សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងរយៈពេល៣ខែ នៃត្រីមាសដំបូង ឆ្នាំ២០២២កន្លងទៅនេះ កម្ពុជាបានធ្វើការនាំចូលត្បូងគ្រប់ប្រភេទ និងគ្រឿងអលង្ការមកពីទីផ្សារអន្តរជាតិមានតម្លៃសរុបប្រមាណ ១ ៣១៧លានដុល្លារអាមេរិក ខណៈដែលការនាំចេញវិញមានទំហំត្រឹមប្រមាណ ៩១លានដុល្លារប៉ុណ្ណោះ ។
តាមទិន្នន័យដែលកត់ត្រាដោយអគ្គនាយកដ្ឋានគយ និងរដ្ឋាករកម្ពុជា បានបញ្ជាក់ថា ពីខែមករា ដល់ខែមីនា ឆ្នាំ២០២២ កម្ពុជាបានធ្វើការនាំចូលផលិតត្បូងចំរុះ និងគ្រឿងអលង្ការនានាពីបណ្តាទីផ្សារអន្តរជាតិមានតម្លៃសរុបប្រមាណ ១ ៣១៧លានដុល្លារ ធៀបទៅនឹងរយៈពេលដូចគ្នាកាលពី២០២១ ថយចុះ ៤៦,២ភាគរយ ខណៈដែលគិតតែក្នុងខែមីនា ការនាំចូលមានតម្លៃ ១៣៥លានដុល្លារ ធ្លាក់ចុះប្រមាណ ៨៧,៨ភាគរយ។
នៅក្នុងទិន្នន័យដដែលបានបង្ហាញទៀតថា នៅក្នុងរយៈពេល៣ខែដូចគ្នានេះ កម្ពុជាបានធ្វើការនាំចេញត្បូងគ្រប់ប្រភេទ និងគ្រឿងអង្ការទៅទីផ្សារក្នុងតំបន់ និងអន្តរជាតិមានតម្លៃសរុប ៩១លានដុល្លារ កើនឡើងប្រមាណ ១៣៨៧,៥ភាគរយ ខណៈដែលគិតតែក្នុងខែមីនា ការនាំចេញមានទំហំ ៥៥លានដុល្លារ កើនឡើង ២៨៤១ភាគរយ បើធៀបនឹងរយៈពេលដូចគ្នាកាលពីឆ្នាំ២០២១ ដែលមានទំហំត្រឹម១លានដុល្លារប៉ុណ្ណោះ។
គួរបញ្ជាក់ផងដែរថា តាមទិន្នន័យដែលកត់ត្រាដោយអគ្គនាយកដ្ឋានគយ និងរដ្ឋាករកម្ពុជា បានបង្ហាញថា ផលិតផលមានតម្លៃ រួមមានដូចជាផលិតផលត្បូងចំរុះ និងគ្រឿងអលង្ការនានាដែលបាននាំចេញចាប់ពីខែមករា ដល់ខែមីនា ឆ្នាំ២០២២ មានដូចជា គុជខ្យងធម្មជាតិ ឬចិញ្ចឹម, ត្បូងថ្មមានតម្លៃ ឬមានតម្លៃមធ្យម, លោហៈធាតុមានតម្លៃ លោហៈធាតុស្រោបដោយលោហៈធាតុមានតម្លៃ គ្រឿងអលង្ការកាឡៃ និងកាក់ ជាដើម។
ជាមួយគ្នានេះ ដើម្បីលើកកម្ពស់ទីផ្សារគ្រឿងអលង្ការ និងត្បូងកម្ពុជា ក្រសួងពាណិជ្ជកម្ម បានជូនដំណឹងស្ដីពីការប្រារព្វពិធីតាំងពិព័រណ៍នៅប្រទេសសិង្ហបុរីក្នុងខែកក្កដា ឆ្នាំ២០២២ ទៅដល់បណ្តាធុរកិច្ចលើវិស័យគ្រឿងអលង្ការ ដើម្បីចុះឈ្មោះចូលរួមផងដែរ។
នៅក្នុងសេចក្ដីជូនដំណឹងបានបញ្ជាក់ថាយ៉ាងដូច្នេះថា ក្រុមហ៊ុនរៀបចំពិព័រណ៍ និងសេវាសន្និសីទរបស់ប្រទេសសិង្ហបុរី នឹងរៀបចំពិព័រណ៍គ្រឿងអលង្ការអន្តរជាតិសិង្ហបុរី “Singapore International Jewelry Expo 2022″ ដែលនឹងប្រព្រឹត្តទៅចាប់ពីថ្ងៃទី១៤-១៧ ខែកក្កដា ឆ្នាំ២០២២ នៅមជ្ឈមណ្ឌលតាំងពិព័រណ៍ Marina Bay Sands Expo & Convention Centre, Hall A & B, Level 1 ប្រទេសសិង្ហបុរី។ នេះជាព្រឹត្តិការណ៍ពាណិជ្ជកម្មលើវិស័យគ្រឿងអលង្ការកម្រិតអន្តរជាតិដ៏ធំ និងទទួលបានជោគជ័យអស់រយៈពេល ១៦ឆ្នាំរួចមកហើយ ដោយមានអ្នកចូលរួមតាំងពិព័រណ៍អន្តរជាតិជាង២២០ ក្រុមហ៊ុន មកពីប្រទេសចំនួន២២ ផ្សេងៗគ្នាទាំងក្នុងតំបន់ និងអន្តរជាតិ។
ក្រសួងពាណិជ្ជកម្ម ក្នុងនាមអ្នកសម្របសម្រួលការងារពិព័រណ៍ជូនគណៈកម្មការរៀបចំពិព័រណ៍ របស់ប្រទេសសិង្ហបុរី សូមអញ្ជើញលោក-លោកស្រី ជាម្ចាស់សហគ្រាសគ្រឿងអលង្ការ និងត្បូងថ្មមានតម្លៃ ដែលមានចំណាប់អារម្មណ៍ចង់ចូលរួមក្នុងព្រឹត្តិការណ៍ពាណិជ្ជកម្មនេះ សូមទាក់ទងដោយត្រង់ទៅលោកស្រី Judy Lee អគ្គនាយិកាក្រុមហ៊ុនរៀបចំព្រឹត្តិការណ៍ តាមរយៈអ៊ីម៉ែល៖ judy®cems.com.sg ទូរស័ព្ទ (+65) 96 60 99 38 ឬទាក់ទងមកនាយកដ្ឋានកិច្ចការពិព័រណ៍ អគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្ម តាមរយៈអាសយដ្ឋាន ដីឡូត៍លេខ១៩-៦១ មហាវិថីសហព័ន្ធរុស្ស៊ី ភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ ទូរស័ព្ទលេខ ០៨៧ ៧៥៥ ៥៥១ ឬ អ៊ីម៉ែល ritatong19gmail.com ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជា កំពុងពិនិត្យលទ្ធភាពកែច្នៃសំរាម ទៅជាអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ
Top News, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 02/10/2026
ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបរិស្ថាន កំពុងពិនិត្យលទ្ធភាពកែច្នៃសំរាម និងសំណល់រឹង ទៅជាថាមពលអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ។ មន្ដ្រីជាន់ខ្ពស់ក្រសួងបរិស្ថាន បានប្រាប់បណ្ដាញសារព័ត៌មាន AMS នៅថ្ងៃទី២ ខែតុលា នេះ ថា លទ្ធភាពកែច្នៃទៅរួច ឬអត់ គឺស្ថិតនៅលើទុនវិនិយោគរបស់ក្រុមហ៊ុនធំណាមួយនឹងចូលខ្លួនមកកែច្នៃ ព្រោះគម្រោងនេះត្រូវចំណាយច្រើន
អាម៉េរិកចំណាយជាង ៥ ពាន់លានដុល្លារជួសជុល និងធ្វើទំនើបកម្មនាវាផ្ទុកយន្តហោះ USS Harry S. Truman
ព្រឹត្តិការណ៍, អាជីវកម្មថ្មី និងនវានុវត្ត
• 02/10/2026
សហរដ្ឋអាម៉េរិកគ្រោងចំណាយ ៥,១ ពាន់លានដុល្លារ ដើម្បីជួសជុល ថែទាំ និងធ្វើទំនើបកម្មនាវាផ្ទុកយន្តហោះចម្បាំង USS Harry S. Truman ដើម្បីត្រៀមនាវានេះសម្រាប់បន្តប្រើប្រាស់ក្នុងពាក់កណ្តាលជីវិតបម្រើការងារដែលនៅសល់
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សហគ្រិនខ្មែរ, ក្រុមហ៊ុន 2080 Ventures និងក្រុមហ៊ុន Seedstars រៀបចំព្រឹត្តិការណ៍ Cambodia Entrepreneur Showcase
ក្រុមហ៊ុនជាង២០០មកពីប្រទេសជាង១០ បង្ហាញម៉ាកយីហោក្នុងព្រឹត្តិការណ៍ពិព័រណ៍ពាណិជ្ជកម្មដ៏ធំនៅរាជធានីភ្នំពេញ
Account
Security
Favourite Content