ដំណាប់ស្វាយស្ងួត ជាផលិតផលមានទីផ្សារ ជាពិសេសអាចនាំចេញទៅក្រៅប្រទេស

កំពង់ស្ពឺ ៖ ដោយមើលឃើញពីសក្ដានុពលផ្លែស្វាយក្នុងតំបន់ មានសហគមន៍មួយបានប្រមូលទិញផ្លែស្វាយស្រស់ ដើម្បីកែច្នៃជាផលិតផលសម្រេចក្នុងរូបភាពជាដំណាប់ស្វាយសម្ងួត មានរសជាតិឆ្ងាញ់ ដែលកំពុងចរាចរណ៍នៅលើទីផ្សារក្នុងស្រុក និងអាចនាំចេញទៅកាន់ទីផ្សារក្រៅប្រទេសផងដែរ។

អ្នកស្រី ភឿន ស្រីនួន ប្រធានគ្រប់គ្រងមជ្ឈមណ្ឌលកែច្នៃចំណីអាហារស្រុកថ្ពង ខេត្តកំពង់ស្ពឺ បានប្រាប់ AMS Economy ឱ្យដឹងថា ៖ សហគមន៍កសិកម្មស្រ្តីក្តីសង្ឃឹមជីវិតថ្លៃថ្នូរប្រាំបីមុម មួយនេះទទួលបានវគ្គបណ្ដុះបណ្ដាលពីការកែច្នៃកសិផលកាលពីឆ្នាំ២០២១ ហើយក៏បានសាកល្បងនៅឆ្នាំ២០២៤នេះផ្ទាល់ពីការកែច្នៃស្វាយលក្ខណៈធម្មជាតិ ដោយបានប្រមូលទិញផ្លែស្វាយពីកសិករក្នុងសហគមន៍ និងអាចលក់ផលិតផលទៅឱ្យម្ចាស់ជំនួយដោយនាំចេញទៅក្រៅប្រទេសផងដែរ។

អ្នកស្រីបន្តថា៖

«សហគមន៍កសិកម្មស្រ្តីក្តីសង្ឃឹមជីវិតថ្លៃថ្នូរប្រាំបីមុម របស់យើង នៅក្នុងឆ្នាំទី១ នៃការកែច្នៃស្វាយនេះបានប្រមូលទិញនូវបរិមាណផ្លែស្វាយស្រស់ប្រមាណជាង ១០ តោន ពីកសិករជាសមាជិក ដើម្បីធ្វើការកែច្នែជាដំណាប់ស្វាយស្ងួតសម្រាប់លក់នៅលើទីផ្សារ ក្រោមការឧបត្ថម្ភដោយគម្រោងរបស់អង្គការជីវិតថ្លៃថ្នូរប្រចាំខេត្តកំពង់ស្ពឺ»។

ចំពោះបច្ចេកទេសក្នុងការកែច្នៃ គេអាចសម្ងួតស្វាយក្នុងរោងសម្ងួតដោយប្រម៉ាស៊ីនភ្លើង និងប្រើសូឡា ដោយក្នុងនោះការប្រើប្រាស់ម៉ាស៊ីនភ្លើងគេត្រូវចំណាយពេល ២៤ម៉ោង ចំណែកឯរោងសូឡាវិញ ត្រូវប្រើពេល ៤២ ម៉ោង ប៉ុន្តែការសម្ងួតដោយប្រព័ន្ធសូឡា ដំណាប់ស្វាយមានរសជាតិឆ្ងាញ់ជាង។

សម្រាប់ប្រភេទស្វាយ គេប្រើប្រភេទស្វាយកែវរមៀត ដោយសារវាមានសាច់ច្រើន និងមានពណ៌ស្អាត ដោយស្វាយស្រស់ ១០០គីឡូក្រាម អាចផលិតបានដំណាប់ស្វាយ ៨គីឡូក្រាមប៉ុណ្ណោះ និងអាចលក់បានតម្លៃ ១៨ដុល្លារក្នុងមួយគីឡូក្រាម ខណៈដែលបច្ចុប្បន្ននេះ ទីផ្សារក្នុងស្រុកគេនិយមរសជាតិជូរ ផ្អែម បែបធម្មជាតិ មិនមានបន្ថែមគ្រឿងផ្សំរសជាតិនោះទេ ប៉ុន្តែក៏មានប្រភេទដំណាប់ស្វាយសម្ងួតរសជាតិផ្អែម និងរសជាតិម្រេចផងដែរ ដែលគេប្រើម្រេចកំពតដើម្បីបន្ថែមរសជាតិហិរ ដែលភាគច្រើនទទួលបានការគាំទ្រពីសំណាក់អតិថិជនរស់នៅក្រៅប្រទេស។

ទាក់ទងនឹងដំណើរការនៃការផលិតវិញ អ្នកស្រី ភឿន ស្រីនួន បានរៀបរាប់ថា ដំបូងឡើយគឺត្រូវទិញស្វាយចាស់ពីកសិករមកដាក់បន្ទុំដោយខ្លួនឯង ដោយទុកឱ្យវាទុំត្រឹម ៨០ភាគរយ ទើបគេយកទៅចិត និងលាងសម្អាត ហើយដាក់សម្ងួតក្នុងរោង។ ដោយឡែកសម្រាប់ការសាកល្បងលើកទី១នេះ សមាជិកដែលជាអ្នកផលិតរួមមានគណៈកម្មាការ ៧នាក់ និងអ្នកផលិត ៤នាក់ ដោយក្នុងមួយថ្ងៃអាចផលិតបាន ២០០គីឡូក្រាមនៃស្វាយស្រស់ ឬស្មើនឹង ១៦គីឡូក្រាមនៃដំណាប់ស្វាយសម្ងួត។

ទន្ទឹមគ្នានេះដែរ ចំពោះដំណើរការនៃការកែច្នៃនេះក៏មានជួបប្រទះនូវផលលំបាកមួយចំនួនផងដែរ ដូចជាបញ្ហាដឹកជញ្ជូន និងតម្លៃស្វាយស្រស់ដែលចាប់ផ្ដើមមានតម្រូវការពីឈ្មួញធ្វើឱ្យតម្លៃស្វាយកើនឡើងចន្លោះពី ៤០០រៀល ទៅ ៦០០រៀល ក្នុងមួយគីឡូក្រាម ។ យ៉ាងណាមិញ សហគមន៍មួយនេះ ក៏មានគម្រោងក្នុងការផលិត និងផ្គត់ផ្គង់ដំណាប់ស្វាយនេះឱ្យបានពេញមួយឆ្នាំ ជាពិសេសការសាកល្បងលើប្រភេទស្វាយខុសរដូវផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

៥ខែ ឆ្នាំ២០២៤ កម្ពុជា នាំចេញបង្កងប៉ាករស់ ២,៥តោន អន្ទង់០.២០តោន និងកំពិសបង្កកជាង៣៥តោនទៅទីផ្សារចិន

ព្រឹត្តិការណ៍, សេដ្ឋកិច្ច

• 16/07/2024

៥ខែនៃឆ្នាំ២០២៤ កម្ពុជាបាននាំចេញបង្កងប៉ាករស់ ២,៥តោន អន្ទង់០.២០តោន និង កំពិសបង្កកជាង​៣៥តោនទៅទីផ្សារប្រទេសចិន

ទីផ្សារហ៊ុននៅអាស៊ីកំពុងស្ថិតក្រោមស្រមោលនៃព្រឹត្តិការណ៍ប៉ុនប៉ង់បាញ់សម្លាប់លោក Trump

ព្រឹត្តិការណ៍, សេដ្ឋកិច្ច

• 16/07/2024

គិតត្រឹមព្រឹកព្រលឹមថ្ងៃចន្ទសប្ដាហ៍នេះ សម្រាប់ទីផ្សារហ៊ុនរបស់លុយគ្រីបតូ Bitcoin បានហក់ឡើងទៅដល់ប្រមាណ ៦ម៉ឺនដុល្លារក្នុងមួយកាក់នៅក្នុងទីផ្សារលក់របស់សកល

សត្វចង្រៃ ដង្កូវ​ហ្វូង និង​រុយ​ស​ បំផ្លាញ​ស្រូវ​កសិករជាច្រើនហិកតា តែអាចគ្រប់គ្រងបាន

ព្រឹត្តិការណ៍, សេដ្ឋកិច្ច

• 16/07/2024

ឯកឧត្តម ងិន ឆាយ ប្រតិភូររាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានបញ្ជាក់ឱ្យដឹងថា ការខូចខាតដំណាំស្រូវ​ដោយសារសត្វល្អិតចង្រៃអាចគ្រប់គ្រងបាន

ការកើនឡើង​នៃគម្រោងបង្កើតរោងចក្រ​ សហគ្រាស ​ជំរុញ​ចលនា​ទិញ-លក់ដីធ្លី​នៅតាមតំបន់​សក្ដានុពល​

ព្រឹត្តិការណ៍, អចលនទ្រព្យ

• 16/07/2024

តម្រូវការនៃការ​ប្រើប្រាស់ដីធ្លីនៅតំបន់​រោងចក្រ​ ឧស្សាហកម្ម​នៅតែមាន​ខ្ពស់​ ខណៈការ​វិនិយោគលើ​វិស័យ​ឧស្សាហកម្ម​នៅតែ​លំហូរ

ចំណុចគួរប្រុងប្រយ័ត្ន ដើម្បីចៀសវាងការខាតបង់ប្រាក់ពីគណនីធនាគារចល័ត

ព្រឹត្តិការណ៍, ហិរញ្ញវត្ថុ

• 16/07/2024

ទន្ទឹមនឹងភាពងាយស្រួលដែលបច្ចេកវិទ្យាបានរួមចំណែកក្នុងការរស់នៅនាពេលបច្ចុប្បន្ន បច្ចេកវិទ្យាក៏អាចនាំឱ្យមានការខាតបង់ផងដែរ

រដ្ឋមន្ត្រីក្រសួងឧស្សាហកម្ម ៖ ស្តង់ដារជាតិមានសារៈសំខាន់បំផុតក្នុងក្របខ័ណ្ឌនៃការនាំចេញ

ព្រឹត្តិការណ៍, អាជីវកម្មថ្មី និងនវានុវត្ត

• 16/07/2024

រដ្ឋមន្ត្រីក្រសួងឧស្សាហកម្ម៖ «ស្តង់ដារជាតិមានសារៈសំខាន់បំផុតក្នុងក្របខ័ណ្ឌនៃការនាំចេញតាមរយៈការលើកកម្ពស់គុណភាព ការជំរុញផលិតកម្ម និងផលិតភាព»

ក្រុមហ៊ុន BYD Asia Pacific ចង់ដំឡើងយានយន្តអគ្គិសនីនៅកម្ពុជា ២ម៉ឺនគ្រឿងក្នុង១ឆ្នាំ

ព្រឹត្តិការណ៍, សេដ្ឋកិច្ច

• 16/07/2024

ក្រុមហ៊ុន BYD Asia Pacific ចង់សាងសង់រោងចក្រដំឡើងយានយន្តអគ្គិសនីនៅកម្ពុជា ដោយគ្រោងដំឡើងយានយន្តបាន២ម៉ឺនគ្រឿងក្នុងមួយឆ្នាំ។

ស្វែងយល់ប្រទេសទាំង ៥ ដែលផលិត semiconductor ឬ បន្ទះឈីបច្រើនជាងគេលើពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 16/07/2024

បច្ចុប្បន្ននេះ ពិភពលោកកាន់តែពឹងផ្អែកលើវិស័យបច្ចេកវិទ្យា ហើយបន្ទះឈីបកាន់តែមានសារៈសំខាន់នៅក្នុងវិស័យនេះ

រួមគ្នាចងក្រងបង្កើតជាសហគមន៍កសិកម្មបែបទំនើប ដើម្បីពង្រីកទីផ្សារ និងបង្កើនតម្លៃ

ជំនួញ, ព្រឹត្តិការណ៍

• 16/07/2024

ឯកឧត្តម ឃឹម ហ្វីណង់ ៖ «ចង់ដាំបន្លែក្នុងស្រុកជំនួសឱ្យការនាំចូលមកពីខាងក្រៅ ចាំចាប់ទាមទារឱ្យមានការរៀបចំខ្លួនទុកជាមុនសិន »

ផលិតផលគ្រាប់ស្វាយចន្ទីខ្មែរកែច្នៃរួច មានឱកាសចូលក្នុងផ្សារទំនើប និងបណ្តាម៉ាតនានា

ព្រឹត្តិការណ៍, សេដ្ឋកិច្ច

• 16/07/2024

ស្វាយចន្ទីផលិតផលខ្មែរដែលកែច្នៃរួច មានឱកាសចូលទៅកាន់ផ្សារទំនើប និង ម៉ាតនានា បន្ទាប់ពីការចរចារវាងភាគីពាក់ព័ន្ធ