គម្ពីរទឹកឃ្មុំ សៀវភៅថ្មីពណ៌នាក្បោះក្បាយអំពីឃ្មុំ ផ្ដល់ប្រយោជន៍មហាសាល

ភ្នំពេញ ៖ ទឹកឃ្មុំ ជាសារធាតុរាវម្យ៉ាងដែលប្រជាជនខ្មែរក៏ដូចជាជាតិសាសន៍ដទៃទៀតចាត់ទុកថាជាអាហារវត្ថុធាតុដើមយ៉ាងសំខាន់សម្រាប់ផ្សំនៅក្នុងការធ្វើចំណីអាហារ ភេសជ្ជៈ ក៏ដ៏ដូចជាឱសថបែបបុរាណដ៏មានប្រសិទ្ធភាពខ្ពស់ចំពោះសុខភាពរស់នៅប្រចាំថ្ងៃ រហូតមានការបង្កើតជាកសិដ្ឋានចិញ្ចឹមឃ្មុំដើម្បីយកទឹក និងសាច់ឃ្មុំតាមបច្ចេកទេសបន្ថែមពីលើការរកបានដោយធម្មជាតិ។

នៅក្នុងចំណោមកសិដ្ឋានជាច្រើនទីតាំង ក្នុងនោះមានម្ចាស់កសិដ្ឋានចិញ្ចឹមឃ្មុំមួយកន្លែងបានស្រាវជ្រាវ និងចងក្រងសៀវភៅមួយក្បាលដែលបានរៀបរាប់យ៉ាងក្បោះក្បាយអំពីរបៀបរបបនៃការរស់នៅប្រចាំថ្ងៃរបស់សត្វឃ្មុំ ដោយមានបញ្ចូលទាំងលក្ខណៈបច្ចេកទេសនៃការចិញ្ចឹម និងថែទាំសត្វឃ្មុំយ៉ាងលម្អិត ក្រោមការដាក់ចំណងជើងថា «គម្ពីរទឹកឃ្មុំ»។

«គម្ពីរទឹកឃ្មុំ» ជាឈ្មោះសៀវភៅមួយក្បាលដែលត្រូវបានចងក្រងឡើងដោយក្ដោបរួមនូវអត្ថន័យដើម្បីជួយឱ្យបងប្អូនរៀនស្គាល់ពីទឹកឃ្មុំ ចាប់តាំងពីដំណាក់កាលដំបូងរហូតដល់ការចេះប្រើប្រាស់ដោយលម្អិតជិត១០០វិធី ទាំងការចេះទុកដាក់ទឹកឃ្មុំ ចេះប្រើប្រាស់ទឹកឃ្មុំ និងការផ្សំជាមួយរុក្ខជាតិផ្សេងៗដើម្បីបានជាប្រយោជន៍ក្រោយពេលប្រើប្រាស់។

លោក គង់ មាស ជាអ្នកនិពន្ធ ក៏ដូចជាស្ថាបនិកកសិដ្ឋានឃ្មុំមាស បានមានប្រសាសន៍យ៉ាងដូច្នេះថា ៖

“ខ្ញុំសរសេរសៀវភៅនេះឡើង ដើម្បីដោះស្រាយបញ្ហារបស់អ្នកលក់ក៏ដូចជាអ្នកទិញទឹកឃ្មុំដែលមិនជឿទុកចិត្ត ឬក៏មិនដឹងថាទឹកឃ្មុំនេះសុទ្ធ ឬមិនសុទ្ធ ឯអ្នកលក់មិនដឹងគួរនិយាយយ៉ាងណាទៅកាន់អតិថិជនដើម្បីឱ្យគេជឿជាក់។ មួយវិញទៀតគឺដើម្បីផ្ដល់នូវចំណេះដឹងពីប្រភេទទឹកឃ្មុំ ការប្រើប្រាស់ និងទុកដាក់ទឹកឃ្មុំឱ្យមានគុណភាព និងប្រសិទ្ធភាពខ្ពស់ ដែលអាចដោះស្រាយបញ្ហាផ្សេងៗបាន មិនថាអ្នកលក់ ឬអ្នកទិញ គឺយល់ដឹង និងយកទៅប្រើជាប្រយោជន៍ទាំងអស់គ្នាបាន”

បច្ចុប្បន្ននេះ លោកបានបោះពុម្ពសៀវភៅ គម្ពីរទឹកឃ្មុំលើកដំបូងចំនួន ១ ០០០ក្បាល ហើយឃើញថាមានការគាំទ្រ ក៏ដូចជាកម្ម៉ង់ទិញច្រើនសំណាក់បងប្អូនមានវ័យចន្លោះ ៣០-៤០ឆ្នាំដែលចាប់អារម្មណ៍នឹងការស្រាវជ្រាវ ការថែរក្សាសុខភាពតាមបែបធម្មជាតិ ពោលគឺអ្នកនិយមប្រើប្រាស់ទឹកឃ្មុំតែម្ដង។ ចំណែកតម្លៃនៃការលក់វិញ គឺលក់ក្នុងតម្លៃ ២៥ ដុល្លារ ក្នុងមួយក្បាល ហើយលោកក៏មានការរំពឹងថានឹងអាចលក់បាន ២ ០០០ក្បាលនាពេលខាងមុខ។

លោកថា សៀវភៅនេះបានផ្ដល់ប្រយោជន៍មហាសាលដល់អ្នកដែលជាប់ពាក់ព័ន្ធនឹងវិស័យទឹកឃ្មុំ មិនថាអ្នកលក់ទឹកឃ្មុំ ឬក៏អ្នកប្រើប្រាស់នោះទេ ជាពិសេសគឺអាចសម្រួលដល់វិស័យទឹកឃ្មុំទាំងមូលឲ្យដើរទៅមុខបានលឿនតាមរយៈការអប់រំឱ្យពលរដ្ឋចេះប្រើប្រាស់ទឹកឃ្មុំ គឺអាចយល់ដឹង យល់សេចក្ដី និងស្រាយរាល់ចម្ងល់ទាក់ទងនឹងឃ្មុំតែម្ដង។ សៀវនេះក៏បានលើកឡើងពីចំណុចមួយចំនួនណែនាំឱ្យមនុស្សស្រឡាញ់បរិស្ថានធម្មជាតិថែមទៀតផង។

គម្ពីរទឹកឃ្មុំ ជាប្រភេទសៀវភៅធំល្មម មានក្របរឹង ហើយក្រាស់ ចំនួន ២៤៤ទំព័រ ចែកជា៥ជំពូកដូចខាងក្រោម៖

១-ជំពូកទី១ និយាយពីរបៀបប្រើប្រាស់ទឹកឃ្មុំក្នុងគម្ពីរសាសនាផ្សេងៗ ដូចជា ព្រះពុទ្ធសាសនា គម្ពីរវេទក្នុងសាសនាហិណ្ឌូ គម្ពីរកូអានក្នុងសាសនាឥស្លាម គម្ពីរគ្រីស្ទសាសនា និងរបៀបប្រើរបស់មនុស្សបុរាណ ដូចជា ក្រិកបុរាណ ចិនបុរាណ ឥណ្ឌាបុរាណ អេហ្ស៊ីបបុរាណ ប្រវត្តិទឹកឃ្មុំថ្ងៃ១៥កើត ខែចេត្រ ប្រវត្តិថ្ងៃរាត្រីក្រេបទឹកឃ្មុំ ការប្រើប្រាស់ទឹកឃ្មុំរបស់លោក អាញស្តាញ ជាដើម។

២-ជំពូកទី២ និយាយអំពីការប្រើប្រាស់ទឹកឃ្មុំតាមរបៀបមនុស្សសម័យថ្មី មាន៥០វីធីក្នុងការប្រើប្រាស់ទឹកឃ្មុំជាលក្ខណៈធម្មជាតិ និង ១៦វិធីក្នុងការប្រើប្រាស់ទឹកឃ្មុំតាមរបៀបខ្មែរ

៣- ជំពូកទី៣ និយាយពីប្រភេទទឹកឃ្មុំដោយលម្អិត គឺរៀនស្គាល់ពីប្រភេទទឹកឃ្មុំព្រៃ ទឹកឃ្មុំចិញ្ចឹម ទឹកឃ្មុំដែលមានតម្លៃថ្លៃបំផុតពិភពលោក ទឹកឃ្មុំនិងអ្នកជំងឺទឹកនោមផ្អែម សមាធាតុក្នុងទឹកឃ្មុំ និងវិធីតេស្តទឹកឃ្មុំ និងវិធីរក្សាទុកទឹកឃ្មុំជាដើម។

៤-ជំពូកទី៤ និយាយពីប្រភេទរុក្ខជាតិ និងសត្វឃ្មុំ បរិយាយពីប្រភេទរុក្ខជាតិដុះតាមរដូវកាលក្នុងមួយឆ្នាំៗ និងការរស់នៅរបស់សត្វឃ្មុំជាមួយរុក្ខជាតិតាមរដូវនីមួយៗ។

៥-ជំពូកទី៥ គឺជាបណ្តុំសំណួរ និងចម្លើយទាំង២៧ ដែលនិយមគេតែងសួរញឹកញាប់។

ដើម្បីចងក្រងសៀវភៅនេះ លោកបានចំណាយពេលជិត៣ឆ្នាំដោយបានចាប់ផ្ដើមនៅឆ្នាំ២០១៩ បន្ទាប់ពីលោកបានបើកកសិដ្ឋានចិញ្ចឹមឃ្មុំផ្ទាល់តែម្ដង ហើយបានបញ្ចប់នៅពាក់កណ្ដាលឆ្នាំ២០២១។ ក្នុងការរៀបចំចងក្រងនេះ លោកបានចំណាយដើមទុនប្រមាណ ៥ ០០០ ដុល្លារទៅលើការស្រាវជ្រាវ ទិញសៀវភៅ រចនាគ្របសៀវភៅ ក៏ដូចជាថ្លៃបោះពុម្ពផងដែរ។

សៀវភៅមួយក្បាលនេះជាកម្រងស្នាដៃដែលលោកបានអាន បកប្រែ ក៏ដូចជាសង្ខេបខ្លឹមសារសំខាន់ៗពីអត្ថបទស្រាវជ្រាវរបស់បរទេស ក៏ដូចជាសៀវភៅទាំងឡាយណាដែលមានចងក្រងអំពីឃ្មុំផងដែរ។ ឯកសារភាគច្រើនជាភាសាបរទេស ដែលបានចោទជាបញ្ហាប្រឈមសម្រាប់លោកក្នុងការបកប្រែ សម្រាយឱ្យងាយយល់ ពិសេសពាក្យបច្ចេកទេសទាក់ទងនឹងជំងឺជាដើម។ មួយវិញទៀតគឺការរចនាក្របសៀវភៅដែលត្រូវចំណាយពេលយូរ និងធ្វើម្ដងហើយម្ដងទៀតដើម្បីឱ្យមានអត្ថន័យជ្រាលជ្រៅលម្អិតនៅលើរូបនីមួយៗ ហើយចុងក្រោយគឺការប្រឈមុខនឹងការរិះគន់ពីសារធារណជនដែលគាត់បានបញ្ចេញមតិមិនសមស្របផ្សេងៗផងដែរ។

សម្រាប់ថ្ងៃអនាគត លោកចង់កែសម្រួលសៀវភៅនេះបន្តទៀតធ្វើយ៉ាងណាឱ្យមានព័ត៌មានគ្រប់គ្រាន់ ឆ្អែតភ្នែកសម្រាប់អ្នកអានគ្រប់សម័យកាល។ ម្យ៉ាងទៀត លោកក៏មានគម្រោងសរសេរសៀវភៅមួយផ្សេងទៀតដែលទាក់ទងនឹងផ្នែកតារាសាស្ត្រ ដែលជាផ្នែកមួយនៅកម្ពុជាយើងមិនទាន់មានអ្នកសរសេរឱ្យបានជ្រាលជ្រៅនៅឡើយ។ សម្រាប់អ្នកដែលចង់សរសេរសៀវភៅ លោក គង់ មាន បានលើកឡើងនូវមតិមួយចំនួនថា គប្បីត្រូវដាក់គោលដៅឱ្យច្បាស់ ដឹងពីខ្លួនឯងក៏ដូចជាទេពកោសល្យថាតើខ្លួនចូលចិត្តខាងណា ផ្នែកណា។ បន្ទាប់មក ត្រូវស្ទាបស្ទង់ពីរបៀបគេសរសេរ ទីផ្សារ និងដឹងថាខ្លួនឯងស្ថិតនៅចំណុចណានៃទីផ្សារ ហើយចុងក្រោយគឺការកំណត់គោលដៅ ថាតើអ្នកអានរបស់យើងជានរណា វ័យណា ហើយអាចដាក់លក់នៅលើទីផ្សារបានដោយរបៀបណា៕

កញ្ញា ម៉ាន់ ហ៊ុយលាង | Ms. Mann Huyleang

ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មីៗ

មើលទាំងអស់ ➧

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

ព័ត៌មានទូទៅ

មើលទាំងអស់ ➧

ម្ហូបឌីមសាំ ប៉ះជាមួយគ្រឿងទេសកំពត បង្កើតរសជាតិឆ្ងាញ់ ប្លែក និងច្នៃប្រឌិត

ព្រឹត្តិការណ៍, អត្ថបទពាណិជ្ជកម្ម

• 03/04/2026

ដើម្បីអបអរសាទរ និងលើកកម្ពស់រសជាតិអាហារបែប "Glocal" (ការរួមបញ្ចូលគ្នារវាងរសជាតិសកល និងរសជាតិក្នុងស្រុក) កាលពីល្ងាចថ្ងៃទី២ ខែមេសា ឆ្នាំ២០២៦ ភោជនីយដ្ឋាន Yi Sang ដែលទើបនឹងសម្ពោធថ្មីៗស្ថិតនៅក្នុងអាកាសយានដ្ឋានអន្តរជាតិតេជោ

សហគមន៍កសិកម្មទំនើបកើនឡើងដល់ ៣១ ជាមួយកិច្ចសន្យាផលិតកម្មមានតម្លៃជាង៤០លានដុល្លារ

ព្រឹត្តិការណ៍, សេដ្ឋកិច្ច

• 03/04/2026

រហូតមកដល់ពេលនេះ សហគមន៍កសិកម្មទំនើបដែលបង្កើតឡើងនៅចុងឆ្នាំ២០២៣ កើនឡើងដល់៣១ និងកិច្ចសន្យាផលិតកម្មជាង៤០លានដុល្លារអាម៉េរិក

កម្ពុជា គ្រោងកំណត់ការប្រើប្រាស់សារធាតុ “អាសបេស្ដុស”ក្នុងវិស័យសំណង់

ព្រឹត្តិការណ៍, អចលនទ្រព្យ

• 03/04/2026

ក្រសួងរៀបចំដែនដី នគរូបនីយកម្ម និងសំណង់ បានរៀបចំសិក្ខាសាលាពិគ្រោះយោបល់មួយស្ដីពី “ការវាយតម្លៃផលប៉ះពាល់ផ្នែកសេដ្ឋកិច្ចពាក់ព័ន្ធនឹងការប្រើប្រាស់សារធាតុអាសបេស្ដុស” កាលពីថ្ងៃទី០២ ខែមេសា ឆ្នាំ២០២៦

លំហូរសាច់ប្រាក់ពីបរទេសធ្លាក់ចុះជាង ២៣ ភាគរយ ក្រោយការវិលត្រឡប់របស់ពលករខ្មែរពីប្រទេសថៃ

ព្រឹត្តិការណ៍, សេដ្ឋកិច្ច

• 03/04/2026

ការវិលត្រឡប់របស់ពលករខ្មែរពីប្រទេសថៃ ពិតជាធ្វើឲ្យលំហូរប្រាក់ពីបរទេសថយចុះ ប៉ុន្តែ ក៏បានបង្ហាញពីផលវិជ្ជមានផងដែរ គឺអាចបំពេញកម្លាំងពលកម្មនៅក្នុងស្រុក។

សហគមន៍កសិកម្មទំនើប បន្លែសំបូរមានជ័យ ពង្រីកផលិតផលថ្មីៗ ដើម្បីជីវភាពកសិករកាន់តែរីកចម្រើន

ជំនួញ, ព្រឹត្តិការណ៍

• 03/04/2026

សហគមន៍កសិកម្មទំនើប បន្លែសំបូរមានជ័យ ខេត្តកំពង់ចាម បានព្យាយាមបង្កើតផលិតផលថ្មីៗបន្ថែមទៀត ដើម្បីធ្វើយ៉ាងណាឱ្យកសិករកាន់តែទទួលបានប្រាក់ចំណូលពីមុខរបរកសិកម្មរបស់ខ្លួនច្រើនជាងមុន

អ៊ីរ៉ង់ បានបាញ់ទម្លាក់ F-35 របស់អាម៉េរិកយ៉ាងជោគជ័យ ក្រោយការចែករំលែកទិចនិកបាញ់ពីសំណាក់អ្នកជំនាញចិន

ព្រឹត្តិការណ៍, អាជីវកម្មថ្មី និងនវានុវត្ត

• 03/04/2026

វិស្វករជនជាតិចិនម្នាក់បានធ្វើឱ្យមានការភ្ញាក់ផ្អើលយ៉ាងខ្លាំងនៅលើបណ្តាញសង្គម បន្ទាប់ពីបានបង្ហោះវីដេអូបង្រៀនលម្អិតអំពីរបៀបបាញ់ទម្លាក់យន្តហោះចម្បាំងបំបាំងកាយទំនើបបំផុត F-35 របស់សហរដ្ឋអាម៉េរិក។

កសិករ៤គ្រួសារ ប្រើប្រាស់ដីរួមគ្នាទំហំ៤០អា ដាំបន្លែចម្រុះ រកចំណូលផ្គត់ផ្គង់គ្រួសាររស់នៅយ៉ាងសុខសាន្ត

ជំនួញ, ព្រឹត្តិការណ៍

• 02/04/2026

កសិករចំនួន៤គ្រួសារ នៅក្នុងភូមិមួយនៃខេត្តសៀមរាប បានរួមគ្នាប្រើប្រាស់ដីទំនេរទំហំជាង៤អា ឬជាង៤០០០ម៉ែត្រការ៉េ ដើម្បីដាំបន្លែចម្រុះ ឆ្លាស់គ្នាផ្គត់ផ្គង់នៅលើទីផ្សារក្នុងតំបន់ ដោយអាចរកចំណូលបានសមរម្យសម្រាប់ផ្គត់ផ្គង់ជីវភាពគ្រួសាររស់នៅយ៉ាងមានសេចក្ដីសុខ

ក្រោយបញ្ចប់ការចុះបញ្ជីទូទាំងប្រទេស ក្រសួងដែនដីបន្តបេសកកម្មផ្សេងទៀត ដើម្បីឱ្យពលរដ្ឋរស់នៅកាន់តែស្រួល តជំនាន់

Top News, ព្រឹត្តិការណ៍, អចលនទ្រព្យ

• 02/04/2026

ក្រសួងរៀបចំដែនដី នគរូបនីយកម្ម និងសំណង់ នឹងបន្តបេសកកម្មធ្វើការងារផ្សេងទៀត ដើម្បីធ្វើយ៉ាងណាឱ្យប្រទេសជាតិ ក៏ដូចជាប្រជាពលរដ្ឋកម្ពុជាទាំងអស់រស់នៅប្រកបដោយសុខុដុមរមនាទាំងអស់គ្នា និងតជំនាន់

Hacker កូរ៉េខាងជើង អាចលួចបញ្ចូល bug software ទៅក្នុងដំណើរប្រតិបត្តិការក្រុមហ៊ុនរាប់ពាន់នៅអាម៉េរិក

ព្រឹត្តិការណ៍, អាជីវកម្មថ្មី និងនវានុវត្ត

• 02/04/2026

អ្នកជំនាញអាម៉េរិកថា hackers របស់កូរ៉េខាងជើងកំពុងប្រើប្រាស់ software មួយប្រភេទដែលមានផ្ទុកទៅដោយមេរោគ ឬ bug ជាយុទ្ធសាស្ត្ររបស់ខ្លួនដំណើរការនៅក្នុងក្រុមហ៊ុនរាប់ពាន់នៅសហរដ្ឋអាម៉េរិក