ព្រីង ជាដំណាំងាយដាំ ប្រមូលផលបានយូរ និងមានតម្រូវការទីផ្សារល្អ

ភ្នំពេញ ៖ ព្រីង ជាផ្លែឈើម្យ៉ាងដែលមានដើមធំ ប៉ុន្តែឱ្យផលជាផ្លែតូចៗ ពណ៌ស្វាយក្រម៉ៅ មានរសជាតិផ្អែម ចត់ ដែលគេនិយមទទួលទានលេង ឬក្រឡុងលាយជាមួយអំបិលហូបជាម្ជូរក៏បាន។ យ៉ាងណាមិញ ដំណាំនេះក៏មិនពិបាកដាំអ្វីដែរ ហើយងាយស្រួលក្នុងការថែទាំ ហើយអាចទទួលបានផលរយៈពេលយូរឆ្នាំ និងមានតម្រូវការទីផ្សារល្អគួរសម។

សម្រាប់រយៈពេលដាំ សម្រាប់ប្រភេទព្រីងម៉ាឡេស៊ី ត្រូវការរយៈពេលលូតលាស់រហូតដល់ចេញផ្លែប្រមាណជាង ២ឆ្នាំទើបបានផល តែនៅឆ្នាំដំបូងៗមិនទាន់ឱ្យផលល្អនៅឡើយទេ លុះដល់ឆ្នាំទី៣ឡើងទៅ ទើបបានផ្លែច្រើន និងធំៗល្អ។  ក្នុងមួយរដូវ ឬមួយឆ្នាំ គេអាចប្រមូលផលផ្លែព្រីងជារឿយៗប្រមាណ ២ខែ ដោយមួយដើមអាចឱ្យផលប្រហែល ១០០គីឡូក្រាម ឬច្រើនជាងនេះ អាស្រ័យទំហំដើមដើម។

សម្រាប់តម្លៃវិញ ព្រីងអាចលក់បានក្នុងតម្លៃ ១៥០០០រៀល ក្នុងមួយគីឡូក្រាម ឬឈ្មួញដែលទិញពីចំការអាចយកទៅលក់បន្តក្នុងតម្លៃ ២០០០០-២៥០០០រៀល ជាក់ស្ដែងនៅរាជធានីភ្នំពេញ ជាពិសេសនៅមុខមជ្ឈមណ្ឌលកម្សាន្តណាហ្គា និងនៅមុខសណ្ឋាគារកាំបូឌីយ៉ាណា ផ្លែព្រីងត្រូវបានគេដាក់លក់ក្នុងមួយគីឡូក្រាមមានតម្លៃរហូតដល់៣ម៉ឺនរៀល។

កញ្ញា វ៉ាន់ គីមសល់ ដែលមានដើមព្រីងចំនួន ៥ ដើមនៅខាងក្រោយផ្ទះ (ប្រភេទព្រីងម៉ាឡេ) ស្ថិតនៅភូមិដើមឫស ឃុំដើមឫស ស្រុកកណ្តាលស្ទឹង ខេត្តកណ្តាល បានឱ្យដឹងថា ចំពោះការដាំដុះ ដើមព្រីងក៏មិនខុសពីការដាំដើមឈើហូបផ្លែដទៃទៀតនោះទេ ពោលគឺត្រូវការថែទាំនៅពេលដើមព្រីងនៅតូចប៉ុណ្ណោះ លុះដល់ដើមធំហើយគេគ្រាន់តែត្រូវការស្រោចទឹកដើម្បីឱ្យចេញផ្លែធំៗល្អ។ ចំណែកអ្វីដែលគេត្រូវយកចិត្តទុកដាក់មួយផ្នែកទៀតនោះគឺនៅពេលប្រមូលផល ព្រោះផ្លែព្រីងងាយបែក ដែលគេត្រូវប្រុងប្រយ័ត្នក្នុងការបេះថ្មមៗ លាងសម្អាត និងរក្សាទុកឱ្យបានត្រឹមត្រូវ ចៀសវាងខូចខាតផ្លែ។ ដោយឡែក រដូវកាលប្រមូលផលភាគច្រើនព្រីងទុំល្អនៅចន្លោះខែឧសភា និងខែមិថុនា ដែលចាប់ផ្ដើមធ្លាក់ភ្លៀង ហេតុនេះអ្នកដាំក៏ត្រូវតែប្រុងប្រយ័ត្ន ដោយមានដាក់ស្បៃសម្រាប់ត្រងផ្លែព្រីង ចៀសរាងព្រីងទុំជ្រុះបែកអស់ ជាពិសេសនៅពេលភ្លៀងធ្លាក់។

គួរបញ្ជាក់ដែរថា ព្រីង គឺជាផ្លែឈើត្រូពិកដែលផ្ទុកដោយសារធាតុចិញ្ចឹមខ្ពស់ ដោយផ្លែព្រីងអាចជួយក្នុងការថែរក្សាស្បែក ស្រកទម្ងន់ បំបាត់ការឈឺពោះ ការពារបេះដូង បង្កើនភាពស៊ាំ សម្រួលចរន្តឈាម ប្រឆាំងជំងឺមហារីក និងគ្រប់គ្រងជំងឺទឹកនោមផ្អែម ហើយវាអាចត្រូវបានប្រើនៅក្នុងសាឡាត់ បង្អែម ទឹកផ្លែឈើ និងទឹកក្រឡុក។ ផ្លែព្រីងផ្ទុកដោយវីតាមីន C ជាតិដែក ម៉ាញេស្យូម វីតាមីនក្រុមB និងជាតិសរសៃចំណីអាហារក៏ដូចជាប៉ូតាស្យូម វីតាមីនអា និងបរិមាណប្រូតេអ៊ីនតិចតួច។ ពួកវាមានផ្ទុកបរិមាណកាឡូរីក្នុងកម្រិតមធ្យមប្រហែល ៧៥ ក្នុងមួយពែង ប៉ុន្តែមានបរិមាណខ្លាញ់តិចបំផុត ហើយគ្មានកូលេស្តេរ៉ុលនោះទេ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល