សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ផ្សិតត្រចៀកកណ្ដុរក្រៀម ជាប្រភេទបន្លែសម្ងួតមួយប្រភេទដែលគេនិយមយកមកច្នៃជាម្ហូបអាហារបានច្រើនមុខ ជាពិសេសមានតម្រូវការខ្លាំងនៅក្នុងរដូវបុណ្យភ្ជុំបិណ្ឌ ខណៈដែលទាំងកសិករ និងឈ្មួញកណ្តាលបានត្រៀមរួចរាល់ជាស្រេចក្នុងការបំពេញតម្រូវការ។
បើតាមលោក រឿប ស៊ីរៀម អ្នកជំនាញផ្នែកបណ្តុះផ្សិតគ្រប់ប្រភេទស្ថិតនៅក្រុងប៉ោយប៉ែតបានប្រាប់ AMS ឲ្យដឹងថា ៖ ជាទូទៅ ផ្សិតត្រចៀកកណ្តុរស្ងួត តែងមានតម្រូវការទីផ្សារជាហូរហែ ដោយជាធម្មតាអាចលក់បានប្រមាណ ២ ទៅ ២,៥តោន ក្នុងមួយខែ ខណៈដែលក្នុងរដូវកាលដែលមានពិធីបុណ្យអាចមានកំណើននៃការ ជាក់ស្ដែង នៅមុនពេល និងក្នុងឱាសបុណ្យភ្ជុំបិណ្ឌ អាចលក់បានរហូតដល់ប្រមាណ៥តោនក្នុងមួយខែ។
លោក ស៊ីរៀម បានបញ្ជាក់ថា ៖
«សម្រាប់តម្រូវការផ្សិតត្រចៀកកណ្ដុរ ឱ្យតែជិតដល់រដូវកាលបុណ្យទាន ពោលគឺតាំងពីមុនដល់ថ្ងៃបុណ្យទាន ម៉ូយៗគាត់ប្រមូលទិញយកទៅស្តុកទុកមុន ដោយផ្សិតត្រចៀកកណ្ដុរដែលសម្ងួតហើយអាចលក់ក្នុងតម្លៃ ២ម៉ឺនរៀល។
អ្នកជំនាញបណ្តុះផ្សិតរូបនេះបានបន្ថែមថា ទាក់ទងទៅនឹងទីផ្សារផ្សិតត្រចៀកកណ្ដុរនេះទៀតសោត គឺមានទីផ្សារល្អ និងទូលាយ ទាំងក្នុង និងក្រៅស្រុក ដូចជានៅតាមកសិដ្ឋានខ្លះមានឈ្មួញកណ្តាលមកទិញដល់កន្លែង ហើយយកទៅលក់បន្តនៅតាមផ្សារកសិផលក្នុងស្រុក ចំណែកឯកសិដ្ឋានខ្លះទៀត បេះ លាងសម្អាត ជ្រើសរើសប្រភេទដែលល្អ ហើយហាលឱ្យស្ងួត សម្រាប់នាំចេញទៅប្រទេសជិតខាង។
លោក ស៊ីរៀម បានលើកឡើងថា ៖
«ក្រៅពីការដាំដុះដោយខ្លួនឯង និងទទួលប្រមូលទិញពីអ្នកបណ្តុះ ខ្ញុំក៏ជាអ្នកជួយបណ្តុះបណ្តាលជំនាញផ្នែកបណ្តុះ និងថែទាំផ្សិតត្រចៀកកណ្តុរនេះដែរ ដោយមានក្រុមគោលដៅ ៩កន្លែង ស្ថិតនៅខេត្តបាត់ដំបង ពោធិ៍សាត់ បន្ទាយមានជ័យ សៀមរាប ក្រចេះ រតនគិរី កណ្ដាល និងរាជធានីភ្នំពេញ ដែលពួកគាត់កំពុងញាប់ដៃញាប់ជើងក្នុងការបណ្ដុះ និងប្រមូលផល»។
ដោយឡែក ពាក់ព័ន្ធទៅនឹងការបណ្តុះប្រភេទផ្សិតត្រចៀកកណ្តុរនេះ គឺមានភាពងាយស្រួល ស្រដៀងនឹងការបណ្តុះផ្សិតអំបោះដែរ ដោយចាប់ពីថ្ងៃបណ្តុះមេផ្សិតនៅក្នុងថង់ប្លាស្ទិក រហូតរយៈពេលប្រមាណ ៥០ថ្ងៃ គេអាចប្រមូលផលបានជាបណ្តើរ ដោយក្នុងមួយសប្ដាហ៍បេះ ឬដកម្ដង រហូតដល់រយៈពេលប្រមាណ៤ខែ ទើបលែងមានផល។ យ៉ាងណាក៏ដោយ ការបណ្ដុះផ្សិតនេះក៏ជួបនូវកត្តាប្រឈមមួយចំនួនផងដែរ ដូចជា កត្តាអាកាសធាតុ និងផលរំខានពីពពួកសត្វល្អិតចង្រៃ ដែលធ្វើឱ្យផ្សិតដុះមកមិនសូវល្អ ជាពិសេសអាកាសធាតុក្ដីខ្លាំង ដែលធ្វើឱ្យផ្សិតដុះមកមានសភាពស្ដើង មិនក្រាស់ និងមានទំហំតូចៗ បើប្រៀបធៀបជាមួយផ្សិតដែលនាំចូលពីប្រទេសជិតខាង៕
Account
Security
Favourite Content