សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ កសិដ្ឋានសូត្រសិប្បករអង្គរ ដែលមានអាយុកាលជាង៣០ឆ្នាំ បានសម្ពោធបើកដំណើរការឡើងវិញបន្ទាប់ពីបានបិទទ្វារដោយសារវិបត្តិកូវីដ-១៩ ក្រោមអធិបតីភាពដ៏ខ្ពង់ខ្ពស់ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ស្ត្រីទី១ នៃកម្ពុជា នាព្រឹកថ្ងៃចុងសប្ដាហ៍កន្លងទៅនេះ។
កសិដ្ឋានសូត្រសិប្បករអង្គរ ជាកសិដ្ឋានផលិតសូត្រធំមួយស្ថិតនៅស្រុកពួក ក្នុងខេត្តសៀមរាប និងចាប់ដំណើរការតម្បាញតាំងពីឆ្នាំ១៩៩៤មកម្ល៉េះ។ ការបើកដំណើរការឡើងវិញនេះ កសិដ្ឋាននឹងចាប់ផ្ដើមសកម្មភាពចាប់ពីការដាំមន, ចិញ្ចឹមដង្កូវនាង, ស្រាវសូត្រ, តម្បាញ និងកាត់ដេរ។
លោក ប៉ាវ អៀងឃ័ង នាយកសិប្បកម្មសូត្រអង្គរនៅស្រុកពួក បានប្រដូចការបើកដំណើរការឡើងវិញនៃកសិដ្ឋានសូត្រសិប្បករអង្គរនេះ ដូចជាការមកបន្តជីវិតសិប្បកម្មប្រពៃណីដូនតាយ៉ាងដូច្នោះដែរ។មិនតែប៉ុណ្ណោះលោកក៏ប្រមូលផ្តុំបុគ្គលិកចាស់របស់ខ្លួនឱ្យមកបម្រើការងារវិញដែរ។
លោក ប៉ាវ អៀងឃ័ង បានបញ្ជាក់បន្ថែមទៀតថា ៖ «ផ្នែកតម្បាញសូត្រ ត្រូវតែបើកឡើងវិញ ដើម្បីការពារបេតិកភណ្ឌខ្មែរយើងឱ្យនៅគង់វង្ស និងសម្រាប់ជំនាន់ក្រោយបានឃើញពីសិប្បកម្មភាពតម្បាញដោយដៃនៅក្នុងសិប្បកម្មតម្បាញសូត្រ នៅស្រុកពួក ។ ការបើកឡើងវិញនៃកសិដ្ឋានសូត្រនេះ ក៏ជាការវិលត្រឡប់មកវិញនៃបុគ្គលិកដែលធ្លាប់បម្រើការងារក្នុងច្រវាក់ផលិតកម្មទាំងនេះដែរ ដោយបច្ចុប្បន្នមានចំនួនត្រឹមតែ ១៨០នាក់ ខណៈមុនពេលមានការរាត្បាតជំងឺកូវីដ មានចំនួនរហូតដល់ប្រមាណ ៤០០នាក់»។
វិស័យសូត្រ មានសារៈសំខាន់ណាស់ និងផ្តល់ប្រយោជន៍ជាច្រើនចំពោះប្រជាកសិករដូចជា បានផ្តល់ការងារ និងប្រាក់ចំណូលបន្ថែមដល់កសិករ, ផ្តល់លទ្ធភាពឱ្យចាស់ជរា ស្រ្តី និងជនពិការអាចចូលរួមបាន កាត់បន្ថយចំណាកស្រុក, មិនប៉ះពាល់ដល់បរិស្ថាន និងទីអភិរក្ស ក៏ដូចជាលើកស្ទួយប្រពៃណីទំនៀមទំលាប់ខ្មែរយើងផងដែរ៕
Account
Security
Favourite Content