កម្ចីឥណទានដើរតួយ៉ាងសំខាន់ក្នុងអាជីវកម្ម ប៉ុន្តែម្ចាស់អាជីវកម្មក៏ត្រូវពិនិត្យឱ្យបានល្អិតល្អន់ទៅលើប្រភពកម្ចី

ជាការពិតដែលពិបាកនឹងគេចផុតក្នុងការបង្កើតអាជីវកម្មថ្មីមួយ ម្ចាស់អាជីវកម្មតែងតែត្រូវការទុន ដើម្បីដំណើរការអាជីវកម្មនោះឱ្យល្អប្រសើរ ជាពិសេសក្នុងចន្លោះរយៈពេល ២ ទៅ ៣ ឆ្នាំនៃការចាប់ផ្ដើមដំបូង ដែលម្ចាស់អាជីវកម្មនីមួយៗត្រូវការចាំបាច់នូវកញ្ចប់ថវិកាសម្រាប់ទ្រទ្រង់ការខាតបង់នានា។ ម្លោះហើយ ដើម្បីឱ្យអាជីវកម្មទទួលបានជោគជ័យ ភាគច្រើនគឺចាំបាច់ត្រូវប្រើប្រាស់កម្ចីឥណទាន ដែលកម្ចីទាំងនោះអាចជាកម្ចីផ្លូវការ និងកម្ចីក្រៅផ្លូវការ។ កម្ចីផ្លូវការនេះគឺសំដៅទៅលើកម្ចីដែលផ្ដល់ដោយធនាគារ និងមីក្រូហិរញ្ញវត្ថុស្របច្បាប់ រីឯកម្ចីក្រៅផ្លូវការគឺជាកម្ចីចងការប្រាក់ពីបុគ្គលដោយមិនមានភាពស្របច្បាប់។

លោក ឃិន ម៉ារិទ្ធ នាយកគ្រប់គ្រងក្រុមហ៊ុន Kenko Shoku ដែលធ្លាប់បានទទួលកម្ចីដើម្បីទ្រទ្រង់​អាជីវកម្មក្នុងពេលចាប់ផ្ដើមដំបូងនោះ បានឱ្យដឹងថា ការទទួលបានកម្ចីពីមី​ក្រូហិរញ្ញ​វត្ថុ​​គឺ​បានជួយលោកច្រើនក្នុងការពង្រីកអាជីវកម្ម។ ប៉ុន្តែយ៉ាងណា មុនពេលទទួលកម្ចីពីមីក្រូហិរញ្ញវត្ថុ លោកលើកទឹកចិត្តឱ្យម្ចាស់អាជីវកម្មគួរតែ​ពិនិត្យលើចំណុចសំខាន់ៗមួយចំនួន ដើម្បីធានាថាពួកគេមានលទ្ធភាពក្នុងការសងត្រឡប់វិញ។

លោក ឃិន ម៉ារិទ្ធ មានប្រសាសន៍ថា ៖

«ទី១ យើងត្រូវពិចារណាទៅលើភាពងាយស្រួល ទី២យើង​ពិចារណាទៅលើកម្រិតការប្រាក់ពីប្រភពកម្ចីនោះ ហើយចុងក្រោយគឺត្រូវការការយោគ យល់មកលើអាជីវកម្មយើងផងដែរ ព្រោះបើគ្រឹះស្ថានមីក្រូហិរញ្ញវត្ថុ ឬធនាគារគេយល់ វានឹងមាន​ភាពងាយស្រួ​ល ដោយបុគ្គលិកគេអាចជួយយើងបានលើការរៀបចំឯកសារជាដើម»។

តាមរយៈការយកកម្ចីពីប្រភពដែលត្រឹមត្រូវនេះ លោក ឃិន ម៉ារិទ្ធ ទទួលបានភាពជោគជ័យលើ​អាជីវកម្ម ដោយបានពង្រីកទីផ្សារទៅដល់បណ្ដាខេត្តជាច្រើន។ យ៉ាងណាមិញ សម្រាប់កម្ចីក្រៅផ្លូវការ លោកមិនលើកទឹកចិត្តឱ្យម្ចាស់អាជីវកម្មយកមកប្រើនោះទេ ដោយហេតុថាកម្ចីប្រភេទនេះតិច ឬច្រើនអាចប៉ះពាល់ដល់អាជីវកម្មទាំងមូលតែម្ដង។

គួរបញ្ជាក់ថា ចំនួនសហគ្រាសតូច និងមធ្យមនៅទូទាំងប្រទេសសរុបមានប្រមាណជា ៥៣ម៉ឺន​សហគ្រាស នេះបើតាមទិន្នន័យពីឆ្នាំ ២០២០ ហើយបើតាមទិន្នន័យពីក្រសួងឧស្សាហកម្មឆ្នាំ ២០១៨វិញ បានបញ្ចាក់ថាចំនួនសហគ្រាសធុនតូច និងមធ្យមនេះគឺបានបង្កើតការងារ​ស្មើនឹង​ចំនួន៧០% នៃការងារសរុប ៩៩% នៃចំនួនក្រុមហ៊ុនសរុបទាំងអស់ និងចូលរួមចំំណែក​៥៨%នៃផលិតផលក្នុងស្រុកសរុប៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ