សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ វិស័យមីក្រូហិរញ្ញវត្ថុ បានចូលរួមចំណែកយ៉ាងសំខាន់ក្នុងការអភិវឌ្ឍប្រទេសកម្ពុជា ទាំងផ្នែកសេដ្ឋកិច្ច និងសង្គម តាមរយៈការផ្តល់នូវសេវាហិរញ្ញវត្ថុប្រកបដោយទំនួលខុសត្រូវ និងកិច្ចការពារអតិថិជនដល់ក្រុមគ្រួសារ ដែលមានចំណូលទាប និងនៅតាមតំបន់ដាច់ស្រយាលសម្រាប់ទ្រទ្រង់ជីវភាពគ្រួសារ។ នេះជាការលើកឡើងរបស់លោកជំទាវ ឌិត នីតា ប្រធានក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជា។
លោកជំទាវ ឌិត នីតា បានថ្លែងឱ្យដឹងនៅក្នុងមហាសន្និបាទប្រចាំឆ្នាំ២០២៥ កាលពីថ្ងៃទី២០ ខែកុម្ភៈ ឆ្នាំ២០២៥នេះថា ៖
«គិតត្រឹមដំណាច់ឆ្នាំ២០២៤ នេះ វិស័យមីក្រូហិរញ្ញវត្ថុបានជួយគំាទ្រដល់ប្រជាពលរដ្ឋចំនួនជាង ១,៤៨ លាននាក់ និងបានផ្តល់ឥណទានប្រមាណ ៥,១៦ ពាន់លានដុល្លារអាមេរិក ខណៈដែលសមតុល្យប្រាក់បញ្ញើមានចំនួនជាង ២,៥៤ ពាន់លានដុល្លារអាមេរិក ទទួលពីអតិថិជនចំនួន ២,១៤លានគណនី និងមានបុគ្គលិកម្រើការងារចំនួនជាង ២១ ២០០នាក់ តាមការិយាល័យសរុប ៩១៤កន្លែង»។
គួរបញ្ជាក់ថា សន្និបាទខាងលើធ្វើឡើងក្នុងគោលបំណងធ្វើវឌ្ឍនភាព និងបូកសរុបសមិទ្ធផលសម្រេចបានរបស់វិស័យមីក្រូហិរញ្ញវត្ថុក្នុងឆ្នាំ២០២៤ ក៏ដូចជាលើកទិសដៅការងាររួមទាំងផែនការសកម្មភាពសំខាន់ៗរបស់សមាគមដែលនឹងអនុវត្តក្នុងឆ្នាំ២០២៥ ដោយមានការអញ្ចើញចូលរួមពីថ្នាក់ដឹកសមាគម រួមមាន សមាជិកក្រុមប្រឹក្សាភិបាល តំណាងមន្រ្តីជាន់ខ្ពស់ពីគ្រឹះស្ថានហិរញ្ញវត្ថុដែលជាសមាជិកសមាគម និងភាគីពាក់ព័ន្ធជាច្រើននាក់៕
Account
Security
Favourite Content