សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ខណៈដែលសហរដ្ឋអាម៉េរិកកំពុងបន្តដាក់ពង្រាយកងកម្លាំងប្រយុទ្ធជើងទឹករបស់ខ្លួនជាច្រើននៅក្នុងដែនសមុទ្រនាតំបន់មជ្ឈឹមបូព៌ានោះ នៅសប្តាហ៍នេះសារព័ត៌មានក្នុងស្រុករបស់អ៊ីរ៉ង់បានចេញផ្សាយថា រដ្ឋាភិបាលតេហរ៉ង់ នឹងរៀបចំសមយុទ្ធទ័ពជើងទឹកមួយដោយសហការជាមួយសម្ព័ន្ធមិត្តធំៗ ដូច ជារុស្ស៊ិ និងមហាយក្សចិន ដែលអាចអនុវត្តនាចុងខែកម្ភៈនេះតែម្ដង។
The War Zone បានសរសេរថា សមយុទ្ធយោធាត្រីភាគីរវាងទីក្រុងតេហរ៉ង់ ក្រុងមូស្គូ និងទីក្រុងប៉េកាំង ក្នុងឆ្នាំ២០២៦នេះមានឈ្មោះថា Maritime Security Belt 2026 ដែលអាចពាក់ព័ន្ធទៅនឹងសកម្មភាពជាបន្តបន្ទាប់របស់យោធាអាម៉េរិកនៅក្នុងដែនសមុទ្រ។
តាមពិតទៅ សមយុទ្ធយោធាដែលមានការចូលរួមគ្នារវាងប្រទេសទាំង៣នេះធ្លាប់បានធ្វើឡើងតាំងតែពីឆ្នាំ២០១៩មកម្ល៉េះ។ ដោយឡែកឆ្នាំនេះ អ៊ីរ៉ង់ ដែលជាម្ចាស់ផ្ទះនឹងរៀបចំយកទីក្រុងផែសមុទ្រ Bandar Abbas ដែលស្ថិតនៅភាគខាងត្បូងប្រទេស ធ្វើជាទីតាំងសមយុទ្ធ។
កាសែតអ៊ីរ៉ង់ Mehr news បានសរសេរថា៖ កងកម្លាំងទ័ពជើងទឹករបស់រុស្ស៊ី ចិន និងអ៊ីរ៉ង់ ត្រូវបានរំពឹងថា នឹងចូលរួមជាមួយនាវាចម្បាំងជាច្រើន ដើម្បីបង្ហាញសមត្ថភាពប្រតិបត្តិការច្រើនរូបភាព ព្រមទាំងធ្វើការសាកល្បងប្រតិបត្តិការបែបជាយុទ្ធសាស្ត្រ និងនីតិវិធីឆ្លើយតបយ៉ាងឆាប់រហ័សទៅកាន់សងរដ្ឋអាម៉េរិកនៅក្នុងច្រកសមុទ្រ Hormuz ផងដែរ។
ងាកទៅអាមេរិកវិញ មកដល់បច្ចុប្បន្ននេះ នៅមិនទាន់មានការឆ្លើយតប ឬប្រតិកម្មណាមួយនៅឡើយ។ គួរឲ្យដឹងដែរថា សមយុទ្ធកងទ័ពជើងទឹករួមគ្នាត្រីភាគីនេះ ក៏នឹងមានការចូលរួមពីកងកម្លាំងឆ្មាំបដិវត្តអ៊ីស្លាមអ៊ីរ៉ង់ (IRGC)ផងដែរ ៕
Account
Security
Favourite Content