សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តាមរយៈរបាយការណ៍ដែលចេញផ្សាយកាលពីពេលថ្មីៗនេះ ធនាគារអភិវឌ្ឍន៍អាស៊ីបានធ្វើការព្យាករទៅលើសេដ្ឋកិច្ចកម្ពុជាដោយផ្អែកលើមូលដ្ឋាននៃកំណើនវិស័យសំខាន់ៗបូកបញ្ចូលគ្នា។ ជាលទ្ធផល ADB បានចេញជាទិន្នន័យថា សេដ្ឋកិច្ចកម្ពុជាក្នុងឆ្នាំ ២០២២ នេះនឹងហក់ឡើងក្នុង កម្រិតប្រមាណជា ៥,៣% ដែលការកើនឡើងនេះ ត្រូវបានបញ្ជាក់ថា មកពីរំហូរវិនិយោគផ្ទាល់ពីបរទេស។
ធនាគារដដែលនេះបានបន្តព្យាករណ៍ថា ច្បាប់ស្តីពីការវិនិយោគដែលត្រូវបានអនុម័តនៅខែតុលា ឆ្នាំ២០២១ នឹងជួយទាក់ទាញការវិនិយោគក្នុងស្រុក និងការវិនិយោគពីបរទេសដោយផ្ទាល់ លើវិស័យកម្មន្តសាលកាន់តែច្រើន។ ច្បាប់នេះ មានតម្លាភាពគ្រប់គ្រាន់ និងអាចទស្សន៍ទាយបានជាងមុនក្នុងការឈានទៅធ្វើឲ្យប្រទេសកម្ពុជាក្លាយជាទិសដៅនៃការវិនិយោគដែលកាន់តែគួរឲ្យទាក់ទាញសម្រាប់វិនិយោគិនបរទេស។
បន្ថែមពីនេះ គ្រឿងលើកទឹកចិត្តជាក់លាក់ ត្រូវបានចែងនៅក្នុងច្បាប់វិនិយោគថ្មី សម្រាប់ទាញយកការវិនិយោគក្នុងវិស័យឧស្សាហកម្ម ដើម្បីជាការគាំទ្រដល់ខ្សែសង្វាក់ផ្គត់ផ្គង់នៅក្នុងតំបន់ និងជាសកល ក៏ដូចជាដើម្បីការផលិតឧបករណ៍អេឡិចត្រូនិច គ្រឿងបន្លាស់ បរិក្ខារមេកានិច គ្រឿងម៉ាស៊ីន និងការកែច្នៃផលិតផលកសិ-ឧស្សាហកម្មកាន់តែប្រសើរ។
មិនត្រឹមតែប៉ុណ្ណោះ រាជរដ្ឋាភិបាលកម្ពុជាបានផ្សព្វផ្សាយអំពីក្របខណ្ឌយុទ្ធសាស្ត្រ និងកម្មវិធីសម្រាប់ការងើបឡើងវិញផ្នែកសេដ្ឋកិច្ច ដែលពង្រឹងបន្ថែមលើកំណែទម្រង់ដែលមានស្រាប់ និងកំពុងតែដំណើរការ ដើម្បីពង្រឹងពិពិធកម្ម និងភាពប្រកួតប្រជែងនៅក្នុងវិស័យកម្មន្តសាលអោយកាន់តែមានភាពទូលំទូលាយផងដែរ។ គួរបញ្ជាក់ថា ច្បាប់ស្ដីពីការវិនិយោគថ្មីនៅកម្ពុជាត្រូវបានអនុម័តកាលពីចុងឆ្នាំ ២០២១ ដោយច្បាប់ នេះបានជួយសម្រួលដល់ការវិនិយោគ ជាពិសេសការវិនិយោគពីក្រៅស្រុក។ ច្បាប់នេះផងដែរ នឹងជួយការពារទៅដល់វិនិយោគិនបរទេសក្នុងការដោះស្រាយបញ្ហាណាមួយដែលកើតឡើងក្នុងពេលនៃការវិនិយោគ។ ច្បាប់នេះមានការលើកទឹកចិត្តដល់វិនិយោគិនក្នុងការ ងាកទៅប្រើប្រាស់ប្រព័ន្ធបច្ចេកវិទ្យាដើម្បីសម្រួលដល់ការធ្វើការងារអោយកាន់តែជឿនលឿន និងស្របទៅតាមសម័យកាលឧស្សាហកម្ម ៤.០។ មិនត្រឹមតែប៉ុណ្ណោះ ក្រសួងពាក់ព័ន្ធបានសម្រួលទៅលើការយកពន្ធគយបន្ថែម ពីលើក្រុមហ៊ុនបរទេសដែលមកដាក់ទីតាំងវិនិយោគលើទឹកដីកម្ពុជា ដើម្បីជាការជួយបន្ថយថ្លៃដើមក្នុងការផលិត ជម្រុញអោយផលិតផលនោះចរាចរណ៍នៅក្នុងទីផ្សារក្នុងស្រុក ក៏ដូចជាការនាំចេញរបស់ក្រុមហ៊ុនវិនិយោគផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ទោះបាត់បង់ជីវិតមេដឹកនាំកំពូល ប៉ុន្តែទាំងរចនាសម្ព័ន្ធដឹកនាំ និងយោធាអ៊ីរ៉ង់នៅតែរឹងម៉ាំ
ព្រឹត្តិការណ៍, អាជីវកម្មថ្មី និងនវានុវត្ត
• 03/03/2026
ការបាត់បង់ជីវិតរបស់មេដឹកនាំបដិវត្តអ៊ីស្លាមដ៏ធំបំផុតរបស់អ៊ីរ៉ង់រូបនេះត្រូវបានគេមើលឃើញថា ទំនងជាមិនអាចអនុញ្ញាតឲ្យនយោបាយអន្តរជាតិ និងសណ្តាប់ធ្នាប់ពិភពលោកត្រឡប់ទៅធម្មតាវិញបានដូចមុននោះទេ
ផ្ទះអាជីវកម្មម៉ូដថ្មី “Home Office II” សំណង់អគារមានភាពច្នៃប្រឌិតខ្ពស់ ពហុមុខងារ នឹងលេចរូបរាងនៅក្បែរផ្សារទំនើប ជីប ម៉ុង 271 មេហ្គាម៉ល
ព្រឹត្តិការណ៍, អត្ថបទពាណិជ្ជកម្ម
• 02/03/2026
ផ្ទះអាជីវកម្មម៉ូដថ្មី “Home Office II” សំណង់អគារមានភាពច្នៃប្រឌិតខ្ពស់ ពហុមុខងារ និងគុណភាពសំណង់រឹងមាំល្អដាច់គេ នឹងលេចរូបរាងឡើងនៅក្នុងពេលឆាប់ៗនៅក្បែរផ្សារទំនើប ជីប ម៉ុង 271 មេហ្គាម៉ល
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
រដ្ឋមន្ត្រីពាណិជ្ជកម្ម ផ្តល់ទស្សនទាន ៧ ចំណុច ដើម្បីលើកកម្ពស់វិស័យឯកជនតាមរយៈសភាពាណិជ្ជកម្មកម្ពុជា
Account
Security
Favourite Content