សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាហូរហែ ថ្នាក់ដឹកនាំក្រុមហ៊ុន ខ្មែរ ប៊ែរវើរីជីស ដែលជាវិស័យឯកជន តែងតែយកចិត្តទុកដាក់ និងចូលរួមយ៉ាងសកម្មជាមួយរាជរដ្ឋាភិបាលក្នុងការជួយសម្រាលបន្ទុក និងអភិវឌ្ឍន៍សង្គមជាតិ តាមរយៈការជួយឧបត្ថម្ភជាថវិកា និងសម្ភារ ផលិតផលរបស់ក្រុមហ៊ុនយ៉ាងសន្ធឹកសន្ធាប់ដល់ស្ថាប័នរដ្ឋទាំងថ្នាក់ក្រោមជាតិ និងថ្នាក់ជាតិ ក៏ដូចជាផ្តល់អំណោយដល់ប្រជាជនក្រីក្រក្នុងនាមជាសប្បុរសជន ដោយក្នុងនោះត្រឹមតែរយៈពេលខ្លីចុងក្រោយនេះ ក្រុមហ៊ុនបានឧបត្ថម្ភជាភេសជ្ជៈសរុបរហូតដល់ជាង ២ម៉ឺនកេស ក្នុងស្មារតី «ខ្មែរ ស្រឡាញ់ខ្មែរ» ។
ជាក់ស្ដែង កាលពីសប្ដាហ៍កន្លងទៅនេះ អ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស ព្រមទាំងសហការី បាននាំយកនូវផលិតផលទឹកពិសាកម្ពុជា និងភេសជ្ជៈសរុបរហូតដល់ទៅ ២,១០០កេស ឧបត្ថម្ភជូនដល់ក្រសួងមុខងារសាធារណៈ ក្នុងឱកាសទទួលបានការអនុញ្ញាតចូលជួបសម្ដែងការគួរសម និងសួរសុខទុក្ខជាមួយ ឯកឧត្តម ហ៊ុន ម៉ានី ឧបនាយករដ្ឋមន្ត្រី និងជារដ្ឋមន្ត្រីក្រសួងមុខងារសាធារណៈ នៅទីស្ដីការក្រសួង។
ការឧបត្ថម្ភទឹកពិសាបរិសុទ្ធកម្ពុជា និងភេសជ្ជៈរបស់ក្រុមហ៊ុននាពេលនេះ គឺដើម្បីទុកជូនក្រសួងប្រើប្រាស់តាមតម្រូវការនានា ជាពិសេសក្នុងឱកាសដែលក្រសួងរៀបចំការប្រឡងជ្រើសរើសមន្រ្តីរាជការស៊ីវិលនាពេលខាងមុខនេះ។
បើតាមបុគ្គលិកជាន់ខ្ពស់ក្រុមហ៊ុន ខ្មែរ ប៊ែរវើរីជីស បានលើកឡើងថា ការបន្តឧបត្ថម្ភជាបន្តបន្ទាប់ជូនដល់ស្ថាប័នរដ្ឋដ៏សន្ធឹកសន្ធាប់កាលពីពេលកន្លងទៅ ក៏ដូចជានាពេលបច្ចុប្បន្ន និងបន្តទៅថ្ងៃខាងមុខនេះ បានបង្ហាញពីស្មារតី «ខ្មែរ ស្រឡាញ់ខ្មែរ» របស់ក្រុមហ៊ុន ខ្មែរ ប៊ែវើរីជីស ដើម្បីរួមចំណែកក្នុងការគាំទ្រជំរុញកិច្ចអភិវឌ្ឍន៍ និងភាពរីកចម្រើនរបស់សង្គមជាតិកម្ពុជាទាំងមូល។
សូមរំលឹកដែរថា កាលពីពេលថ្មីៗនេះ ក្រុមហ៊ុន ខ្មែរ ប៊ែវើរីជីស ក៏បានឧបត្ថម្ភភេសជ្ជៈ និងទឹកពិសាកម្ពុជា សរុបជិត ២ម៉ឺនកេសជូនទៅកាន់ស្នងការដ្ឋាននគរបាលរាជធានីភ្នំពេញ, រដ្ឋបាលសាលារាជធានីភ្នំពេញ, បញ្ជាការដ្ឋានកងរាជអារុធហត្ថរាជធានីភ្នំពេញ និងការឧបត្ថម្ភទៅដល់កីឡករប្រណាំងទូកង សម្រាប់ប្រើប្រាស់ក្នុងអំឡុងពេលប្រារព្វព្រះរាជពិធីបុណ្យអុំទូកផងដែរ។
មិនត្រឹមតែប៉ុណ្ណោះ ទឹកពិសាកម្ពុជា ក៏ជាផលិតផលប្រកបដោយមោទកភាព ដែលផលិតដោយកូនខ្មែរ មានរោងចក្រនៅក្នុងស្រុកផ្ទាល់ ពិសេសជាផលិតផលស្តង់ដារពិភពលោក ព្រមទាំងមានការបន្សុទ្ធគ្រប់ដំណក់ជាមួយបច្ចេកវិទ្យា Smart Triple Filter ។
ជាមួយនឹងបច្ចេកវិទ្យាឈានមុខគេ ក្រុមហ៊ុន ខ្មែរ ប៊ែវើរីជីស បានទទួលនូវមេដាយមាសជាច្រើនពីស្ថាប័នអន្តរជាតិ ដែលបញ្ជាក់ពីគុណភាពផលិតផល វិញ្ញាបនបត្រ ISO 9001 បញ្ជាក់ពីប្រព័ន្ធគ្រប់គ្រងគុណភាព វិញ្ញាបនបត្រ ISO 14001 បញ្ជាក់ពីប្រព័ន្ធគ្រប់គ្រងបរិស្ថាន ព្រមទាំងទទួលបានពានរង្វាន់គ្រប់គ្រងច្រវាក់ផលិតកម្មលំដាប់ពិភពលោក (World Class Operation Management)ទៀតផង៕
Account
Security
Favourite Content