សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បាត់ដំបង ៖ សណ្ដែកផ្កាយ ជារុក្ខជាតិមួយប្រភេទមានដើមកំណើតនៅអាម៉េរិកខាងត្បូង ផ្លែនេះមានរាងតូចដូចផ្កាយដែលមានគ្រាប់ ៤-៧ គ្រាប់ក្នុងមួយផ្លែ ហើយគ្រាប់របស់វាទៀតសោតមានភាពពេញនិយមខ្លាំង ជាពិសេសប្រេងដែលបានមកពីគ្រាប់សណ្ដែកផ្កាយនេះមានតម្រូវការខ្ពស់ ព្រោះមានប្រយោជន៍ចំពោះសុខភាព។
ស្ដេចប្រេងសណ្ដែកផ្កាយ ឬ KING SACHA INCHI OLD ជាយីហោផលិតផលប្រេងសណ្ដែកផ្កាយក្នុងស្រុកមួយ ដែលផលិតយ៉ាងសម្រិតសម្រាំងឱ្យបាននូវផលិតផលសម្រេចដែលអាចជាជំនួយជួយដល់សុខភាពអ្នកបរិភោគក៏ដូចជាអ្នកប្រើប្រាស់ថែមទៀតផង។
លោក ហ៊ីង មករា ជាអ្នកគ្រប់គ្រងទីផ្សាររបស់ក្រុមហ៊ុនស្ដេចប្រេងសណ្ដែកផ្កាយបានមានប្រសាសន៍ថា ៖
“មូលហេតុដែលយើងចាប់ផ្ដើមបង្កើតផលិតផលប្រេងសណ្តែកផ្កាយគឺដោយសារតែយើងមើលឃើញថា សណ្ដែកផ្កាយវាជាដំណាំកសិកម្មមួយប្រភេទដែលអាចដាំដុះនៅក្នុងស្រុកបាន ទទួលផលបានល្អ ហើយវាសម្បូរទៅដោយសារធាតុចិញ្ចឹម អូមេហ្គា ៣ អូមេហ្គា ៦ និង ៩ ពិសេសគឺអាចយកទៅធ្វើជាឱសថសម្រាប់ព្យាបាលជំងឺបានជាច្រើនមុខបាន”
ពិសេសជាងនេះទៅទៀត លោកបន្ថែមថា តាមរយៈអាជីវកម្មមួយនេះ លោកក៏បានរួមចំណែកផ្ដល់ការងារឱ្យប្រជាជនក្នុងតំបន់អាចរកបានប្រាក់ចំណូលផ្គត់ផ្គង់គ្រួសារ និងជាផ្នែកមួយជួយដល់ប្រជាជនទាំងឡាយណាដែលមានបញ្ហាសុខភាពផងដែរ។ ពាក់ព័ន្ធទៅនឹងសណ្ដែកផ្កាយដែលជាវត្ថុធាតុដើម គឺជាកសិផលក្នុងខេត្តបាត់ដំបងផ្ទាល់ ត្រូវបានដាំដុះ ប្រមូលផល នាំចូលរោងចក្រដើម្បីចម្រាញ់ និងវេចខ្ចប់ជាផលិតផលប្រេងដែលមានគុណភាពគួរជាទីទុកចិត្តដល់អ្នកប្រើប្រាស់។
លោក មករា បញ្ជាក់ដែរថា ៖
“ប្រេងសណ្ដែកផ្កាយរបស់យើងមាន២ប្រភេទគឺ ស្ដេចប្រេងសណ្ដែកផ្កាយ SACHA INCHI OLD ប្រភេទទឹក(ហូប) តម្លៃលក់រាយ ៣៨ដុល្លារក្នុងមួយដប និងស្ដេចប្រេងសណ្ដែកផ្កាយ SACHA INCHI OLD ប្រភេទរឹត(លាប) តម្លៃលក់រាយ ១៣ដុល្លារក្នុងមួយដប។ លើសពីនេះទៅទៀត អតិថិជនដែលនិយមគាំទ្រស្ដេចប្រេងសណ្ដែកផ្កាយនេះភាគច្រើនជាប្រជាជនវ័យកណ្ដាល និងវ័យចំណាស់ ដោយសារពួកគាត់យកចិត្តទុកដាក់នឹងបញ្ហាសុខភាព ហើយក៏មើលឃើញពីអត្ថប្រយោជន៍របស់ផលិតផលនេះ ពិសេសគឺជាផលិតផលក្នុងស្រុក និងងាយស្រួលរកទិញផងដែរ”
ចំពោះអត្ថប្រយោជន៍វិញ អ្នកគ្រប់គ្រងទីផ្សារខាងលើរៀបរាប់ផងដែរថា ប្រេងសណ្ដែកផ្កាយមានគុណប្រយោជន៍ជាងប្រេងធម្មតា ដូចជា ជួយសុខភាពភ្នែក ខួរក្បាល បេះដូង ឆ្អឹង ស្បែក និងសរសៃសក់ ការពារជំងឺទឹកនោមផ្អែម រលាកសន្លាក់ ជួយដល់ការសម្រកទម្ងន់ កាត់បន្ថយខ្លាញ់ក្នុងកោសិកា និងជួយប្រព័ន្ធក្នុងរាងកាយទាំងមូលផងដែរ។
ក្រៅពីនេះ ប្រេងសណ្ដែកផ្កាយមានផ្ទុក OMEGA មួយចំនួនដូចជា OMEGA 3 មានមុខងាបំបាត់ការឈឺសន្លាក់ ជួយកាត់បន្ថយខ្លាញ់រំបេះដូង កាត់បន្ថយជាតិអាស៊ីតក្នុងក្រពះ និងពោះវៀន ការពារជំងឺមហារីក។ OMEGA 6 មានមុខងារបន្ថយហានិភ័យនៃការកើតជំងឺទឹកនោមផ្អែមប្រភេទទី2។ ចុងក្រោយគឺ OMEGA 9 ដែលមានមុខងារបង្កើនកូលេស្ទេរ៉ូលនៅក្នុងចរន្តឈាម និងការពារប្រព័ន្ធប្រសាទផងដែរ។
គួរបញ្ជាក់ដែរថា ស្ដេចប្រងសណ្ដែកផ្កាយបានចាប់ផ្ដើមកើតមានឡើងតាំងពីដើមឆ្នាំ២០១៥ ដែលត្រូវការចំណាយដើមទុនជាច្រើនគួរសមលើការដាំដុះ សាងសង់រោងចក្រ ទិញម៉ាស៊ីន និងឧបករណ៍ចម្រាញ់ ព្រមទាំងចំណាយលើការវេចខ្ចប់ផងដែរ។ ចំណែកផលលំបាកដែលគេបានជួបប្រទះគឺទាក់ទងទៅនឹងការជ្រើសរើសដីឱ្យបានត្រឹមត្រូវក្នុងការដាំដុះដំណាំសណ្ដែកផ្កាយឱ្យទទួលបានទិន្នផលល្អ។ ជាចុងក្រោយ លោក ហ៊ីង មករា ក៏សូមអរគុណដល់អតិថិជនដែលបានគាំទ្រផលិតផលស្ដេចប្រេងសណ្ដែកផ្កាយកន្លងមក ហើយសម្រាប់ពេលអនាគតលោក និងក្រុមការងារមានបំណងចង់ពង្រីកការដាំដុះដំណាំសណ្ដែកផ្កាយនេះឱ្យបានកាន់តែច្រើន ជួយឱ្យកសិករមានការងារធ្វើគ្រប់ៗគ្នា និងពង្រីកទីផ្សារឱ្យកាន់តែធំទូលាយ ដើម្បីឱ្យបងប្អូនងាយស្រួលរកទិញ និងប្រើប្រាស់៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ជប៉ុន- កម្ពុជា សហការគ្នារកដំណោះស្រាយបញ្ហាបរិស្ថាននៅក្នុងតំបន់ និងជាសកល
ព្រឹត្តិការណ៍, អាជីវកម្មថ្មី និងនវានុវត្ត
• 17/02/2026
ក្រសួងបរិស្ថានកម្ពុជា ជាមួយនឹងក្រសួងបរិស្ថានជប៉ុន បានព្រមព្រៀងគ្នាឈានដល់កិច្ចសហប្រតិបត្តិការទ្វេភាគី ទៅលើកិច្ចការអនុវត្ត និងស្វែងរកដំណោះស្រាយបញ្ហាបរិស្ថានទាំងនៅក្នុងតំបន់ ក៏ដូចជានៅក្នុងសកលលោក
ប៊ុលហ្គារី ទទួលបានរថពាសដែក Stryker បច្ចេកវិទ្យាថ្មីជាច្រើនគ្រឿង ដើម្បីធ្វើទំនើបកម្មវិស័យយោធា
ព្រឹត្តិការណ៍, អាជីវកម្មថ្មី និងនវានុវត្ត
• 17/02/2026
បច្ចុប្បន្ន ប៊ុលហ្គារី បាន និងកំពុងយកចិត្តទុកដាក់ខ្ពស់ទៅលើការពង្រឹង និងធ្វើពិពិធកម្ម ក៏ដូចជាធ្វើទំនើបកម្មវិស័យយោធារបស់ខ្លួនឱ្យកាន់តែខ្លាំងជាងមុនក្រោមការរៀបចំខ្ទង់ចំណាយជាកញ្ចប់យ៉ាងច្រើនសន្ធឹកសន្ធាប់
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content