សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
Sabara Best Food ជាសិប្បកម្មដែលផលិតគ្រឿងផ្សំរសជាតិម្ហូបអាហារបែបខ្មែរ ដែលមានឈ្មោះថា ហ្លួងសាបារា។ ជាមួយនឹងវឌ្ឍនភាពឥតឈប់ឈរ បច្ចុប្បន្នសិប្បកម្មក្នុងស្រុកមួយនេះបានបង្កើតផលិតផលថ្មីក្នុងរូបភាពជាប្រភេទអាហារសម្រន់ចំនួន៣មុខផ្សេងទៀត ដែលមានរសជាតិថ្មី ឆ្ងាញ់ជាប់មាត់ និងមានគុណប្រយោជន៍ចំពោះសុខភាព ជាពិសេស អាចចូលរួមចំណែកជួយដល់ជីវភាពកសិករក្នុងតំបន់ផងដែរ។
អ្នកស្រី សម្បត្តិ អមរៈ វិប្បស្សិនី ស្ថាបនិកសិប្បកម្មផលិតគ្រឿងហ្លួងសាបារា បានមានប្រសាសន៍ថា៖
«សម្រាប់ប្រភេទអាហារសម្រន់ថ្មីរបស់យើងរួមមាន គ្រាប់ស្វាយចន្ទីលីង ដំណាប់ម្នាស់ និងដំណាប់ស្វាយដែលមានដល់ទៅ ១០រសជាតិ ហើយការឈានជើងចូលក្នុងវិស័យអាហារសម្រន់នេះ យើងធ្វើអ្វីដែលប្លែកពិសេស មិនធ្លាប់មាននៅលើទីផ្សារកន្លងមកនោះទេ តួយ៉ាងគ្រាប់ស្វាយចន្ទីលីងមានរសជាតិអំបិលកំពត រសជាតិស្ករត្នោត រសជាតិហឹរ និងរសជាតិការី ដែលជារសជាតិសម្គាល់យីហោយើងផ្ទាល់តែម្ដង»។
តាមរយៈការពង្រីកផលិតកម្ម ក៏ដូចជាបង្កើនមុខផលិតនេះដែរ យើងបានចូលរួមជួយដល់ជីវភាពសហគមន៍ដោយការទិញកសិផលពីឈ្មួញដែលគាត់ប្រមូលទិញពីកសិករផង និងចុះទៅចួបកសិករដោយយផ្ទាល់ និងមានជាការងហ្វឹកហ្វឺនដល់ពួកគាត់ផងដែរ ដោយកន្លងមកយើងមានជំនួយពីខាងអង្គការ ក៏ដូចជាស្ថាប័នផ្សេងៗដូចជា សហគ្រិនខ្មែរ ឬKE ធ្វើឱ្យយើងអាចពង្រឹកទំនាក់ទំនងជាមួយកសិករឱ្យកាន់តែល្អ។
ក្រៅពីប្រភេទអាហារសម្រន់ទាំងបីប្រភេទខាងលើ គេក៏មានចេញលក់នូវប្រភេទគ្រឿងផ្សំបួនមុខផ្សេងទៀតដូចជា គ្រឿងម្ជូរគ្រឿង គ្រឿងកកូរ គ្រឿងខគោ និងគ្រឿងឆាបាយ ដែលសុទ្ធសឹងជាប្រភេទសម្លរដែលបងប្អូនយើងនិយមទទួលទានជាទូទៅប្រចាំថ្ងៃ ហើយម្ចាស់អាជីវកម្មខាងលើក៏មានការរំពឹងទុកផងដែរថា រាល់ផលិតផលដែលចេញលក់នេះ និងមានការគាំទ្រច្រើន ពិសេសប្រភេទអាហារសម្រន់ព្រោះយើងជ្រើសរើសតែប្រភេទកសិផលខ្មែរ ដែលប្រជាជនយើងចូលចិត្តហូប និងមានសក្ដានុពលខ្ពស់ក្នុងការនាំចេញ។
អនាគត ស្ថាបនិករូបនេះក៏មានមតិដែរ យើងចង់ជំរុញផលិតលដែលបានចេញលក់របស់យើងឱ្យមានចរាចរណ៍លើទីផ្សារឱ្យកាន់តែច្រើន ទាំងទីផ្សារក្នុងប្រទេស និងក្រៅប្រទេស ហើយយើងក៏សម្លឹងមើលពីសក្ដានុពលកសិផលក្នុងស្រុករបស់យើង ដើម្បីយកមកច្នៃជាផលិតថ្មីបន្ថែមទៀត សំដៅធ្វើយ៉ាងណាកែច្នៃកសិផលកក្នុងស្រុក ដើម្បីជួយដល់ជីវភាពកសិករឱ្យបានកាន់តែច្រើន៕
Account
Security
Favourite Content