សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ វិបត្តិជម្លោះដោយយោធាផ្ទៃក្នុង និងភាពលំបាកក្នុងការប្រមូលយកព័ត៌មានពិតប្រាកដនៅក្នុងប្រទេសមីយ៉ាន់ម៉ា ជាពិសេសក្នុងស្ថានភាពដ៏អាក្រក់នៃគ្រោះធម្មជាតិដោយរញ្ជួយដីកាលពីថ្ងៃចុងសប្ដាហ៍កន្លងទៅនេះ បានធ្វើឲ្យដំណើរការនៃការផ្តល់ជំនួយហាក់ដូចជាមិនទាន់មានភាពរលូននៅឡើយនោះទេ ប៉ុន្តែទោះជាយ៉ាងណាក្តី ប្រទេសចិន និងឥណ្ឌា បានចាប់ផ្តើមផ្តល់ជំនួយទៅដល់មីយ់ាន់ម៉ាមុនគេរួចទៅហើយ ខណៈដែលប្រទេសផ្សេងទៀតនៅមិនទាន់ឃើញមានសកម្មភាពនៅឡើយ។
ដោយឡែក នៅត្រឹមព្រឹកថ្ងៃចន្ទសប្ដាហ៍នេះ យោងតាមការចេញផ្សាយដោយ BBC បានឱ្យដឹងថា គម្រោងជំនួយជាច្រើនត្រូវបានប្រកាសក្រោមការចូលរួមពីសំណាក់បណ្តាប្រទេសជាច្រើនដូចជា ប្រទេសថៃ ម៉ាឡេស៊ី សិង្ហបុរី អូស្ត្រាលី រុស្ស៊ី បូករួមទាំងអាមេរិកផងដែរ ក្រោយការអំពាវនាវដោយកម្រពីសំណាក់រដ្ឋាភិបាលយោធារបស់មីយ៉ាន់ម៉ា។
សូមបញ្ជាក់ថា ប្រតិបត្តិការតាមស្វែងរកសាកសព និងមនុស្សដែលរងគ្រោះនៅមានជីវិតក្រោយហេតុការណ៍គ្រោះរញ្ជួយដីដ៏អាក្រក់កម្រិត ៧,៧ រិចទ័រ ត្រូវបានធ្វើឡើងនៅទូទាំងប្រទេសដោយមានការចូលរួមពីសំណាក់ក្រុមជួយសង្គ្រោះរបស់បរទេសផងដែរ។ ក្នុងពេលជាមួយគ្នានេះអង្គការកាកបាទក្រហមបានធ្វើការអំពាវនាវស្នើសុំជំនួយសរុបយ៉ាងហោចណាស់១០០លានដុល្លារដើម្បីអាចយកទៅគាំទ្រក្នុងប្រតិបត្តិការជាបន្ទាន់ក្នុងពេលវេលានេះ។
ទោះបីជាយ៉ាងណាក្តី សម្រាប់ឧបសគ្គដ៏ធំមួយទៀតក្នុងការហូរចូលនៃជំនួយមនុស្សធម៍ទៅកាន់ប្រទេសមីយ់ាន់ម៉ាដែលជឿជាក់ថា ពេលនេះចំនួនមនុស្សបាត់បង់ជីវិតអាចនឹងកើនឡើងលើសពី១៧០០នាក់និងរាប់ម៉ឺននាក់ទៀតកំពុងខ្វះខាតស្បៀងអាហារ និងទីជម្រកផងដែរ នោះគឺជម្លោះដោយយោធាដែលអូសបន្លាយនៅក្នុងប្រទេសជាយូរមកហើយរវាងរដ្ឋាភិបាលយោធា និងរដ្ឋាភិបាលបង្រួមបង្រួមជាតិ ( NUG)៕
Account
Security
Favourite Content