ឧកញ៉ា ម៉ាន់ ច័ន្ទឌី ប្រាប់ពីគន្លឹះសំខាន់ចំនួន៥ បង្កើតសេរីភាពហិរញ្ញវត្ថុ ឬមានលុយចាយមិនអស់

ជំនួញ, ព្រឹត្តិការណ៍, ហិរញ្ញវត្ថុ

នៅក្នុងជីវភាពរស់នៅប្រចាំថ្ងៃ មិនថាចំពោះជាម្ចាស់អាជីវកម្ម ឬជាអ្នកបម្រើការងារនៅតាមបណ្តាក្រសួង ស្ថាប័ន ឬក្រុមហ៊ុនឯកជនក៏ដោយ មនុស្សគ្រប់គ្នាទាំងអស់គឺសុទ្ធតែមានក្ដីប្រាថ្នាចង់បានសេរីភាពហិរញ្ញវត្ថុ ឬពាក្យងាយយល់ស្ដាប់ និងតែងនិយាយតគ្នាថាមានលុយចាយមិនអស់នោះឯង។

លោកឧកញ៉ា ម៉ាន់ ច័ន្ទឌី អគ្គនាយកក្រុមហ៊ុន PREMIUM Group និងជានាយកប្រតិបត្តិក្រុមហ៊ុន IQI Cambodia បានមានប្រសាសន៍ថា មនុស្សជាច្រើនបានគិតថាវាពិតជាមានអាថ៌កំបាំងសម្រាប់ការប្រើប្រាស់លុយ«ហិរញ្ញវត្ថុ» ប៉ុន្តែសម្រាប់រូបលោកដែលជាអ្នកអនុវត្តផ្ទាល់ទៅលើមុខជំនួញ និងអាជីវកម្ម ដែលមានជាង១០ប្រភេទ រាប់ទាំងវិស័យអចលនទ្រព្យផងដែរនោះបានបញ្ជាក់ថាការទទួលបានសេរីភាពហិរញ្ញវត្ថុមិនមែនជារឿងងាយស្រួលនោះទេ ប៉ុន្តែក៏មិនពិបាកធ្វើខ្លាំងនោះដែរ។

ជាមួយនឹងការលើកឡើងខាងលើនេះ លោកឧកញ៉ា ម៉ាន់ ច័ន្ទឌី ក៏បានចែករំលែកនូវចំណេះដឹង និងបទពិសោធន៍ផ្ទាល់ខ្លួនដោយការសង្ខេបជា៥ចំណុចសំខាន់ៗសម្រាប់អនុវត្តប្រចាំថ្ងៃ ដើម្បីអាចទទួលបានសេរីភាពហិរញ្ញវត្ថុ និងប្រាសចាកចេញពីជីវភាពខ្សត់ខ្សោយ។

ទី១- គ្រប់គ្នាអាចក្លាយជាអ្នកមានបានដោយខ្លួនឯង ៖ មនុស្សជាច្រើននៅពេលដែលបានជួបអ្នកមានទ្រព្យច្រើនជាងខ្លួនឯងតែងតែគិតដោយខ្លួនឯងថា ដោយ​សារគេមានវាសនាល្អ ជាតិមុនគេបានធ្វើបុណ្យច្រើន ធ្វើឲ្យជាតិនេះគេរស់នៅយ៉ាងស្រួល។ល។ ប៉ុន្តែការពិត ការដែលអាចក្លាយទៅជាអ្នកមានទ្រព្យនោះ គឺយើងខ្លួនឯងត្រូវកសាងវាឡើងមកដោយខ្លួនឯង ហើយទោះបីជាយើងបានរៀនដល់សាលាល្អ ចប់ថ្នាក់បណ្ឌិត មានទេពកោសល្យលំដាប់ពិភពលោកក៏ដោយ ប្រសិនបើយើងមិនយកចិត្តទុកដាក់ និងផ្តល់ភាពសំខាន់ទៅលើការអត់ធ្មត់ តស៊ូព្យាយាម ការដោះស្រាយបញ្ហាដោយឈរនៅលើផ្លូវត្រូវ ក៏ដូចជាការប្រើប្រាស់លុយឲ្យបានត្រឹមត្រូវនោះទេក៏មិនប្រាកដថាក្លាយជាអ្នកមាននោះដែរ។ មានន័យថា នៅពេលដែលអ្នកបានអនុវត្តនូវចំណុចដូចដែលបានលើកឡើងខាងលើនេះប្រកបដោយភាពត្រឹមត្រូវ នោះវានឹងអាចជួយឲ្យអ្នកក្លាយជាអ្នកមានបាន។

ទី២- ត្រូវជឿជាក់លើសមត្ថភាពខ្លួនឯង ៖​ យើងមិនត្រូវអង្គុយរង់ចាំឲ្យគេមកប្រាប់ថា យើងអាចធ្វើការងារនេះបាន ឬការងារនោះបានទេ យើងត្រូវចេះរកការងារឲ្យខ្លួនឯងធ្វើ ត្រូវព្យាយាមធ្វើវាឲ្យអស់ពីលទ្ធភាព ហើយត្រូវយកឈ្នះរាល់បញ្ហាដែលចូលមកក្នុងជីវិតយើង ត្រូវចេះដឹកនាំខ្លួនឯងឲ្យដើរទៅដល់គោលដៅដែលបានកំណត់ទុក។ យើងត្រូវចងចាំថា ការក្លាយជាអ្នកមានមិនមែនត្រូវការពេលវេលាតែមួយយប់នោះទេ គឺយើងត្រូវធ្វើការតូចៗ រាប់ពាន់ រាប់ម៉ឺនយ៉ាង និងត្រូវការពេលវេលាជាច្រើន ដើម្បីបានក្លាយជាអ្នកមាន ហើយវាក៏បានមកដោយសារខ្លួនយើង មិនមាននរណានាំវាមកឲ្យយើងទេ។

ទី៣- មានសមត្ថភាពដោះស្រាយ ៖ នៅពេលមានបញ្ហាធំៗកាន់តែច្រើន យើងក៏កាន់តែមានទុនបទពិសោធន៍ច្រើនដូចគ្នា។ ដោយសារប្រព័ន្ធសេដ្ឋកិច្ចពិភពលោក សព្វថ្ងៃនេះជាប្រព័ន្ធសេដ្ឋកិច្ចសេរី ដូច្នេះយើងត្រូវរកឲ្យឃើញនូវអ្វីដែលជាតម្រូវការរបស់មនុស្សភាគច្រើន អ្វីដែលជាបញ្ហាធំៗរបស់មនុស្សទាំងនោះ។ យើងចាំបាច់ណាស់ត្រូវស្វែងរកឲ្យឃើញចំណុចទាំងនោះ រួចហើយត្រូវចាប់ផ្តើមស្វែងរកដំណោះស្រាយ ដោយការចាប់ផ្តើមបង្កើតវាឡើង ឬនាំចូលពីកន្លែងផ្សេងមក ដែលរបស់ទាំងនោះឆ្លើយតបតាមបញ្ហារបស់មនុស្សទូទៅកំពុងស្វែងរក។ បើយើងធ្វើបែបនេះបាន មិនយូរប៉ុន្មាន អ្នកនឹងក្លាយជាអ្នកមានបាន។

ទី៤- បង្កើតក្តីសុបិនឲ្យធំ ៖ ការបង្កើតក្តីសុបិនឲ្យធំបំផុត វានឹងជួយបង្កើតកម្លាំងជម្រុញយើងទៅមុខកាន់តែខ្លាំង។ ទោះបីពេលខ្លះយើងមានសង្ឃឹមខ្ពស់ពេក វាក៏ធ្វើឲ្យយើងខកចិត្តខ្លាំងដូចគ្នា ក៏ប៉ុន្តែបើយើងយកឈ្នះសេចក្តីភ័យខ្លាចនោះបាន ហើយបើកឱកាសឲ្យខ្លួនឯងប្រឹងប្រែង តស៊ូព្យាយាមអស់ពីកម្លាំងកាយចិត្ត ដើម្បីដើរឆ្ពោះទៅរកគោលដៅនោះ។ បើយើងមិនបានទៅដល់តាមក្តីសុបិនរបស់យើងដែលបានកំណត់ទុក យើងក៏អាចដើរបានទៅជិតដល់ ហើយមួយវិញទៀតនៅតាមផ្លូវដែលយើងដើរទៅរកក្តីសុបិននោះ យើងក៏ទទួលបានរបស់ជាច្រើនយ៉ាងដូចគ្នាដែរ មានដូចជា ចំណេះដឹង បទពិសោធន៍ពិតក្នុងជីវិត ការរីកចម្រើនក្នុងកម្រិតមួយ ការមានបានក្នុងកម្រិតមួយ។ល។និង។ល។

ទី៥- ត្រូវចេះមើលឲ្យធ្លុះបញ្ហាពីគ្រប់ជ្រុង ៖ ភាពជោគជ័យទៅតាមក្តីសុបិនរបស់ខ្លួនយើង គឺវាមានអនុភាពខ្លាំងក្លាណាស់សម្រាប់ទាក់ទាញមនុស្សរាល់គ្នា ហើយគ្រប់គ្នាក៏មិនអាចបដិសេធបាន។ មនុស្សជាច្រើនតែងតែគូសវាសក្តីសុបិនរបស់ខ្លួនឯងនៅថ្ងៃដែលខ្លួនឯងទទួលបានជោគជ័យតាមបំណងប្រាថ្នា ដោយគិតថាពេលក្លាយជាអ្នកមាន គាត់ចង់ធ្វើនេះ ឬធ្វើនោះ ចង់បានផ្ទះធំ ឡានល្អ អ្នកបម្រើឆ្វេងស្តាំ។ល។ ដោយពួកគាត់មិនបានគិតពីបញ្ហា និងឧបសគ្គដែលនឹងកើតឡើងនោះទេ ហើយពួកគាត់គិតថាការធ្វើអាជីវកម្មជារឿងងាយ ដោយពួកគាត់សម្លឹងមើលតែមួយជ្រុងតូច ដូច្នេះពួកគាត់អាចមិនបានត្រៀមទទួលយកបញ្ហាទាំងឡាយដែលបានជួបនៅតាមផ្លូវដើរ នៅពេលដែលពួកគាត់ដើរជួបបញ្ហាកាន់តែច្រើនទៅៗ ធ្វើឲ្យពួកគាត់លើកទង់ជ័យសចុះចាញ់ នេះគឺជារឿងគួរឲ្យសោកស្តាយ ព្រោះពួកគាត់បានចាប់ផ្តើមដើរទៅមុខ ហើយបែរជាបោះបង់ចោលទៅវិញ។ ហេតុដូច្នេះហើយមិនថាយើងចង់ធ្វើអ្វីក៏ដោយ យើងត្រូវគិត ត្រិះរិះពិចារណា វិភាគ ហើយត្រូវសម្លឹងមើលវានៅលើការពិត មិនមែនការស្រមៃ ហើយត្រូវពិនិត្យមើលវាពីគ្រប់ជ្រុងជ្រោយ ត្រូវត្រៀមខ្លួនជាស្រេចដើម្បីដោះស្រាយរាល់បញ្ហាដែលកើតឡើងតាមផ្លូវដើរទៅរកក្តីសុបិននោះ និងត្រូវត្រៀមកម្លាំងចិត្តពុះពាររាល់ឧបសគ្គទាំងឡាយដែលយើងបានជួបក្នុងពេលធ្វើដំណើរ។

សរុបរួម គន្លឹះទាំង៥ចំនុចដែលបានរៀបរាប់ខាងលើនេះ ខ្ញុំគិតថាអាចជួយឲ្យអ្នកជំនាន់ក្រោយទាំងឡាយយកទៅធ្វើជាត្រីវិស័យនាំផ្លូវទៅរកក្តីសុបិនរបស់ខ្លួន៕


របាយការណ៍ថ្មីៗ

មើលទាំងអស់ ➧

CM​G ​អញ្ជើញ​អ្នក​សារព័ត៌មាន​កម្ពុជា​ ​និង​អាស៊ាន​ទៅ​ស្វែងយល់​ពី​សក្តានុពល​ខេត្ត​ហៃ​ណាន

បទយកការណ៍, សេដ្ឋកិច្ច

• 19/10/2026

បុគ្គល​ ៤​ ​អាច​ជំនួស​តំណែង​លោក ​​Zelensky ក្រោយ​លោក​ Trump ​ជំរុញ​ការ​ផ្លាស់ប្តូរ​នយោបាយ​អ៊ុយក្រែន

បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 13/10/2026

កាណាដា​-​អេមីរ៉ាត​អារ៉ាប់ រួមគ្នា​ជំរុញ​ផែនការ​វិនិយោគ ៥០ ​ពាន់​លាន​ដុល្លារ​

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត

• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត

• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi​ សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ព័ត៌មានទូទៅ

មើលទាំងអស់ ➧

ធនាគារ ARDB សហការជាមួយ FASMEC រៀបចំវេទិកាថ្នាក់ជាតិលើកដំបូង ដើម្បីជួយដល់វិស័យ MSMEs នៅកម្ពុជា

ព្រឹត្តិការណ៍, សេដ្ឋកិច្ច

• 27/10/2026

ភ្នំពេញ ៖ ធនាគារអភិវឌ្ឍន៍ជនបទ និងកសិកម្ម (ARDB) បានសហការជាមួយសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) រៀបចំព្រឹត្តិការណ៍នៃវេទិកាថ្នាក់ជាតិលើកដំបូង ក្រោមប្រធានបទ «លទ្ធភាពទទួលបានហិរញ្ញប្បទានរបស់សហគ្រាសធុនមីក្រូ តូច និងមធ្យម» ដែលមានរយៈពេល ២ថ្ងៃ (២៧-២៨ ខែតុលា ឆ្នាំ២០២៦) នៅមជ្ឈមណ្ឌលសន្និបាត និងពិព័រណ៍កោះពេជ្រ

ក្រសួងរៀបចំដែនដី កំពុងអនុវត្តយ៉ាងខ្ជាប់ខ្ជួននូវសមរភូមិទៅតាមផែនទីឯកភាពការងាររបស់ខ្លួន ដើម្បីបន្តមរតកសុខសន្តិភាព

Top News, ព្រឹត្តិការណ៍, អចលនទ្រព្យ

• 27/10/2026

ភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ បាននិងកំពុងអនុវត្តយ៉ាងខ្ជាប់ខ្ជួននូវសមរភូមិទៅតាមផែនទីឯកភាពការងាររបស់ខ្លួន ដើម្បីបន្តមរតកសុខសន្តិភាពក្នុងក្របខណ្ឌក្រសួង និងធ្វើឱ្យមរតកនេះចាក់គ្រឹះក្នុងសង្គមកម្ពុជា ដោយបម្រើឧត្តមប្រយោជន៍ជាតិ និងប្រជាជន ស្របទៅតាមការវិវត្តនៃរចនាសម្ព័ន្ធសេដ្ឋកិច្ច និងសង្គម។ សូមគូសបញ្ជាក់ថា សមរភូមិទាំង៧ របស់ក្រសួងរៀបចំដែនដី នគរូបនីយកម្ម និងសំណង់ រួមមាន៖ ១. ការរៀបចំផ្ទះសំបែងឱ្យរៀបរយ៖

ហៃណាន ជំរុញការបង្កាត់ពូជស្រូវឆ្លាតវៃ ដោយប្រើបច្ចេកវិទ្យាហ្សែន និងស្វ័យប្រវត្តិកម្ម

ព្រឹត្តិការណ៍, អាជីវកម្មថ្មី និងនវានុវត្ត

• 27/10/2026

បច្ចេកវិទ្យា​តម្រៀប​ហ្សែន​កម្រិត​ខ្ពស់​ ការ​វិភាគ​ម៉ូលេគុល​ក្នុង​ជាលិកា ​និង​ប្រព័ន្ធ​ស្វ័យប្រវត្តិ​កម្ម​ក្នុង​មន្ទីរ​ពិសោធន៍​ ​កំពុង​ដើរ​តួនាទី​សំខាន់​ក្នុង​ការ​ជំរុញ​ការ​ស្រាវជ្រាវ​ស្រូវ ​និង​ការ​បង្កាត់​ពូជ​ឆ្លាត​វៃ​នៅ​ទីក្រុង​វិទ្យាសាស្ត្រ​ ​និង​បច្ចេកវិទ្យា​ សាន​យ៉ា ​ខេត្ត​ហៃ​ណាន ​ដោយ​មាន​ការ​គាំទ្រ​ពី​ឧបករណ៍​បច្ចេកវិទ្យា​របស់​ក្រុមហ៊ុន​ M​GI Tech

ការ​កែច្នៃ​ ​និង​កិច្ចសន្យា​កសិកម្ម ​ជា​យុទ្ធសាស្ត្រ​រក្សា​លំនឹង​ទីផ្សារ​ស្វាយ​កម្ពុជា​

ព្រឹត្តិការណ៍, សេដ្ឋកិច្ច

• 27/10/2026

ការ​ពង្រីក​ការ​កែច្នៃ​ក្នុង​ស្រុក​ ​និង​ការ​អនុវត្ត​កិច្ចសន្យា​កសិកម្ម ​កំពុង​ត្រូវ​បាន​ជំរុញ​ជា​យុទ្ធសាស្ត្រ​សំខាន់ ​ដើម្បី​ដោះស្រាយ​បញ្ហា​ផលិតកម្ម​ស្វាយ​លើស​តម្រូវការ​ ការ​ធ្លាក់​ថ្លៃ​នៅ​រដូវ​ប្រមូល​ផល ​និង​ការ​ខាតបង់​របស់​កសិករ ​ព្រមទាំង​បង្កើន​តម្លៃ​បន្ថែម​ ​និង​ពង្រីក​ទីផ្សារ​នាំចេញ​របស់​កម្ពុជា

វិស័យ​កៅស៊ូ​កម្ពុជា​​ឈាន​ដល់​ដំណាក់កាល​ថ្មី ​ពី​ការ​នាំចេញ​វត្ថុធាតុដើម​ទៅ​ផ្គត់ផ្គង់​ឧស្សាហកម្ម​ក្នុង​ស្រុក​

ព្រឹត្តិការណ៍, សេដ្ឋកិច្ច

• 27/10/2026

​កម្ពុជា​កំពុង​ឈាន​ទៅ​រក​ដំណាក់កាល​ថ្មី​ក្នុង​វិស័យ​កៅស៊ូ ​ដោយ​ផ្លាស់ប្ដូរ​ពី​ការ​ផលិត ​និង​នាំចេញ​វត្ថុធាតុដើម​ជា​ចម្បង​ ​ទៅ​រក​ការ​កែច្នៃ​ ​និង​ផ្គត់ផ្គង់​សម្រាប់​ឧស្សាហកម្ម​ក្នុង​ស្រុក​ ​ខណៈ​ចម្ការ​កៅស៊ូ​គ្រួសារ ​និង​ចម្ការ​ខ្នាត​ធំ​កំពុង​រួមចំណែក​ជំរុញ​កំណើន​ផលិតកម្ម​។

អា​ម៉េរិក​បារម្ភ ​​ចិន​បង្កើត​ ​«កង​នា​វា​ស្រមោល​» ​បង្កប់​តាម​នាវា​ស៊ីវិល​ខ្នាត​ធំ​ ​សម្រាប់​ផែនការ​លុកលុយ​កោះ​តៃវ៉ាន់

ព្រឹត្តិការណ៍, អាជីវកម្មថ្មី និងនវានុវត្ត

• 27/10/2026

របាយការណ៍​សម្ងាត់​របស់​ទីភ្នាក់ងារ​ស៊ើបការណ៍​សម្ងាត់​ការពារ​ជាតិ​អាម៉េរិក​ ​និង​រូបភាព​ផ្កាយ​រណប​ដែល​ត្រូវ​​បាន​បង្ហាញ​នា​ពេល​ថ្មី​ៗ​នេះ​ ​បាន​បង្កើន​ការ​ព្រួយបារម្ភ​អំពី​ការ​ពង្រីក​កង​នា​វា​ស៊ីវិល​របស់​ចិន ​និង​លទ្ធភាព​ដែល​នាវា​ទាំង​នេះ​អាច​ត្រូវ​បាន​ប្រើប្រាស់​សម្រាប់​ប្រតិបត្តិការ​យោធា​ ​ក្នុង​ករណី​មាន​ជម្លោះ​ជុំវិញ​កោះ​តៃវ៉ាន់​

ប៊ុលហ្គារី​ ​អះអាង​ថា​​ ការ​បោះឆ្នោត​ប្រព្រឹត្តទៅ​ដោយ​រលូន ​គ្មាន​ភស្តុតាង​ទិញ​សន្លឹក​ឆ្នោត​ជា​ប្រព័ន្ធ​

ព្រឹត្តិការណ៍, សេដ្ឋកិច្ច

• 27/10/2026

ការ​បោះឆ្នោត​ជ្រើសរើស​ប្រធានាធិបតី​នៅ​ប្រទេស​ប៊ុលហ្គារី ​កាលពី​ថ្ងៃ​ទី​២៥ ​ខែ​តុលា ​ឆ្នាំ​២០២៦ ​បាន​ប្រព្រឹត្តទៅ​ក្នុង​បរិយាកាស​ស្ងប់ស្ងាត់ ​និង​មាន​របៀបរៀបរយ​ល្អ​នៅ​ទូទាំង​ប្រទេស​ ​ដោយ​អាជ្ញាធរ​មិន​បាន​រកឃើញ​ភស្តុតាង​នៃ​សកម្មភាព​ទិញ​សន្លឹក​ឆ្នោត​ទ្រង់ទ្រាយ​ធំ​ ​ឬ​ជា​ប្រព័ន្ធ​នោះ​ទេ

រដ្ឋាភិបាល​កែសម្រួល​រចនាសម្ព័ន្ធ​ក្រសួង​រៀបចំ​ដែនដី ​និង​ប្តូរ​ឈ្មោះ​មន្ទីរ​រាជធានី​-​ខេត្ត

ព្រឹត្តិការណ៍, អចលនទ្រព្យ

• 27/10/2026

រាជ​រដ្ឋាភិបាល​កម្ពុជា​ ​បាន​ចេញ​អនុ​ក្រឹត្យ​កែសម្រួល​រចនាសម្ព័ន្ធ​មួយ​ចំនួន​របស់​ក្រសួង​រៀបចំ​ដែនដី នគរូបនីយកម្ម ​និង​សំណង់ ​ដើម្បី​សម្រួល​ការងារ​ ​និង​ការ​អនុវត្ត​ភារកិច្ច​ដែល​ស្ថិត​ក្នុង​សមត្ថកិច្ច​របស់​ក្រសួង

ហៃ​ណាន ពង្រីក​មូលដ្ឋាន​អប់រំ​អន្តរជាតិ​​ ខណៈតំបន់​លីង​សួយ​ លី​អា ​ទាក់ទាញ​គ្រូ​ ​និង​និស្សិត​ជាង​ ១ ​ម៉ឺន​នាក់​

ព្រឹត្តិការណ៍, អាជីវកម្មថ្មី និងនវានុវត្ត

• 27/10/2026

​តំបន់​សាកល្បងន​វានុវត្តន៍​ការ​អប់រំ​អន្តរជាតិ​ លីងសួយ​ លី​អា ​(​Lingshui ​Li’​an ​International ​Education Innovation Pilot ​Zone​)​ ​នៅ​ខេត្ត​ហៃ​ណាន ​ប្រទេស​ចិន ​បាន​ទាក់ទាញ​លោក​គ្រូ​ ​អ្នក​គ្រូ​ ​និង​និស្សិត​សរុប​ជាង​ ១ ម៉ឺន​នាក់​ ​ខណៈ​តំបន់​នេះ​កំពុង​ពង្រីក​កិច្ច​សហប្រតិបត្តិការ​ជាមួយ​សាកលវិទ្យាល័យ​ល្បី​ៗ​ចំនួន​ ៣០ ​ទាំង​ក្នុង​ ​និង​ក្រៅ​ប្រទេស ​ដើម្បី​គាំទ្រ​ដល់​ការ​អភិវឌ្ឍ​កំពង់ផែ​ពាណិជ្ជកម្ម​សេរី​ហៃ​ណាន​

ឥណ្ឌូណេស៊ី កាត់បន្ថយការនាំចេញឧស្ម័ន ៣១ លានគូបហ្វីត ទៅកាន់សិង្ហបុរី ចំពេលមានភាពតានតឹងផ្នែកនយោបាយ និងផ្សែងអ័ព្ទ

ព្រឹត្តិការណ៍, សេដ្ឋកិច្ច

• 26/10/2026

ឥណ្ឌូណេស៊ីកាត់បន្ថយការនាំចេញឧស្ម័នធម្មជាតិចំនួន ៣១ លានគូបហ្វីតទៅកាន់សិង្ហបុរី ដើម្បីបង្វែរការផ្គត់ផ្គង់ទៅបំពេញលើតម្រូវការអគ្គិសនីក្នុងស្រុកបន្ថែម