ការប្រើប្រាស់កម្ចីស្របច្បាប់ចំគោលដៅអាចជួយលើកស្ទួយជីវភាពបានយ៉ាងប្រសើរ

ភ្នំពេញ ៖ ការប្រើប្រាស់កម្ចីស្របច្បាប់ចំគោលដៅបានជួយលើកស្ទួយជីវភាពប្រជាជន ជាពិសេសតាមរយៈការប្រើប្រាស់កម្ចីពីគ្រឹះស្ថានមីក្រូហិរញ្ញវត្ថុ ដែលបានបង្រីកសាខាជាច្រើននៅទូទាំងប្រទេស និងបង្កភាពងាយស្រួលសម្រាប់ប្រជាជនក្នុងការទទួលបានកម្ចី និងប្រកបដោយបរិយាបន្ន។ ជាក់ស្តែង ការប្រើប្រាស់កម្ចីពីគ្រឹះស្ថានមីក្រូហិរញ្ញវត្ថុស្របច្បាប់បានធ្វើឱ្យជីវភាពរបស់អ្នកស្រី រ៉ង គន្ធា ដែលជាអ្នកប្រើប្រាស់កម្ចីចំគោលដៅមានភាពកាន់តែប្រសើរឡើងតាមរយៈការពង្រីកមុខរបរប្រចាំថ្ងៃរបស់អ្នកស្រី។

យោងតាមប្រភពពីសមាគមមីក្រូហិរញ្ញវត្ថុកម្ពុជា អ្នកស្រី រ៉ង គន្ធា អាយុ ៣៤ឆ្នាំ ជាជាងកាត់ដេរ ហើយស្វាមីមានមុខរបរជាជាងម៉ូតូ មានសមាជិកគ្រួសារចំនួន ៤នាក់ បានឱ្យដឹងថា អ្នកស្រីប្រកបរបរនេះតាំងពីឆ្នាំ២០១៦ មកម្ល៉េះ ហើយមកដល់ឆ្នាំ២០១៩ អាជីវកម្មរបស់អ្នកស្រីត្រូវការដើមទុនបន្ថែម។

ដំបូងឡើយ អ្នកស្រីមិនដឹងថាគួរតែស្នើកម្ចីពីស្ថាប័នណាដែលមិនតម្រូវឲ្យមានទ្រព្យដាក់ធានានោះទេ មួយវិញទៀតអ្នកស្រីក៏មិនចង់ខ្ចីប្រាក់ពីអ្នកចងការក្នុងភូមិដែរ ព្រោះថាអត្រាការប្រាក់ខ្ពស់ តែជាសំណាងល្អ អ្នកស្រីបានស្គាល់គ្រឹះស្ថានមីក្រូហិរញ្ញវត្ថុមួយតាមរយៈម្តាយរបស់អ្នកស្រី ហើយក៏បានសម្រេចចិត្តប្រើប្រាស់កម្ចីជាលើកដំបូងចំនួន ២ ០០០ ០០០រៀល ដើម្បីទៅទិញសាច់ក្រណាត់បន្ថែម។

អ្នកស្រីមានប្រសាសន៍ឱ្យដឹងថា ពីមួយឆ្នាំទៅមួយឆ្នាំ អ្នកស្រីបានប្រើប្រាស់កម្ចីជាមួយគ្រឹះស្ថានមីក្រូហិរញ្ញវត្ថុនោះជាបន្តបន្ទាប់ ព្រោះថា គ្រឹះស្ថានមានផលិតផលឥណទានសំបូរបែប ដែលធ្វើឲ្យអ្នកស្រីមានភាពងាយស្រួលក្នុងការប្រើប្រាស់កម្ចី ជាពិសេស មិនចាំបាច់មានទ្រព្យដាក់ធានាកម្ចី។

អ្នកស្រីបានប្រើប្រាស់កម្ចីជាមួយគ្រឹះស្ថាននោះ ជាលើកទី៦ ចំនួន ៤ ០០០ ០០០រៀល ក្នុងគោលបំណងគាំទ្រមុខរបរស្វាមីរបស់អ្នកស្រីក្នុងការទិញគ្រឿងបន្លាស់ម៉ូតូសម្រាប់ជួសជុលបន្ថែម ហើយនៅប៉ុន្មានឆ្នាំចុងមកនេះជីវភាពគ្រួសាររបស់អ្នកស្រីកាន់តែមានភាពប្រសើរឡើង ចាប់តាំងពីគ្រួសារអ្នកស្រីមានអាជីវកម្មតែមួយ រហូតដល់មានអាជីវកម្មច្រើនផ្សេងទៀតនៅក្នុងគ្រួសារដូចជាការចិញ្ចឹមជ្រូកជាដើម។

ក្នុងអំឡុងពេលមានបញ្ហាកូវីដ-១៩ សម្រាប់គ្រួសារអ្នកស្រីក៏រងផលប៉ះពាល់បន្តិចបន្តួចដែរ តែចំណូលដែលរកបានអាចទប់ទល់បាន ពីព្រោះគ្រួសារអ្នកស្រីមិនពឹងផ្អែកតែប្រភពចំណូលតែមួយនោះឡើយ។  ពោល គឺពីមុនមួយថ្ងៃអាចរកចំណូលបានត្រឹមតែ ៤០ ០០០ ទៅ ៥០ ០០០ រៀល ប៉ុន្តែបើប្រៀបធៀបនឹងបច្ចុប្បន្នចំណូលដែលរកបានពី ៨០ ០០០ ទៅ ១០០ ០០០ រៀលនៃប្រាក់ចំណេញដុល។

ទៅថ្ងៃអនាគត អ្នកស្រីមានបំណងចង់ពង្រីកមុខររបរនេះឲ្យកាន់តែធំជាងនេះ និងកែលម្អគេហដ្ឋានឲ្យបានល្អប្រសើរជាងនេះ ។ ជាចុងក្រោយ អ្នកស្រីបានថ្លែងអំណរគុណដល់គ្រឹះស្ថានមីក្រូហិរញ្ញវត្ថុដែលបានផ្តល់ប្រាក់កម្ចី និងមានផលិតផលសមស្របនឹងតម្រូវការរបស់អ្នកស្រី និងក្រុមគ្រួសារ បើមិនដូច្នោះទេ អាជីវកម្មរបស់អ្នកស្រីក៏មិនរីកចម្រើន និងមានភាពល្អប្រសើរដូចសព្វថ្ងៃនេះឡើយ។

ជារួម វិស័យមីក្រូហិរញ្ញវត្ថុនៅតែបន្តចូលរួមជំរុញការអភិវឌ្ឍសេដ្ឋកិច្ច តាមរយៈការផ្តល់សេវាហិរញ្ញវត្ថុផ្លូវការដល់ប្រជាជន ជាពិសេសប្រជាជននៅតាមតំបន់ជនបទ ខណៈឆ្នាំ២០២៣ វិស័យនេះ នឹងផ្តោតអាទិភាពលើការជំរុញកំណើនប្រកបដោយការទទួលខុសត្រូវ ដោយធ្វើការលើកម្ពស់ចំណេះដឹងហិរញ្ញវត្ថុ និងកិច្ចការពារអតិថិជន។

ជាក់ស្ដែង ទ្រព្យសកម្មកើនឡើង ១៨,៥% ដល់ ៤៤,៤ ទ្រីលានរៀល (១០,៨ ពាន់លានដុល្លារអាមេរិក) ក្នុងនោះ ឥណទានកើនឡើង ២១,៤% ដល់ ៣៨,៩ ទ្រីលានរៀល (៩,៥ ពាន់លានដុល្លារអាមេរិក) ដែលគាំទ្រដោយកំណើនមូលនិធិភាគទុនិក ២០,៣% ដល់ ៩,៨ ទ្រីលានរៀល (២,៤ ពាន់លានដុល្លារអាមេរិក)។ ជាមួយគ្នានេះ ប្រាក់បញ្ញើកើនឡើង ១៤% ដល់ ១៩,៤ ទ្រីលានរៀល (៤,៧ ពាន់លានដុល្លារអាមេរិក)។ នេះបើយោងតាមរបាយការណ៍ត្រួតពិនិត្យប្រចាំឆ្នាំ២០២២ របស់ធនាគារជាតិនៃកម្ពុជាកាលពីថ្មីៗនេះ។ ឥណទានរបស់វិស័យមីក្រូហិរញ្ញវត្ថុត្រូវបានផ្ដល់ដល់វិស័យសំខាន់ៗ ដូចជា ក្រុមគ្រួសារ ៣៣,២% ពាណិជ្ជកម្ម និងជំនួញ ២៣,៣% កសិកម្ម ១៧,៨% សេវាកម្ម ១៣,៦% និងវិស័យផ្សេងៗ ១២,១%។ ទន្ទឹមនឹងការចូលរួមការអភិវឌ្ឍសេដ្ឋកិច្ច វិស័យមីក្រូហិរញ្ញវត្ថុបានរួមចំណែកបង្កើនលទ្ធភាពដល់សាធារណជនក្នុងការទទួលបាន និងប្រើប្រាស់សេវាហិរញ្ញវត្ថុផ្លូវការ ដែលឆ្លុះបញ្ចាំងតាមរយៈ គណនីប្រាក់បញ្ញើ និងការកើនឡើងគណនីឥណទានដល់ចំនួន ២,៧ លានគណនី និង ២,១ លានគណនីរៀងគ្នា៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ