សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ផលិតផលខ្មែរ ជាផលិតផលដែលត្រូវបានផលិតក្នុងស្រុកប្រកបដោយគុណភាព សុវត្ថិភាព និងអនាម័យ ជាពិសេសការជួយទិញទំនិញទាំងនោះគឺជាការចូលរួមចំណែកគាំទ្រក៏ដូចជាលើកម្ពស់ជីវភាពដល់ក្រុមអ្នកផលិត កសិករ ក៏ដូចជាអ្នកដែលពាក់ព័ន្ធគ្រប់ផ្នែកទាំងអស់។
ឯកឧត្តម បណ្ឌិត សួង ណយ អគ្គលេខាធិការរងគណៈកម្មាធិការជាតិជំរុញចលនាភូមិមួយផលិតផលមួយនៃទីស្ដីការគណៈរដ្ឋមន្ដ្រីបានមានប្រសាសន៍ថា ការទិញផលិតផលខ្មែរ គឺឈ្នះឈ្នះទាំងអស់គ្នា មានន័យថារាល់បណ្ដាអ្នកលក់ អ្នកទិញ អ្នកកែច្នៃ ពោលគឺអ្នកដែលពាក់ព័ន្ធទាំងអស់សុទ្ធតែទទួលបានផលប្រយោជន៍ជាចំណូល និងផលិតផលប្រើប្រាស់ដែលមានគុណភាព។
ឯកឧត្តមបានបញ្ជាក់បន្ថែមថា ៖
«មិនថាអ្នកដាំ អ្នកប្រមូលទិញ ឬលក់បន្ត អ្នកចម្អិន អ្នកដឹកជញ្ជូន និងអ្នកប្រើប្រាស់នឹងទទួលបានផលិតផលមានគុណភាព សោភ័ណភាព សុវត្ថិភាព និរន្តរភាព សក្ដានុពលភាព តម្លៃសមរម្យ តាមរយៈការជាវផលិតផលខ្មែរ។ មិនត្រឹមតែប៉ុណ្ណោះ សម្រាប់ក្រុមអ្នកផលិត អ្នកកែច្នៃ ក៏បានចូលរួមចំណែកក្នុងសេដ្ឋកិច្ចជាតិមួយកម្រិតទៀតតាមរយៈការបង់ពន្ធជូនរដ្ឋផងដែរ។ កត្តាទាំងអស់នេះហើយដែលមានន័យថា ឈ្នះៗទាំងអស់គ្នា ព្រោះពេលដែលប្រជាជនទិញ និងលក់ផលិតខ្មែរ ធ្វើឱ្យមានចរន្តសេដ្ឋកិច្ចក្នុងស្រុក លើកកម្ពស់ជីវភាពប្រជាជន និងធ្វើឱ្យសេដ្ឋកិច្ចជាតិទាំងមូលកាន់តែរីកចម្រើន»។
និយាយជារួម ក្នុងនាមជាប្រជាជនខ្មែរ គួរតែងាកមកមើលក៏ដូចជាគាំទ្រផលិតផលក្នុងស្រុក ផលិតដោយបងប្អូនប្រជាជនខ្មែររស់នៅតាមតំបន់នានាដែលជាការរួមចំណែកក្នុងការអភិវឌ្ឍសេដ្ឋកិច្ចក្នុងសហគមន៍ និងសេដ្ឋកិច្ចជាតិទាំងមូល៕
Account
Security
Favourite Content