សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី South China Morning Post បានរាយការណ៍ថា នាយករដ្ឋមន្ត្រីថ្មីរបស់ថៃ អានុទីន ចាន់វីរ៉ាគុល គ្រោងនឹងរំលាយសភាបច្ចុប្បន្នក្នុងរយៈពេល ៤ ខែយ៉ាងយូរ ឬ នៅចុងខែមករា ឆ្នាំ២០២៦ ខណៈដែលការបោះឆ្នោតសភាថ្មីនឹងធ្វើឡើងនៅខែមីនា ឬ ដើមខែមេសា ឆ្នាំ២០២៦ ខាងមុខនេះ។
កាលពីថ្ងៃពុធ សប្ដាហ៍នេះ លោក អានុទីន ចាន់វីរ៉ាគុល និង គណៈរដ្ឋមន្រ្តីថ្មីបានស្បថចូលកាន់តំណែងជាផ្លូវការជាមួយនឹងការប្តេជ្ញារំលាយសភាតំណាងរាស្រ្តក្នុងរយៈពេល ៤ ខែ។ លោក អានុទីន ចាន់វីរ៉ាគុល គឺជាបេក្ខជនមកពីគណបក្សភូមិចៃថៃ ដែលបានឈ្នះការបោះឆ្នោតក្នុងដ្ឋសភាកាលពីដើមខែកញ្ញា បន្ទាប់ពីអតីតនាយករដ្ឋមន្រ្តី លោកស្រី ផែថងថាន ស៊ីណាវ៉ាត់ ត្រូវបានតុលាការធម្មនុញ្ញដកតំណែងចោល។ ជាមួយគ្នានេះ ដើម្បីឈ្នះអំណាចក្នុងការកាន់តំណែងមួយនេះ លោកធានាបានការគាំទ្រពីក្រុមធំជាងគេនៅក្នុងសភា និងគណបក្សប្រឆាំងដ៏ធំបំផុតនៅក្នុងប្រទេសថៃ គឺគណបក្សប្រាឆាឈុន (PP)។ គណបក្ស ប្រាឆាឈុន បានដាក់ចេញនូវការទាមទារមួយចំនួន រួមមាន ការរំលាយសភាក្នុងរយៈពេល ៤ ខែ និងការបោះឆ្នោតសភាឡើងវិញ ដែលជាផ្នែកនៃកិច្ចព្រមព្រៀងគាំទ្រមេដឹកនាំនៃគណបក្សភូមិចៃថៃ។ ភាពច្របូកច្របល់នេះកំពុងប៉ះពាល់ដល់សេដ្ឋកិច្ចថៃ ដែលជាសេដ្ឋកិច្ចធំទី២ របស់អាស៊ីអាគ្នេយ៍។
សូមបញ្ជាក់ដែរថា នៅក្នុងរយៈពេលប៉ុន្មានខែចុងក្រោយនេះ ភាពច្របូកច្របល់នៃការដឹកនាំក្នុងរដ្ឋាភិបាលថៃបានបង្កឱ្យបណ្តាអ្នកវិនិយោគ ក៏ដូចជាអ្នកវិភាគសេដ្ឋកិច្ចបង្វែរទំនុកចិត្ត និងធ្វើការកែប្រែទស្សនវិស័យរបស់ខ្លួនទៅលើប្រទេសថៃ ពី “ស្ថិរភាព” ទៅ ជា “អស្ថិរភាព” ដោយលើកឡើងពីការកើនឡើងនូវហានិភ័យចំពោះហិរញ្ញវត្ថុសាធារណៈចំពេលមានភាពមិនច្បាស់លាស់ខាងនយោបាយ។ មិនត្រឹមតែប៉ុណ្ណោះ លោក អានុទីន ដែលជានាយករដ្ឋមន្ត្រីរយៈពេលខ្លី ក៏កំពុងប្រឈមមុខនឹងការដោះស្រាយបញ្ហាសេដ្ឋកិច្ច ក៏ដូចជាការប្រឈមហានិភ័យពន្ធគយរបស់អាម៉េរិក បំណុលប្រជាពលរដ្ឋ និងការធ្លាក់ចុះអ្នកប្រើប្រាស់ផលិតផលរបស់ខ្លួន។ យ៉ាងណាមិញ នាយករដ្ឋមន្ត្រីថ្មីរូបនេះប្រាប់សន្និសីទសារព័ត៌មានថា រដ្ឋាភិបាលគ្រោងនឹងចាត់វិធានការដើម្បីដោះស្រាយបញ្ហាសេដ្ឋកិច្ច រួមមាន ការកាត់បន្ថយថ្លៃដើមនៃការរស់នៅ, ដោះស្រាយការធ្លាក់ចុះតម្លៃផលិតផលកសិកម្ម, និងការគាំទ្រទៅដល់ប្រជាកសិករ៕
Account
Security
Favourite Content