អ្នកចង់ចាប់ផ្ដើមអាជីវកម្មថ្មី និងជោគជ័យ គប្បីរកឲ្យឃើញនូវចំណុចល្អប្លែកពីគេនៃអាជីវកម្ម

ភ្នំពេញ ៖ នៅក្នុងការចាប់ផ្ដើមអាជីវកម្មអ្វី​មួយ ម្ចាស់អាជីវកម្មចាំទាមទារឱ្យមានការយកចិត្តទុកដាក់លើកត្តាជាច្រើន ដោយក្នុងនោះត្រូវរកឲ្យឃើញនូវចំណុចពិសេសនៃផលិតផលរបស់ខ្លួន និងការប្រើប្រាស់បច្ចេកវិទ្យាថ្មីៗដែលដៃគូប្រកួតប្រជែងនៅមិនទាន់មាន ព្រោះវាអាចជាឱកាសមួយដ៏ល្អដែលអាចក្ដាប់យកបានចំណែកទីផ្សារឈានមុខ ដើម្បីអាចអភិវឌ្ឍអាជីវកម្មប្រកបដោយប្រសិទ្ធភាព។

លោក លឹម សង្វារ នាយកប្រតិបត្តិក្រុមហ៊ុន ARROWDOT ដែលជាអាជីវកម្មផ្តោតលើបច្ចេកវិទ្យា និងប្រព័ន្ធស្វ័យប្រវត្តិ បានមានប្រសាសន៍នៅក្នុងកម្មវិធី Khmer Insider ថា សម្រាប់អ្នកចង់ចាប់ផ្ដើមអាជីវកម្មថ្មី គួរគិតពីភាពល្អឯករបស់អាជីវកម្មនោះ ដោយរកនូវផលិតផលណាដែលថ្មី និងអាចសម្រួលដល់ការរស់នៅរបស់ប្រជាជនដែលជាអតិថិជន។

លោកបញ្ជាក់ថា ៖

“សម្រាប់លោកអ្នកដែលចង់បង្កើតនូវអាជីវកម្មផ្ទាល់ខ្លួនគួររិះរកនូវប្រភេទផលិតផល ឬក៏ប្រភេទសេវាកម្មណាដែលថ្មី ចៀសវាងផលិតផល ឬផ្តល់សេវាកម្មណាដែលមានច្រើនរួចទៅហើយនៅលើទីផ្សារ ហើយវាអាចផ្សារភ្ជាប់ជាមួយនឹងបច្ចេកវិទ្យាដែលជួយសម្រួលដល់ជីវភាពរស់នៅរបស់ប្រជាជនក៏ដូចជាមានអត្ថប្រយោជន៍ដល់បណ្ដាលក្រុមហ៊ុននៅក្នុងស្រុកដែលជាអតិថិជនជាដើម។ តួយ៉ាងក្រុមហ៊ុនរបស់ខ្ញុំផ្ទាល់ ដែលកំពុងផ្ដល់ជូននូវសេវាកម្មដំណោះស្រាយចំនួន២ រួមមាន ការអភិវឌ្ឍលើប្រព័ន្ធស្វ័យប្រវត្តិកម្ម និងការអភិវឌ្ឍលើប្រព័ន្ធ IOT ដែលគេស្គាល់ថាជា Internet Offering។​ ក្នុងនោះ គេឃើញថាប្រព័ន្ធស្វ័យប្រវត្តិកម្មមានតួនាទីយ៉ាងសំខាន់ក្នុងការជួយពន្លឿនចង្វាក់ផលិតកម្មនៅក្នុងបណ្ដាឧស្សាហកម្មរោងចក្រ និងសហគ្រាសផ្សេងៗ

លោកបន្ថែមថា លក្ខណៈអាទិភាពនៃអាជីវកម្មរបស់លោកគឺគេអាចផ្គត់ផ្គង់នូវសេវាកម្មដែលអាចប្រើប្រាស់នូវធនធានក្នុងស្រុកផ្ទាល់ ហើយមានលទ្ធភាពផ្ដល់សេវាកម្មទាន់ពេលវេលាក៏ដូចជាចំណេញថវិកា ដោយគេអាចផ្ដល់ជូននូវតម្លៃសមរម្យជាងបើប្រៀបធៀបជាមួយនឹងក្រុមហ៊ុនដែលផ្ដល់សេវាកម្មពីខាងក្រៅស្រុកដែលទាមទារឱ្យយើងបន្ថែមតម្លៃលើការនាំចូល ជាពិសេស ចំពោះការចំណាយលើការធ្វើដំណើរក៏ដូចជាតម្លៃកម្លាំងពលកម្មក៏មានកម្រិតខ្ពស់ជាងសេវាកម្មក្នុងស្រុក។

ស្រដៀងគ្នានេះ  លោក អ៊ុន សីហា ជាសហគ្រិននៃទីក្រុងបណ្ដុះបន្លែ ដែលជាសគ្រាសថ្មីមួយធ្វើការដាំដុះបន្លែច្រើនប្រភេទ ដោយចំណាយពេលតិចក្នុងការដាំដុះ និងមានប្រយោជន៍ចំពោះសុខភាពចំពោះអ្នកបរិភោគ បានរៀបរាប់ដែរថា លោកបានចាប់ផ្ដើមអាជីវកម្មនេះឡើងដោយសារតែលោកមើលឃើញថា នៅលើទីផ្សារគឺនៅមានកង្វះខាតនៅឡើយ ហើយចេញពីចំណង់ចំណូលចិត្តខាងផ្នែកដាំដុះ ដែលជំរុញឱ្យលោកស្វែងរកអ្វីដែលថ្មីប្លែក គឺប្រភេទបន្លែបណ្ដុះនេះតែម្ដង។

លោកបញ្ជាក់ថា ៖a

“យើងមានជំនាញទាក់ទងនឹងកសិកម្ម ហើយយើងគិតថា យើងស្វែងរកបន្លែណាដែលមានអត្ថប្រយោជន៍សម្រាប់សុខភាព។ ខ្ញុំរៀនជំនាញទាក់ទងនឹងក្សេត្រសាស្រ្ត យើងគិតថា យើងចង់ស្វែងរកប្រភេទអាជីវកម្មមួយដែលថ្មី ខ្ញុំក៏ចាប់ផ្ដើមបង្កើតទីក្រុងបណ្ដុះឡើងតែម្ដង”

លោកបានបញ្ជាក់ឲ្យដឹងថា ត្បិតវាជាប្រភេទបន្លែថ្មី និងជួបប្រទះផលលំបាកច្រើនក្នុងការដាំដុះ និងថែទាំ ប៉ុន្តែលោកនៅតែមានគំនិតសុទិដ្ឋិនិយមថា ប្រជាជនខ្មែរនឹងនិយគាំទ្រប្រភេទបន្លែនេះខ្លាំង ហើយ៥ឆ្នាំទៅមុខទៀត លោកនឹង​ធ្វើយ៉ាងណាឱ្យអតិថិជនបានស្គាល់ប្រភេទបន្លែនេះកាន់តែច្បាស់ និងដឹងពីគុណតម្លៃនៃអត្ថប្រយោជន៍បន្លែទាំងនេះហើយធ្វើយ៉ាងណាឱ្យទីក្រុងបណ្ដុះបន្លែអាចផ្គត់ផ្គង់តម្រូវការអតិថិជនបានពេញមួយឆ្នាំ៕ 


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ