សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កម្មវិធីអភិវឌ្ឍអង្គការសហប្រជាជាតិ (UNDP) បាន និងកំពុងរៀបចំក្របខ័ណ្ឌសមាហរណកម្មហិរញ្ញប្បទានជាតិកម្ពុជា ដែលក្របខណ្ឌនេះនឹងក្លាយជាឧបករណ៍សម្រាប់ជួយជំរុញកម្ពុជាក្លាយជាប្រទេសមានចំណូលមធ្យមកម្រិតខ្ពស់ក្នុងឆ្នាំ២០៣០ និងចំណូលកម្រិតខ្ពស់នៅឆ្នាំ២០៥០ ស្របតាមយុទ្ធសាស្រ្តបញ្ចកោណដំណាក់កាលទី១ និងផែនការយុទ្ធសាស្រ្ដអភិវឌ្ឍន៍ជាតិ។
លោក Nelson Stratta អ្នកជំនាញហិរញវត្ថុជាន់ខ្ពស់ទទួលបន្ទុកកិច្ចការពាក់ព័ន្ធនឹងក្របខ័ណ្ឌសមាហរណកម្មហិរញ្ញវត្ថុជាតិកម្ពុជា បានមានប្រសាសន៍ដូច្នេះនៅក្នុងជំនួបការងារជាមួយលោក សួន សុផល អគ្គលេខាធិការរងគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជាកាលពីពេលកន្លងទៅថ្មីៗនេះ។
លោក សួន សុផល អគ្គលេខាធិការរងCDC បានវាយតម្លៃខ្ពស់ដល់កិច្ចខិតខំប្រឹងប្រែងរបស់ UNDP ក្នុងការរៀបចំនូវក្របខណ្ឌសមាហរណកម្មហិរញ្ញប្បទានជាតិកម្ពុជា ។
ក្នុងឱកាសនោះ លោកអគ្គលេខាធិការរងក៏បានជម្រាបជូនគណៈប្រតិភូUNDP អំពីច្បាប់ស្ដីពីវិនិយោគ និងអនុក្រឹត្យស្តីពីការអនុវត្តច្បាប់ស្តីពីវិនិយោគនៃព្រះរាជាណាចក្រកម្ពុជា និងផែនទីបង្ហាញផ្លូវសម្រាប់ការអភិវឌ្ឍវិស័យយានយន្ត និងអេឡិចត្រូនិក ព្រមទាំងបានសុំឱ្យ UNDP រៀបចំនូវក្របខ័ណ្ឌខាងលើដើម្បីបន្ស៊ីជាមួយនឹងការអនុវត្តគោលនយោបាយដែលមានស្រាប់ និងរួមគ្នាជួយកម្ពុជាសម្រេចបាននូវគោលដៅអភិវឌ្ឍន៍ប្រកបដោយចីរភាព។
គួរបញ្ជាក់ថា បើតាមផែនការយុទ្ធសាស្ត្ររបស់រាជរដ្ឋាភិបាលកម្ពុជា បានកំណត់ចក្ខុវិស័យក្នុងការប្រែក្លាយកម្ពុជាឱ្យក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងមានចំណូលកម្រិតខ្ពស់នៅឆ្នាំ២០៥០ ខណៈដែលបច្ចុប្បន្នប្រទេសកម្ពុជាត្រូវបានក្រុមធនាគារពិភពលោកចាត់ថ្នាក់កម្ពុជា ជាប្រទេសដែលប្រែមុខមាត់ពីប្រទេសមានចំណូលមធ្យមកម្រិតទាបក្នុងឆ្នាំ២០១៦ មកជាប្រទេសមានកំណើនសេដ្ឋកិច្ចឈានមុខក្នុងការកាត់បន្ថយភាពក្រីក្រក្នុងឆ្នាំ២០២៣៕
Account
Security
Favourite Content