សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ការិយាល័យកិច្ចការងារថវិកាជាតិនៃសភាអាមេរិក (Congressional Budget Office) ថ្មីៗនេះ បានបង្ហាញនូវផែនការចំណាយថវិកាដ៏ធំមួយសម្រាប់ប្រើប្រាស់លើកងកម្លាំងទ័ពជើងទឹកដែលនឹងមានរយៈពេលយ៉ាងហោចណាស់៣០ឆ្នាំខាងមុខទៀត។
របាយការណ៍នេះបានបង្ហាញថា រដ្ឋាភិបាលអាមេរិកបានបើកភ្លើងខៀវចំពោះផែនការចំណាយដល់ទៅ ៤០,១ពាន់លានដុល្លារ ឬសរុបប្រមាណជា១ទ្រីលានដុល្លារសម្រាប់រយៈពេល៣០ឆ្នាំខាងមុខដើម្បីអនុញ្ញាតឲ្យមានការផលិតបន្ថែមនូវនាវាចម្បាំងជារៀងរាល់ឆ្នាំ ពោលគឺរហូតទៅដល់ឆ្នាំ២០៥៤។
សំណើរដែលត្រូវបានធ្វើឡើងដោយកងទ័ពជើងទឹកសម្រាប់រយៈពេល៣០ឆ្នាំខាងមុខនេះ មានគោលបំណងធ្វើយ៉ាងណាឲ្យកងកម្លាំងទ័ពជើងទឹកអាមេរិកអាចមាននាវាចម្បាំងតូចធំសរុប ៣៨១គ្រឿងដែលអាចមានសមត្ថភាពក្នុងការទប់ទល់នឹងការគំរាមកំហែងនានានៅទូទាំងពិភពលោក ខណៈដែលបច្ចុប្បន្នកម្លាំងទ័ពជើងទឹកអាមេរិកមាននាវាចម្បាំងត្រឹមតែ ២៩៥គ្រឿងប៉ុណ្ណោះ ហើយព្យាករណ៍ថានឹងថយចុះមកត្រឹមតែ ២៨៣គ្រឿងនៅឆ្នាំ២០២៧ ដោយសារតែនាវចំនួន១៣គ្រឿងនឹងត្រូវដាក់ឲ្យចូលនិវត្ត។
ជុំវិញបញ្ហានេះ ការិយាល័យថវិកាជាតិ Congressional Budget Office ក៏បានលើកឡើងដែរថា៖ ចាប់ពីឆ្នាំ២០៣០តទៅ អាមេរិកនឹងចាប់ផ្តើមផលិតកម្មផលិតនាវាចម្បាំងក្នុងល្បឿនលឿនបំផុតដើម្បីបង្ក្រប់តាមតំរូវការ និងស្របតាមស្ថានភាពជាក់ស្តែង។
ដូច្នេះ សម្រាប់តែខ្ទង់ចំណាយយោធាឲ្យកងទ័ពជើងទឹកអាមេរិកសរុបបូករួមទាំងការផលិតនាវាថ្មីៗរហូតដល់ឆ្នាំ២០៥៤ នោះថវិកាប្រចាំឆ្នាំដែលរដ្ឋាភិបាលអនុម័តគឺមានរហូតទៅដល់ ៣៤០ពាន់លានដុល្លារជារៀងរាល់ឆ្នាំ ខណៈដែលប៉ុន្មានឆ្នាំចុងក្រោយនេះអាមេរិកទំលាក់ថវិកាសម្រាប់ទ័ពជើងទឹកត្រឹមតែ២៥៥ពាន់លានដុល្លារប៉ុណ្ណោះ។
ស្ថិតនៅក្នុងគម្រោងការបង្កើនថវិកាយោធាសម្រាប់ការផលិតនាវាចម្បាំងថ្មីតម្លៃ១ទ្រីលានដុល្លារនេះផងដែរគេសង្កេតឃើញថា ចំនួននៃការផលិតនាវាផ្ទុកយន្តហោះចម្បាំងនឹងត្រូវរក្សាទំហំដដែល ប៉ុន្តែដោយឡែកសម្រាប់ការផលិតនាវាមុជទឹក នាវាចម្បាំងគ្រប់ប្រភេទចាប់ពីឆ្នាំ២០៣០ ដល់ឆ្នាំ២០៥៤ នឹងមានទំហំផលិតកម្មកើនឡើងដល់ទៅ៥០ភាគរយ៕
Account
Security
Favourite Content