ្រង់សេដ្ឋកិច្ចជាតិបានរហូតទៅដល់ប្រមាណ ៨០%ឯណោះ។ យ៉ាងណាមិញ អ្នកជំនាញទាំងពីររូបខាងលើ បានបង្ហាញពីសុទិដ្ឋិនិយមថា កម្ពុជានឹងអាចមានបុគ្គលិកជំនាញលើគ្រប់ផ្នែកនៅចន្លោះពី៥ទៅ១០ឆ្នាំខាងមុខទៀត ដោយពួកគាត់លើកទឹកចិត្តឲ្យយុវជនជំនាន់ក្រោយបង្កើនការយកចិត្តទុកដាក់លើជំនាញបច្ចេកទេសចាប់ពីពេលនេះទៅ។ ម្យ៉ាងទៀត ការបញ្ជូនកម្មករទៅធ្វើការដោយស្របច្បាប់នៅប្រទេសជិតខាងក៏ជាវិធីមួយក្នុងការពង្រឹងជំនាញរបស់ពួកគេផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
អ្នកជំនាញ មើលឃើញសេដ្ឋកិច្ចកម្ពុជាបន្តរឹងមាំ ទោះស្ថិតក្នុងវិបត្តិសេដ្ឋកិច្ចសកលក៏ដោយ
អ្នកជំនាញសេដ្ឋកិច្ចវិស័យឯកជនព្រមានពីការចំណាយរបស់ពលរដ្ឋអាម៉េរិកកើនឡើងខ្ពស់ ខណៈមន្ត្រីរដ្ឋាភិបាលនិយាយថា ជាសញ្ញាល្អរបស់សេដ្ឋកិច្ច
Account
Security
Favourite Content