ក្រុមហ៊ុនរ៉ូបូតថ្មីបង្កើតនៅក្នុងស្រុក មានសក្ដានុពលខ្លាំងក្នុងវិស័យអប់រំនៅកម្ពុជា

បច្ចេកវិទ្យា ជារឿងសំខាន់ណាស់នៅក្នុងការអភិវឌ្ឍគ្រប់វិស័យនាពេលបច្ចុប្បន្ន ដែលវាបានរួមចំណែកគ្រប់សរសៃឈាមទាំងអស់នៃប្រទេសទាំងមូលមិនថាផ្នែកសេដ្ឋកិច្ច កសិកម្ម ឧស្សាហកម្ម ជាពិសេសគឺបានចូលរួមយ៉ាងជិតស្និទ្ធក្នុងវិស័យអប់រំផងដែរ។ ក្នុងនោះ ក្រុមហ៊ុន AI FARM Robotics Factory  ជាកន្លែងមួយដែលមានលទ្ធភាពផលិត និងផ្ដល់សេវាកម្មផ្នែកបច្ចេកវិទ្យាក្នុងវិស័យអប់រំតាំងពីថ្នាក់វិទ្យាល័យដល់មហាវិទ្យា។

AI FARM Robotics Factory ជាក្រុមហ៊ុនមួយដែលមានផលិត និងស្រាវជ្រាវនូវរបស់របរផ្នែកស្វ័យប្រវត្តិកម្ម បញ្ញាសិប្បនិម្មិត ឬ AI និងរ៉ូបូតដែលកំពុងបម្រើឱ្យសហគ្រាស សាសារៀន និងផ្នែកដឹកជញ្ជូនផងដែរ។ បន្ថែមលើនេះ វាក៏ជាកន្លែងប្រមូលផ្ដុំអ្នករៀនជំនាញនេះមកជួបជុំគ្នា ផលិត ស្រាវជ្រាវ និងអនុវត្តជំនាញទាំងឡាយដែលបានសិក្សានៅក្នុងសាលា។​

លោក ឡុង គឹមឃន នាយកប្រតិបត្តិក្រុមហ៊ុន AI FARM Robotics Factory បានប្រាប់ AMS ឱ្យដឹងពីសក្ដានុពលរបស់សេវាកម្មបច្ចេកវិទ្យានៅក្នុងវិស័យអប់រំថា ៖

“មកដល់ពេលនេះ សេវាកម្មដែលពេញនិយមជាងគេ គឺការអប់រំតាមរយៈ STEM សម្រាប់អនាគត ដោយក្នុងនោះអតិថិជនភាគច្រើនគឺសាលារៀន ទាំងកម្រិតវិទ្យាល័យ និងមហាវិទ្យាល័យក្នុងស្រុកដែលគេតែងតែដឹកនាំសិស្សមកមើលពីអ្វីដែលយើងបានធ្វើ និងទិញនូវរបស់របរដែលយើងបានផលិតឱ្យកូនសិស្សយកទៅសិក្សាស្រាវជ្រាវបន្ត ហើយតែងតែឱ្យយើងទៅដំឡើងបន្ទប់ពិសោធន៍នៅតាមសាលាផងដែរ។”

លោកបន្តថា ៖

“ក្រៅពីវិស័យអប់រំ យើងក៏មានម៉ាស៊ីនស្វ័យប្រវត្តិកម្មដើម្បីជួយដោះស្រាយបញ្ហាដល់សហគ្រាសធន់តូច និងមធ្យមប្រមាណជាង ៧៥ម៉ឺនកន្លែងនៅក្នុងប្រទេសយើងដើម្បីឱ្យគាត់មានម៉ាស៊ីនស្វ័យប្រវត្តិកម្មក្នុងការផលិតនូវគ្រឿងដែលគាត់ចង់ផលិតបានបរិមាណកាន់តែច្រើន និងបានល្អជាងមុន។”

នៅក្នុងទីតាំង AI Farm ក៏មានបន្ទប់ពិសោធន៍ស្រាវជ្រាវចំនួន ៦បន្ទប់ មានបន្ទប់សិក្សាស្រាវជ្រាវផលិតរ៉ូបូតផ្ដោតលើគ្រឿងស្វ័យប្រវត្តិកម្ម ដែលពេលបច្ចុប្បន្នមានផលិតផលជាច្រើនដូចជា ឆ្កែជើងបួន ឡានដឹកទំនិញស្វ័យប្រវត្តិ និងមានដៃរ៉ូបូតទាំងតូចទាំងធំសម្រាប់វិស័យអប់រំ។ បន្ថែមលើនេះក៏មានបន្ទប់សម្រាប់ផលិតដ្រូន ខណៈដែលក្រុមជំនាញក៏មានលទ្ធភាពអាចផលិតផ្នែកបច្ចេកវិទ្យាស្នូលបានដោយខ្លួនឯង និងមានបន្ទប់សម្រាប់ផលិតឧបករណ៍បម្រើឱ្យទីក្រុងឆ្លាតវៃ ឬ Smart City ផងដែរ។

លោកបញ្ជាក់ទៀតថា ៖

“ជាក់ស្ដែង ផ្នែកបច្ចេកវិទ្យានេះវាមានសក្ដានុពលខ្ពស់ទាំងក្នុងតំបន់ និងសកលលោកទាំងមូល ទើបយើងចាប់ផ្ដើមនិងពង្រីកការវិនិយោគរហូតដល់ពេលនេះ ដែលក្នុងនោះយើងបានចំណេញទាំងផ្នែកចំណូល បន្ទាប់មកទៀតគឺយើងចំណេញបានធនធានមនុស្សជំនាញក្នុងវិស័យនេះមកធ្វើការជុំគ្នាផ្ទាល់តែម្ដង។” 

បើគិតពីពេលចាប់ផ្ដើមវិញ លោក ឡុង គឹមឃន បានរៀបរាប់ថា ត្បិតតែបច្ចុប្បន្នក្រុមហ៊ុននេះមានទុនវិនិយោគខ្ទង់លានដុល្លារ តែការចាប់ផ្ដើមគឺក្នុងដើមទុនដ៏តិចតួចបំផុត ហើយលោកបានព្យាយាមធ្វើអ្វីដែលអាចធ្វើទៅបាន ជាក់ស្ដែងកាលពី៣ឆ្នាំមុន គឺលោកជួលផ្ទះល្វែងទុកឱ្យវិស្វករជួបជុំគ្នាសិក្សាស្រាវជ្រាវ។

លោកបញ្ជាក់ថា ៖

“ត្បិតខ្ញុំពុំមែនជាវិស្វករ ឬអ្នកបច្ចេកវិទ្យា តែអ្វីដែលខ្ញុំមានដំបូងបំផុតគឺក្ដីស្រមៃ និងសុបិន ចង់ឱ្យក្រុមហ៊ុននេះក្លាយជាក្រុមហ៊ុនធំមួយនៅក្នុងប្រទេសកម្ពុជាដែលជាមុខមាត់មួយសម្រាប់ប្រទេសនៅពេលដែលគេនិយាយពីបច្ចេកវិទ្យាគឺគេនិយាយពី AI Farm ដែលផលិតនូវគ្រឿងបច្ចេកទេសទំនើបដូចប្រទេសផ្សេងដែរ។”

ទាក់ទងនឹងមូលហេតុនៃការកកើតក្រុមហ៊ុននេះ នាយកប្រតិបត្តិរូបនេះបន្តថា ទី១ ដោយសារតែឃើញសិស្សនិស្សិត ដែលរៀនជំនាញនេះហើយពុំមានកន្លែងធ្វើការឱ្យត្រូវជំនាញរបស់ពួកគាត់ ដូចជា រ៉ូបូទិក និងស្វ័យប្រវត្តិកម្ម។ ទី២ ដោយឃើញថាវិស័យនេះគឺជាអនាគតរបស់ប្រទេសជាតិ ប្រសិនបើយុវជនគាត់រៀនច្រើន ហើយអាចផលិត និងស្រាវជ្រាវនូវរបស់របរផ្នែកស្វ័យប្រវត្តិកម្ម បញ្ញាសិប្បនិម្មិត និងរ៉ូបូតនេះបានច្រើន គឺពិតជាជួយដល់ការអភិវឌ្ឍសេដ្ឋកិច្ចរបស់ប្រទេសទាំងពេលបច្ចុប្បន្ន និងអនាគត។ ទី៣ គឺ កត្តាផ្ទាល់ខ្លួនដោយសារលោកស្រឡាញ់ផ្នែកបច្ចេកវិទ្យាទាំងអស់នេះ ហើយចង់ឱ្យមាននៅក្នុងស្រុក ដើម្បីជួយឱ្យសេដ្ឋកិច្ចរបស់ប្រទេសជាតិទាំងមូលមានភាពរីកចម្រើន។

យ៉ាងណាមិញ មុននឹងឈានមកដល់ការរីកចម្រើនដូចពេលនេះ ការបង្កើត AI Farm ក៏ជួបនូវបញ្ហាប្រឈមជាច្រើន ជាពិសេសផ្នែកទីផ្សារដោយសារតែវិស័យនេះនៅកម្ពុជាគឺជាវិស័យថ្មី ដែលគេត្រូវបង្កើតទីផ្សារដោយខ្លួនឯង ប៉ុន្តែវាក៏ជាឱកាសក្នុងការរីកធំធាត់តាមរយៈតម្រូវការរបស់សាលារៀនក្នុងការដំឡើងបន្ទប់ពិសោធន៍ ជួយរៀបចំមេរៀន និងសម្ភារបច្ចេកទេសក្នុងការពិសោធន៍ជាក់ស្ដែងផងដែរ។

សម្រាប់ពេលអនាគត លោក ឡុង គឹមឃន នាយកប្រតិបត្តិក្រុមហ៊ុន AI FARM Robotics Factory បានបង្ហាញពីចក្ខុវិស័យដែរថា ក្នុងរយៈពេល៣ឆ្នាំទៀត លោកចង់យកក្រុមហ៊ុនផលិតគ្រឿងបញ្ញាសិប្បនិម្មិត និងគ្រឿងរ៉ូបូតនេះចូលទីផ្សាររហ៊ុនកម្ពុជា ដើម្បីឱ្យប្រជាជនទូទាំងប្រទេសក្លាយជាម្ចាស់នៃក្រុមហ៊ុននេះ និងជាម្ចាស់នៃបេសកកម្មជាតិមួយក្នុងការកសាង និងផលិតធនធានមនុស្ស ក៏ដូចជាសម្ភារឧបករណ៍បច្ចេកទេសទំនើបសម្រាប់អភិវឌ្ឍប្រទេសយើង។ ម៉្យាងវិញទៀត លោកក៏មានគម្រោងចង់បង្កើតមន្ទីរពិសោធន៍ដើម្បីផលិតអាគុយ ឬថ្មផ្ទុកថាមពល និងផលិតផ្កាយរណបតូចៗដើម្បីទាញយកទិន្នន័យ និងបង្កើតជារ៉ូកែតដែលអាចបម្រើក្នុងវិស័យការពារជាតិផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រម្លឹកឡើងវិញពីអត្ថប្រយោជន៍ដែលទទួលបានក្រោយក្លាយខ្លួនជាគំរូអាជីវកម្មបរិយាបន្ន

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រឌិត និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈម ពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប

ក្រសួងពាណិជ្ជកម្មកម្ពុជា និងអង្គភាពកម្មសិទ្ធិបញ្ញាកូរ៉េ ពង្រឹងកិច្ចសហប្រតិបត្តិការកម្មសិទ្ធិបញ្ញារួមគ្នា

ព្រឹត្តិការណ៍, សេដ្ឋកិច្ច

• 17/05/2024

ក្រសួងពាណិជ្ជកម្មនៃព្រះរាជាណាចក្រកម្ពុជា និង អង្គភាពកម្មសិទ្ធិបញ្ញា នៃសាធារណរដ្ឋកូរ៉េ បានឯកភាពគ្នាសហការលើវិស័យកម្មសិទ្ធិបញ្ញា ។

KOTO ភោជនីយដ្ឋានដ៏ល្បីមួយនៅវៀតណាមមានជំនាញខាងបណ្តុះបណ្តាលសិស្ស-និស្សិតក្រីក្រ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

KOTO បានក្លាយទៅជាអាជីវកម្មដែលមានម៉ូដេលលើសពីម្ហូបអាហារ ហើយវាថែមទាំងមានបង្កើតជាកម្មវិធីផ្តល់អាហារូបករណ៍ និងបទពិសោធជាក់ស្តែងដល់និស្សិតក្រីក្រទៀតផង

ក្រុមហ៊ុនសំណង់​កូរ៉េ​ដ៏ធំមួយចាប់ដៃជាមួយក្រុមហ៊ុនអភិវឌ្ឍន៍អចលនទ្រព្យនៅ​កម្ពុជា​ ស្វែងរក​​​​​​​​​​​​​​​​ឱកាស​វិនិយោគ​នៅកម្ពុជា

ព្រឹត្តិការណ៍, អចលនទ្រព្យ

• 17/05/2024

ក្រុមហ៊ុនអភិវឌ្ឍន៍​អចលនទ្រព្យ​នៅក្នុង​ប្រទេស​កម្ពុជាដ៏ធំមួយ បានចាប់ដៃ​ជាមួយកក្រុមហ៊ុន​សំណង់​និងវិស្វកម្ម​របស់កូរ៉េ​ ដើម្បីស្វែងរក​ការ​វិនិយោគ​​បន្ថែមនៅ​កម្ពុជា​

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

កំពង់ផែអន្តរជាតិកំពត តម្លៃ១៤០លានដុល្លារមានសមត្ថភាពខ្ពស់លើកដាក់ទំនិញចេញ-ចូលប្រមាណ ២០ម៉ឺន TEU

ព្រឹត្តិការណ៍, អចលនទ្រព្យ

• 17/05/2024

កំពង់ផែអន្តរជាតិកំពត ដែលសាងសង់ក្នុងទំហំទឹកប្រាក់១៤០លានដុល្លារអាម៉េរិកមានសមត្ថភាពខ្ពស់ក្នុងការលើកដាក់ទំនិញចេញ-ចូល ប្រមាណ ២០ម៉ឺន TEU ។

ក្រុមហ៊ុនចម្រាញ់ប្រេងអាស៊ីកំពុងចាប់អារម្មណ៍ប្រេងឆៅពីសហរដ្ឋអាម៉េរិក និងប្រេស៊ីល

ព្រឹត្តិការណ៍, សេដ្ឋកិច្ច

• 17/05/2024

តម្លៃប្រេងឆៅម៉ាក Brent ឡើងថ្លៃ ០,៦ ភាគរយ ឬ ៨៣,២៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៧៩,២៣ ដុល្លារក្នុងមួយបារ៉ែល

វេទិកាធុរកិច្ច កម្ពុជា-សាធារណរដ្ឋកូរ៉េ បញ្ជាក់ថាកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា

ព្រឹត្តិការណ៍, សេដ្ឋកិច្ច

• 17/05/2024

សាធារណរដ្ឋកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ដែលមានទំហំពាណិជ្ជកម្មទ្វេភាគីសរុបប្រមាណ ៧៥១លានដុល្លារ

កិច្ចសហប្រតិបត្តិការទូទាត់ឆ្លងដែនតាមឃ្យូអរកូត កម្ពុជា-កូរ៉េ នឹងបម្រើប្រយោជន៍ដល់ប្រជាពលរដ្ឋ និងធុរជនរវាងប្រទេសទាំងពីរ

ព្រឹត្តិការណ៍, ហិរញ្ញវត្ថុ

• 17/05/2024

កម្ពុជា និងសាធារណរដ្ឋកូរ៉េ បានចុះហត្ថលេខាលើអនុស្សរណៈយោគយល់ទ្វេភាគីលើ កិច្ចសហប្រតិបត្តិការទូទាត់ឆ្លងដែនតាមឃ្យូអរកូត ដែលនឹងជួយសម្រួលដល់សកម្មភាពពាណិជ្ជកម្ម វិស័យទេសចរណ៍ លើកកម្ពស់ប្រតិបត្តិការទូទាត់ឆ្លងដែន ការផ្ទេរប្រាក់ និងការទូទាត់ប្រាក់ដោយប្រើរូបិយវត្ថុជាតិ និងជាប្រយោជន៍សម្រាប់ប្រជាពលរដ្ឋ និងធុរជនរបស់ប្រទេសទាំងពីរ។

ឧបនាយករដ្ឋមន្ត្រី ស៊ុន ចាន់ថុល ជួបក្រុមហ៊ុន ៩ នៅកូរ៉េ ដើម្បីទាក់ទាញការវិនិយោគ

ព្រឹត្តិការណ៍, សេដ្ឋកិច្ច

• 17/05/2024

ឯកឧត្តម ស៊ុន ចាន់ថុល បានជម្រាបជូនអំពីសក្ដានុពលនានារបស់កម្ពុជា ការចំហនៃច្បាប់វិនិយោគរបស់កម្ពុជា ដែលអនុញ្ញាតឱ្យវិនិយោគិនបរទេសមានសិទ្ធិជាម្ចាស់