ងាយៗ គន្លឹះក្នុងការគ្រប់គ្រងថវិកាសម្រាប់អ្នកធ្វើការ ដោយមិន​ឲ្យ​​ជួបបញ្ហានៅចុងខែ

ជាការពិត សម្រាប់អ្នកធ្វើការដែលពឹងផ្អែកលើប្រាក់ប្រចាំខែគួរតែរៀបចំផែនការគ្រប់គ្រងហិរញ្ញវត្ថុឲ្យបានល្អ ដើម្បីកុំឲ្យចំណាយ​លើស​ពីអ្វី​ដែលខ្លួន​រកបាន។ ម្យ៉ាងទៀត ចូលដល់វ័យធ្វើការច្បាស់ណាស់ថា បុគ្គលនីមួយៗនឹងចាប់ផ្ដើមមានទំនួលខុសត្រូវកាន់តែច្រើន ជាពិសេស​បន្ទុក​គ្រួសារ​ដែលត្រូវរ៉ាប់រង។

ដើម្បីសល់ប្រាក់ប្រចាំខែ ក៏ដូចជាអាចគ្រប់គ្រងនូវតម្រូវការចាំបាច់នានា អ្នកធ្វើការគួរអនុវត្តតាមចំណុចខាងក្រោម៖

១. រៀបចំគម្រោងចំណាយទុកមុន ៖ ជំនួសឲ្យការអង្គុយរំលឹកអំពីអ្វីដែលខ្លួនបានចំណាយរួចទៅហើយ អ្នកគួររៀបចំផែនការទុកមុន បែងចែក​កញ្ចប់ថវិកា ទៅតាមតម្រូវការនីមួយៗ។ ពេលរៀបចំរួចហើយ អ្នកនឹងដឹងច្បាស់ថា កញ្ចប់ថវិការបស់អ្នកគួរចំណាយលើអ្វី និងមិនគួរ​ចំណាយ​ទៅលើអ្វី ដែលវាដូចជាការដាក់ព្រំដែន​មួយដល់ខ្លួនឯងទៅលើការចាយផងដែរ។

២. ខ្ចប់អាហារទៅធ្វើការ ៖ ការចំណាយលើចំណីអាហារជាការចំណាយដ៏ធំមួយផងដែរ ដូច្នេះអ្នកគួរតែរកវិធីបន្ថយការចំណាយ លើការហូប​ចុក ហើយវិធីដែលល្អបំផុតគឺចម្អិនអាហារដោយខ្លួនឯង។ ថ្វីត្បិតថា អ្នកត្រូវចំណាយ​ពេលបន្តិច ប៉ុន្តែអ្នកអាចសន្សំប្រាក់ពីការហូបអាហារ​ខាង​ក្រៅ​បាន ហើយអ្វីដែលអ្នកអាចចំណេញ ទៀតនោះ គឺចំណេញសុខភាព ព្រោះការធ្វើខ្លួនឯងអ្នកមានការផ្ចិតផ្ចង់លើអនាម័យ។

៣. អ្វីដែលមិនចាំបាច់គួរធ្វើខ្លួនឯង ៖ ចំណេះដឹងមូលដ្ឋានមួយចំនួនដែលអ្នកគួរមាន ដូចជាជួលជុលអំពូលភ្លើង ជួលជុលគ្រឿង​អេឡិចត្រូនិក ដេរខោអាវជាដើមក៏ជាការសន្សំមួយផ្នែកដែរ។ ប្រសិនបើរបស់ទាំងនេះ​ខូច អ្នកគួររៀនជួសជុលខ្លួនឯងជាមុនសិន មុននឹងចំណាយប្រាក់លើ​ជាងជួសជុល ព្រោះរបស់ខ្លះ ក៏វាមិនស្មុគស្មាញពេក រហូតដល់អ្នកមិនអាចធ្វើបាននោះទេ។ ម្យ៉ាងទៀត ការចេះច្នៃ (DIY) ក៏អាចជួយ​សន្សំអ្នក​បានច្រើនផងដែរ។

៤. ទិញទំនិញដោយភាពឆ្លាតវៃ ៖ ការទិញទំនិញដោយភាពឆ្លាតវៃនៅទីនេះគឺសំដៅលើ ការយល់ដឹងពីតម្លៃទំនិញតាមហាងនីមួយៗ ការទិញ​ទំនិញ​ដោយផ្អែកលើភាពចាំបាច់ ហើយទិញទំនិញស្តុកទុកសម្រាប់ប្រើប្រាស់តែម្ដង។ ឧទាហរណ៍ អ្នកអាចទិញនៅពេលណាដែលហាងទំនិញ​មាន​ការលក់បញ្ចុះតម្លៃ ឬដើរផ្សារពេលល្ងាច ដើម្បីទទួល បានទំនិញដែលធូរថ្លៃជាដើម។

៥. ជម្រើសសុខភាពរាងកាយ ៖ មនុស្សសម័យបច្ចុប្បន្ននេះគឺ ការបង់ប្រាក់ហាត់ប្រាណនៅក្នុងក្លិប កីឡា (GYM) ប៉ុន្តែមែនទែនទៅ មិន​ចាំបាច់​ទាល់តែចូលក្លិបកីឡាទើបអាចហាត់ប្រាណបាននោះ​ទេ។ អ្នកអាចរៀបចំទីតាំងណាមួយនៅក្នុងផ្ទះ ឬបន្ទប់របស់ខ្លួន ហើយដាក់ផែន​ការ​ច្បាស់លាស់ ដើម្បីថែរក្សាសុខភាព។

៦. មានគោលដៅក្នុងការសន្សំប្រាក់ ៖ ដើម្បីអាចសន្សំប្រាក់បានទៅតាមការគ្រោងទុក អ្នកគួរដាក់គោលដៅដូចជា ទិញផ្ទះ ទិញឡាន ជា​ដើម។ នៅពេលដែលអ្នកមានគោលដៅច្បាស់លាស់ វានឹងក្លាយជាកម្លាំងចិត្តសម្រាប់អ្នក ក្នុងការធ្វើការងារ ជាពិសេសរិតត្បិតការចាយ​វាយ​របស់​ខ្លួន។

៧. ចាយវាយដោយប្រើប្រាស់ក្រដាស់ប្រាក់ ៖ ការសិក្សាបានបង្ហាញថា មនុស្សមានទំនោរចំណាយកាន់តែច្រើននៅពេលដែលពួកគេប្រើប្រាស់ កាតធនាគា ព្រោះពួកគេមិនបានទទួលអារម្មណ៍ថាខ្លួនកំពុងចាយលុយដ៏លើសលប់ឡើយ។ ផ្ទុយទៅវិញ នៅពេលអ្នកប្រើប្រាស់​លុយសម្រាប់​ចាយ អ្នកអាចគ្រប់គ្រងការចំណាយបានល្អជាង។

៨. ជ្រើសរើសការសន្សំដែលស័ក្កសម និងចំណេញ ៖ ជំនួសឲ្យការសន្សំចោល អ្នកអាចស្វែងរកការសន្សំដូចជា សន្សំក្នុងធនាគារ​ដើម្បីយក​ការ​ប្រាក់ លេងភាគហ៊ុន ឬបង់រំលោះទ្រព្យទុកជាដើម។ ប៉ុន្តែវិធីសន្សំខាងលើនេះគឺសម្រាប់តែការសន្សំ ដែលមានរយៈពេលវែងប៉ុណ្ណោះ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល