សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រាជរដ្ឋាភិបាលបានត្រៀមថវិការាប់រយលានដុល្លារអាមេរិកសម្រាប់សាងសង់ហេដ្ឋារចនាសម្ព័ន្ធនៅក្នុងរាជធានីភ្នំពេញឱ្យកាន់តែប្រសើរ និងធ្វើទំនើបកម្មក្រុងភ្នំពេញនាពេលខាងមុខនេះ ។ នេះបើតាមប្រសាសន៍សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជានៅក្នុងពីធីសម្ពោធអាងប្រព្រឹត្តកម្មទឹកកខ្វក់កាលពីពេលកន្លងទៅថ្មីៗនេះ ។
សម្ដេចធិបតី ហ៊ុន ម៉ាណែត បានមានប្រសាសន៍ឱ្យដឹងថា សម្ដេចមិនចាំច្បាស់ពីចំនួនជាក់លាក់ដែលត្រូវរៀបចំប្រព័ន្ធលូ និងហេដ្ឋារចនាសម្ព័ន្ធសំខាន់ៗនៅក្នុងរាជធានីភ្នំពេញ គឺក្នុងគោលបំណងធ្វើយ៉ាងណាដើម្បីពេលភ្លៀងម្ដងៗមិនឱ្យលិចផ្លូវដូចពេលកន្លងមកនោះទៀតទេ។
សម្ដេចបន្តថា ការធ្វើទំនើបកម្មនឹងធ្វើឱ្យទីក្រុងភ្នំពេញ និងតំបន់នានាដែលមានសក្ដានុពលកាន់តែប្រសើរ ហើយអាចទាក់ទាញដល់ការវិនិយោគទាំងក្នុង និងក្រៅប្រទេសបន្ថែមទៀត។ ជាក់ស្ដែង តំបន់ប៉ែកខាងត្បូងរាជធានីភ្នំពេញ ដែលមានអាងប្រព្រឹតកម្មទឹកកខ្វក់ នឹងអាចជួយឱ្យប្រជាពលរដ្ឋរស់នៅមានសុខុដុមរមនា ហើយនៅពេលណាប្រជាពរដ្ឋរស់នៅមានសុខភាល្អពួកគាត់នឹងមានកម្លាំងក្នុងការកសាងសង្គមគ្រួសារ និងសង្គមជាតិទាំងមូល។
គួរកត់សម្គាល់ថា ក្នុងរយៈពេលប៉ុន្មានឆ្នាំចុងក្រោយនេះ រាជរដ្ឋាភិបាលបានប្រើប្រាស់ថវិកាជាច្រើនទៅលើការកសាង់ហេដ្ឋារចនាសម្ព័ន្ធដូចជាផ្លូវ ស្ពាន ថ្នល់ ប្រព័ន្ធលូ បណ្តាញទឹកស្អាត បណ្ដាញភ្លើងអគ្គិសនីនៅតាមតំបន់ជាច្រើន ជាពិសេសនៅតំបន់ដែលមានសក្ដានុពលទាក់ទាញដល់ការអភិវឌ្ឍនានា ដូចជានៅរាជធានីភ្នំពេញ ខេត្តព្រះសីហនុ ក្រុងសៀមរាប ក្រុងប៉ោយប៉ែត ក្រុងបាវិត ក្រុងកំពង់ចាម ក្រុងបាត់ដំបង ក្រុងកែប និងក្រុងកំពតជាដើម ។
ជាមួយនឹងសមិទ្ធទាំងអស់នេះ អ្នកជំនាញនៃវិស័យអចលនទ្រព្យកម្ពុជាជាច្រើនបានបញ្ជាក់ថា ហេដ្ឋារចនាសម្ព័ន្ធពិតជាមានសារសំខាន់ណាស់ក្នុងការទាក់ទាញការវិនិយោគ ដូច្នេះហើយទើបក្នុងរយៈពេល១ទសវត្សរ៍ចុងក្រោយនេះ រាជរដ្ឋាភិបាលបានចំណាយថវិកាសន្សំខ្លួនឯងផង ថវិកាកម្ចីពីបរទេសផង ជំនួយបរទេសផង និងកៀរគរវិនិយោគិនដើម្បីសាងសង់ហេដ្ឋារចនាសម្ព័ន្ធ ជាក់ស្ដែងដូចជាផ្លូវល្បឿនលឿនភ្នំពេញ ក្រុងព្រះសីហនុ គម្រោងសាងសង់ផ្លូវល្បឿនលឿនភ្នំពេញ បាវិត និងគម្រោងផ្លូវល្បឿនលឿន ភ្នំពេញ សៀមរាប ប៉ោយប៉ែតជាដើម ។
ជាការកត់សម្គាល់ទីណាមានហេដ្ឋារចនាសម្ព័ន្ធទំនើបៗ និងទីណាមានការអភិវឌ្ឍហេដ្ឋារចនាសម្ព័ន្ធថ្មីៗ គេតែងតែសង្កេតឃើញមានការវិនិយោគច្រើនពីសំណាក់វិនិយោគិនទាំងក្នុង និងក្រៅប្រទេស ហើយក្នុងនោះដែរ តំបន់សំខាន់ៗចំនួន៣ ត្រូវបានមើលឃើញថាកំពុងមានសន្ទុះវិនិយោគខ្ពស់នារយៈពេលប៉ុន្មានឆ្នាំមកនេះ៕
Account
Security
Favourite Content