ផលិតកម្មដំណាំក្នុងផ្ទះសំណាញ់ មាននិរន្តរភាព និងលើកកម្ពស់ជីវភាពកសិករ

បាត់ដំបង ៖ ដំណាំក្នុងផ្ទះសំណាញ់ ជាបច្ចេកទេសកសិកម្មមួយក្នុងការដាំដុះ ដែលកំពុងជួយជំរុញផលិតកម្មឱ្យកាន់តែមានប្រសិទ្ធភាព និងទទួលបានទិន្នផលកសិកម្មកាន់តែខ្ពស់។ តួយ៉ាង សមាគមមួយបានកំពុងអនុវត្ត និងទទទួលបានផលវិជ្ជមានពីការប្រើប្រាស់បច្ចេកទេសដាំដុះក្នុងផ្ទះសំណាញ់នេះផ្ទាល់។

លោក ណុប​ នុន ជាប្រធានសមាគមកសិកម្មតាសីសាមគ្គីប្រចាំខេត្តបាត់ដំបងបានមានប្រសាសន៍ឱ្យដឹងថា សមាគមមួយនេះ ត្រូវបានបង្កើតឡើងដោយសារតែចង់រួបរួមកម្លាំងគ្នាបង្កើនផលិតភាពបង្កើនទិន្នផលឱ្យបានកាន់តែច្រើន ពោលគឺធំជាងលក្ខណៈគ្រួសារ និងធ្វើយ៉ាងណាឱ្យមានការផ្គត់ផ្គង់បន្លែដែលមាស្តង់ដារសុវត្ថិភាពចូលទីផ្សារក្នុងស្រុក ហើយចំណូលពីការលក់បន្លែក្នុងផ្ទះសំណាញ់ជាមធ្យមក្នុងចន្លោះពី ៥០០០-៧០០០ដុល្លារក្នុងមួយខែ។

លោកបន្ថែមថា ៖

“សម្រាប់ផ្នែកបន្លែផ្ទះសំណាញ់យើងមានតម្រូវការខ្ពស់ តែការផលិតយើងក៏នៅខ្វះខាតច្រើន ដែលតម្រូវការទីផ្សារ ២តោនយើងអាចផលិតឱ្យបានត្រឹម ៣០០-៥០០គីឡូក្រាមប៉ុណ្ណោះ តែយើងក៏សង្ឃឹមថា វានឹងកើនឡើងតាមរដូវកាលវិញ ដោយសារឆ្នាំនេះយើងទទួលរងនូវឥទ្ធិពលកម្ដៅខ្ពស់ធ្វើឱ្យទិន្នផលធ្លាក់ចុះ។ ចំពោះប្រភេទដំណាំ យើងមានពពួកស្ពៃចម្រុះ និងពពួកជីដែលជាបន្លែបន្ទាប់បន្សំតែអាចលក់បានច្រើនរហូតដល់ ២-៣តោនក៏អាចលក់បានដែរ ដែលការផ្គត់ផ្គង់យើងមានដៃគូនៅរាជធានីភ្នំពេញ និងតាមបណ្ដាខេត្តធំៗដូចជាបាត់ដំបង បន្ទាយមានជ័យ សៀមរាបជាដើម។”

បច្ចុប្បន្ននេះ សម្រាប់សមាជិករបស់សមាគមតាសីសាមគ្គីមានបែងចែកជាក្រុមផ្សេងៗគ្នារួមមានក្រុមសន្សំប្រាក់ អ្នកប្រមូលផលបន្លែ អ្នកដាំលក្ខណៈគ្រួសារ ហើយក៏មានជាផ្នែកមួយក្នុងការជួយសម្របសម្រួល ដឹកនាំ និងបង្ហាញផលិតផលដល់ទីផ្សារថែមទៀតផង។

ប្រធានសមាគមរូបនេះបន្តទៀតថា ក្រៅពីការដាំដុះបន្លែ បច្ចុប្បន្នសមាគមនេះមានមុខរបរសំខាន់ៗជារួមដូចជា សាងសង់ផ្ទះសំណាញ់ ដឹកជញ្ជូនបន្លែសុវត្ថិភាព និងមានក្រុមបច្ចេកទេសបង្រៀនការដាំដុះតាមកសិដ្ឋានផងដែរ។ ទន្ទឹមគ្នានេះដែរ ក្នុងដំណើរការនេះ លោកក៏បានប្រាប់ពីផលលំបាក គឺភាគច្រើនទាក់ទងនឹងការបណ្ដុះបណ្ដាលបច្ចេកទេសដល់កសិករខ្លះថ្មីៗ ឯខ្លះទៀតគាត់ទម្លាប់ប្រើថ្នាំគីមីពីមុនមក គឺយើងពុំអាចកែទម្លាប់ការបាញ់ថ្នាំដាក់ជីរបស់ពួកគាត់បានភ្លាមៗនោះទេ ពោលគឺត្រូវពន្យល់ណែនាំឱ្យគាត់យល់។ 

គួរបញ្ជាក់ដែរថា សមាគមនេះ ត្រូវបានបង្កើត និងចុះបញ្ជីនៅខែកញ្ញា ឆ្នាំ២០១៧ ហើយបច្ចុប្បន្នមានសមាជិក ១៧២គ្រួសារ ដែលក្នុងនោះមានស្រី៨៩នាក់។ ក្នុងការចាប់ផ្ដើម លោក ណុប នុនរៀបរាប់ថា យើងប្រើដើមទុនប្រមាណ ៨លានរៀល ហើយបច្ចុប្បន្នយើងមានប្រមាណ ៣០០លានរៀល។

ពាក់ព័ន្ធនឹងផែនការនាពេលអនាគត លោក ណុប នុន និងសមាគមក៏ចង់ពង្រីកផលិតកម្មឱ្យកាន់តែធំ ពិសេសតាមបណ្ដាខេត្តផ្សេងទៀត ពោលគឺដាំឱ្យត្រូវតាមសណ្ឋានដីតាមតំបន់នីមួយៗ។ ថែមលើនេះ លោកក៏មានគម្រោងផលិតជីកំប៉ុស្តិ៍ទឹកខ្មេះធ្យូងអង្កាម សម្រាប់ប្រើប្រាស់លើការដាំដុះបន្លែ និងបន្តការជំរុញឱ្យមានស្តង់ដារសុវត្ថិភាពមួយដែលបងប្អូនយើងទទួលស្គាល់ជាទូទៅ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។

កម្មវិធី «វិថីហិរញ្ញវត្ថុ រដូវកាលទី២» ត្រូវបានបើកសម្ពោធដាក់ដំណើរការជាផ្លូវការហើយ

ព្រឹត្តិការណ៍, ហិរញ្ញវត្ថុ

• 20/06/2024

នៅព្រឹកថ្ងៃទី២០ ខែមិថុនា ឆ្នាំ២០២៤នេះ កម្មវិធី «វិថីហិរញ្ញវត្ថុ រដូវកាលទី២» ដែលផ្តួចផ្តើមផលិតឡើងដោយក្រុមហ៊ុន អប្សរា មេឌា សឺវីស AMS ត្រូវបានបើកសម្ពោធដាក់ដំណើរការជាផ្លូវការ

កម្ពុជា​-​សិង្ហបុរី ​ផ្តួចផ្តើម​ដាក់​ឱ្យ​ដំណើរការថ្នាល​ច្រក​របៀង​តម្លា​ភាព​ហិរញ្ញវត្ថុ​

ព្រឹត្តិការណ៍, សេដ្ឋកិច្ច

• 20/06/2024

កម្ពុជានិងសិង្ហបុរី បានដាក់ដំណើរការថ្នាលច្រករបៀងតម្លាភាពហិរញ្ញវត្ថុដែលគំនិតផ្តួចផ្តើមនេះជំរុញកំណើនពាណិជ្ជកម្ម និងសេវាកម្មហិរញ្ញវត្ថុពាក់ព័ន្ធ

លំអងឃ្មុំ ជាទិន្នផលបានពីការចិញ្ចឹមឃ្មុំមានគុណតម្លៃច្រើនសម្រាប់សុខភាព

ជំនួញ, ព្រឹត្តិការណ៍

• 20/06/2024

លំអងឃ្មុំ ជាទិន្នផលមួយបានពីការចិញ្ចឹមឃ្មុំ ក៏មិនខុសពីផលិតផលពីឃ្មុំដទៃទៀតដែរ ដែលមានតម្លៃថ្លៃ និងមានគុណប្រយោជន៍ច្រើនចំពោះសុខភាពអ្នកទទួលទាន។

អាកាស​យានដ្ឋានអន្តរជាតិតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ព្រឹត្តិការណ៍, អចលនទ្រព្យ

• 20/06/2024

អាកាស​យានដ្ឋានអន្តរជាតិមរតកតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»