សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អស់រយៈពេលត្រឹមតែជាង២ទសវត្សរ៍ប៉ុណ្ណោះ កម្លាំងកងទ័ពជើងទឹកចិនបានប្រែខ្លួនពីកងទ័ពដែលគ្មានអំណាច និងឥទ្ធិពលទៅជាមហាអំណាចដ៏គួរឲ្យស្ងប់ស្ញែងមួយ និងអាចចាត់ទុកបានថាជាកងកម្លាំងដែលមានទំហំធំបំផុតលើពិភពលោកទៀតផងក្នុងពេលបច្ចុប្បន្ននេះ។
ត្រឡប់ទៅពេលវេលាកាលពីឆ្នាំ២០០៥ កងកងម្លាំងទ័ពជើងទឹក People’s Liberation Army Navy មាននាវាមុជទឹកភាគច្រើនសុទ្ធតែជានាវាចាស់ៗដើរដោយថាមពលប្រេងម៉ាស៊ូត ហើយក្នុងនោះនាវាបំពាក់អាវុធនុយក្លេអ៊ែរមានតែមួយគ្រឿងគត់ ខណៈដែលខ្លួនមិនមាននាវាផ្ទុកយន្តហោះចម្បាំង និងនាវាចម្បាំងប្រភេទ cruisers នោះឡើយ។
មកដល់ឆ្នាំ២០២៣នេះ បើគេប្រៀបធៀបសមត្ថភាពរបស់ចិនបច្ចុប្បន្ន និងអតីតកាល គឺមានភាពខុសគ្នាដាច់ស្រឡះ។ កងទ័ពជើងទឹកចិនដែលហៅកាត់ថា PLAN ទើបតែទទួលបាននាវាមុជទឹកថ្មីដើរដោយថាមពលនុយក្លេអ៊ែរ និងអាចបំពាក់គ្រាប់នុយក្លេអ៊ែរដល់ទៅ៦គ្រឿង ហើយក្នុងនោះ១គ្រឿងត្រូវបានដាក់ឲ្យប្រតិបត្តិការនៅតាមដែនសមុទ្រជាប់ជានិច្ចផងដែរ។
នាវាមុជទឹកដ៏ទំនើប និងពោរពេញទៅដោយកម្លាំងនីមួយៗអាចបំពាក់ជាមួយនឹងមីស៊ីលបាញ់ឆ្លងទ្វីប ឬ ballistic ប្រមាណជា១២គ្រាប់ និងក្បាលគ្រាប់នុយក្លេអែរចំនួន៣គ្រាប់ផងដែរ ដែលអាចវាយប្រហារបំផ្លាញទីក្រុងមួយបានយ៉ាងងាយបំផុត ខណៈកន្លងមកចិនក៏មាននាវាមុជទឹកដើរដោយថាមពលនុយក្លេអ៊ែរ៩គ្រឿងទៀតសុទ្ធតែអាចត្រៀមប្រតិបត្តិការបានភ្លាមៗប្រសិនបើមានបញ្ជារណាមួយ។
មិនត្រឹមតែប៉ុណ្ណោះ ពេលនេះ PLAN អាចធ្វើប្រតិបត្តិការយោធាបានជាមួយនឹងនាវាផ្ទុកយន្តហោះចម្បាំងសរុបដល់ទៅ៣គ្រឿងដែលក្នុងនោះ១គ្រឿងទើបតែរួចរាល់កាលពីឆ្នាំមុន និងមានឈ្មោះថា Fujian ដែលមានទំងន់ដល់ទៅ ៨០ ០០០តោន ពោលគឺធំជាងនាវាផ្ទុកយន្តហោះរបស់អង់គ្លេស Queen Elizabeth។
មហិច្ឆិតារបស់រដ្ឋាភិបាលក្រុងប៉េកាំងជាមួយនឹងនាវាផ្ទុកយន្តហោះចម្បាំងមិនមែនត្រឹមតែប៉ុណ្ណេះនោះទេ ដោយសារតែនាវាទី៤ត្រូវបានគេជឿជាក់ថា នឹងសាងសង់រួចរាល់ក្នុងពេលឆាប់ៗខាងមុខនេះ ហើយកាន់តែទំនើប និងមានសមត្ថភាពកាន់តែខ្លាំងដោយសារវាអាចបំពាក់បច្ចេកវិទ្យាដើរដោយថាមពលនុយក្លេអ៊ែរដែលអាចផ្ទុកយន្តហោះចម្បាំងកាន់តែច្រើន និងប្រតិបត្តិការដោយមិនចាំបាច់ប្រើប្រាស់ថាមពលឥន្ធនៈនោះឡើយ។
ចំពោះនាវាចម្បាំងប្រភេទ cruiser បច្ចុប្បន្ន ចិនមានប្រមាណជា៦គ្រឿងផងដែរ ដែលក្នុងនោះមានដូចជា Renhai class ជាដើម និងនាវាចម្បាំងប្រភេទ destroyer និង frigates សរុបជាង៨០គ្រឿង បន្ថែមជាមួយនឹងនាវាប្រយុទ្ធធុនស្រាល light corvetters ប្រមាណជាង៥០គ្រឿងផ្សេងទៀត។
ដូច្នេះមិនមានអ្វីគួរឲ្យសង្ស័យនោះទេថា កងទ័ពជើងទឹកចិនពិតជាធំ និងខ្លាំង ទាំងចំនួន និងបច្ចេកវិទ្យាផងដែរ ពីព្រោះថាក្រៅពីនោះចិនក៏នៅមានអាវុធទំនើបៗជាច្រើនប្រភេទផ្សេងទៀត ជាពិសេសកងកម្លាំងយោធាប្រចាំការរហូតទៅដល់២៦ម៉ឺននាក់គិតត្រឹមឆ្នាំ២០២៣នេះ ខណៈដែលនាវាសរុបទាំងតូចធំមានជាង៦២០គ្រឿង ហើយឧទ្ធម្ភាគចក្រ និងយន្តហោះចម្បាំងដល់ទៅជាង៥៧០គ្រឿង៕
Account
Security
Favourite Content