សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អ៊ុយក្រែន ជាប្រទេសដើរតាមទីផ្សារសេរី ដែលសេដ្ឋកិច្ចរបស់ខ្លួនពឹងផ្អែកខ្លាំងទៅលើធនធានធម្មជាតិដ៏ហូរហៀរ មានដូចជា ប្រេងហ្គាស ធ្យូងថ្ម វារីអគ្គិសនី ព្រមទាំងវត្ថុធាតុដើមដ៏កម្រជាច្រើនមុខសម្រាប់ផលិតជាឥន្ធនៈនុយក្លេអ៊ែរ ជាពិសេស អ៊ុយរ៉ាញ៉ូម និងប្លាតូនីញ៉ូម។
កាលពីឆ្នាំ២០១៩ អ៊ុយក្រែន គឺជាអ្នកផលិតរ៉ែដែកធំបំផុតជាងគេទី៧របស់ពិភពលោក ជាអ្នកផលិតរ៉ែម៉ង់ហ្គាណែសច្រើនបំផុតទី៨របស់ពិភពលោក ជាប្រទេសផលិតរ៉ែទីតាញ៉ូមទី៦របស់ពិភពលោក និងជាអ្នកផលិតសារជាតិអ៊ុយរ៉ាញ៉ូមទី៩របស់ពិភពលោកកាលពីឆ្នាំ២០១៨។
ក្រៅពីនោះអ៊ុយក្រែនក៏ជាអ្នកផ្គត់ផ្គង់ធនធានហ្គាសប្រភេទអ៊ីយូន Neon ដល់ទៅ៥០ភាគរយនៃទំហំសរុបនៅក្នុងទីផ្សារពិភពលោក និង៤០ភាគរយនៃហ្គាសប្រភេទគ្រីបតុន (krypton) នៃទីផ្សារពិភពលោក ដែលហ្គាសទាំងពីរប្រភេទនេះគឺជាធនធានផ្គត់ផ្គង់ថាមពលដ៏សំខាន់សម្រាប់ផលិតកម្មផលិតបន្ទះឈីបរបស់អាមេរិកប្រមាណជា៩០ភាគរយ។
សេដ្ឋកិច្ចអ៊ុយក្រែននៅចន្លោះពីឆ្នាំ២០០០ ទៅឆ្នាំ២០០៨ ទទួលបានកំណើនយ៉ាងខ្លាំងក្លាមុនពេលដែលវិបត្តិសេដ្ឋកិច្ចសកលបានកើតឡើង និងបានបណ្តាលធ្វើឲ្យសេដ្ឋកិច្ចរបស់ប្រទេសនេះដុនដាប២ឆ្នាំទើបអាចងើបឡើងវិញបន្តិចៗម្តងពីឆ្នាំ២០១០រហូតដល់ឆ្នាំ២០១៣។ ចន្លោះពីឆ្នាំ២០១៤ និងឆ្នាំ២០១៥ សេដ្ឋកិច្ច និងពាណិជ្ជកម្មបានជួបបញ្ហាធ្ងន់ធ្ងរអំឡុងពេលនៃការវាយលុករបស់រុស្សីដណ្តើមយកតំបន់ក្រាយមៀ (Crimea) ហើយក៏ជាពេលដែលប្រទេសបានបាត់បង់ដៃគូសេដ្ឋកិច្ច និងពាណិជ្ជកម្មធំបំផុតរបស់ខ្លួនគឺរុស្ស៊ីផងដែរចាប់តាំងពីពេលនោះមក។
ឆ្នាំ២០១៥ និងឆ្នាំ២០១៦ សេដ្ឋកិច្ចក៏ចាប់ផ្តើមងើបឡើងវិញម្តងទៀត ប៉ុន្តែក្នុងកម្រិតប្រហែលជាពាក់កណ្តាលនៃកំណើនដែលធ្លាប់បានទទួលកាលពីឆ្នាំ២០១៣ប៉ុណ្ណោះ។ សកម្មភាពសេដ្ឋកិច្ចបានរីកចម្រើនល្អឡើងជារៀងរាល់ឆ្នាំ ជាពិសេសឆ្នាំ២០១៨ ដែលសេដ្ឋកិច្ចអ៊ុយក្រែនបានឡើងទៅដល់ចំណុចខ្លាំងឡើងវិញគឺស្មើទៅនឹង៨០ភាគរយនៃទំហំសេដ្ឋកិច្ចដែលធ្លាប់មានកាលពីឆ្នាំ២០០៨។
ដោយឡែកសម្រាប់វិស័យពាណិជ្ជកម្មវិញរុស្ស៊ីធ្លាប់ជាដៃគូដ៏ធំបំផុតរបស់អ៊ុយក្រែនកាលពីឆ្នាំ២០១២ ដែលគ្រានោះការនាំចេញរបស់អ៊ុយក្រែនមានទៅដល់ ២៥.៧ ភាគរយនៃចំណែកទីផ្សារសរុប រីឯការនាំចូលពីរុស្ស៊ីមានប្រមាណជា ៣២,៤ភាគរយនៃចំណែកសរុប។ នាឆ្នាំបន្តបន្ទាប់រុស្ស៊ី និងអ៊ុយក្រែនបានបន្តធ្លាក់ចុះនៃសកម្មភាពពាណិជ្ជកម្មរវាងគ្នាពោលគឺមានត្រឹមតែ ១៤,៥ភាគរយនៃការនាំចូលពីរុស្សី និង៩ភាគរយនាំចេញទៅរុស្ស៊ីកាលពីឆ្នាំ២០១៧។
បច្ចុប្បន្ន សេដ្ឋកិច្ចអ៊ុយក្រែនបានដួលរលំស្ទើរតែទាំងស្រុងដោយការវាយប្រហារពីសំណាក់រុស្ស៊ីកាលពីថ្ងៃទី២៤ខែកុម្ភៈឆ្នាំ២០២២ ប៉ុន្តែក្នុងនោះអ្នកជំនាញដូចជាធនាគារ Goldman Sachs ក៏បានព្យាករណ៍ថាសេដ្ឋកិច្ចរបស់រុស្ស៊ីក៏នឹងដាំក្បាលចុះ៧ភាគរយនៅក្នុងឆ្នាំ២០២២នេះដោយសារតែការសម្រេចចិត្តបង្កបញ្ហាជាមួយនឹងអ៊ុយក្រែន និងដោយសារតែការដាក់ទណ្ឌកម្មសេដ្ឋកិច្ចជាបន្តបន្ទាប់ពីអឺរ៉ុបនិងពិភពលោក៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content