សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ សហរដ្ឋអាម៉េរិកទើបតែប្រារព្ធខួបលើកទី ២៥០ របស់ខ្លួន ដោយមានការចូលរួមអបអរសាទរយ៉ាងច្រើនពីសំណាក់ពលរដ្ឋ និងស្ថានទូតនៅតាមបណ្តាប្រទេសនានាប៉ុន្តែនៅពីក្រោយរូបភាពនេះមានការយល់ឃើញមួយថា បច្ចុប្បន្ន អាម៉េរិកកំពុងគ្របដណ្តប់ដោយក្តីបារម្ភយ៉ាងខ្លាំងពីសំណាក់សាធារណជនដែលជាជនជាតិអាម៉េរិកខ្លួនឯងចំពោះបញ្ហាជាច្រើនដូចជាលទ្ធិប្រជាធិបតេយ្យ ស្ថិរភាពសេដ្ឋកិច្ច និងឯកភាពជាតិទៅវិញ។
កាសែតរុស្ស៊ី RT បានធ្វើការដកស្រង់ព័ត៌មានចេញពីការស្ទាបស្ទង់មតិកាលពីពេលថ្មីៗនេះដែលធ្វើឡើងដោយទីភ្នាក់ងារសារព័ត៌មាន Reuters។
អត្ថបទវិភាគបានគូសបញ្ជាក់ពីវិបត្តិនៃការបាត់បង់ជំនឿចិត្តយ៉ាងធ្ងន់ធ្ងរក្នុងចំណោមប្រជាពលរដ្ឋអាម៉េរិករហូតដល់ប្រមាណ ៧០ភាគរយ ដែលលែងចាត់ទុកសហរដ្ឋអាម៉េរិកជាប្រទេសដ៏អស្ចារ្យបំផុតនៅលើពិភពលោកទៀតហើយ។ លើសពីនេះ មានប្រជាពលរដ្ឋប្រមាណ ៦៤ភាគរយជឿថា លទ្ធិប្រជាធិបតេយ្យរបស់អាម៉េរិកកំពុងស្ថិតក្នុងភាពគ្រោះថ្នាក់ ហើយ ប្រមាណ ៣៨ភាគរយផ្សេងទៀត បានបង្ហាញពីការសង្ស័យថា តើប្រទេសមួយនេះអាចរស់រានមានជីវិតក្នុងរយៈពេល ២៥០ ឆ្នាំខាងមុខទៀត អាម៉េរិកនៅតែជាប្រទេសតែមួយដែរ ឬទេ?
ក្រុមអ្នកវិភាគបានចង្អុលបង្ហាញថា ក្តីស្រមៃរបស់ពលរដ្ឋអាម៉េរិក ឬ American Dream ដែលបានបង្កើតជាយូរមកហើយនោះកំពុងបាត់បង់។ រដ្ឋាភិបាលបានសន្យាថា កិច្ចខិតខំប្រឹងប្រែងធ្វើការងាររបស់ពលរដ្ឋអាម៉េរិកនឹងធានាបាននូវជីវិតកាន់តែល្អប្រសើរឡើង ដែលជាកត្តាជំរុញឱ្យមានក្ដីអស់សង្ឃឹម ប៉ុន្តែបច្ចុប្បន្ន បែរជាយុវជនជំនាន់ក្រោយកំពុងប្រឈមមុខនឹងបំណុលយ៉ាងច្រើន កម្រិតទ្រព្យសម្បត្តិនៅទ្រឹងដដែល ខណៈទីផ្សារផ្ទះសម្បែងដែលមិនសមមូលបានចាប់ផ្តើមធ្វើឱ្យមនុស្សជាច្រើនមានអារម្មណ៍ថា ប្រព័ន្ធគ្រប់គ្រងកំពុងតែចាប់ផ្តើមដួលរលំ។
ភាពគ្មានចក្ខុវិស័យរួមគ្នាក៏ជាផ្នែកមួយរួមចំណែកក្នុងការបែងចែកប្រទេសជាពីរផងដែរតាមរយៈក្រុមនយោបាយស្តាំនិយម និងឆ្វេងនិយម។ ក្រុមអភិរក្សនិយមស្តាំ The Conservative Right បានជំរុញឱ្យមានការលុបបំបាត់បទប្បញ្ញត្តិ កាត់បន្ថយការចំណាយរបស់រដ្ឋាភិបាល និងគោលនយោបាយការបរទេសដែលផ្តល់អាទិភាពដល់អាម៉េរិកមុនគេ ឬAmerica-first ខណៈពេលដែលអាណត្តិប្រធានាធិបតីរបស់ លោក Donald Trump ធ្លាប់បានសន្យាថា នឹងមានបដិវត្តន៍ជាតិនិយមសេដ្ឋកិច្ច ស្របគ្នាជាមួយសំឡេងក្រុមអ្នករិះគន់វាយតម្លៃថា ការផ្តោតអារម្មណ៍របស់លោក Trump នៅតែជាលក្ខណៈបុគ្គលខ្លាំង និងអាចធ្វើឱ្យបាត់បង់ឱកាសក្នុងការកសាងគ្រឹះលទ្ធិជាតិដ៏ស្អិតល្មួតជាមួយគ្នា។
ដោយឡែកក្រុមឆ្វេងនិយម The Progressive Left វិញ បានបង្ហាញពីការគាំទ្រទៅលើគោលនយោបាយរបស់រដ្ឋបាលលោក Trump ជាពិសេសការបែងចែកទ្រព្យសម្បត្តិដែលកំណត់គោលដៅជាឬសគល់នៃបញ្ហាយ៉ាងខ្លាំងក្លាគឺទៅលើក្រុមមហាសេដ្ឋីបច្ចេកវិទ្យា ដោយពួកគេជឿជាក់ថា សេដ្ឋីបច្ចេកវិទ្យាមួយក្រុមនេះអាចមានអំណាចខ្លាំងដែលប្រឆាំងទៅនឹងសម្លេងរបស់រដ្ឋាភិបាលអាម៉េរិកបាន។
សរុបជារួម ខណៈពេលដែលប្រទេសអាម៉េរិកកំពុងរំលឹកខួបជាប្រវត្តិសាស្ត្រប្រកបដោយមោទនភាពលើប្រវត្តិសាស្ត្ររបស់ខ្លួននោះ ក្រុមអ្នកសង្កេតការណ៍បានកត់សម្គាល់ថា បញ្ហាប្រឈមដ៏សំខាន់នៅពេលនេះគឺការលែងផ្តល់តម្លៃទៅលើអតីតកាលនោះហើយ ប៉ុន្តែកើតមានសំណួរថា តើបក្សនយោបាយផ្សេងគ្នាចំនួនពីរនេះ នៅតែអាចរួមគ្នាបង្កើតអនាគតរួមតែមួយបាន ឬយ៉ាងណានៅពេលអនាគត៕
Account
Security
Favourite Content