កិច្ចចរចាពាណិជ្ជកម្មអាមេរិក-ចិននៅតែបរាជ័យ ទោះបីមានការជំរុញពី

បរទេស ៖ សហគមន៍ពាណិជ្ជកម្មអាមេរិកបានដាក់សម្ពាធលើសេតវិមាន ដើម្បីចាប់ផ្តើមការចរចាពាណិជ្ជកម្ម និងកែសម្រួលពន្ធគយជាមួយចិនឡើងវិញ ប៉ុន្តែកង្វះការលើកទឹកចិត្តផ្នែកនយោបាយធ្វើឱ្យទស្សនវិស័យសម្រាប់ការចូលរួមប្រកបដោយអត្ថន័យរវាងរដ្ឋាភិបាលនៃប្រទេសទាំងពីរធ្លាក់ចុះ។

ជាផ្នែកមួយនៃយុទ្ធនាការនេះ ក្រុមពាណិជ្ជករបានជំរុញឱ្យប្រធានសេដ្ឋកិច្ចអាមេរិកបន្តដំណើរការនៃការលើកលែងពន្ធគយដែលផុតកំណត់កាលពីចុងឆ្នាំមុន ដោយសម្អាងថា ការដាក់ពន្ធគយលើប្រទេសចិនក្នុងសង្គ្រាមពាណិជ្ជកម្មដែលផ្តួចផ្តើមដោយអតីតប្រធានាធិបតីលោក ដូណាល់ ត្រាំ នាំឱ្យឧស្សាហកម្មអាមេរិកប្រឈមនឹងកំណើននៃការចំណាយក្នុងការផលិតទំនិញ និងផ្តល់សេវាកម្មក្នុងស្រុក ដែលធ្វើឱ្យការនាំចេញផលិតផល និងសេវាកម្មរបស់ពួកគេ មិនសូវមានការប្រកួតប្រជែងនៅបរទេស ហើយក៏កំពុងប៉ះពាល់ដល់វិស័យការងាររបស់អាមេរិកផងដែរ។

ការអំពាវនាវស្រដៀងគ្នានេះ ក៏ត្រូវបានគាំទ្រដោយសមាជិកព្រឹទ្ធសភាអាមេរិកចំនួន ៤០រូប រួមទាំងលោក Lindsey Graham និងលោក Macro Rubio រូបលោកទាំងពីរជាមេនាំមុខគេរបស់ចិនមកពីគណបក្សសាធារណរដ្ឋ ក្នុងលិខិតមួយដែលបានដាក់ជូនតំណាងពាណិជ្ជកម្មអាមេរិកលោកស្រី Katherine Tai កាលពីខែមេសានេះ។

លើសពីនេះទៅទៀត ក្រុមហ៊ុនអាមេរិកជាង ៣ ៧០០ បានដាក់ពាក្យបណ្តឹងចាប់តាំងពីឆ្នាំមុនទៅតុលាការពាណិជ្ជកម្មអន្តរជាតិអាមេរិក ដោយស្នើឱ្យបញ្ចប់ និងសងប្រាក់ពន្ធនាំចូលលើទំនិញចិនវិញ។ នេះបើយោងតាមរបាយការណ៍ប្រព័ន្ធផ្សព្វផ្សាយអាមេរិកកាលពីខែឧសភានេះ។ យ៉ាងណាមិញ បញ្ហាពាណិជ្ជកម្មបានទម្លាក់បញ្ជីអាទិភាពទាំងនៅក្រុងប៉េកាំង និងវ៉ាស៊ីនតោន ដោយទំនាក់ទំនងផ្តោតលើការប្រឈមមុខដាក់គ្នាផ្នែកសន្តិសុខ វិស័យបច្ចេកវិទ្យា និងមនោគមវិជ្ជាវិញ។

មន្រ្តីជំនាញសេដ្ឋកិច្ច បានត្រឹមតែធ្វើកិច្ចពិភាក្សាដំបូងនៅឆ្នាំនេះ ហើយក្រុងវ៉ាស៊ីនតោន នៅតែពិនិត្យឡើងវិញលើគោលនយោបាយរួមរបស់ចិន ដោយធ្វើឱ្យទស្សនវិស័យក្លាយទៅជាមិនច្បាស់សម្រាប់ការផ្លាស់ប្តូរយ៉ាងច្រើនលើកិច្ចព្រមព្រៀងពាណិជ្ជកម្មដែលជិតឈានដល់ឆ្នាំទីពីររបស់ខ្លួនមួយនេះ។

សង្រ្គាមពាណិជ្ជកម្មបានចាប់ផ្តើមយ៉ាងធ្ងន់ធ្ងរនៅខែ មីនាឆ្នាំ២០១៨។ បន្ទាប់មក លោកប្រធានាធិបតីត្រាំ បានប្រកាសដាក់ពន្ធលើផលិតផលចិន ក្រោយពីមានរបាយការណ៍តំណាងពាណិជ្ជកម្មអាមេរិក ចោទប្រកាន់ចិនពីការអនុវត្តពាណិជ្ជកម្មមិនស្មើភាពគ្នា និងការលួចទ្រព្យសម្បត្តិបញ្ញារបស់រដ្ឋជាដើម ដែលបង្កជាការសងសឹងវិញពីក្រុងប៉េកាំង។

កិច្ចព្រមព្រៀងពាណិជ្ជកម្មដំណាក់កាលទី ១ ត្រូវបានចុះហត្ថលេខាកាលពីខែមករាឆ្នាំមុន ដែលបង្ហាញពីការបញ្ឈប់ការថ្កោលទោសគ្នានៅក្នុងសង្គ្រាមពាណិជ្ជកម្ម ដោយចិនបានសន្យាទិញផលិតផលអាមេរិកចំនួន ២០០ ពាន់លានដុល្លារបន្ថែមទៀតនៅឆ្នាំ២០២០ និង ២០២១ ជាថ្នូរនឹងការដកពន្ធគយដោយផ្នែករបស់អាមេរិក។

ទោះយ៉ាងណា ការទិញរបស់ចិនបានធ្លាក់ចុះ ហើយមិនសម្រេចតាមគោលដៅនោះទេដោយសារជំងឺរាតត្បាតកូវីដ-១៩ ដោយនៅក្នុងឆ្នាំដំបូងនៃការអនុវត្ត ចិនបាននាំចូលទំនិញពីអាមេរិកចំនួន ១០០ ពាន់លានដុល្លារស្មើនឹង ៥៨% នៃគោលដៅ ១៧៣,១ ពាន់លានដុល្លារសម្រាប់ឆ្នាំ២០២០។ យន្តការការពិគ្រោះយោបល់ ដែលជាផ្នែកសំខាន់នៃកិច្ចព្រមព្រៀងពាណិជ្ជកម្មពាក់ព័ន្ធនឹងទំនាក់ទំនងមូលដ្ឋានពីប្រចាំថ្ងៃទៅពាក់កណ្តាលប្រចាំឆ្នាំ បានបរាជ័យយ៉ាងខ្លាំងដោយសារការរំខានពីជំងឺរាតត្បាត ការបោះឆ្នោតប្រធានាធិបតីអាមេរិក និងការផ្លាស់ប្តូរអំណាចជាបន្តបន្ទាប់។

ក្រុងប៉េកាំងនិយាយថា ខ្លួននឹងបន្តអនុវត្តកិច្ចព្រមព្រៀងនេះ។ ប៉ុន្តែក្រុមអ្នកសង្កេតការណ៍និយាយថា គោលដៅនៃវិធានការនេះត្រូវបានកំណត់ខ្ពស់ពេក ហើយវាច្បាស់ចំពោះភាគីទាំងពីរថា ក្រុងប៉េកាំងទំនងជាមិនផ្តល់ឱ្យពេញលេញនូវការសន្យាទិញរបស់ខ្លួនឡើយ។

ក្រុមហ៊ុនជំនួញធំៗ ចំនួន ៣០ របស់អាមេរិក បានដាក់លិខិតមួយទៅរដ្ឋមន្ត្រីរតនាគារ លោកស្រី Janet Yellen និងលោកស្រី Tai កាលពីសប្តាហ៍មុន ដោយបញ្ជាក់ថាប្រទេសចិនបានឈានដល់ចំណុចសំខាន់នៅក្នុងកិច្ចព្រមព្រៀងពាណិជ្ជកម្ម និងជំរុញឱ្យក្រុងវ៉ាស៊ីនតោន បន្តឆ្ពោះទៅរកបញ្ហាដែលមិនប៉ះពាល់ក្នុងដំណាក់កាលទីមួយ។

លោក Bo Zhengyuan អ្នកស្រាវជ្រាវរបស់ក្រុមហ៊ុនស្រាវជ្រាវ Plenum ដែលផ្តោតលើប្រទេសចិន និងមានមូលដ្ឋាននៅក្រុងប៉េកាំង បានប្រាប់សារព័ត៌មាន The South China Morning Post ថាទាំងអាមេរិក និងចិន នឹងរង់ចាំឱ្យបរិយាកាសនយោបាយមានភាពប្រសើរឡើង ដើម្បីអាចបើកកិច្ចពិភាក្សាកម្រិតជាន់ខ្ពស់ស្តីពីពាណិជ្ជកម្ម និងសេដ្ឋកិច្ច។

លោកនិយាយថា ៖

«ភាគីទាំងពីរ នឹងមិនខ្វល់ច្រើនអំពីទំហំនៃការទិញទេ។ រដ្ឋបាលលោក បៃដិន អាចនឹងយកគោលដៅផ្សេងពីលោកត្រាំ ដើម្បីវាយតម្លៃពីការអនុវត្តកិច្ចព្រមព្រៀងនេះ។ វាក៏អាចកើតមានផងដែរដែលភាគីទាំងពីរ នឹងយល់ព្រមលើការដកពន្ធគយមួយផ្នែក»

ចំណែកឯលោក Lu Xiang អ្នកស្រាវជ្រាវអំពីទំនាក់ទំនងចិន-អាមេរិកនៅបណ្ឌិត្យសភាវិទ្យាសាស្ត្រសង្គមចិនវិញបាននិយាយថា ៖

«លោកបៃដិន ក៏ស្ថិតក្រោមសម្ពាធក្នុងការនិយាយផងដែរ ដោយសារទស្សនវិស័យកាន់តែអាប់អួរខ្លាំងឡើង សម្រាប់ការបោះឆ្នោតពាក់កណ្តាលអាណត្តិនៅឆ្នាំក្រោយ»

កាលពីខែមិថុនា លោកប្រធានាធិបតីបៃដិន បានពង្រីកបញ្ជីខ្មៅរបស់រដ្ឋបាលលោកត្រាំដើម្បីរារាំងជនជាតិអាមេរិកមិនឱ្យវិនិយោគលើក្រុមហ៊ុនចិនដែលផ្ដល់ជំនួយដល់យោធា ឬការគាបសង្កត់ជនជាតិភាគតិចនៅតំបន់ស៊ីនជាំងជាដើម។ លោកបៃដិន បានរួមបញ្ចូលក្រុមហ៊ុន Huawei ដែលជាក្រុមហ៊ុនទូរគមនាគមន៍ដ៏ធំរបស់ចិន ទៅក្នុងបញ្ជីឈ្មោះក្រុមហ៊ុនដែលត្រូវបានហាមឃាត់។ ក្រៅពីនោះ សេតវិមានក៏បានប្រកាសពីការបង្កើតក្រុមប្រឹក្សាពាណិជ្ជកម្ម និងបច្ចេកវិទ្យាជាមួយមន្រ្តីអាមេរិក និងអឺរ៉ុប ដែលជាកិច្ចខិតខំប្រឹងប្រែងដើម្បីប្រឆាំងឥទ្ធិពលចិន ដោយសម្របសម្រួលគោលនយោបាយឌីជីថលរវាងក្រុងប្រ៊ុចសែល និងវ៉ាស៊ីនតោន៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

ព័ត៌មានទូទៅ

មើលទាំងអស់ ➧

កម្ពុជា និងថៃ មិនទាន់ឯកភាពគ្នាលើបេក្ខភាពប្រធានគណៈកម្មការផ្សះផ្សាបញ្ហាព្រំដែនសមុទ្រ

ព្រឹត្តិការណ៍, សេដ្ឋកិច្ច

• 17/07/2026

មន្ត្រីនៃក្រសួងការបរទេសកម្ពុជា បានឱ្យដឹងថា កម្ពុជា និងថៃ មិនទាន់រើសបានប្រធានគណៈកម្មការផ្សះផ្សានៅឡើយទេ

អ្នកដឹកនាំជាស្រ្តីថយចុះ ប្រធានរដ្ឋសភាកម្ពុជាអំពាវនាវឱ្យមានការគាំទ្រស្ដ្រីក្នុងភាពជាអ្នកដឹកនាំ

ព្រឹត្តិការណ៍, សេដ្ឋកិច្ច

• 17/07/2026

សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភាកម្ពុជា បានអំពាវនាវដល់ថ្នាក់អ្នកដឹកនាំគ្រប់ជាន់ថ្នាក់គិតគូរអំពីសមភាពយេនឌ័រ ក្នុងន័យគាំទ្រលើកកម្ពស់ស្រ្តីក្នុងភាពជាអ្នកដឹកនាំ

អិលអូអិលស៊ីដាក់ដំណើរការ «ឥណទានមាសកើនទ្រព្យ» នៅសាខាខណ្ឌទួលគោក ដែលជាសាខាទី១០

ព្រឹត្តិការណ៍, អត្ថបទពាណិជ្ជកម្ម

• 17/07/2026

អិលអូអិលស៊ី (LOLC) ដែលជាគ្រឹះស្ថានមីក្រូហិរញ្ញវត្ថុឈានមុខគេក្នុងប្រទេសកម្ពុជា បាននិងកំពុងពង្រីកការផ្ដល់សេវាឥណទានថ្មី «ឥណទានមាសកើនទ្រព្យ» ទៅកាន់សាខារបស់ខ្លួនជាបន្ដបន្ទាប់។ ជាក់ស្ដែងនៅថ្ងៃទី ១៧ ខែកក្កដា ឆ្នាំ ២០២៦ អិលអូអិលស៊ី សាខាខណ្ឌទួលគោកបានក្លាយជាសាខាទី១០ ដែលផ្ដល់សេវា «ឥណទានមាសកើនទ្រព្យ» នេះ

ខេត្តសក្ដានុពលចំនួន៥ ទទួលបានគម្រោងវិនិយោគច្រើនជាងគេក្នុងរយៈពេល៦ខែ ដើមឆ្នាំ២០២៦នេះ

ព្រឹត្តិការណ៍, អចលនទ្រព្យ

• 17/07/2026

ក្នុងរយៈពេល៦ខែ ដើមឆ្នាំ២០២៦នេះ រាជរដ្ឋាភិបាលកម្ពុជា ទទួលបានការចុះបញ្ជីគម្រោងវិនិយោគសរុបចំនួន ២៧៦គម្រោង ជាមួយនឹងដើមទុនវិនិយោគចំនួន ៤,៧ពាន់លានដុល្លារអាម៉េរិក

ចិន នឹងជួយចងក្រងប្រវត្តិសាស្រ្តកម្ពុជាក្នុងសម័យទំនើប និងផ្សព្វផ្សាយវប្បធម៌ ទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 17/07/2026

ភ្នំពេញ៖ ភាពអស្ចារ្យនៃប្រវត្តិសាស្ត្រដ៏រុងរឿង និងដួងព្រលឹងវប្បធម៌ខ្មែរ បានបន្តអន្ទងចិត្តអ្នកនិពន្ធ និងជាប្រធានអ្នកដឹកនាំរឿង (Chief Director) ដ៏ល្បីនៃប៉ុស្តិ៍ខ្សែភាពយន្តឯកសាររបស់មជ្ឈមណ្ឌលភាពយន្តភាគ និងខ្សែភាពយន្តឯកសារនៃអគ្គស្ថានីយវិទ្យុ និងទូរទស្សន៍មជ្ឈិមចិន (CMG) គឺលោក ចូវ ឆាវយ៉ុង (Zhou Chaoyong) រហូតឈានដល់ការប្តេជ្ញាចិត្តយ៉ាងមុតមាំក្នុងការចូលរួមចងក្រង និងផ្សព្វផ្សាយផ្ទាំងទស្សនីយភាពទេសចរណ៍ និងវប្បធម៌កម្ពុជាសម័យទំនើបទៅកាន់ប្រជាជនចិន ក៏ដូចជាពិភពលោកផងដែរ។

ស្វែងយល់ពីឫសគល់ប្រវត្តិសាស្ត្រដែលសហរដ្ឋអាម៉េរិក និងសម្ព័ន្ធមិត្តមិនអាចផ្តួលរំលំរបបដឹកនាំអ៊ីរ៉ង់

Top News, ព្រឹត្តិការណ៍, សេដ្ឋកិច្ច

• 17/07/2026

ក្រុមអ្នកវិភាគភូមិសាស្ត្រនយោបាយ គូសបញ្ជាក់ថា ការព្យាយាមប្រើប្រាស់សម្ពាធយោធា និង ការដាក់ទណ្ឌកម្មសេដ្ឋកិច្ចនានាដើម្បីបង្ខំឱ្យអ៊ីរ៉ង់ផ្លាស់ប្តូររបបដឹកនាំគឺជារឿងដ៏លំបាកបំផុត ដោយសារតែរបបបច្ចុប្បន្នត្រូវបានកសាងឡើងនៅលើទ្រឹស្តីការពារខ្លួន និងការចងចាំដ៏ឈឺចាប់នៃការជ្រៀតជ្រែកពីបរទេសអស់រយៈពេលជាង ២ សតវត្សរ៍កន្លងមក

ពីសន្តិសុខប្រាក់ខែ ១៨០ដុល្លារ ក្លាយជាម្ចាស់អាជីវកម្មអាចរកចំណូលបានជិត ២ពាន់ដុល្លារក្នុងមួយខែ ដោយសាររៀនជំនាញពី TVET

ព្រឹត្តិការណ៍, សេដ្ឋកិច្ច

• 17/07/2026

ពីសន្តិសុខប្រាក់ខែ ១៨០ដុល្លារ ក្លាយជាម្ចាស់អាជីវកម្មអាចរកចំណូលបានជិត ២ពាន់ដុល្លារក្នុងមួយខែ ដោយសាររៀនជំនាញពី កម្មវិធីបណ្តុះបណ្តាលបច្ចេកទេស និងវិជ្ជាជីវៈ(TVET)

ចិនដើរមួយជំហានមុនក្រុមហ៊ុនលោក Elon Musk លើបច្ចេកវិទ្យាវះកាត់ដាក់បន្ទះឈីបភ្ជាប់ខួរក្បាល

ព្រឹត្តិការណ៍, អាជីវកម្មថ្មី និងនវានុវត្ត

• 17/07/2026

ក្រុមគ្រូពេទ្យវះកាត់ជនជាតិចិនថ្មីៗនេះ បានទទួលជោគជ័យក្នុងការវះកាត់ដាក់ឧបករណ៍ភ្ជាប់ខួរក្បាលនឹងកុំព្យូទ័រ (BCI ឬ brain-computer interface) ជាលក្ខណៈពាណិជ្ជកម្មដំបូងគេបង្អស់លើពិភពលោកទៅលើអ្នកជំងឺម្នាក់

គិតត្រឹមពាក់កណ្ដាលឆ្នាំ ២០២៦ ជប៉ុនផ្ដល់ឥណទានសម្បទានជាង ៣.៥ ពាន់លានដុល្លារដល់កម្ពុជា

ព្រឹត្តិការណ៍, ហិរញ្ញវត្ថុ

• 17/07/2026

បើគិតត្រឹមពាក់កណ្ដាលឆ្នាំ២០២៦ ជប៉ុនបានផ្ដល់ហិរញ្ញប្បទានសម្បទានដល់កម្ពុជា សម្រាប់អនុវត្តន៍គម្រោងកម្មវិធីចំនួន ២៥ មានទឹកប្រាក់ប្រមាណ ៣.៥១ ពាន់លានដុល្លារអាម៉េរិក

វៀតណាម រក្សាបានតំណែងជាប្រទេសសេដ្ឋកិច្ចរីកលូតលាស់លឿនបំផុតនៅក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 17/07/2026

វៀតណាម ដែលជាប្រទេសមានព្រំប្រទល់ជាប់ជាមួយកម្ពុជា បាន និងកំពុងបង្ហាញពីមោទនភាពរបស់ខ្លួនដែលអាចកាន់តំណែងជាប្រទេសមានកំណើនសេដ្ឋកិច្ចលឿនបំផុតនៅក្នុងតំបន់អាស៊ាននាឆមាសទីមួយឆ្នាំ២០២៦