សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ស្វាយចន្ទី ជាប្រភេទដំណាំឧស្សាហកម្មយកគ្រាប់ដែលមានលក្ខណៈប្លែកពីផ្លែឈើដទៃព្រោះគ្រាប់របស់វានៅផ្នែកខាងក្រៅ ភ្ជាប់ទៅផ្នែកខាងក្រោមនៃផ្លែ ហើយមានម៉ាស់តូចជាទម្ងន់ផ្លែដល់ទៅមួយភាគដប់។ វាជាប្រភពអាហារដ៏សម្បូរជីវជាតិ ដែលការកែច្នៃគ្រាប់ស្វាយចន្ទីជារឿងសំខាន់ណាស់ក្នុងការជំរុញឱ្យទីផ្សារស្វាយចន្ទីកាន់តែប្រសើរ មានគុណភាព និងសុវត្ថិភាពដល់អ្នកបរិភោគ។
ដើម្បីអាចកែច្នៃគ្រាប់ស្វាចន្ទីដែលមានគុណភាពបាន គេត្រូវធ្វើការវាយតម្លៃគុណភាពគ្រាប់ស្វាយចន្ទីទៅតាមវិធីផ្សេងៗដូចជា ការធ្វើតេស្តរាប់គ្រាប់ដោយមើលទំហំគ្រាប់ខាងក្រៅ ថាតើក្នុងមួយគីឡូក្រាមបានប៉ុន្មានគ្រាប់ តួយ៉ាង គ្រាប់ស្វាយចន្ទីជាមធ្យមមានចំនួន ១៦៨-១៩៩គ្រាប់ក្នុងមួយគីឡូក្រាម ឯខ្លះទៀតមានទំហំតូចអាចចន្លោះពី ២៣០-២៤០គ្រាប់ក្នុងមួយគីឡូក្រាម។
មួយវិញទៀតគឺការធ្វើតេស្តសាច់គ្រាប់ស្វាចន្ទីខាងក្នុង ដោយធ្វើការពុះគ្រាប់ស្វាយចន្ទីដើម្បីវាយតម្លៃផ្នែកខាងក្នុង។ សាច់គ្រាប់ត្រូវបានបែងចែកជា ៥ប្រភេទគឺ គ្រាប់គុណភាពល្អដែលមានរូបរាងពេញ ទំហំធំ មានពណ៌ស គ្រាប់មានអុតខ្មៅ ឬមានចំណុចខ្មៅ គ្រាប់ទុំមិនពេញលក្ខណៈ ទម្ងន់ស្រាល ជ្រួញ និងស្វិត គ្រាប់សើមធ្វើឱ្យឆាប់រលួយ និងគ្រាប់ស្អុយដោយសារសត្វល្អិតបំផ្លាញ ជំងឺ និងកត្តាផ្សេងៗ។
ការធ្វើតេស្តគុណភាពគ្រាប់ស្វាចន្ទី ត្រូវធ្វើឡើងទាំងពីរយ៉ាងនេះ ដើម្បីបែងចែក ដូចជាបើអ្នកមានគ្រាប់ធំ ប៉ុន្តែសាច់គ្រាប់ខាងក្នុងតូច នោះគឺរាប់ថាជាប្រភេទគ្រាប់មិនល្អ ឬអន់។ ចំណែកករណីគ្រាប់តូចៗ ប៉ុន្តែសាច់គ្រាប់ខាងក្នុងពេញល្អ នេះបញ្ជាក់ថាគ្រាប់ធំមិនប្រាកដថាជាគ្រាប់មានគុណភាពល្អគ្រាប់ពេលនោះទេ។ ហេតុនេះការធ្វើតេស្តគុណភាពគឺគេត្រូវប្រុយប្រយ័ត្នទាំងសំបកខាងក្រៅ និងគ្រាប់ខាងក្នុង។
បន្ទាប់ពីការធ្វើតេស្តគុណភាពគ្រាប់ហើយ ការកែច្នៃគ្រាប់ស្វាយចន្ទីគេត្រូវមានដំណាក់កាលផ្សេងៗគ្នាដូចជា ជំហានដំបូងត្រូវសម្ងួតគ្រាប់ឱ្យបានត្រឹមត្រូវ និងស្តុកទុកគ្រាប់សម្រាប់កែច្នៃពេលក្រោយ ទើបគេបកសំបកចេញ ដើម្បីទទួលបានគ្រាប់ចន្ទីខាងក្នុងដែលអាចទទួលទានបាន។
ចំណែកគន្លឹះដែលគរត្រូវយកចិត្តទុកដាក់ក្នុងការកែច្នៃគឺ កត្តាកម្ដៅ ការបកសំបក និងការចែកថ្នាក់ ហើយជំហានសម្រាប់ការកែច្នៃគ្រាប់ស្វាយចន្ទីមានចំនួន ៦សំខាន់ៗគឺ
១. សម្ងួតគ្រាប់ស្វាយចន្ទីឆៅ
២.ធ្វើបម្រុងស្តុកទុក
៣. បកសំបកក្រៅចេញ
៤. បកសំបកកស្ដើងដែលរុំព័ទ្ធជុំវិញសាច់គ្រាប់
៥. បែងចែកសាច់គ្រាប់ទៅតាមទំហំ
៦. វេចខ្ចប់សម្រាប់ស្តុកទុក និងដឹកជញ្ជូនចែកចាយ៕
Account
Security
Favourite Content