មុខរបរចិញ្ចឹមចង្រិត អាចរកចំណូលបានមិនក្រោយ ១០០០ដុល្លារ​ឡើយក្នុ​ង​មួយខែ

សត្វចង្រិត គឺជាសត្វល្អិតមួយក្នុងចំណោមសត្វល្អិតជាច្រើនដែលគេនិយមបរិភោគ។ ដើមឡើយ​គេ​និយម​ទាក់ទាញ​វា​តាម​បែប​ធម្មជាតិ​ដោយ​ការ​ដាក់​អំពូល​ចម្រុះពណ៌យក​មក​ធ្វើ​ជា​អាហារ​ ឬលក់​ដូរតាម​រដូវរបស់​វា។ ប៉ុន្តែបច្ចុប្បន្ននេះ ចង្រិតត្រូវកសិករជាច្រើននិយមចិញ្ចឹមតាមបែបពាណិជ្ចកម្ម ដោយសារ​វាជា​សត្វ​មួយ​ប្រ​​ភេទដែល ងាយស្រួលក្នុងការចិញ្ចឹម មើលថែ ចំណាយដើមទុន និងអាចរកប្រាក់ចំណេញបានខ្ពស់។​

នៅ​ស្រុក​ដូនកែវ ខេត្ត​តាកែវ​ កសិករមួយរូបគឺ លោក ញឿក ភារម្យ បានដំណើរការ​កសិដ្ឋាន​ចង្រិតរបស់​​ខ្លួ​នបានជិត ១៣ឆ្នាំ​ ដោយបច្ចេកទេស​នៃ​ការចិញ្ចឹម​ដែលលោក​បាន​រៀន ​និង​ស្រាវជ្រាវ​​តាម​យូធូប ប៉ុណ្ណោះ តែ​វាអាចជួយឱ្យលោកអាចរកប្រាក់ចំណេញបានមិនក្រោម ១ពាន់ដុល្លារ​ឡើយក្នុង ១ខែ។​

លោក ញឿក ភារម្យ បានឱ្យដឹងថា ៖

“ចំពោះ​បច្ចេកទេស​ចិញ្ចឹម​គឺខ្ញុំ​រៀន​ពី​យូធូប​ទាំង​ស្រុង ដោយ​សារ​គ្រា​ដែលខ្ញុំ​ចិញ្ចឹម​នោះ​ ឆ្នាំ២០១១ មាន​អ្នក​ចិញ្ចឹម​តិចតួច​បំផុត ហើយ​ក៏​គ្មាន​សាលា ឬ​កសិដ្ឋាន​ណា​បើក​ប​ង្រៀ​ន​ពី​បច្ចេកទេស​ចិញ្ចឹម​នោះ​ដែរ។​​”

កសិករវ័យក្មេងនៅខេត្តតាកែវរូបនេះ បានឱ្យដឹងទៀតថា ការស្រាវជ្រាវដោយខ្លួនឯងនេះ មិន​​ត្រឹម​តែឱ្យ​​លោកចេះបច្ចេកទេសចិញ្ចឹមសត្វចង្រិតមានស្តង់ដារ គុណភាព និងទិន្នផល​ខ្ពស់​ប៉ុណ្ណោះទេ វា​ថែ​​មជួ​យ​ឱ្យលោកស្វែងយល់ពីអត្ថប្រយោជន៍សត្វប្រភេទនេះច្រើនផងដែរ។​

លោកបន្តថា​ ជា​មួយ​បទពិសោធន៍​ច្រើនក្រាស់ក្រែល​ ក្រៅតែពីគ្រប់គ្រងកសិដ្ឋាន​របស់ខ្លួន លោកថែម​ទាំងទទួលបង្រៀនកូនសិស្សជាច្រើននាក់ដែលអាច​ជួយឱ្យពួកគេមានជីវភាព​ប្រសើរឡើងផងដែរ។​

​បច្ចុប្បន្ន​នេះ កសិដ្ឋាន​របស់​លោក​  ញឿក ភារម្យ មាន​ជាង​ ១០០អាង ដែលអាងនីមួយៗ ​មាន​ទំហំ​ទទឹង​២​ម៉ែត្រ បណ្តា​យ​៨​ម៉ែត្រ និង​កម្ពស់​កន្លះ​ម៉ែត្រ ដែល​ធ្វើ​ពី​ឥដ្ឋ និង​ស៊ីម៉ងត៍​។ លោក ភារម្យ បានឱ្យដឹ​ងទៀ​​តថា អាងជាង ១០០នេះផ្តល់ផលចង្រិតឱ្យលោកប្រមាណ ជាង១តោនក្នុងមួយ​ខែ ដោយ​ផល​ទាំងនេះ លោ​កអាចលក់ចេញបានក្នុង១គីឡូក្រាមតម្លៃចន្លោះពី ១ម៉ឺន​រៀល​ក្នុង​ រហូត​ដល់​ ១ម៉ឺន ៥ពាន់​រៀល។

លោក ញឿ​ក ភារ​ម្យ បានរៀបរាប់បន្ថែមថា បរិមាណ​នៃ​ការផ្គត់ផ្គង់​សត្វ​ចង្រិតក្នុងទំហំនេះ មិនទា​​ន់គ្រ​ប់​គ្រាន់​​ និង​អាចបំពេញ​គ្រប់​តាម​តម្រូវការ​របស់​អតិថិជន​នៅឡើយទេ បើទោះបីជា​លោក ប្រមូល​ទិញ​ចង្រិត​បន្ថែម ពី​កូនសិស្សរបស់លោក​ក៏ដោយ​។​

លោកបញ្ចាក់ថា បច្ចុប្បន្ននេះការផលិតរបស់លោក សម្រាប់តែផ្គត់ផ្គង់នៅទីរូបខេត្តតាកែវផ្ទាល់ និងរាជ​​ធានីភ្នំពេញតែប៉ុណ្ណោះ។ លោកនិយាយថា ការចិញ្ចឹមរបស់លោក ក៏ធ្លាប់នាំចេញទៅ​ក្រៅប្រទេស​ផងដែរ ប៉ុន្តែដោយសារតម្រូវការក្នុងស្រុកខ្ពស់ ទើបធ្វើឱ្យលោក​ផ្អាកការផ្គង់ផ្គង់ទៅ​ក្រៅប្រទេសមួយរយៈសិន។​

មានបទពិសោធន៍ និង​ការស្រាវជ្រាវ​ចិញ្ចឹមសត្វ​ច​ង្រិ​ក​អស់​រយៈពេល​ជាង​ ១០​ឆ្នាំ  កសិករ និង​ជា​អ្នក​ជំ​នា​​ញ​ ​១រូប​នេះយល់​ថា តម្រូវ​ទីផ្សារ​នៃសត្វ​ចង្រិត​ចិញ្ចឹមនឹង​នៅ​តែ​បន្ត​កើន​ឡើង​ពី​មួយ​ឆ្នាំ​ទៅ​មួយ​ឆ្នាំ។ លោក​និយាយថា បច្ចុប្បន្ន​នេះ​ការ​ផ្គត់ផ្គង់​របស់​យើង​នៅ​ខ្វះ​ខាត​នៅ​ឡើយ​ ដោយ​សារ​ប្រជាជន​យើង​បច្ចុប្បន្ន​នេះ​និយម​បរិភោគ​ចង្រិត​ច្រើន​ អញ្ចឹង​តម្រូវ​ការ​របស់​យើង​នៅ​តែ​ខ្ពស់​ទៅៗ។ ​

ជាមួយគ្នានេះ លោកក៏លើកទឹកចិត្តឱ្យកសិករងាកមកចិញ្ចឹមចង្រិតដើម្បីបង្កើនចំណូលបន្ថែម ពីព្រោះ​វាមា​​នភាពងាយស្រួលក្នុងការចិញ្ចឹម និងមានទីផ្សារល្អ។ ​​ លោក ញឿ​ក ភារ​ម្យ បានបញ្ចាក់ឱ្យដឹងថា ៖

“សម្រាប់​ថ្លៃ​ដើម​នៃ​ការ​ចិញ្ចឹម​ ក្នុង​១ទ្រង់​ កសិករ​អាច​នឹង​ត្រូ​វ​ចំណាយ​ប្រហែល ១៣០ដុល្លារ​អាមេរិក ហើយ​វា​អាច​ហុច​ផល​មក​វិញ​បាន​ប្រមាណ​ ២០-៣០ដុល្លារ​ស​ម្រា​​​ប់​ ១ទ្រង់​ ប៉ុន្តែ​សម្រាប់​កសិករ​ដែល​ចិញ្ចឹម​ប្រមាណ​ ១០០ទ្រង់​ នោះ​គាត់​នឹង​អាច​ទទួល​បាន​ចំណូ​ល​ចាប់​ពី​ ១ពាន់​ដុល្លារ​ឡើង​ក្នុង​ ១ខែ៕”

អត្ថបទដោយ ៖ ស្រ៊ុន សិរីវឌ្ឍនៈ​​


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ