សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ឥណ្ឌា ៖ កុលាប ជាផ្កាដ៏ស្រស់ស្អាត និងមានក្លិនក្រអូប ដែលមនុស្សភាគច្រើនបានទាញយកប្រយោជន៍ពីវាយ៉ាងច្រើនតាមរយៈរូបភាពផ្សេងគ្នា រាប់ទាំងការតុបតែងលម្អរ ការច្នៃជាអាហារ ក៏ដូចជាគ្រឿងក្រអូបជាដើម។
ដោយឡែកនៅឯប្រទេសឥណ្ឌាឯណោះ វិញផ្កាកុលាបបានក្លាយជាវត្ថុធាតុដើមយ៉ាងសំខាន់ក្នុងការផលិតជាទឹកអប់ដ៏ក្រអូបឈ្ងុយឈ្ងប់មួយប្រភេទដែលមានប្រវត្តិនៃការផលិតជាច្រើនពាន់ឆ្នាំមកហើយ ហើយមកដល់បច្ចុប្បន្នមានតែទីក្រុងតូចមួយប៉ុណ្ណោះដែលនៅបន្តថែរក្សាការផលិតទឹកអប់ប្រភេទនេះជាប់រហូតមក។
ទឹកអប់មួយក្រឡចំណុះប្រហែលជា ៥លីត្រ ទាមទាការផលិតតាមវិធីបុរាណនេះប្រហែលជា១សប្តាហ៍ ឬច្រើនជាងនេះ ហើយផលិតផលដែលទទួលបាន គឺជាទឹកអប់សុទ្ធ ១០០ភាគរយ ហើយវាបានស្គាល់យ៉ាងទូលាយដោយពលរដ្ឋឥណ្ឌាថា Attar ដែលជាភាសាអារ៉ាប់ ។
អ្វីដែលជាកត្តាសំខាន់បំផុត និងបានធ្វើឲ្យ Attar បានជាប់ឈ្មោះជាទឹកអប់ដ៏ពិសេសមួយសម្រាប់ឥណ្ឌានោះគឺជាដំណើរការផលិតដែលពោរពេញទៅដោយភាពអត់ធ្មត់ និងការយកចិត្តទុកដាក់ពីមួយដំណាក់កាលទៅមួយដំណាក់កាល។
Kannauj ជាទីក្រុងតែមួយគត់ដែលនៅសេសសល់សិប្បកម្មផលិតទឹកអប់ Attar ពីព្រោះថាជាទឹកដីដែលអំណោយផលក្នុងការដាំដុះផ្កាកុលាប ហើយបើយើងបានធ្វើដំណើរទៅដល់ទីតាំងផលិតតែម្តង យើងនឹងមើលឃើញថានៅទីនោះដំណើរការផលិតគឺការធ្វើដោយដៃសុទ្ធសាធគ្មានម៉ាស៊ីនជំនួយ ឬគ្មានសូម្បីតែភ្លើងអគ្គិសនីសម្រាប់ប្រើប្រាស់។
ផ្កាកុលាបស្រស់ៗត្រូវបានបេះចេញពីសួនដែលស្ថិតនៅជិតទីក្រុង Kannauj ហើយដឹកជញ្ជូនភ្លាមៗមកកាន់សិប្បកម្មដើម្បីចាប់ផ្តើមដំណើរការផលិតដែលក្រុមកម្មករបានបញ្ជាក់ថាកត្តាចម្បងបំផុតដើម្បីផលិតឲ្យបានទឹកអប់ Attar ដែលមានគុណភាពល្អបំផុតនោះគឺការប្រើប្រាស់ទឹកឲ្យបានត្រឹមត្រូវបំផុតស្របទៅនឹងទំងន់នៃផ្កាស្រស់ដែលគេយកមកផលិត។
ម្ចាស់សិប្បកម្ម M.L Ramnarain Perfumers ដែលជាសិប្បកម្មមានអាយុកាលជាង១០០ឆ្នាំបាននិយាយថា លោកបានចំណាយពេលរហូតទៅដល់៥ឆ្នាំក្នុងការរៀនសូត្រអំពីវិធីសាស្ត្រនៃការផលិតទឹកអប់ដ៏អស្ចារ្យមួយនេះ ប៉ុន្តែរហូតមកដល់ពេលបច្ចុប្បន្ននេះ គេអាចកែច្នៃទឹកអប់នេះទៅជាក្លិនផ្សេងៗរហូតទៅដល់១៥មុខ ហើយមួយក្នុងចំណោមនោះគឺជាទឹកអប់ដែលមានតម្លៃថ្លៃជាងគេ Mitti Attar ប្រហែលជាង ១០ ០០០ រូពី ឬប្រហែលជា ១៣៥ដុល្លារក្នុងមួយដបតូច ដែលមានចំណុះប្រហែល ២ស្លាបព្រាបាយប៉ុណ្ណោះ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
មជ្ឈមណ្ឌលទិន្នន័យ និងសង្គ្រោះទិន្នន័យរួមនៃក្រសួងសេដ្ឋកិច្ច និងហិរញ្ញវត្ថុ ទទួលបានវិញ្ញាបនបត្រលើឯកសាររចនាបញ្ជាក់ស្តង់ដារមជ្ឈមណ្ឌលទិន្នន័យកម្រិត៤
ព្រឹត្តិការណ៍, អាជីវកម្មថ្មី និងនវានុវត្ត
• 08/04/2026
មជ្ឈមណ្ឌលទិន្នន័យ និងសង្គ្រោះទិន្នន័យរួមនៃក្រសួងសេដ្ឋកិច្ច និងហិរញ្ញវត្ថុ ទទួលបានវិញ្ញាបនបត្រលើឯកសាររចនាបញ្ជាក់ស្តង់ដារមជ្ឈមណ្ឌលទិន្នន័យកម្រិត៤
FBI ព្រមានពលរដ្ឋអាម៉េរិកក្នុងការប្រើប្រាស់កម្មវិធីទូរស័ព្ទរបស់បរទេសរួមទាំង CapCut និង Lemon8
ព្រឹត្តិការណ៍, អាជីវកម្មថ្មី និងនវានុវត្ត
• 08/04/2026
ភ្នាក់ងារស៊ើបអង្កេតអាម៉េរិក ហៅកាត់ថា FBI បានព្រមានពលរដ្ឋរបស់ខ្លួនឲ្យមានការប្រុងប្រយ័ត្នខ្ពស់ចំពោះប្រភេទកម្មវិធីទូរស័ព្ទក្រៅប្រទេសដែលកំពុងពេញនិយមនាពេលបច្ចុប្បន្ន ដែលទំនងជាសំដៅទៅលើកម្មវិធី CapCut និង Lemon8 ជាដើម
ក្រុមហ៊ុនអុិចប្រេស៍ ហ្វូតហ្គ្រុប ខេមបូឌា (Express Food Group Cambodia) ប្រកាសផ្លាស់ប្តូរម្ចាស់កម្មសិទ្ធិអាជីវកម្មថ្មី និងបង្ហាញពីផែនការឆ្ពោះទៅរកភាពរីកចម្រើន
ព្រឹត្តិការណ៍, អត្ថបទពាណិជ្ជកម្ម
• 08/04/2026
ក្រុមហ៊ុនអ៊ិចប្រេស៍ ហ្វូតហ្គ្រុប ខេមបូឌា (Express Food Group Cambodia) ប្រកាសផ្លាស់ប្តូរម្ចាស់កម្មសិទ្ធិអាជីវកម្មថ្មីនិងបង្ហាញពីផែនការឆ្ពោះទៅរកភាពរីកចម្រើននៅដំណាក់កាលបន្តបន្ទាប់នាពេលអនាគត។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content