សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ពោធិ៍សាត់ ៖ ពីសំណល់ និងសំរាមនៃសម្បកកំប៉ុងមីរាប់ម៉ឺន ដែលត្រូវបានគេបោះចោលក្រោយទទួលទាន ម្ចាស់អាជីវកម្មដ៏តូចមួយកន្លែងមានលក់គ្រឿងទេស និងភេសជ្ជៈសម្រាប់អ្នកធ្វើដំណើរឆ្លងកាត់នៅក្នុងស្រុកវាលវែង ខេត្តពោធិ៍សាត់ បានរើសប្រមូលយកមកសម្អាតដាក់តម្រៀបជាជញ្ជាំង និងបាញ់ថ្នាំបន្ថែមចេញជារូបប្រាសាទ ហើយក៏ជាសកម្មភាពចូលរួមក្នុងការជួយថែរក្សាបរិស្ថានផងដែរ។
ស្ថិតតាមបណ្ដោយផ្លូវជាតិលេខ៥៥ ចន្លោះព្រំប្រទល់ខេត្តពោធិ៍សាត់ និងកោះកុង នៅពីមុខផ្លូវចូលទៅកាន់រមណីយដ្ឋាន ឆាយប្រុយ គេឃើញមានតូបលក់គ្រឿងទេស (ចាប់ហួយ) មួយកន្លែងមានឈ្មោះថា «តា ៩៧ ឆាយប្រុយ» កំពុងទទួលបានការគាំទ្រពីសំណាក់អតិថិជនយ៉ាងច្រើនពីធ្វើដំណើរឆ្លងកាត់ ក៏ដូចជាភ្ញៀវទេសចរដែលចូលទៅកម្សាន្តនៅតំបន់នេះ បន្ទាប់ពីបានឃើញភាពច្នៃប្រឌិតយ៉ាងសាមញ្ញ ប៉ុន្តែមានភាពទាក់ទាញនៃទីតាំង។
តា៩៧ ឆាយប្រុយ ជាឈ្មោះរបស់តូបលក់គ្រឿងទេស (ចាប់ហួយ) ដ៏តូចមួយ ស្ថិតនៅចម្ងាយប្រមាណ ២៧គីឡូម៉ែតពីឃុំអូរសោម ស្រុកវាលវែង ខេត្តពោធិ៍សាត់ ដែលមានលក់អាហារសម្រន់ និងភេសជ្ជៈ ដូចជា មីកំប៉ុង កាហ្វេ ទឹកបរិសទ្ធ ជាដើម សម្រាប់អ្នកធ្វើដំណើរឆ្លងកាត់ ក៏ដូចជាអ្នកទេសចរទៅលេងកម្សាន្តនៅទឹកធ្លាក់ឆាយប្រុយផងដែរ។
លោក សេង ម៉េងគ្រី ជាម្ចាស់តូបចាប់ហួយខាងលើបានប្រាប់ AMS ឱ្យដឹងថា ដ្បិតវាជាមុខរបរតូចតាច និងនៅដាច់ពីឆ្ងាយពីគេ ប៉ុន្តែលោកអាចរកចំណូលបានគួរសមសម្រាប់ផ្គត់ផ្គង់ជីវភាពរស់នៅប្រចាំថ្ងៃ ដោយចាំមិនបាច់ទៅកាប់ព្រៃឈើ ឬមិនពិបាកទៅដាក់អន្ទាក់សត្វព្រៃដែលជាទង្វើខុសច្បាប់ និងប្រឈមគ្រោះថ្នាក់នោះឡើយ។
លោកបានបញ្ជាក់ថា ៖
“តាមរយៈមុខរបរស្របច្បាប់មួយនេះ មានគេស្គាល់ និងចូលចិត្ត អាណិតស្រឡាញ់គាំទ្រខ្ញុំច្រើន ហើយសម្រាប់ភ្ញៀវដែលមកសម្រាកនៅទីនេះ ភាគច្រើនជាអ្នកដំណើរ អ្នកមកលេងទឹកធ្លាក់ ក៏ដូចជាអ្នកបោះតង់ មានទាំងខ្មែរ និងបរទេស ដោយសារតែកន្លែងរបស់ខ្ញុំក៏មានទីធ្លាសម្រាប់បោះតង់ កន្លែងសម្រាក អាចអាំងសាច់ជុំគ្នាបាន ប្រកបដោយបរិយាកាសស្រស់ស្រាយ ក្រជាក់ គ្មានសំរាម មានកន្លែងថតរូបភាពគួរឱ្យទាក់ទាញ និងមានដើមឈើហូបផ្លែចម្រុះ ដូចជា ខ្នុរ ត្របែក និងផ្លែផាសិនជាដើម”
ពាក់ព័ន្ធទៅនឹងការចូលរួមថែរក្សាបរិស្ថានវិញ លោក សេង ម៉េងគ្រី ឬ តា៩៧ បានយកចិត្តទុកដាក់ខ្លាំងណាស់ដោយលោកបានសម្អាត រៀបចំទុកដាក់ប្រភេទសំរាមដាច់ដោយឡែកពីគ្នា សម្អាតបរិយាកាសជុំវិញ ជាពិសេសគឺការកែច្នៃសំណល់ទាំងនោះឱ្យមានសោភ័ណភាពថែមទៀតផង ជាក់ស្ដែងដូចជាសំណល់កំប៉ុងមី លោកបានយកទៅតម្រៀបជាជញ្ជាំង។
លោកបញ្ជាក់ថា ៖
“គំនិតនេះគឺខ្ញុំមានចេញពីក្រអៅបេះដូងតែម្ដង ក្នុងការរៀបចំ សម្អាតមិនឱ្យមានសំរាម។ អ្នកខ្លះហូបមីហើយបោះចោលកំប៉ុង ខ្ញុំតាមទៅរើសយកមកលាងសម្អាតតម្រៀបជារូបប្រសាទប្រមាណជាង ១ម៉ឺនកំប៉ុងហើយ ដែលទៅដូចជាជញ្ជាំង។ ការយកសំរាប ឬសំណល់មកកែច្នៃ ជៀសវាងការពង្រាយពាសវាលពាសកាលនេះ គឺជារឿងមួយដ៏សំខាន់ ដែលមនុស្សគ្រប់រូបគួរតែចូលរួមទាំងអស់គ្នាដើម្បីបរិស្ថាន មានសោភ័ណភាព និងអនាម័យនៅក្នុងតំបន់”
គួរបញ្ជាក់ដែរថា តូបតា៩៧ ឆាយប្រុយ បានបង្កើតឡើងតាំងពីឆ្នាំ២០១៤ ដោយដំបូងឡើយមានតែកូនតូបតូចមួយសម្រាប់ទទួលអ្នកដំណើរអង្គុយលេងប៉ុណ្ណោះ។ ប៉ុន្តែរហូតមកដល់ពេលបច្ចប្បន្ននេះ លោកបានពង្រីកទីតាំងធំជាងមុន និងមានកន្លែងអាចសម្រាកបានងាយល្អប្រសើរផងដែរ។
លោក សេង ម៉េងគ្រី ក៏សូមអរគុណដល់អ្នកដំណើរដែលតែងតែចូលមកលេង និងគាំទ្រ ដល់អាជីវកម្មដ៏តូចរបស់លោកមួយនេះ ហើយក៏សុំអំពាវនាវឱ្យបងប្អូនទាំងអស់គ្នា មិនថាទោះជានៅទីកន្លែងណានោះទេ សូមចូលរួមជួយថែរក្សាបរិស្ថាន និងធនធានធម្មជាតិ ហើយទុកដាក់សំរាមឱ្យមានរបៀបត្រឹមត្រូវ ជៀសវាងចោលសំរាមផ្ដេសផ្ដាស់នៅតាមទីសាធារណៈ ជាពិសេសតំបន់ទេសចរណ៍កម្សាន្ត ដែលអាចប៉ះពាល់ដល់បរិស្ថានទាំងមូល៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ម្ហូបឌីមសាំ ប៉ះជាមួយគ្រឿងទេសកំពត បង្កើតរសជាតិឆ្ងាញ់ ប្លែក និងច្នៃប្រឌិត
ព្រឹត្តិការណ៍, អត្ថបទពាណិជ្ជកម្ម
• 03/04/2026
ដើម្បីអបអរសាទរ និងលើកកម្ពស់រសជាតិអាហារបែប "Glocal" (ការរួមបញ្ចូលគ្នារវាងរសជាតិសកល និងរសជាតិក្នុងស្រុក) កាលពីល្ងាចថ្ងៃទី២ ខែមេសា ឆ្នាំ២០២៦ ភោជនីយដ្ឋាន Yi Sang ដែលទើបនឹងសម្ពោធថ្មីៗស្ថិតនៅក្នុងអាកាសយានដ្ឋានអន្តរជាតិតេជោ
អ៊ីរ៉ង់ បានបាញ់ទម្លាក់ F-35 របស់អាម៉េរិកយ៉ាងជោគជ័យ ក្រោយការចែករំលែកទិចនិកបាញ់ពីសំណាក់អ្នកជំនាញចិន
ព្រឹត្តិការណ៍, អាជីវកម្មថ្មី និងនវានុវត្ត
• 03/04/2026
វិស្វករជនជាតិចិនម្នាក់បានធ្វើឱ្យមានការភ្ញាក់ផ្អើលយ៉ាងខ្លាំងនៅលើបណ្តាញសង្គម បន្ទាប់ពីបានបង្ហោះវីដេអូបង្រៀនលម្អិតអំពីរបៀបបាញ់ទម្លាក់យន្តហោះចម្បាំងបំបាំងកាយទំនើបបំផុត F-35 របស់សហរដ្ឋអាម៉េរិក។
ក្រោយបញ្ចប់ការចុះបញ្ជីទូទាំងប្រទេស ក្រសួងដែនដីបន្តបេសកកម្មផ្សេងទៀត ដើម្បីឱ្យពលរដ្ឋរស់នៅកាន់តែស្រួល តជំនាន់
Top News, ព្រឹត្តិការណ៍, អចលនទ្រព្យ
• 02/04/2026
ក្រសួងរៀបចំដែនដី នគរូបនីយកម្ម និងសំណង់ នឹងបន្តបេសកកម្មធ្វើការងារផ្សេងទៀត ដើម្បីធ្វើយ៉ាងណាឱ្យប្រទេសជាតិ ក៏ដូចជាប្រជាពលរដ្ឋកម្ពុជាទាំងអស់រស់នៅប្រកបដោយសុខុដុមរមនាទាំងអស់គ្នា និងតជំនាន់
Hacker កូរ៉េខាងជើង អាចលួចបញ្ចូល bug software ទៅក្នុងដំណើរប្រតិបត្តិការក្រុមហ៊ុនរាប់ពាន់នៅអាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 02/04/2026
អ្នកជំនាញអាម៉េរិកថា hackers របស់កូរ៉េខាងជើងកំពុងប្រើប្រាស់ software មួយប្រភេទដែលមានផ្ទុកទៅដោយមេរោគ ឬ bug ជាយុទ្ធសាស្ត្ររបស់ខ្លួនដំណើរការនៅក្នុងក្រុមហ៊ុនរាប់ពាន់នៅសហរដ្ឋអាម៉េរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content