កំពង់ចាម ៖ មនុស្សគ្រប់គ្នាសុទ្ធតែបានស្គាល់យ៉ាងច្បាស់ហើយថា ទុរេន គឺជាផ្លែឈើមួយប្រភេទដែលមានរសជាតិផ្អែម ឈ្ងុយឆ្ងាញ់ យ៉ាងពិសេស និងមានតម្លៃថ្លៃបើប្រៀបធៀបទៅនឹងប្រភេទផ្លៃឈើដទៃទៀត និងជាប្រភេទដំណាំផ្លែឈើរើសទីតាំង និងប្រភេទដី រួមទាំអាកាសធាតុក្តៅ ហើយសើមសម្រាប់ដាំដុះ ដូចជានៅខេត្តបាត់ដំបង កំពត កោះកុង ត្បូងឃ្មុំ ជាពិសេសនៅខេត្តកំពង់ចាម ដែលមានឈ្មោះល្បីល្បាញដែលមានឈ្មោះថា ទុរេនបែកអន្លូង។

គ្រាន់តែឮពាក្យ បែកអន្លូង មនុស្សជាច្រើនអាចនឹកទៅដល់ទុរេនបែកអន្លូងភ្លាម ដែលមានរសជាតិផ្អែមឈ្ងុយឆ្ងាញ់ ពិសេសគឺជាទិន្នផលធម្មជាតិរបស់បងប្អូនកសិករដែលបានដាំដុះ និងមើលថែក្នុងតំបន់ផ្ទាល់ ដែលជាកត្តាមួយធ្វើឱ្យទុរេនតំបន់នេះមានឈ្មោះបោះសំឡេង និងមានប្រជាប្រិយភាពខ្លាំង។
លោក ស ស្រ៊ី ជាម្ចាស់ចំការទុរេនមួយកន្លែងក្នុងតំបន់បែកអន្លូង ស្រុកស្ទឹងត្រង់ ខេត្តកំពង់ចាម បានមានប្រសាសន៍ថា បច្ចុប្បន្ន ទុរេនបែកអន្លូងមានការគាំទ្រច្រើនរហូតដល់មានបងប្អូនទៅទិញផ្ទាល់ដល់ចំការតែម្ដង។

លោកបញ្ជាក់ថា ៖
“កាលដើមឡើយទុរេនរបស់យើងមានអ្នកក្នុងតំបន់គាត់ស្គាល់ និងជួយទិញ តែមួយរយៈក្រោយនេះមានអ្នកស្គាល់ច្រើន និងមានអ្នកមកពីចម្ងាយ ក៏ដូចជាមកពីខេត្តដទៃចូលទៅទិញដល់ចំការ ពិសេសគឺនៅថ្ងៃចុងសប្ដាហ៍ដែលបងប្អូនយើងគាត់សម្រាកពីការងារគឺទៅលេងកម្សាន្ត និងទិញដល់ចំការតែម្ដង”
ម្ចាស់ចំការខាងលើបន្តថា សម្រាប់ចំការរបស់លោកមានទំហំ ៧ហិចតា ដែលរាល់ឆ្នាំអាចផ្ដល់ប្រមូលទិន្នផលបានប្រមាណ ៥០តោនក្នុងមួយរដូវកាល ហើយសម្រាប់រដូវកាលប្រមូលផលទុរេនបែកអន្លូងនេះគឺចាប់ពីចុងខែឧសភា ដល់ពាក់កណ្ដាលខែកក្កដា ហើយទុរេនគ្រប់អាយុដែលត្រូវកាត់គឺចន្លោះ១២០ ទៅ១២៥ ថ្ងៃ ឬអាចដល់ ១៤៥ថ្ងៃបើមានភ្លៀងច្រើន។

ដោយឡែក សម្រាប់ការដាំដុះវិញ ម្ចាស់ចំការខាងលើបញ្ជាក់ដែរ កសិករដែលដាំដុះចាំបាច់ត្រូវមានចំណេះជំនាញច្បាស់ ដោយសារតែទុរេននេះមិនងាយស្រួលដាំប៉ុន្មាននោះទេ។ ចំណែកអ្វីដែលត្រូវការសម្រាប់ដំណាំទុរេនគឺប្រភេទដីមានសំណើមខ្ពស់ (លក្ខណៈសើមតែមិនមែនសើមផ្អៀច) ប្រព័ន្ធទឹកស្រោចស្រព ហើយក្រៅពីនេះក៏មានជី និងថ្នាំសម្លាប់សត្វល្អិត រួមទាំងការមើលថែទាំឱ្យស្របតាមបច្ចេកទេសផងដែរ។
តាមរយៈបទពិសោធផ្ទាល់ខ្លួនរបស់លោក ស ស្រ៊ី ដែលបានដាំដុះទុរេនអស់រយៈពេល២៥ឆ្នាំមកហើយនោះ លោកបានប្រើវិធីសាស្ត្រកាត់ផ្សាំតពូជជាដើមខ្ចី ដែលត្រូវចំណាយពេលប្រមាណ ៧ឆ្នាំទើបទុរេនចេញផ្លែលើកដំបូង តែក្រោយមកគេបានធ្វើការកាត់តពូជជាដើមចាស់វិញ ហេតុនេះគេអាចកាត់បន្ថយពេលមកត្រឹម ៥ឆ្នាំគឺអាចទទួលបានផល ។
ស្រដៀងគ្នានេះ លោក ហេង ឆេងលី ម្ចាស់ចំការទុរេន តាលី ស្ថិតក្នុងតំបន់បែកអន្លូងដដែលនេះ ក៏បានប្រាប់ឱ្យដឹងផងដែរថា តំបន់បែកអន្លូងមានដំណាំចម្រុះជាច្រើនប្រភេទ ប៉ុន្តែសម្រាប់ដំណាំដែលមានសក្ដានុពលជាងគេនោះគឺដំណាំទុរេន ដែលចំការខ្លះមានទំហំធំច្រើនហិកតា ដែលមានទុរេនចាប់ពី ២០០ដើម រហូតដល់រាប់ពាន់ដើមក៏មានដែរ។
លោកបានបញ្ជាក់ថា ទុរេនបែកអន្លូងទើបតែចាប់ផ្ដើមល្បីល្បាញកាន់តែខ្លាំងប្រមាណ ៥ឆ្នាំចុងក្រោយនេះ ដោយសារតែមានរសជាតិផ្អែម ឈ្ងុយ ល្មួត ខុសពីរសជាតិផ្លែទុរេនដែលមានដាំដុះនៅតាមបណ្តាខេត្ត និងតំបន់ផ្សេងៗ រហូតមានអ្នករកស៊ីទិញ-លក់ផ្លែធុរេនខ្លះ ទិញយកទៅលក់បន្តនៅប្រទេសវៀតណាម និងប្រទេសថៃថែមទៀតផង។
លោក ឆេងលី បញ្ជាក់ដែរថា ៖
“ផ្លែទុរេនមានរសជាតិប្លែកៗពីគ្នាអាស្រ័យទៅតាមតំបន់ ក៏ដូចជាបច្ចេកទេសលើការមើលថែទាំរបស់អ្នកដាំដុះ។ ជាក់ស្ដែងដូចជាផ្លែទុរេននៅដាំដុះនៅតំបន់បែកអន្លូងយើងផ្ទាល់តែម្ដង យើងប្រើបច្ចេកទេសដាំដុះយ៉ាងត្រឹមត្រូវ ប្រើជីធម្មជាតិគ្មានសារធាតុគីមី ដែលធ្វើឱ្យសាច់ទុរេនទន់មានរសជាតិឆ្ងាញ់ប្លែកខុសពីផ្លែទុរេននៅតំបន់ដទៃ”
ជាមួយគ្នានេះ លោកក៏បានបង្ហើបប្រាប់ពីរបៀបមើលផ្លែទុរេនបែកអន្លូងដែរថា គេអាចសម្គាល់ទុរេនក្នុងស្រុកបានដោយមើលលើចំណុចមួយចំនួនដូចជា ផ្លែរាងទ្រវែង បន្លាស្រួច ទងវែងនៅស្អាតល្អ ក្លិនក្រអូបដោយសារទុរេនក្នុងស្រុកកាត់ផ្លែនៅពេលគ្រប់អាយុទុំល្អ ខុសពីទុរេននាំចូលដែលគេត្រូវកាត់ទុករយៈពេលច្រើនថ្ងៃ។ នេះជាអ្វីដែលម្ចាស់ចំការរូបនេះបានបញ្ជាក់ប្រាប់។
ទាក់ទងទៅនឹងទីផ្សារ និងការបញ្ជាទិញនៅក្នុងស្រុក កាលពីពេលថ្មីៗនេះមានការប្រមូលផ្ដុំរបស់សហភាពសហគមន៍បន្លែសុវត្ថិភាពកម្ពុជានៃកម្មវិធីភ្លក្សរសជាតិទុរេន ដែលផ្តោតទៅលើទុរេនបែកអន្លូង និងអាចចាត់ទុកជាឱកាសមួយសម្រាប់បងប្អូនប្រជាកសិករនៅខាងទឹកដីបែកអន្លូង ដោយសារខាងសហភាពបានជួយគាំទ្រ តាមរយៈសហភាពយកមកលក់លើទីផ្សារដែលមានក្នុងដៃស្រាប់ ហើយក៏ជាជំហានមួយដែលទុរេនបែកអន្លូងកាន់តែមានប្រជាប្រិយភាពបន្ថែមទៀត។ ឆ្លៀតនៅក្នុងឱកាសនេះ លោក ហេង ឆេងលី បានជំរុញ និងលើកទឹកចិត្តដល់ប្រជាជនខ្មែរចូលរួមគាំទ្រកសិផលក្នុងស្រុកទាំងអស់គ្នា ដែលក្រៅពីអាចជួយបង្កើនកម្រិតសេដ្ឋកិច្ចរបស់ប្រជាកសិករខ្មែរ ក៏ដូចជាសង្គមជាតិទាំងមូលផងដែរ ដោយសារតែទិន្នផលទាំងនេះត្រូវបានផលិតចេញពីស្នាដៃកូនខ្មែរពិតៗ។ ទោះបីជាផ្លែឈើក្នុងស្រុកយើងមានតម្លៃខ្ពស់ជាងរបស់នាំចូលពិតមែន ប៉ុន្តែការដាំដុះប្រកបដោយការយកចិត្តទុកដាក់ ផ្ដោតលើគុណភាព និងសុខភាពអ្នកបរិភោគ៕

ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026

បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026

កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អូស៊ីអាយស៊ី រៀបចំកិច្ចពិភាក្សាតុមូលជាមួយក្រុមប្រឹក្សាធុរកិច្ចកាណាដា-អាស៊ាន ដោយនាំយកថ្នាក់ដឹកនាំធុរកិច្ចមកពីប្រទេសកាណាដា និងតំបន់មេគង្គមកជួបជុំគ្នានៅអគារ Connexion កោះពេជ្រ
ព្រឹត្តិការណ៍, អត្ថបទពាណិជ្ជកម្ម
• 17/11/2026
ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានរៀបចំកម្មវិធីពិភាក្សាតុមូលផ្នែកពាណិជ្ជកម្មរវាងកាណាដា និងតំបន់មេគង្គ នៅថ្ងៃទី ១៤ ខែវិច្ឆិកា ឆ្នាំ ២០២៦ នៅ Innovation Lab ក្នុងអគារ Connexion កោះពេជ្រ។ កម្មវិធីនេះត្រូវបានរៀបចំឡើងដោយក្រុមប្រឹក្សាពាណិជ្ជកម្មកាណាដា-អាស៊ាន (CABC)

ណាតូ លុបចោលកិច្ចប្រជុំកំពូលឆ្នាំ ២០២៧ ចំពេលភាពតានតឹងអាម៉េរិក-អឺរ៉ុបកើនឡើង
ព្រឹត្តិការណ៍, អាជីវកម្មថ្មី និងនវានុវត្ត
• 17/11/2026
អង្គការសន្ធិសញ្ញាអាត្លង់ទិកខាងជើង (NATO) បានសម្រេចមិនរៀបចំកិច្ចប្រជុំកំពូលថ្នាក់ដឹកនាំនៅឆ្នាំ ២០២៧ តាមផែនការដើមឡើយ ដោយសារការខ្វែងគំនិតគ្នាកាន់តែខ្លាំងឡើងក្នុងចំណោមសម្ព័ន្ធមិត្ត ជាពិសេសរវាងសហរដ្ឋអាម៉េរិក និងប្រទេសជាសមាជិកអឺរ៉ុប

កម្មវិធីសហគ្រិនចុងភៅ ឆ្នាំ២០២៦ ! អបអរសាទរទេពកោសល្យចុងភៅជំនាន់ថ្មី និងសហគ្រិនភាពក្នុងវិស័យម្ហូបអាហារ ចាប់ផ្តើមពីគំនិតច្នៃប្រឌិតម្ហូបអាហារ ឆ្ពោះទៅកាន់ឱកាសក្លាយជាសហគ្រិន
ព្រឹត្តិការណ៍, អត្ថបទពាណិជ្ជកម្ម
• 17/11/2026
ភ្នំពេញ ៖ សហគ្រិនខ្មែរបានបញ្ចប់កម្មវិធី «សហគ្រិនចុងភៅ» (Chefpreneur) ឆ្នាំ២០២៦ តាមរយៈការប្រកួតចម្អិនអាហារវគ្គផ្តាច់ព្រ័ត្រ្រ ដោយមានការចូលរួម ពីយុវជនដែលមានទេពកោសល្យ គណៈកម្មការជំនាញ ដៃគូធុរកិច្ច និងអ្នកប្រឹក្សាជំនាញ ក្នុងវិស័យសេវាកម្ម។ កម្មវិធីនេះបានឆ្លុះបញ្ចាំងពីយុទ្ធសាស្ត្រអភិវឌ្ឍសហគ្រិនភាពក្នុងវិស័យម្ហូបអាហារ តាមរយៈការរួមបញ្ចូល ការបណ្តុះបណ្តាលអំពីគំនិតអាជីវកម្ម ការគ្រប់គ្រងថ្លៃដើម ការប្រើប្រាស់គ្រឿងទេសចម្រុះ និងការកសាង ម៉ាកយីហោ

លទ្ធផលសំខាន់ៗពីកិច្ចប្រជុំកំពូលចិន-អាស៊ាន លើកទី ២៩ ដែលប្រព្រឹត្តទៅនៅទីក្រុងម៉ានីល ប្រទេសហ្វីលីពីន
ព្រឹត្តិការណ៍, អាជីវកម្មថ្មី និងនវានុវត្ត
• 17/11/2026
នាយករដ្ឋមន្ត្រីចិន លោក Li Qiang ជំរុញឱ្យប្រទេសចិន និងអាស៊ានរួមគ្នាការពារ និងអភិវឌ្ឍសហគមន៍រួម ដើម្បីផ្តល់នូវស្ថិរភាព និងភាពប្រាកដប្រជាកាន់តែខ្លាំងដល់ការអភិវឌ្ឍ និងវិបុលភាពរបស់ពិភពលោក

សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុនៅខេត្តសៀមរាប ចំនួន ១៧៥ ៣៦៤ បណ្ណ
Top News, ព្រឹត្តិការណ៍, អចលនទ្រព្យ
• 17/11/2026
សៀមរាប ៖ សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាតំណាងរាស្ត្រមណ្ឌលសៀមរាប នាថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុជានិមិត្តរូបជូនម្ចាស់កម្មសិទ្ធិករក្នុងខេត្តសៀមរាប សរុបចំនួន ១៧៥ ៣៦៤ បណ្ណ ស្មើនឹង ៨ស្រុកស្មើនឹង ២៣ឃុំ ដែលក្នុងនោះ៖





វិថីហិរញ្ញវត្ថុ






















































Account
Security
Favourite Content