សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ បណ្តាប្រទេសទាំងអស់នៅទូទាំងពិភពលោក ត្រូវប្រឈមនឹងរលកថ្មីនៃវិបត្តិកូវីដ-១៩ ដោយបាននិងកំពុងដាក់ចេញនូវការរឹតបន្តឹងថ្មីការពារនូវការរីករាលដាលនៃវ៉ារ៉្យង់ Delta ថ្មី បន្ទាប់ពីរដ្ឋមន្រ្តីក្រសួងហិរញ្ញវត្ថុនៃក្រុមប្រទេស G20 ព្រមានថាការស្ទុះងើបឡើងវិញនៃសេដ្ឋកិច្ច ត្រូវបានគំរាមកំហែងដោយ វ៉ារ្យ៉ង់ថ្មី និងវិសមភាពនៃការចែកចាយវ៉ាក់សាំងទូទាំងពិភពលោក។
«ការស្ទុះឡើងនៃសេដ្ឋកិច្ច និងការវិលត្រឡប់ទៅភាពប្រក្រតីវិញ ត្រូវបានកំណត់កម្រិតនៃការប្រឈមនឹងហានិភ័យនៃស្ថានភាពឆ្លងនៅក្នុងបណ្ដាប្រទេសទូទាំងពិភពលោក ជាពិសេសការរីករាលដាលនៃវ៉ារ្យ៉ង់ថ្មី និងការចាក់វ៉ាក់សាំងរៀងៗខ្លួន»
រដ្ឋមន្រ្តីក្រសួងហិរញ្ញវត្ថុនៃក្រុមប្រទេស G20 រៀបរាប់ក្នុងសេចក្ដីថ្លែងការណ៍ចុងក្រោយថា៖
«វ៉ាក់សាំងប្រហែល ៥០០ លានដូស នឹងត្រូវបានចែកចាយទៅគ្រប់តំបន់ទាំងអស់នៅអឺរ៉ុបក្នុងរយៈពេលដ៏ខ្លីខាងមុខ»
ប្រធានគណៈកម្មាធិការសហគមន៍អ៊ឺរ៉ុប លោក Ursula von der Leyen បានមានប្រសាសន៍ថា៖
យោងតាមមជ្ឈមណ្ឌលការពារ និងគ្រប់គ្រងជំងឺអឺរ៉ុប សមាមាត្រនៃអ្នកទទួលបានវ៉ាក់សាំងទៅតាមក្រុមមនុស្សពេញវ័យ(មានអាយុចាប់ពី ១៨ ឆ្នាំឡើងទៅ) នៅក្នុងតំបន់សេដ្ឋកិច្ចអឺរ៉ុប និងនៅអឺរ៉ុប មានត្រឹមតែ ៤៤,១ ភាគរយប៉ុណ្ណោះ។
ដោយឡែក បើក្រឡេកមើលប្រជាជាតិជាច្រើនទូទាំងទ្វីបអាហ្រ្វិក និងអាស៊ី កំពុងប្រឈមនឹងវិបត្តិកង្វះវ៉ាក់សាំងជាច្រើនខែ ក្រោយទទួលបានវ៉ាក់សាំងមួយចំនួនពីកម្មវិធីចែកចាយវ៉ាក់សាំងសកល (COVAX) កន្លងមក។
តួរយ៉ាង ទ្វីបអាហ្រ្វិក គឺជាតំបន់ងាយរងគ្រោះបំផុត ដោយក្នុងចំណោមប្រជាជនចំនួន ១,៣ ពាន់លាននាក់(ឬស្មើនឹង ១៨% នៃចំនួនប្រជាជនពិភពលោក) ប្រមាណ ២% ប៉ុណ្ណោះ នៃចំនួនវ៉ាក់សាំងសម្រាប់ចែកចាយនៅលើពិភពលោក ត្រូវបានចែកចាយនៅទ្វីបនេះ ខណៈបណ្តាប្រទេសអាហ្វ្រិកមួយចំនួន នៅមិនទាន់ទទួលបានវ៉ាក់សាំងមួយដូសនៅឡើយ។
ទីប្រឹក្សារបស់អង្គការសុខភាពពិភពលោក កាលពីខែ មិថុនា បាននិយាយថា ក្នុងចំណោមប្រទេស ដែលមានប្រាក់ចំណូលទាបចំនួន ៨០ នៅទូទាំងពិភពលោក ដែលបានទទួលវ៉ាក់សាំង តាមរយៈកម្មវិធីវ៉ាក់សាំងសកលនេះ ប្រមាណជា ៤០ ប្រទេសត្រូវទទួលរងវិបត្តិខ្វះវ៉ាក់សាំង ឬ ជិតនឹងអស់វ៉ាក់សាំង។
អ្នកជំនាញផ្នែកសុខភាព និងអ្នកដឹកនាំពិភពលោក តែងព្រមានម្តងហើយម្តងទៀតថា ទោះបីប្រទេសអ្នកមានចាក់វ៉ាក់សាំងការពារប្រជាជនរបស់ពួកគេក៏ដោយ ក៏មិនអាចបង្រ្កាបជំងឺរាតត្បាតនេះបានដែរ ប្រសិនបើវីរុសនេះនៅតែរីករាលដាលនៅក្នុងប្រទេសកំពុងអភិវឌ្ឍន៍។
លោក John Nkengasong អ្នកជំនាញខាងរោគសាស្ត្រ និងជាប្រធានមជ្ឈមណ្ឌលគ្រប់គ្រង និងបង្ការជំងឺអាហ្វ្រិក បានមានប្រសាសន៍ថា៖
« យើងតែងនិយាយថា យើងរួមគ្នាបញ្ឍប់ជំងឺរាតត្បាតទាំងអស់គ្នា អញ្ចឹងយើងនៅមិនទាន់ឆ្លងផុតវានៅឡើយទេ ប្រសិនបើបណ្ដាប្រទេសនានានៅប្រឈមនឹងគ្រោះថ្នាក់នៅឡើយ»
ការធ្លាក់ចុះនៃកម្មវិធីចែកចាយវ៉ាក់សាំង អាចបណ្តាលឱ្យមានវ៉ារ្យ៉ង់ថ្មី ចម្លងដល់មនុស្ស ដែលចាក់វ៉ាក់សាំងរួចហើយទៀតផង។ បណ្តាប្រទេស ដែលគ្មានថវិកាសម្រាប់ទិញវ៉ាក់សាំង ក៏ត្រូវប្រឈមនឹងវិបត្តិកង្វះហិរញ្ញវត្ថុក្នុងការទិញវ៉ាក់សាំងពីទីផ្សារឯកជន ដែលមានតម្លៃថ្លៃជាងវ៉ាក់សាំងទូទៅ។ ហើយប្រសិនបើ នៅផលិតមិនទាន់វិញទៀត ប្រជាជនដែលងាយរងគ្រោះរួមមាន មនុស្សវ័យចំណាស់ និងបុគ្គលិកសុខាភិបាល ក្រោយទទួលបានដូសទី ១ ហើយត្រូវរងចាំទម្រាំបានវ៉ាក់សាំងដូសទី ២ ទៀត។
ជាមួយគ្នានេះ ប្រទេសដែលមានប្រជាជនទទួលបានវ៉ាក់សាំងច្រើនហើយរួមមាន ចក្រភពអង់គ្លេសជាដើម ក៏បានប្រកាសបន្ថយការររឹតត្បិតក្នុងរយៈពេល ២ សប្តាហ៍ទៀត បង្កជាការព្រួយបារម្ភពីសំណាក់បណ្ដាប្រទេសនានា ក៏ដូចជាអង្គការសុខភាពពិភពលោកផងដែរ។
ទោះយ៉ាងណា សមាគមវេជ្ជសាស្រ្តអង់គ្លេស (BMA) បានសម្តែងការព្រួយបារម្ភអំពីការសម្រេចរបស់ប្រទេសនេះថា រដ្ឋាភិបាលគួរតែបន្ត វិធានការណ៍ប្រឆាំងនឹងមេរោគឆ្លង ដែលអាចទទួលយកបាន ហើយចាត់វិធានការតាមទិន្នន័យឆ្លង មិនមែនតាមកាលបរិច្ឆេទទេ នៅពេលធ្វើការសម្រេចចិត្តលើការ ការពារអាយុជីវិតប្រជាជន។
អង្គការសុខភាពពិភពលោក (WHO) បានព្រមានរដ្ឋាភិបាលនានាជុំវិញពិភពលោកកុំឱ្យបន្ធូរបន្ថយការរឹតបន្តឹងឆាប់ៗពេក ដោយនិយាយថា ប្រទេសដែលប្រថុយប្រថាននឹងរឿងនេះ នឹងត្រូវទទួលនូវបញ្ហាប្រឈមទៅតាមសកម្មភាពរបស់ខ្លួន។
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជាបើកវេទិកាអាស៊ី ដោះស្រាយគម្លាតសិទ្ធិដីធ្លីរបស់ស្ត្រីកសិករ
Top News, ព្រឹត្តិការណ៍, សេដ្ឋកិច្ច
• 16/10/2026
ភ្នំពេញ ៖ ក្នុងគោលបំណងបញ្ចៀសនូវការរៀបចំអភិវឌ្ឍន៍ដែលប៉ះពាល់ដល់សហគមន៍ តំណាងជាង ៣០០ នាក់បានជួបជុំគ្នានៅភ្នំពេញ ដើម្បីប្រែក្លាយសំឡេងរបស់ស្ត្រីកសិករឱ្យទៅជាសិទ្ធិ និងសកម្មភាពជាក់ស្តែងនៅក្នុងការគ្រប់គ្រងដីសមូហភាព និងសហគមន៍។ កាលពីថ្ងៃទី១៤ ខែតុលា ឆ្នាំ២០២៦ មន្ត្រីរដ្ឋាភិបាល អង្គការកសិករ ស្ត្រីជនជាតិដើមភាគតិច អង្គការសង្គមស៊ីវិល និងដៃគូអភិវឌ្ឍន៍ សរុបជាង ៣០០ នាក់
អាម៉េរិកស្នើប្រគល់ទ្រព្យបង្កកទាំងអស់ឱ្យរុស្ស៊ីវិញ ជាថ្នូរនឹងកិច្ចព្រមព្រៀងសន្តិភាព
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
សហរដ្ឋអាម៉េរិកបានស្នើឱ្យមានការដោះបម្រាមបង្កកលើទ្រព្យសម្បត្តិរុស្ស៊ីតម្លៃរាប់ពាន់លានអឺរ៉ូ ដែលកំពុងរក្សាទុកក្នុងសហភាពអឺរ៉ុប ក្នុងគោលបំណងជំរុញកិច្ចព្រមព្រៀងសន្តិភាពសម្រាប់ជម្លោះអ៊ុយក្រែន
លោក Trump ទំនងពិចារណាបណ្ដេញរដ្ឋមន្ត្រីសង្គ្រាម ដើម្បីគេចពីការទទួលខុសត្រូវលើសង្គ្រាមអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
ប្រធានាធិបតីអាម៉េរិក លោក Donald Trump ទំនងជាកំពុងពិចារណាលើលទ្ធភាពបណ្តេញរដ្ឋមន្ត្រីក្រសួងសង្គ្រាម លោក Pete Hegseth ចេញពីតំណែង បន្ទាប់ពីការបោះឆ្នោតសភាពាក់កណ្តាលអាណត្តិខាងមុខនេះ ដើម្បីជួយដកខ្លួនចេញពីការទទួលខុសត្រូវចំពោះសង្គ្រាមជាមួយប្រទេសអ៊ីរ៉ង់
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
រដ្ឋមន្ត្រីហិរញ្ញវត្ថុក្រុមប្រទេស G20 លើកលែងតែចិន គាំទ្រចំណាត់ការលើបញ្ហាពាណិជ្ជកម្មខុសទ្រង់ទ្រាយ និងអយុត្តិធម៌
អាម៉េរិក ជំរុញឲ្យក្រុមប្រទេស G20 បង្កើនសម្ពាធសេដ្ឋកិច្ចលើអ៊ីរ៉ង់ និងពិនិត្យឡើងវិញនូវលក្ខខណ្ឌពាណិជ្ជកម្មជាមួយចិន
Account
Security
Favourite Content