សហគ្រិនកម្ពុជាបានបញ្ចេញកម្មវិធីជាច្រើនដើម្បីជ្រោមជ្រែងម្ចាស់អាជីវកម្ម Start up និងអ្នកប្រកបរបរខ្នាតតូច

ភ្នំពេញ ៖ បន្ទាប់ពីទទួលរងនូវការបោកបក់យ៉ាងធ្ងន់ធ្ងរដោយរលកកូវីដ-១៩ សេដ្ឋកិច្ចកម្ពុជាហាក់ចាប់ផ្ដើមកម្រើកខ្លួន និងទប់ជំហរឡើងវិញតាមរយៈរូបភាពផ្សេងៗជាច្រើន ដោយក្នុងនោះទាំងស្ថាប័នរដ្ឋ និងវិស័យឯកជន បានខិតខំក្នុងការជួយជ្រោមជ្រែងអាជីវកម្មគ្រប់ប្រភេទ ដើម្បីសម្រេចគោលដៅចម្បងមួយ គឺរុញច្រានសេដ្ឋកិច្ចជាតិឲ្យងើបឡើងវិញ។

យ៉ាងណាមិញ ប្រភេទអាជីវកម្មដែលទើបនឹងត្រូវបានបង្កើតថ្មីថ្មោង ក៏ដូចជាប្រភេទអាជីវកម្មខ្នាតតូច និងមធ្យម ក៏ត្រូវបានចាត់ចូលជាអាជីវកម្មស្ថិតក្នុងភាពប្រឈម ដែលអាចមានហានិភ័យខ្ពស់ក្នុងការក្ស័យធន។ ហេតុដូច្នេះ បានជាសហគ្រិនខ្មែរ (Khmer Enterprise) ដែលគាំទ្រដោយក្រសួងសេដ្ឋកិច្ច និងហិរញ្ញវត្ថុ បានបង្កើតឡើង ភ្ជាប់ជាមួយគោលបំណងជួយជ្រោមជ្រែងម្ចាស់អាជីវកម្មទាំងផ្នែកចំណេះដឹង និងផ្ដល់ជាហិរញ្ញប្បទាន។

បើតាមលោកបណ្ឌិត ឈៀង វណ្ណមុនីណ្ឌ នាយកប្រតិបត្តិនៃសហគ្រិនខ្មែរបានឲ្យដឹងថា មកទល់ពេលបច្ចុប្បន្ននេះ សហគ្រិនខ្មែរបានបង្កើត កម្មវិធីស្នូលចំនួន៤សំខាន់ៗរួមមាន៖

១- កម្មវិធីទី១ លើកកម្ពស់វប្បធម៌សហគ្រិនភាពដែលសំដៅលើកកម្ពស់ការយល់ដឹងអំពីសារសំខាន់នៃវិស័យនេះទៅកាន់យុវជន ក៏ដូចជា បញ្ជ្រាបអំពីចំណេះដឹងពីរបៀបនៃការចាប់យកឱកាសដែលគាំទ្រដោយរដ្ឋាភិបាលនេះផងដែរ។

២- កម្មវិធីទី២ គឺកម្មវិធីកសាងសមត្ថភាពសហគ្រិនដែលសំដៅទៅលើការវិនិយោគទៅលើធុរកិច្ចថ្មីក្នុងដំណាក់កាលបង្កើតផលិតផលថ្មី ឬការសាកល្បងក្នុងទីផ្សារដោយហេតុថាដំណាក់កាលនេះមានហានិភ័យខ្ពស់ទាំងពេលវេលា និងថវិការ។ ដូច្នេះ កម្មវិធីសហគ្រិនខ្មែរបានជួយធុរកិច្ចថ្មីក្នុងការទទួលទុនអាជីវកម្មតាមរយៈមូលនិធិអភិវឌ្ឍអាជីវកម្ម ម្ចាស់ជំនួយ ដៃគូរអភិវឌ្ឍន៍ និងអ្នកវិនិយោគជាលក្ខណៈបុគ្គលជាដើម។

៣- កម្មវិធីកសាងបណ្ដាញធុរកិច្ចថ្មី ឬអាជីវកម្ម ដែលជាកម្មវិធីផ្ដោតលើការគិតគូររបស់វិនិយោគិនអំពីផលប្រយោជន៍នៃការវិនិយោគ និងត្រូវដឹងថាតើគំនិត និងតម្លៃរបស់ក្រុមហ៊ុនមួយមានលក្ខណៈសមស្របដែលអាចវិនិយោគបាន។

៤- កម្មវិធីផ្ដល់ទុនសម្រាប់គាំទ្រដល់ធុរកិច្ចថ្មីតាមរយៈមូលនិធិអភិវឌ្ឍអាជីវកម្ម ម្ចាស់ជំនួយ ដៃគូរអភិវឌ្ឍន៍ និងអ្នកវិនិយោគជាលក្ខណៈបុគ្គលជាដើម។

លោកបណ្ឌិតបានរំលេចបន្ថែមថា ៖

“ក្រៅពីនេះក៏នៅមានកម្មវិធីលើកទឹកចិត្ត និងបណ្ដុះបណ្ដាលមួយចំនួនទៀតដែលដើរតួនាទីយ៉ាងសំខាន់ក្នុងការជំរុញសហគ្រិន ជាពិសេស សហគ្រិនវ័យក្មេង”

តាមការរៀបរាប់របស់លោកបណ្ឌិត កម្មវិធីលើកទឹកចិត្តទាំងនោះរួមមាន ៖ កម្មវិធីពន្លកសហគ្រិនខ្មែរ ដែលជាកម្មវិធីប្រកួតប្រជែងពានរង្វាន់សិស្សានុសិស្សថ្នាក់វិទ្យាល័យ កម្មវិធីសហគ្រិនខ្មែរក្នុងធុរកិច្ចបង្កើតថ្មី ដែលជាការប្រកួតប្រជែងពានរង្វាន់សម្រាប់ធុរកិច្ចថ្មី។ កម្មវិធីសហគ្រិវ័យក្មេងកម្ពុជា ដែលជាកម្មវិធីប្រកួតប្រជែងពានរង្វាន់អាជីវកម្មសម្រាប់ធុរកិច្ចតូច និងមធ្យម កម្មវិធីសហគ្រិនថ្នាក់ជាតិឆ្នាំ២០២១ ដែលជាកម្មវិធីពានរង្វាន់ថ្នាក់ជាតិប្រចាំឆ្នាំដែលមានការប្រកួតប្រជែងទាំង២៥រាជធានីខេត្ត។

គួរបញ្ជាក់ផងដែរថា ដោយសារកូវីដ-១៩ សហគ្រិនខ្មែរបានរៀបចំឡើងនូវកម្មវិធីធំមួយហៅថាកញ្ចប់ជំនួយសហគ្រិន ដោយកម្មវិធីនេះ មានអ្នកដាក់ចូលពី ២៣រាជធានីខេត្ត ហើយមាន ៥៩ក្រុមហ៊ុន ដែលបានទទួលឥណទានឥតសំណងពីសហគ្រិនខ្មែរ និងមាន ៣០ ក្រុមហ៊ុនទៀតទទួលបានប្រាក់លើកទឹកចិត្ត។ ជាមួយគ្នានេះ សហគ្រិនខ្មែរមានវិស័យអាទិភាពចំនួន៤ រួមមាន ទី១ វិស័យព័ត៌មានវិទ្យា និងទូរគមនាគមន៍ ទី២ វិស័យកសិកម្មដែលបូកបញ្ចូលវិស័យទេសចរណ៍បដិសណ្ឋារកិច្ច និងដឹកជញ្ជូន ទី៣ វិស័យកសិកម្ម ដែលផ្ដោតលើផលិតផលសម្រាប់ការនាំចេញ និងទី៤ វិស័យកម្មន្ដសាលដែលផ្ដោតលើអាជីវកម្មជំនួសការនាំចូល។ លើសពីនេះ ក៏មានកិច្ចសហការពីដៃគូរស្ថាប័នរដ្ឋមួយចំនួន ក៏ដូចជាដៃគូរអន្តរជាតិដើម្បីបន្ថែមប្រសិទ្ធិភាពការងារផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី ជំរុញទំនាក់ទំនងពាណិជ្ជកម្ម និងការអភិវឌ្ឍសេដ្ឋកិច្ច

ព្រឹត្តិការណ៍, សេដ្ឋកិច្ច

• 19/06/2024

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី នឹងចុះ MOU ជំរុញទំនាក់ទំនងពាណិជ្ជកម្ម និង ការអភិវឌ្ឍសេដ្ឋកិច្ចរវាងប្រទេសទាំងពីរ

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ