មុខរបរចិញ្ចឹមក្ដាមស្រែ សាមញ្ញៗ ងាយស្រួលថែទាំ និងមានទីផ្សារទូលាយ

ក្ដាមស្រែ ជាសត្វទឹកសាបដែលរស់នៅតាមវាលស្រែ ត្រពាំង បឹង ដែលគេអាចយកទៅច្នៃជាម្ហូបអាហារដ៏ពេញនិយមមិនថានៅទីក្រុង ឬក៏នៅទីជនបទនោះទេ ដោយសារតែមានឱជារសឆ្ងាញ់ ក៏ដូចជាអាចច្នៃធ្វើម្ហូបបានច្រើនមុខ ទើបធ្វើឱ្យក្ដាមស្រែមានតម្រូវការទីផ្សារខ្ពស់ រហូតដល់មានការចិញ្ចឹមនៅតាមកសិដ្ឋាន ដើម្បីផ្គត់ផ្គង់ទីផ្សារ។

លោក ជឿន ភារុង ជាម្ចាស់កសិដ្ឋាន HR (HR Farm) មានទីតាំងនៅ ឃុំដំណាក់អំពិល ស្រុកអង្គស្នួល ខេត្តកណ្ដាល មានចិញ្ចឹមក្ដាមស្រែក្នុងអាងរាប់ពាន់ក្បាលមានប្រសាសន៍ថា

“ទីផ្សារក្ដាមស្រែគឺមានតម្រូវការខ្ពស់ កុំថាឡើយក្ដាមសាច់ សូម្បីតែកូនក្ដាមតូចៗក៏មានតម្រូវការខ្ពស់ជារៀងរាល់ថ្ងៃ”

លោកបន្តថា ៖

“ក្ដាម ដែលយើងអាចលក់បានចាប់ពី៥០០រៀលឡើងទៅក្នុងមួយក្បាល ហើយចំពោះការភ្ញាស់កូន យើងអាចធ្វើបានត្រឹម៨០ភាគរយប៉ុណ្ណោះ ដោយសារមានក្ដាមខ្លះក៏ងាប់ដោយសារតែទឹកភ្លៀង និងបញ្ហាផ្សេងទៀតដូចជាទឹកឡើងកំដៅ ដោយឡែកបច្ចុប្បន្នយើងក៏នៅមានក្ដាមពូជប្រមាណ២០ក្បាល ដែលមេ១ក្បាលអាចផ្ដល់កូនបានប្រមាណ ៤០០-៥០០ក្បាលផងដែរ”

លោកបានប្រាប់ឱ្យដឹងថា សម្រាប់ចំណី សម្រាប់សត្វក្ដាម គេអាចដាក់ឱ្យវាស៊ីបានទាំងប្រភេទសាច់ និងរុក្ខជាតិ ដូចជាខ្យងដែលវាយបំបែកសម្បកហើយ កំប្លោក កញ្ឆែត និងចកអាស៊ូឡាជាដើម។ ចំណែករបៀបនៃការដាក់ចំណី គេត្រូវដាក់ចំណីតិចល្មម តែច្រើនដងប្រមាណ ៤-៥ដងក្នុងមួយថ្ងៃ ជៀសវាងការដាក់ច្រើនៗហើយសល់ធ្វើឱ្យស្អុយទឹក។ 

លោកបានបន្តថា ៖

“ការចិញ្ចឹមក្ដាមស្រែគឺខុសពីសត្វដទៃ ជាពិសេសការចិញ្ចឹមនៅក្នុងអាងស៊ីម៉ងត៍ គឺពិបាកបន្តិចដោយសារតែពូជយើងយកមកចិញ្ចឹមជាក្ដាមស្រែ មិនទាន់ស៊ាំនឹងមជ្ឈដ្ឋានជុំវិញ ដែលវាត្រូវការដីដើម្បីចោះរន្ធ ហើយយើងក៏កំពុងរិះរកវិធីធ្វើជម្រកយ៉ាងណាដើម្បីឱ្យបានសមស្រប”

នេះជាអ្វីដែលលោកបានលើកឡើង។

ជាមួយគ្នានេះដែរ លោក ថា ថៃ ជាអ្នកចិញ្ចឹមក្ដាមស្រែជាលក្ខណៈគ្រួសាររស់នៅខេត្តបាត់ដំបងបានមានប្រសាសន៍ថា ៖

“ការចិញ្ចឹមក្ដាមស្រែគឺមិនពិបាកនោះទេ ដូចជាខ្ញុំផ្ទាល់បានសាកចិញ្ចឹមដោយទិញពូជពីអ្នករកក្ដាមតាមវាលស្រែភ្លាមៗ ហើយយកមកចិញ្ចឹម ចំណែកឯចំណីក៏ងាយស្រួលរកផងដែរ”

លោកបន្តថា ៖

“យើងបានចាប់ផ្ដើមចិញ្ចឹមកាលពី ៦ខែមុន ដោយចិញ្ចឹមទុកគ្រាន់ធ្វើម្ហូបប៉ុណ្ណោះ ដោយយើងដាក់ក្នុងអាងតែចាក់ដីពីលើដើម្បីឱ្យក្ដាមអាចកាយរន្ធបាន ហើយដាក់ដុំឥដ្ឋធ្វើជាជម្រកឱ្យក្ដាមនៅ។ ចំណែកចំណីក៏ងាយស្រួលដែរ យើងអាចប្រើជា អង្ករ បាយ ត្រី សាច់ ចក កំប្លោកក៏បាន”

លោក ថា ថៃ បន្ថែមថា ៖

“ទោះបីជាយើងចិញ្ចឹមតិចតួចជាលក្ខណៈគ្រួសារ ដែលមិនមែនជាអាជីវកម្មក្ដី ប៉ុន្តែយើងក៏អាចប្រស់ក្ដាមស្រែទុកសម្រាប់ចម្អិនអាហារប្រចាំថ្ងៃបាន​ ដោយមិនបាច់ចំណាយច្រើន និងទទួលបានអាហារដ៏មានជីវជាតិសម្រាប់ក្រុមគ្រួសារផ្ទាល់តែម្ដង៕”


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។

កម្មវិធី «វិថីហិរញ្ញវត្ថុ រដូវកាលទី២» ត្រូវបានបើកសម្ពោធដាក់ដំណើរការជាផ្លូវការហើយ

ព្រឹត្តិការណ៍, ហិរញ្ញវត្ថុ

• 20/06/2024

នៅព្រឹកថ្ងៃទី២០ ខែមិថុនា ឆ្នាំ២០២៤នេះ កម្មវិធី «វិថីហិរញ្ញវត្ថុ រដូវកាលទី២» ដែលផ្តួចផ្តើមផលិតឡើងដោយក្រុមហ៊ុន អប្សរា មេឌា សឺវីស AMS ត្រូវបានបើកសម្ពោធដាក់ដំណើរការជាផ្លូវការ

កម្ពុជា​-​សិង្ហបុរី ​ផ្តួចផ្តើម​ដាក់​ឱ្យ​ដំណើរការថ្នាល​ច្រក​របៀង​តម្លា​ភាព​ហិរញ្ញវត្ថុ​

ព្រឹត្តិការណ៍, សេដ្ឋកិច្ច

• 20/06/2024

កម្ពុជានិងសិង្ហបុរី បានដាក់ដំណើរការថ្នាលច្រករបៀងតម្លាភាពហិរញ្ញវត្ថុដែលគំនិតផ្តួចផ្តើមនេះជំរុញកំណើនពាណិជ្ជកម្ម និងសេវាកម្មហិរញ្ញវត្ថុពាក់ព័ន្ធ

លំអងឃ្មុំ ជាទិន្នផលបានពីការចិញ្ចឹមឃ្មុំមានគុណតម្លៃច្រើនសម្រាប់សុខភាព

ជំនួញ, ព្រឹត្តិការណ៍

• 20/06/2024

លំអងឃ្មុំ ជាទិន្នផលមួយបានពីការចិញ្ចឹមឃ្មុំ ក៏មិនខុសពីផលិតផលពីឃ្មុំដទៃទៀតដែរ ដែលមានតម្លៃថ្លៃ និងមានគុណប្រយោជន៍ច្រើនចំពោះសុខភាពអ្នកទទួលទាន។

អាកាស​យានដ្ឋានអន្តរជាតិតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ព្រឹត្តិការណ៍, អចលនទ្រព្យ

• 20/06/2024

អាកាស​យានដ្ឋានអន្តរជាតិមរតកតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»