ផលិតផលសេរ៉ាម៉ិចខ្មែរ ស្អាតប្លែក គុណភាពមិនចាញ់ផលិតផលនាំចូល

សិប្បកម្មស្មូនរបស់ខ្មែរយើងមានច្រើនប្រភេទ និងផលិតចេញជាសម្ភារច្រើនមុខ ក្នុងនោះ សេរ៉ាម៉ិច ជាផ្នែកមួយនៃសិប្បកម្មនេះដែលវាត្រូវការចំណាយពេល​ និងកម្លាំងច្រើនជាងការស្មូនធម្មតា ដែលជាហេតុធ្វើឱ្យផលិតផលដែលផលិតចេញពីសេរ៉ាម៉ិចមានទីផ្សារ លក់ក្នុងតម្លៃខ្ពស់ជាង ហើយគុណភាពក៏ល្អជាងផលិតផលធម្មតា។   

លោក សុន សីហាក់ ជាម្ចាស់សិប្បកម្ម «មរតកសេរ៉ាម៉ិចខ្មែរ» មានទីតាំងនៅខេត្តសៀមរាបបានមានប្រសាសន៍ថា៖

សិប្បកម្មមរតកសេរ៉ាម៉ិច ទទួលបានការគាំទ្រច្រើនពីសំណាក់អតិថិជនទាំងខ្មែរ និងជនបរទេស ដូចជាតាមបណ្ដាសណ្ឋាគារ ភោជនីយដ្ឋាន ទិញទៅបោះដុំបន្ត ហើយគុណភាពសេរ៉ាម៉ិចវិញគឺវារឹងមាំ និងធន់ជាងផលិតផលស្មូនធម្មតាដោយសារការដុតគេប្រើកម្ដៅក្ដៅជាង និងរយៈពេលយូរជាង។

លោកបានបន្តថា ក្រៅពីការកម្ម៉ង់ក៏មានភ្ញៀវទេសចរ ក៏ដូចជាអ្នកមករៀនធ្វើដល់កន្លែង ហើយផលិតផលនៅក្នុងសិប្បកម្មនេះ មានសរុបជាង ១០០មុខ រួមមាន សម្ភារៈផ្ទះបាយ គ្រឿងតុបតែងលម្អ វត្ថុអនុស្សាវរីយ៍ផ្សេងៗដូចជា រូបសត្វ កែវ ចាន ថូផ្កា ជាដើម ហើយភ្ញៀវក៏អាចធ្វើការកម្ម៉ង់បាន ជាមួយនឹងការរចនាម៉ូដដែលមានភាពរស់រវើក មានទាំងក្បាច់ផ្កា ឬរចនាបទបុរាណ និងសម័យ ព្រមជាមួយនឹងពណ៌​ល្អស្រស់ដែលធ្វើឱ្យផលិតផលរបស់សិប្បកម្មមួយនេះកាន់តែមានភាពលេចធ្លោរ និងទទួលបានការចាប់អារម្មណ៍សំណាក់អតិថិជន។

ចំពោះ​តម្លៃ​វិញ​គឺថ្លៃជាងផលិតផលដីឥដ្ឋធម្មតា ដោយសារតែទាំងតម្លៃវត្ថុធាតុដើម ថ្លៃឈ្នួលបុគ្គលិកជំនាញ ការចំណាយពេលធ្វើរួមជាមួយនឹងការចំណាយផ្សេងៗ​ទៅលើការ​ផលិតក៏អស់ច្រើន ដូច្នេះផលចំណេញដែលទទួលបានក៏មិនច្រើននោះដែរ ហើយក្នុងការផលិតគឺទាមទារឱ្យមានការយកចិត្តទុកដាក់ខ្ពស់ ការព្យាយាម និងអំណត់បំផុត ដោយសិប្បករត្រូវពិនិត្យទាំងកម្ដៅនៅពេលដុត ការមើលពណ៌ជាដើម បើមិនដូច្នោះទេ ក្រោយពេលដុតអាចផ្ទុះបែក ប្រេះ និងខូចខាតបានយ៉ាងងាយ។

ម្ចាស់សិប្បកម្មរូបនេះរៀបរាប់ទៀតថា ផលិតផលនីមួយៗត្រូវការចំណាយពេលយូរជាងស្មូនឆ្នាំងធម្មតាដោយសារគេត្រូវការពេលចាប់ពី ២សប្ដាហ៍ឡើងទៅក្នុងការធ្វើអាស្រ័យទៅលើទំហំសម្ភារៈតូច ឬធំ។ ជំហានដំបូងគេត្រូវសូនឱ្យចេញជារូបរាងកែវ ឬថូ ហើយទុកឱ្យស្ងួតល្អទើបអាចមកយកកាត់ អារ ឬឆ្លាក់ថែមថយជាម៉ូដផ្សេងៗរួចយកទៅដុត។ ពេលដុតរួចលើកទីមួយ វា​មាន​ពណ៌ក្រហមដូចស្មូនដីធម្មតា ទើបគេយកទៅលាបពណ៌ ហើយដុតក្នុងឡម្ដងទៀតទើបអាចលក់បាន។

លោក សីហាក់ ក៏បានបង្ហើបឱ្យដឹងពីការបង្កើតសិប្បកម្មសេរ៉ាម៉ិចនេះដែរថា លោកមានឈាមជ័រជាអ្នកធ្វើក្អមឆ្នាំងនៅខេត្តកំពង់ឆ្នាំងជាច្រើនជំនាន់ហើយ ណាមួយជីវភាពខ្វះខាតមិនបានរៀនសូត្រទើបនៅឆ្នាំ២០០២ លោកក៏បានចាប់រៀនជំនាញ រៀនវគ្គខ្លីៗបន្ថែមទៀតជាមួយអង្គការ ដែលបាននាំគ្រូបរទេសមកជួយបង្រៀនពីរបៀបធ្វើសេរ៉ាម៉ិចដែលធ្វើឱ្យគាត់បានរៀនចេះជំនាញថ្មីៗ និងកែច្នៃខ្លួនឯងបន្ថែមក្រៅពីស្មូនឆ្នាំងដីធម្មតា ហើយសម្រេចបើកជាសិប្បកម្មផ្ទាល់ខ្លួននៅក្នុងឆ្នាំ២០១៥ ដោយផ្តើមចេញពីដើមទុនដំបូងប្រមាណ ១ម៉ឺនដុល្លារ។

អាជីវកម្មមួយនេះក៏ប្រឈមមុខនឹងបញ្ហាមួយចំនួនទៀតផងដែរ ជាពិសេស​បញ្ហាតម្លៃ ព្រោះវាជាផលិតផលធ្វើឡើងដោយដៃខុសប្លែកពីផលិតផលបរទេសដែលមានពុម្ពស្រាប់នោះទេ ម៉្យាងទៀត ចំពោះការបម្រែបម្រួលអាកាសធាតុក៏អាច​ធ្វើ​ឱ្យពណ៌របស់ផលិតផលប្រែប្រួលបាត់បង់សោភ័ណភាព និងធ្លាក់តម្លៃផងដែរ ដូច្នេះតម្រូវឱ្យតម្លៃដាក់លក់លើទីផ្សារខ្ពស់បន្តិច។ ចុងក្រោយ លោក សីហាក់ ក៏សំណូមពរដល់ ប្រជាពលរដ្ឋខ្មែរទូទៅ សូមជួយចូល​រួមផ្សព្វផ្សាយពីផលិតផលស្មូនសេរ៉ាម៉ិចខ្មែរឱ្យបានទូលាយ ក្នុងន័យជួយថែរក្សាវប្បធម៌ប្រពៃណីជាតិខ្មែរ ក៏ដូចជាជួយគាំទ្រដល់ផលិតក្នុងស្រុកផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...