សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពង់ស្ពឺ ៖ ស្ករត្នោតកំពង់ស្ពឺ ជាផលិតផលប្រចាំតំបន់មួយរបស់បងប្អូនអ្នកខេត្តកំពង់ស្ពឺដែលសម្បូរទៅដោយដើមត្នោត និងកែច្នៃធ្វើជាស្ករដ៏មានឱជារសឆ្ងាញ់ ផ្អែម ក្លិនឈ្ងុយយ៉ាងពិសេសជាងស្ករនៅតាមតំបន់ដទៃ ខណៈដែលសមាគមស្ករត្នោតកំពង់ស្ពឺក៏កំពុងជំរុញការផ្សព្វផ្សាយ ដើម្បីបង្កើនការលក់ ទាញយកចំណូលបន្ថែមអ្នកផលិតស្ករត្នោតនៅក្នុងតំបន់។
សមាគមស្ករត្នោតកំពង់ស្ពឺ មានទីតាំងស្ថិតក្នុងភូមិអង្គតាប៉ុក ឃុំជើងរាស់ ស្រុកឧដុង្គ ខេត្តកំពង់ស្ពឺ ដែលត្រូវបានបង្កើតឡើងក្នុងគោលបំណង ការពារ និងផ្សព្វផ្សាយស្នាដៃផលិតករ ក៏ដូចជាគុណភាពស្ករត្នោតកំពង់ស្ពឺ ដែលជាផលិតផលក្នុងស្រុក និងផ្តល់ផលប្រយោជន៍ដល់កសិករដែលជាអ្នកផលិត ដ៏ដូចជាអាជីវករដែលជាអ្នកលក់បន្ត ជាពិសេសចូលរួមថែរក្សាសុខភាពអ្នកទទួលទានផងដែរ។
កញ្ញា សុភាវី សមាជិកផ្សព្វផ្សាយ និងទីផ្សាររបស់សមាគមខាងលើនេះបានរៀបរាប់ឱ្យដឹងថា សមាគមមួយនេះបានបង្កើតឡើងកាលពីឆ្នាំ ២០០៨ ដោយបានផ្តោតការយកចិត្តទុកដាក់ក្នុងការលើកកម្ពស់ និងគុណតម្លៃស្ករត្នោតកំពង់ស្ពឺ ដើម្បីអាចជួយដល់កសិករច្រើនរយនាក់ដែលជាអ្នកផលិតជារៀងរាល់ឆ្នាំ តាមរយៈការចុះបណ្ដុះបណ្ដាលពីបច្ចេកទេស ក៏ដូចជាដើរតួជាអ្នកសម្របសម្រួលរវាងអ្នកផលិត និងឈ្មួញដែលអ្នកទិញយកទៅធ្វើជាអាជីវកម្មបន្តផងដែរ។
កញ្ញាបន្តថា ៖
“ខាងសមាគមបានចុះបញ្ជីស្ករត្នោតកំពង់ស្ពឺចូលជាទំនិញសម្គាល់ភូមិសាស្ត្រ ដែលធ្វើឱ្យតម្លៃស្ករត្នោតលើទីផ្សារហាក់មានការកើនឡើង។ ចំណែកតំបន់ក្នុងសហគមន៍អាចផលិតស្ករត្នោតបានប្រមាណ ១៥០-២៥០តោនក្នុងមួយឆ្នាំចេញពីតំបន់របស់សមាគម ហើយសកម្មភាពទាំងនេះក៏ជាការលើកកម្ពស់នៃគុណតម្លៃស្ករត្នោតកំពង់ស្ពឺដែលមានចំនួន ៣ស្រុក គឺស្រុកឧដុង្គ ស្រុកសំរោងទង ខេត្តកំពង់ស្ពឺ និងស្រុកអង្គស្នួល ខេត្តកណ្ដាល”
ទាក់ទងទៅនឹងលក្ខណៈពិសេសរបស់ស្ករត្នោតកំពង់ស្ពឺ ត្រូវបានកញ្ញា សុភាវី បញ្ជាក់ប្រាប់ថា សមាគមស្ករត្នោតកំពង់ស្ពឺ មានចំណុចសំខាន់ៗមួយចំនួន ដូចជា ភាពអំណោយផលពីកត្តាភូមិសាស្ត្រ ដោយសារតែតំបន់តាំង ៣ ស្ថិតនៅលើប្រភេទដីល្អ មានដើមត្នោតច្រើន ហើយដើម្បីទទួលបានសិទ្ធិផលិតស្ករត្នោតនៅក្នុងសមាគមកំពង់ស្ពឺបាន ត្រូវចុះបញ្ជីនៅសមាគមដើម្បីក្លាយជាសមាជិក ដោយសមាគមមានអ្នកជំនាញធ្វើការតាមដានគុណភាព និងការផលិតរហូតបានលក់លើទីផ្សារ ជាពិសេស ការប្រមូលផលទឹកត្នោត និងការផលិតស្ករ ត្រូវចាប់ផ្ដើមនៅដើមខែធ្នូ ដល់ចុងខែឧសភា ដោយកសិករដែលជាផលិតករត្រូវធ្វើតាមបច្ចេកទេសគិតចាប់ពីការយកទឹកត្នោត រហូតដល់ការការរម្ងាស់ ។
ដោយឡែកសម្រាប់ការរម្ងាស់ទឹកត្នោតគេត្រូវប្រើចង្ក្រានកែច្នៃដែលប្រើអុសតិច ការពារផ្សែង និងកម្ទេចកម្ទីផ្សេងៗចូលទៅក្នុងខ្ទះ ដែលធ្វើឱ្យស្ករមានពណ៌ល្អ។ ចំណែកការរក្សាទុកស្ករត្នោតវិញ គេអាចប្រើជាពាង ឬខាប់ធ្វើពីដីឥដ្ឋ និងធុងជ័ររឹង ដែលត្រូវទុកនៅកន្លែស្ងួតល្អ កន្លែងស្អាត និងឆ្ងាយពីពន្លឺថ្ងៃ។
ទាក់ទងនឹងអតិថិជនវិញ កញ្ញាបានបន្ថែមថា អតិថិជនរបស់ស្ករត្នោតកំពង់ស្ពឺភាគច្រើនជាបងប្អូនក្នុងតំបន់ និងធ្វើការចែកចាយនៅទូទាំប្រទេស។ ទន្ទឹមគ្នានឹងកិច្ចដំណើរការទីផ្សារស្ករត្នោតកំពង់ស្ពឺនេះផងដែរ កន្លងមកសមាគមស្ករត្នោតក៏ធ្លាប់ជួបនូវបញ្ហាប្រឈមផងដែរ ដូចជាការកាប់បំផ្លាញដើមត្នោត និងបាត់បង់ធនធានមនុស្សដែលជាអ្នកផលិត ភាគច្រើនមានវ័យចំណាស់ ចំណែកឯមនុស្សពេញកម្លាំងហាក់មិនចាប់អារម្មណ៍នឹងមុខរបរ ឬជំនាញនេះនោះទេ។
ជាចុងក្រោយ កញ្ញា សុភាវី ក៏សូមអំពាវនាវឱ្យបងប្អូនប្រជាជនខ្មែរទូទៅទាំងអស់បន្តជួយគាំទ្រ និងលើកតម្កើងផលិតផលក្នុងស្រុក ជាពិសេសស្ករត្នោតកំពង់ស្ពឺឱ្យមានទីផ្សារកាន់តែទូលំទូលាយ ក៏ដូចជាថែរក្សាដើមត្នោតឱ្យបានគង់វង្សទាំងអស់គ្នា៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ផលិតផលកសិកម្មរបស់កម្ពុជាមានវត្តមាននៅទីផ្សារជាង១៧០ប្រទេសលើពិភពលោក
Top News, ព្រឹត្តិការណ៍, សេដ្ឋកិច្ច
• 23/10/2026
ភ្នំពេញ ៖ ផលិតផលកសិកម្មរបស់កម្ពុជា បាន និងកំពុងពង្រីកទីផ្សារកាន់តែធំនៅក្រៅប្រទេស ដោយគិតមកដល់បច្ចុប្បន្ននេះ ផលិតផលកសិកម្មរបស់កម្ពុជាកំពុងចរាចរណ៍នៅលើទីផ្សារបរទេសបានប្រមាណ១៧០ប្រទេសហើយ ។ នេះបើតាមលោកបណ្ឌិត កែ មុន្ធីវុធ ប្រធាននាយកដ្ឋានការពារដំណាំ អនាម័យ និងភូតគាមអនាម័យនៃអគ្គនាយកដ្ឋានកសិកម្ម ក្រសួងកសិកម្ម រុក្ខាប្រមាញ់ និងនេសាទ ។ ថ្លែងនៅក្នុងវេទិកា និងពិព័រណ៍កសិកម្មកម្ពុជា
អាម៉េរិក ផ្តល់កុងត្រា១០ឆ្នាំ ផលិតយន្តហោះចម្បាំង F-35 ៨៥០គ្រឿងបន្ថែម
ព្រឹត្តិការណ៍, អាជីវកម្មថ្មី និងនវានុវត្ត
• 23/10/2026
បរទេស ៖ ក្រសួងការពារជាតិសហរដ្ឋអាមេរិក(មន្ទីរប៉ង់តាហ្គោន) និងក្រុមហ៊ុន Lockheed Martin បានឈានទៅដល់កិច្ចព្រមព្រៀងលើក្របខ័ណ្ឌរយៈពេល ១០ ឆ្នាំ ដែលធានានូវការផ្គត់ផ្គង់យន្តហោះចម្បាំង F-35 Lightning II យ៉ាងហោចណាស់ ៨៥០ គ្រឿងទៀតសម្រាប់កងទ័ពអាមេរិក។ យោងតាមការចេញផ្សាយរបស់ Defences News នៅសប្តាហ៍នេះបានសរសេរថា
ការដាក់ចេញយុទ្ធសាស្ត្រជាតិ អភិវឌ្ឍន៍វិស័យ MSMEs ២០២៦-២០៣០ ជាកាតាលីករពង្រឹងចរន្តសេដ្ឋកិច្ចឱ្យមានភាពធន់
ជំនួញ, ព្រឹត្តិការណ៍, សេដ្ឋកិច្ច
• 23/10/2026
ភ្នំពេញ ៖ ក្នុងបរិបទដែលសហគ្រាសធុនមីក្រូ តូច និងមធ្យម (MSMEs) កំពុងរួមចំណែកដល់ទៅ ៦៣% នៃផលិតផលក្នុងស្រុកសរុប និងបង្កើតការងារជាង ៧០% យុទ្ធសាស្ត្រជាតិ ស្ដីពី «ការអភិវឌ្ឍន៍ សហគ្រាសធុនមីក្រូ តូច និងមធ្យម ២០២៦-២០៣០» ត្រូវបានគេមើលឃើញថា ជាគន្លឹះក្នុងការបង្វិលកង់សេដ្ឋកិច្ចឱ្យអាជីវកម្មមានចរន្ត
អ្នកការទូតអាមេរិក ៖ វិនិយោគិនបច្ចុប្បន្នកំពុងវាយតម្លៃពីហានិភ័យខ្ពស់ខុសពីការពិតក្នុងករណីផ្ទុះសង្គ្រាមនៅកោះតៃវ៉ាន់
ព្រឹត្តិការណ៍, អាជីវកម្មថ្មី និងនវានុវត្ត
• 22/10/2026
បរទេស ៖ យោងតាមមន្ត្រីការទូតជាន់ខ្ពស់អាមេរិកម្នាក់បានឱ្យដឹងថា វិនិយោគិនបច្ចុប្បន្នកំពុងវាយតម្លៃពីការគំរាមកំហែងនៃលទ្ធភាពដែលអាចផ្ទុះឡើងនូវជម្លោះយោធានៅទល់មុខច្រកសមុទ្រតៃវ៉ាន់ក្នុងកម្រិតខ្ពស់ខុសពីការពិត ខណៈដែលទាំងទីក្រុងវ៉ាស៊ីនតោន និងប៉េកាំង សុទ្ធតែមិនចង់ឱ្យកើតមានជម្លោះដោយយោធានោះទេ។ ចេញផ្សាយដោយកាសែត RT បានបញ្ជាក់ថា លោក Michael DeSombre ជំនួយការរដ្ឋមន្ត្រីការបរទេសអាមេរិកទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក បានថ្លែងថា ទីផ្សារសកលលោកកំពុងវាយតម្លៃពីហានិភ័យនៃការផ្ទុះអាវុធលើបញ្ហាកោះតៃវ៉ាន់ហួសពីការពិត។ មហាអំណាចទាំងពីរមានសមត្ថភាពក្នុងការទប់ស្កាត់ជម្លោះ បើទោះបីជាកោះស្វយ័តមួយនេះនៅតែជាចំណុចក្ដៅគគុកនៃភាពតានតឹងក៏ដោយ។ ទីក្រុងប៉េកាំង
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សន្និសីទធនាគារកម្ពុជា លើកទី៥ ផ្តោតលើការរក្សាស្ថិរភាព និងពង្រឹងទំនុកចិត្តក្នុងប្រព័ន្ធធនាគារ
សន្និសីទធនាគារនៅកម្ពុជាលើកទី៥៖ “ការដាក់ចេញអាទិភាពសម្រាប់ស្ថិរភាពហិរញ្ញវត្ថុ បង្កើនជំនឿទុកចិត្ត និងកំណើនដោយចីរភាព”
Account
Security
Favourite Content