សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ KOTO មិនត្រឹមតែជាភោជនីយដ្ឋានដែលមានផ្តល់សេវាផ្នែកម្ហូបអាហារ និងភេសជ្ជៈនោះទេ ប៉ុន្តែវាជាសហគ្រាសសង្គមមួយដែលមានបេសកកម្ម ផ្តល់សិទ្ធិ និងផ្តល់អត្ថប្រយោជន៍ជាច្រើនទៅដល់ក្រុមយុវជនក្រីក្រ និងយុវជនកំពុងសិក្សាតាមសកលវិទ្យាល័យផងដែរ។
តាមរយៈការបណ្តុះបណ្តាលវិជ្ជាជីវៈ និងបង្កើតឱកាសការងារនៅក្នុងឧស្សាហកម្មបដិសណ្ឋារកិច្ចភោជនីយដ្ឋាន KOTO ផ្តល់នូវផ្លូវទៅកាន់អនាគតដ៏ភ្លឺស្វាងសម្រាប់យុវជនដែលកំពុងប្រឈមមុខនឹងភាពក្រីក្រ អំពើហិង្សា ឬបញ្ហាប្រឈមផ្សេងទៀតផងដែរ។
អាជីវកម្មរបស់ KOTO បានចាប់ផ្តើមនៅឆ្នាំ១៩៩៧ ជាមួយនឹងចក្ខុវិស័យដ៏សាមញ្ញ ប៉ុន្តែមានប្រជាប្រិយភាព ពោល គឺផ្តល់ឲ្យឱកាសដល់យុវជនដែលជួបការលំបាកជាមួយនឹងជំនាញ និងបទពិសោធន៍ដែលត្រូវការដើម្បីរីកចម្រើនក្នុងទីផ្សារការងារសេវាកម្មម្ហូបអាហារ។
KOTO បានដំណើរការភោជនីយដ្ឋានមួយកន្លែងដែលសិក្ខាកាមទទួលបានវគ្គបណ្តុះបណ្តាលយ៉ាងទូលំទូលាយក្នុងការរៀបចំម្ហូបអាហារ សេវាកម្ម និងការគ្រប់គ្រងបដិសណ្ឋារកិច្ច ខណៈពេលដែលសិក្ខាកាមមានឱកាសធ្វើការជាមួយបុគ្គលិកដែលមានបទពិសោធន៍។ ជាលទ្ធផល KOTO បានក្លាយទៅជាអាជីវកម្មដែលមានម៉ូដេលលើសពីម្ហូបអាហារ ហើយវាថែមទាំងបានបង្កើតជាកម្មវិធីផ្តល់អាហារូបករណ៍ និងបទពិសោធជាក់ស្តែង ខណៈដែលសិក្ខាកាមសុទ្ធតែជានិស្សិតក្រីក្រទាំងនោះទទួលបានមិនត្រឹមតែការអភិវឌ្ឍន៍វិជ្ជាជីវៈប៉ុណ្ណោះទេ ថែមទាំងទទួលបានការគាំទ្រផ្នែកសិក្សា និងប្រាក់កម្រៃផងដែរ។
គួរឲ្យដឹងដែរថា ធុរកិច្ចបរិយាប័ន្ន គឺជាអាជីវកម្មឈរលើគោលការណ៍ធុរកិច្ច សំដៅទៅលើអង្គភាពទាំងឡាយណាដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។ បន្ទាត់អាជីវកម្មបរិយាប័ន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់គួរសម និងបង្កើននូវស្តង់ដារជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ៕
Account
Security
Favourite Content