បង្កើតសួនបន្លែគ្រួសារ ជួយកាត់បន្ថយចំណាយប្រចាំថ្ងៃ ហើយថែមទាំងមានសុវត្ថិភាពចំណីអាហារយ៉ាងប្រសើរ 

ភ្នំពេញ ៖ សួនបន្លែគ្រួសារ ជាការដាំដំណាំបន្លែចម្រុះច្រើនប្រភេទនៅជុំវិញលំនៅដ្ឋាន ដែលប្រើប្រាស់បច្ចេកទេសតាមគោលការណ៍ធម្មជាតិ ដើម្បីបំពេញតម្រូវការគ្រួសារប្រចាំថ្ងៃ ដែលជាផ្នែកមួយជួយដល់សេដ្ឋកិច្ចគ្រួសារផង និងប្រភពផ្ដល់នូវបន្លែស្រស់ៗដល់សមាជិកគ្រួសារផងដែរ។ យ៉ាងណាក៏ដោយ មុនពេលឈានដល់ការបង្កើតសួនបន្លែគ្រួសារ ទាំងអ្នកមានបំណងដាំ ក៏ដូចជាប្រជាកសិករគប្បីស្វែងយល់ពីបច្ចេកទេសដាំដុះមួយចំនួនផងដែរ ដើម្បីទទួលបានទិន្នផលល្អ។

ជាជំហានដំបូងមុននឹងដាំដំណាំ កសិករត្រូវដឹងពីប្រភេទដំណាំ ដែលត្រូវតាមរដូវកាលនីមួយៗដូចជា រដូវវស្សាចាប់ពីខែឧសភាពដល់ខែតុលា ដែលតាមការសិក្សាស្រាវជ្រាវរបស់អ្នកជំនាញដំណាំរដូវវស្សារួមមាន ដំណាំត្រកួន ខ្ទឹមស្លឹក គុយឆាយ កញ្ឆែត ម្រះព្រៅ ជីនាងវង ម្អម ត្រាវ ក្ដាត ននោង សណ្ដែកកួរ ឃ្លោក ស្អំ ដែលជាសុទ្ធសឹងជាប្រភេទដំណាំត្រូវការពន្លឺថ្ងៃច្រើនពី ១០-១៣ម៉ោង ហើយធន់នឹងទឹកភ្លៀង។

ចំណែករដូវប្រាំងវិញ រាប់ចាប់ពីខែវិច្ចិកា ដល់មេសា ដែលមានអាកាសធាតុក្ដៅ និងត្រជាក់មានឥទ្ធិពលខ្លាំងទៅលើការដុះលូតលាស់របស់រុក្ខជាតិ ដែលដំណាំដែលសមស្របនឹងលក្ខណៈអាកាសធាតុនេះមានដូចជា ខាត់ណាផ្កា ប្រូកូលី ទំពាំងបារាំង ខាត់ណាក្ដោប ខាត់ណាដើម ស្ពៃបូកគោ ស្ពៃក្រញាញ់ ប៉េងប៉ោះ ម្ទេស សណ្ដែកហោឡាំងតាវ សាលាដ ខ្ទឹមបារាំង ខ្ទឹមស ខ្ទឹមក្រហម ឆៃថាវ ការ៉ុត ស្ពៃចង្កឹះ ស្ពៃស ស្ពៃជើងទា ជាដើម។

ជុំវិញការដាំដុះនេះ អ្នកដាំក៏ត្រូវដឹងពីកត្តាសំខាន់ៗដែលអាចឱ្យបន្លែលូតលាស់លឿន ការការពារពីការបំផ្លាញរបស់សត្វចង្រៃ និងលក្ខខណ្ឌដីតាមតំបន់ផងដែរ ដែលនៅក្នុងប្រទេសកម្ពុជាយើងបែងចែកជាតំបន់ខ្ពង់រាប តំបន់វារាប និងតំបន់វាលទំនាប ដែលត្រូវជ្រើសរើសប្រភេទដំណាំឱ្យបានសមស្របពិសេសយកចិត្តទុកដាក់ទៅលើការស្រោចស្រពឱ្យបានគ្រប់គ្រាន់។

ចំពោះប្រភេទទឹកសម្រាប់ស្រោចដំណាំនេះដែរ កសិករអាចប្រើទឹកមកពីច្រើនប្រភពដូចជាប្រភពទឹកធម្មជាតិដូចជាទន្លេ បឹង អូរ ស្ទឹង ជាដើមដែលជាប្រភេទទឹកដ៏ល្អ មានអុកស៊ីសែនគ្រប់គ្រាន់ អាចស្រោចបានភ្លាមៗតែម្ដង។ ក្រៅពីនេះ គេក៏អាចប្រើប្រភពទឹកក្រោមដី ដូជាអណ្ដូង ដែលជាទឹកមានជាតិដែក ស័ង្កសី ជាតិកំបោរ ធ្វើឱ្យទឹកខ្វះអុកស៊ីសែន ហេតុនេះគេត្រូវបូមទុក ២-៣ថ្ងៃសិនទើបអាចស្រោចដំណាំបាន។

ពាក់ព័ន្ធនឹងការដាំនេះដែរ កសិករអាចរៀបចំដាំដំណាំបានពេញមួយឆ្នាំ ដែលគេអាចដាំជាប្រភេទដំណាំខុសរដូវ ដាំដំណាំចម្រុះ និងដំណាំឆ្លាស់ ផុតពីមួយរដូវ ទៅមួយរដូវ ផុតពីដំណាំមួយទៅដំណាំថ្មីមួយទៀត ដែលអ្នកដាំត្រូវយល់ដឹង​ឱ្យច្បាស់ពីអម្បូររបស់ដំណាំ ពោលគឺត្រូវដាំដំណាំណាក្នុងអម្បូរខុសៗគ្នា។

ចំណែកការរៀបចំសួនបន្លែ គេអាចរកដីទំនេរជិតៗផ្ទះដើម្បីងាយស្រួលថែទាំ ជាទីវាលស្រឡះល្មម និងស្ថិតក្បែរប្រភពទឹកដែលងាយស្រួលផ្គត់ផ្គង់ទឹកនៅរដូវរាំងស្ងួត។ ឯទំហំសួនបន្លែ គេអាចធ្វើចន្លោះពី ៧០-១២០ម៉ែត្រការ៉េ ហើយត្រូវដាំបង្គោលធ្វើរបងសួន និងរកបន្ទះឫស្សី ឬកូនឈើមូលវែងៗមកវាយធ្វើជារបារ ដើម្បីកុំឱ្យសត្វចូលស៊ីដំណាំ។

បន្ថែមលើនេះ ការដាំដំណាំឱ្យបានល្អ កសិករក៏ត្រូវចេះបង្កើនជីជាតិដី តាមរយៈការប្រើប្រាស់ជីកំប៉ុស្តិ៍គោក ជីកំប៉ុស្តិ៍រាវ លាមកគោ និងក្របី លាមកមាន់ លាមកជ្រូក និងស្រកីដូង។

ទន្ទឹមគ្នានេះដែរ ដំណាំដែលបានរៀបរាប់ខាងលើក៏អាចជួបនឹងជំងឺ និងសត្វចង្រៃផ្សេងៗដូចជា ក្រុមជំងឺផ្សិតរួមមានជំងឺរលួយគល់កូនដំណាំ ជំងឺផ្សិតគល់ ជំងឺផ្សិតលើស្លឹកនិងផ្លែ ក្រុមជំងឺវីរ៉ុស ក្រុមជំងឺបង្កដោយបាក់តេរី និងសត្វល្អិតចង្រៃដូចជា ដង្កូវយោលទោង សត្វទាគូ ដង្កូវស៊ីញ៉េ ដង្កូវស៊ីរូងកួរសណ្ដែក រុយទិចផ្លែ ឬស្រាំងអុចជាដើម៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រធានាធិបតីបារាំង អេម៉ានុយអែល ម៉ាក្រុង កោតសរសើរដល់ក្រុមហ៊ុន កាណាឌីយ៉ា គ្រុប នៅក្នុងព្រឹត្តិការណ៍ ហ្រ្វង់កូតិច (FrancoTech)

ព្រឹត្តិការណ៍, អត្ថបទពាណិជ្ជកម្ម

• 18/11/2026

ភ្នំពេញ ៖ នៅក្នុងថ្ងៃទី២ នៃព្រឹត្តិការណ៍ ហ្រ្វង់កូតិច (FrancoTech) លោកប្រធានាធិបតីបារាំង អេម៉ានុយអែល ម៉ាក្រុង (Emmanuel Macron) បានជួបជាមួយ ឧកញ៉ាវេជ្ជបណ្ឌិត ពុង ការ៉ូលីន (Carolyne Pung) អនុប្រធានក្រុមប្រឹក្សាភិបាលក្រុមហ៊ុន កាណាឌីយ៉ា គ្រុប

រុស្ស៊ី​ប្ដូរ​យុទ្ធសាស្ត្រ​ហិរញ្ញវត្ថុ ​​ពង្រឹង​ពាណិជ្ជកម្ម​ជាមួយ​ចិន​ ទោះ​ការ​ប្រើ​ប្រាក់​យន់​ធ្លាក់ចុះ​

ព្រឹត្តិការណ៍, អាជីវកម្មថ្មី និងនវានុវត្ត

• 18/11/2026

ការ​ធ្លាក់ចុះ​នៃ​ការ​ទូទាត់​ជា​ប្រាក់​យន់​ក្នុង​ពាណិជ្ជកម្ម​រវាង​រុស្ស៊ី​ និង​ចិន ​កំពុង​បង្កើត​ការ​ជជែក​ដេញដោល​អំពី​ប្រសិទ្ធភាព​នៃ​យុទ្ធសាស្ត្រ​របស់​រុស្ស៊ី​ក្នុង​ការ​កាត់បន្ថយ​ការ​ពឹងផ្អែក​លើ​ប្រាក់​ដុល្លារ​អាម៉េរិក

អាស៊ានចង់ពង្រឹងជំហររបស់តំបន់ឲ្យធំជាងមុននៅក្នុងខ្សែច្រវាក់ផ្គត់ផ្គង់រ៉ែកម្រជាសកល

ព្រឹត្តិការណ៍, សេដ្ឋកិច្ច

• 18/11/2026

នៅក្នុងសេចក្តីថ្លែងការណ៍មួយដែលត្រូវបានអនុម័តក្នុងអំឡុងកិច្ចប្រជុំកំពូលអាស៊ានលើកទី៤៩ នៅទីក្រុងម៉ានីល មេដឹកនាំទាំងអស់ប្តេជ្ញាបង្កើតយុទ្ធសាស្ត្ររ៉ែកម្រសំខាន់ៗរបស់អាស៊ាន ដើម្បីតម្រង់ទិសកិច្ចសហប្រតិបត្តិការនៅទូទាំងខ្សែច្រវាក់តម្លៃរ៉ែ

ជំនួបដ៏តានតឹងរវាងកំពូលបុរសខ្លាំងទាំង៣ នៅ APEC ក្រោយបោះបង់ចោលសន្ធិសញ្ញានុយក្លេអ៊ែរជិត១ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 18/11/2026

បរទេស ៖ រយៈពេល៩ខែមកហើយបន្ទាប់ពីការផុតកំណត់នៃសន្ធិសញ្ញា New START ដែលមានន័យថា មហាអំណាចនុយក្លេអ៊ែរធំៗបំផុតរបស់ពិភពលោកនឹងមិនមានដែនកំណត់ផ្លូវច្បាប់ទៀតឡើយទៅលើការគ្រប់គ្រងឃ្លាំងអាវុធយុទ្ធសាស្ត្រប្រល័យលោក។ មកដល់ពេលនេះប្រធានាធិបតីអាមេរិក លោក Donald Trump ប្រធានាធិបតីចិន លោក Xi Jinping និងប្រធានាធិបតីរុស្ស៊ី លោក Vladimir Putin គ្រោងជួបប្រជុំគ្នានៅថ្ងៃព្រហស្បតិ៍

ពាណិជ្ជកម្ម​កម្ពុជា​-​បារាំង ​ឈាន​ដល់​ដំណាក់កាល​អនុវត្ត​ឱ្យ​ចេញ​ជា​លទ្ធផល​ជាក់ស្តែង​

ព្រឹត្តិការណ៍, សេដ្ឋកិច្ច

• 18/11/2026

​ ​ទំនាក់ទំនង​សេដ្ឋកិច្ច​រវាង​កម្ពុជា​ ​និង​បារាំង ​បាន​ឈាន​ដល់​ដំណាក់កាល​អនុវត្ត ​ដើម្បី​បង្កើត​លទ្ធផល​ជាក់ស្តែង​ ​ដោយ​ផ្អែក​លើ​សក្តានុពល​សេដ្ឋកិច្ច​ ​និង​ចំណុច​ខ្លាំង​របស់​កម្ពុជា​ ​ដែល​អាច​ទាក់ទាញ​វិនិយោគិន​បារាំង

ន​នោង​ជ្រុង ​ដំណាំ​រយៈពេល​ខ្លី ងាយ​ដាំដុះ​ ​និង​អាច​រក​ចំណូល​បាន​ជិត ​២០ ​លាន​រៀល​លើ​ផ្ទៃដី​ ​៧៥ ​អា

ជំនួញ, ព្រឹត្តិការណ៍

• 18/11/2026

ដំណាំននោង​ជ្រុង​កំពុង​បង្ហាញ​ពី​សក្តានុពល​ជា​បន្លែ​សេដ្ឋកិច្ច​មួយ​សម្រាប់​កសិករ ​ដោយ​សារ​ងាយស្រួល​ដាំដុះ​ ថែទាំ​មិន​ស្មុគស្មាញ ​អាច​ដាំ​បាន​គ្រប់​រដូវ​កាល​ ​និង​ឆាប់​ទទួល​បាន​ផល ​ដែល​អាច​ជួយ​បង្កើត​ប្រាក់​ចំណូល​ជា​ប្រចាំ​សម្រាប់​គ្រួសារ​កសិករ

ប៊ុលហ្គារី ​និង​វៀតណាម ​​ប្តេជ្ញា​ពង្រីក​កិច្ច​សហប្រតិបត្តិការ​សេដ្ឋកិច្ច​ ​និង​ការពារ​ជាតិ​

ព្រឹត្តិការណ៍, សេដ្ឋកិច្ច

• 18/11/2026

ប៊ុលហ្គារី ​និង​វៀតណាម ​បាន​ប្តេជ្ញា​ពង្រឹង​ភាព​ជា​ដៃគូ​យុទ្ធសាស្ត្រ​ឱ្យ​កាន់តែ​ស៊ីជម្រៅ​ ​តាមរយៈ​ការ​ពង្រីក​កិច្ច​សហប្រតិបត្តិការ​លើ​វិស័យ​សេដ្ឋកិច្ច​ ​ការពារ​ជាតិ​ ការ​អប់រំ​ ​និង​បច្ចេកវិទ្យា​ខ្ពស់ ​ក្នុង​ជំនួប​ទ្វេ​ភាគី​រវាង​ប្រមុខ​រដ្ឋ​នៃ​ប្រទេស​ទាំង​ពីរ ​នៅ​រាជធានី​ភ្នំពេញ​ ​ប្រទេស​កម្ពុជា

អូស៊ីអាយស៊ី រៀបចំកិច្ចពិភាក្សាតុមូលជាមួយក្រុមប្រឹក្សាធុរកិច្ចកាណាដា-អាស៊ាន ដោយនាំយកថ្នាក់ដឹកនាំធុរកិច្ចមកពីប្រទេសកាណាដា និងតំបន់មេគង្គមកជួបជុំគ្នានៅអគារ Connexion កោះពេជ្រ

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានរៀបចំកម្មវិធីពិភាក្សាតុមូលផ្នែកពាណិជ្ជកម្មរវាងកាណាដា និងតំបន់មេគង្គ នៅថ្ងៃទី ១៤ ខែវិច្ឆិកា ឆ្នាំ ២០២៦ នៅ Innovation Lab ក្នុងអគារ Connexion កោះពេជ្រ។ កម្មវិធីនេះត្រូវបានរៀបចំឡើងដោយក្រុមប្រឹក្សាពាណិជ្ជកម្មកាណាដា-អាស៊ាន (CABC)

កម្ពុជា​រំពឹង​សម្រេច​កំណើន​សេដ្ឋកិច្ច​ ៤​%​ ​នៅ​ឆ្នាំ​ ២០២៦ ​និង​កើន​ដល់​ ៤​,​៨​%​​ នៅ​ឆ្នាំ ​២០២៧

ព្រឹត្តិការណ៍, សេដ្ឋកិច្ច

• 17/11/2026

សេដ្ឋកិច្ច​កម្ពុជា​ត្រូវ​បាន​ព្យាករ​ថា​នឹង​សម្រេច​កំណើន​ក្នុង​រង្វង់​ ៤​%​ ​នៅ​ឆ្នាំ ​២០២៦ ​និង​បន្ត​កើន​ដល់​ ៤​,​៨​%​ ​នៅ​ឆ្នាំ​២០២៧ ​ដោយ​រាជ​រដ្ឋាភិបាល​គ្រោង​ប្រមូល​ចំណូល​ថវិកា​រដ្ឋ​ប្រមាណ​ ​១៥​,​២៤​%​ ​នៃ​ផលិតផល​ក្នុង​ស្រុក​សរុប​ ​(​ផ.ស.ស.​) ​និង​កំណត់​ចំណាយ​សរុប​ថ្នាក់​ជាតិ​ក្នុង​ទំហំ​ ១៥​,​៨៩​%​ ​នៃ​ ​ផ.​ស.ស. ​ដើម្បី​រក្សា​លំនឹង​សង្គម​-​សេដ្ឋកិច្ច​ ​និង​គាំទ្រ​កំណើន​ក្នុង​បរិការណ៍​នៃ​ភាព​មិន​ប្រាកដប្រជា

ណា​តូ ​លុប​ចោល​កិច្ច​ប្រជុំ​កំពូល​ឆ្នាំ ​២០២៧ ​ចំពេល​ភាព​តានតឹង​អាម៉េរិក​-​អឺរ៉ុប​កើនឡើង​

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

អង្គការ​សន្ធិសញ្ញា​អាត្លង់ទិក​ខាង​ជើង​ ​(​NATO​) ​បាន​សម្រេច​មិន​រៀបចំ​កិច្ច​ប្រជុំ​កំពូល​ថ្នាក់ដឹកនាំ​នៅ​ឆ្នាំ ​២០២៧ ​តាម​ផែនការ​ដើមឡើយ​ ​ដោយសារ​ការ​ខ្វែងគំនិត​គ្នា​កាន់តែ​ខ្លាំង​ឡើង​ក្នុង​ចំណោម​សម្ព័ន្ធមិត្ត​ ​ជាពិសេស​រវាង​សហរដ្ឋ​អាម៉េរិក​ ​និង​ប្រទេស​ជា​សមាជិក​អឺរ៉ុប